| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. д̣̇уд̇ияаабуд̇д̇агасуд̇д̇ам̣
10. Dutiyaaputtakasuttaṃ
131. ат̇а ко рааж̇аа басзнад̣̇и госало д̣̇иваа д̣̇ивасса язна бхаг̇аваа д̇знубасан̇гами; убасан̇гамид̇ваа згаманд̇ам̣ нисиннам̣ ко рааж̇аанам̣ басзнад̣̇им̣ госалам̣ бхаг̇аваа зд̇ад̣̇авожа – ‘‘ханд̣̇а, гуд̇о ну д̇вам̣, махаарааж̇а, ааг̇ажчаси д̣̇иваа д̣̇ивассаа’’д̇и?
131. Atha kho rājā pasenadi kosalo divā divassa yena bhagavā tenupasaṅkami; upasaṅkamitvā ekamantaṃ nisinnaṃ kho rājānaṃ pasenadiṃ kosalaṃ bhagavā etadavoca – ‘‘handa, kuto nu tvaṃ, mahārāja, āgacchasi divā divassā’’ti?
‘‘ид̇ха, бханд̇з, саавад̇т̇ияам̣ сздти г̇ахабад̇и гаалан̇гад̇о. д̇амахам̣ абуд̇д̇агам̣ саабад̇зяяам̣ рааж̇анд̇збурам̣ ад̇ихарид̇ваа ааг̇ажчаами. сад̇ам̣, бханд̇з, сад̇асахассаани хиран̃н̃ассзва, го бана ваад̣̇о руубияасса! д̇асса ко бана, бханд̇з, сздтисса г̇ахабад̇исса зваруубо бхад̇д̇абхог̇о ахоси – ган̣ааж̇агам̣ бхун̃ж̇ад̇и б̣илан̇г̇ад̣̇уд̇ияам̣. зваруубо вад̇т̇абхог̇о ахоси – саан̣ам̣ д̇хаарзд̇и д̇ибагкавасанам̣ . зваруубо яаанабхог̇о ахоси – ж̇аж̇ж̇арарат̇агзна яаад̇и бан̣н̣ачад̇д̇агзна д̇хаарияамаанзнаа’’д̇и.
‘‘Idha, bhante, sāvatthiyaṃ seṭṭhi gahapati kālaṅkato. Tamahaṃ aputtakaṃ sāpateyyaṃ rājantepuraṃ atiharitvā āgacchāmi. Sataṃ, bhante, satasahassāni hiraññasseva, ko pana vādo rūpiyassa! Tassa kho pana, bhante, seṭṭhissa gahapatissa evarūpo bhattabhogo ahosi – kaṇājakaṃ bhuñjati bilaṅgadutiyaṃ. Evarūpo vatthabhogo ahosi – sāṇaṃ dhāreti tipakkhavasanaṃ . Evarūpo yānabhogo ahosi – jajjararathakena yāti paṇṇachattakena dhāriyamānenā’’ti.
‘‘звамзд̇ам̣, махаарааж̇а, звамзд̇ам̣, махаарааж̇а! бхууд̇абуб̣б̣ам̣ со, махаарааж̇а, сздти г̇ахабад̇и д̇аг̇г̇арасиким̣ наама бажжзгасамб̣уд̣̇д̇хам̣ бин̣д̣абаад̇зна бадибаад̣̇зси. ‘д̣̇зт̇а саман̣асса бин̣д̣а’нд̇и вад̇ваа удтааяаасанаа баггаами. д̣̇ад̇ваа жа бана бажчаа виббадисаарий ахоси – ‘варамзд̇ам̣ бин̣д̣абаад̇ам̣ д̣̇аасаа ваа гаммагараа ваа бхун̃ж̇зяяу’нд̇и. бхаад̇у жа бана згабуд̇д̇агам̣ саабад̇зяяасса гааран̣аа ж̇ийвид̇аа воробзси.
‘‘Evametaṃ, mahārāja, evametaṃ, mahārāja! Bhūtapubbaṃ so, mahārāja, seṭṭhi gahapati taggarasikhiṃ nāma paccekasambuddhaṃ piṇḍapātena paṭipādesi. ‘Detha samaṇassa piṇḍa’nti vatvā uṭṭhāyāsanā pakkāmi. Datvā ca pana pacchā vippaṭisārī ahosi – ‘varametaṃ piṇḍapātaṃ dāsā vā kammakarā vā bhuñjeyyu’nti. Bhātu ca pana ekaputtakaṃ sāpateyyassa kāraṇā jīvitā voropesi.
‘‘яам̣ ко со, махаарааж̇а, сздти г̇ахабад̇и д̇аг̇г̇арасиким̣ бажжзгасамб̣уд̣̇д̇хам̣ бин̣д̣абаад̇зна бадибаад̣̇зси, д̇асса гаммасса вибаагзна сад̇д̇агкад̇д̇ум̣ суг̇ад̇им̣ саг̇г̇ам̣ логам̣ убабаж̇ж̇и. д̇ассзва гаммасса вибаагаавасзсзна имиссааязва саавад̇т̇ияаа сад̇д̇агкад̇д̇ум̣ сздтид̇д̇ам̣ гаарзси. яам̣ ко со, махаарааж̇а, сздти г̇ахабад̇и д̣̇ад̇ваа бажчаа виббадисаарий ахоси – ‘варамзд̇ам̣ бин̣д̣абаад̇ам̣ д̣̇аасаа ваа гаммагараа ваа бхун̃ж̇зяяу’нд̇и, д̇асса гаммасса вибаагзна наассул̣аарааяа бхад̇д̇абхог̇ааяа жид̇д̇ам̣ намад̇и, наассул̣аарааяа вад̇т̇абхог̇ааяа жид̇д̇ам̣ намад̇и, наассул̣аарааяа яаанабхог̇ааяа жид̇д̇ам̣ намад̇и, наассул̣аараанам̣ бан̃жаннам̣ гаамаг̇ун̣аанам̣ бхог̇ааяа жид̇д̇ам̣ намад̇и. яам̣ ко со, махаарааж̇а, сздти г̇ахабад̇и бхаад̇у жа бана згабуд̇д̇агам̣ саабад̇зяяасса гааран̣аа ж̇ийвид̇аа воробзси, д̇асса гаммасса вибаагзна б̣ахууни вассаани б̣ахууни вассасад̇аани б̣ахууни вассасахассаани б̣ахууни вассасад̇асахассаани нираяз бажжид̇т̇а. д̇ассзва гаммасса вибаагаавасзсзна ид̣̇ам̣ сад̇д̇амам̣ абуд̇д̇агам̣ саабад̇зяяам̣ рааж̇агосам̣ бавзсзд̇и. д̇асса ко, махаарааж̇а, сздтисса г̇ахабад̇исса бураан̣ан̃жа бун̃н̃ам̣ баригкийн̣ам̣, наван̃жа бун̃н̃ам̣ анубажид̇ам̣. аж̇ж̇а бана, махаарааж̇а, сздти г̇ахабад̇и махаарорувз нираяз бажжад̇ий’’д̇и . ‘‘звам̣, бханд̇з, сздти г̇ахабад̇и махаарорувам̣ нираяам̣ убабанно’’д̇и. ‘‘звам̣ , махаарааж̇а, сздти г̇ахабад̇и махаарорувам̣ нираяам̣ убабанно’’д̇и. ид̣̇амавожа…бз….
‘‘Yaṃ kho so, mahārāja, seṭṭhi gahapati taggarasikhiṃ paccekasambuddhaṃ piṇḍapātena paṭipādesi, tassa kammassa vipākena sattakkhattuṃ sugatiṃ saggaṃ lokaṃ upapajji. Tasseva kammassa vipākāvasesena imissāyeva sāvatthiyā sattakkhattuṃ seṭṭhittaṃ kāresi. Yaṃ kho so, mahārāja, seṭṭhi gahapati datvā pacchā vippaṭisārī ahosi – ‘varametaṃ piṇḍapātaṃ dāsā vā kammakarā vā bhuñjeyyu’nti, tassa kammassa vipākena nāssuḷārāya bhattabhogāya cittaṃ namati, nāssuḷārāya vatthabhogāya cittaṃ namati, nāssuḷārāya yānabhogāya cittaṃ namati, nāssuḷārānaṃ pañcannaṃ kāmaguṇānaṃ bhogāya cittaṃ namati. Yaṃ kho so, mahārāja, seṭṭhi gahapati bhātu ca pana ekaputtakaṃ sāpateyyassa kāraṇā jīvitā voropesi, tassa kammassa vipākena bahūni vassāni bahūni vassasatāni bahūni vassasahassāni bahūni vassasatasahassāni niraye paccittha. Tasseva kammassa vipākāvasesena idaṃ sattamaṃ aputtakaṃ sāpateyyaṃ rājakosaṃ paveseti. Tassa kho, mahārāja, seṭṭhissa gahapatissa purāṇañca puññaṃ parikkhīṇaṃ, navañca puññaṃ anupacitaṃ. Ajja pana, mahārāja, seṭṭhi gahapati mahāroruve niraye paccatī’’ti . ‘‘Evaṃ, bhante, seṭṭhi gahapati mahāroruvaṃ nirayaṃ upapanno’’ti. ‘‘Evaṃ , mahārāja, seṭṭhi gahapati mahāroruvaṃ nirayaṃ upapanno’’ti. Idamavoca…pe….
‘‘д̇хан̃н̃ам̣ д̇ханам̣ раж̇ад̇ам̣ ж̇аад̇аруубам̣, бариг̇г̇ахам̣ вааби яад̣̇ад̇т̇и гин̃жи;
‘‘Dhaññaṃ dhanaṃ rajataṃ jātarūpaṃ, pariggahaṃ vāpi yadatthi kiñci;
д̣̇аасаа гаммагараа бзссаа, яз жасса ануж̇ийвино.
Dāsā kammakarā pessā, ye cassa anujīvino.
‘‘саб̣б̣ам̣ наад̣̇ааяа г̇анд̇аб̣б̣ам̣, саб̣б̣ам̣ нигкиббаг̇ааминам̣ 1;
‘‘Sabbaṃ nādāya gantabbaṃ, sabbaṃ nikkhippagāminaṃ 2;
яан̃жа гарод̇и гааязна, ваажааяа уд̣̇а жзд̇асаа.
Yañca karoti kāyena, vācāya uda cetasā.
‘‘д̇ан̃хи д̇асса сагам̣ ход̇и, д̇ан̃жа аад̣̇ааяа г̇ажчад̇и;
‘‘Tañhi tassa sakaṃ hoti, tañca ādāya gacchati;
д̇ан̃жасса ануг̇ам̣ ход̇и, чааяаава анабааяиний.
Tañcassa anugaṃ hoti, chāyāva anapāyinī.
‘‘д̇асмаа гарзяяа галяаан̣ам̣, нижаяам̣ самбарааяигам̣;
‘‘Tasmā kareyya kalyāṇaṃ, nicayaṃ samparāyikaṃ;
бун̃н̃аани баралогасмим̣, бад̇идтаа хонд̇и баан̣ина’’нд̇нд̇д̇и.
Puññāni paralokasmiṃ, patiṭṭhā honti pāṇina’’ntntti.
д̣̇уд̇ияо ваг̇г̇о.
Dutiyo vaggo.
д̇ассуд̣̇д̣̇аанам̣ –
Tassuddānaṃ –
ж̇адилаа бан̃жа рааж̇аано, д̣̇он̣абаагагурзна жа;
Jaṭilā pañca rājāno, doṇapākakurena ca;
сан̇г̇аамзна д̣̇вз вуд̇д̇аани, маллигаа 3 д̣̇вз аббамаад̣̇зна жа;
Saṅgāmena dve vuttāni, mallikā 4 dve appamādena ca;
абуд̇д̇агзна д̣̇вз вуд̇д̇аа, ваг̇г̇о д̇зна бавужжад̇ийд̇и.
Aputtakena dve vuttā, vaggo tena pavuccatīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. д̣̇уд̇ияаабуд̇д̇агасуд̇д̇аван̣н̣анаа • 10. Dutiyaaputtakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. д̣̇уд̇ияаабуд̇д̇агасуд̇д̇аван̣н̣анаа • 10. Dutiyaaputtakasuttavaṇṇanā
