| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̣̇уд̇ияаасаббурисасуд̇д̇ам̣
6. Dutiyaasappurisasuttaṃ
26. саавад̇т̇инид̣̇аанам̣. ‘‘асаббурисан̃жа во, бхигкавз, д̣̇зсзссаами, асаббурисзна асаббурисад̇аран̃жа. саббурисан̃жа во, бхигкавз, д̣̇зсзссаами саббурисзна саббурисад̇аран̃жа. д̇ам̣ сун̣аат̇а. гад̇амо жа, бхигкавз, асаббурисо? ид̇ха, бхигкавз, згажжо мижчаад̣̇идтиго ход̇и…бз… мижчаасамаад̇хи – аяам̣ вужжад̇и, бхигкавз, асаббурисо’’.
26. Sāvatthinidānaṃ. ‘‘Asappurisañca vo, bhikkhave, desessāmi, asappurisena asappurisatarañca. Sappurisañca vo, bhikkhave, desessāmi sappurisena sappurisatarañca. Taṃ suṇātha. Katamo ca, bhikkhave, asappuriso? Idha, bhikkhave, ekacco micchādiṭṭhiko hoti…pe… micchāsamādhi – ayaṃ vuccati, bhikkhave, asappuriso’’.
‘‘гад̇амо жа, бхигкавз, асаббурисзна асаббурисад̇аро? ид̇ха, бхигкавз, згажжо мижчаад̣̇идтиго ход̇и…бз… мижчаасамаад̇хи, мижчаан̃аан̣ий, мижчаавимуд̇д̇и – аяам̣ вужжад̇и, бхигкавз, асаббурисзна асаббурисад̇аро.
‘‘Katamo ca, bhikkhave, asappurisena asappurisataro? Idha, bhikkhave, ekacco micchādiṭṭhiko hoti…pe… micchāsamādhi, micchāñāṇī, micchāvimutti – ayaṃ vuccati, bhikkhave, asappurisena asappurisataro.
‘‘гад̇амо жа, бхигкавз, саббурисо? ид̇ха, бхигкавз, згажжо саммаад̣̇идтиго ход̇и…бз… саммаасамаад̇хи – аяам̣ вужжад̇и, бхигкавз, саббурисо.
‘‘Katamo ca, bhikkhave, sappuriso? Idha, bhikkhave, ekacco sammādiṭṭhiko hoti…pe… sammāsamādhi – ayaṃ vuccati, bhikkhave, sappuriso.
‘‘гад̇амо жа, бхигкавз, саббурисзна саббурисад̇аро? ид̇ха, бхигкавз, згажжо саммаад̣̇идтиго ход̇и…бз… саммаасамаад̇хи, саммаан̃аан̣ий, саммаавимуд̇д̇и – аяам̣ вужжад̇и, бхигкавз, саббурисзна саббурисад̇аро’’д̇и. чадтам̣.
‘‘Katamo ca, bhikkhave, sappurisena sappurisataro? Idha, bhikkhave, ekacco sammādiṭṭhiko hoti…pe… sammāsamādhi, sammāñāṇī, sammāvimutti – ayaṃ vuccati, bhikkhave, sappurisena sappurisataro’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. мижчад̇д̇аваг̇г̇аван̣н̣анаа • 3. Micchattavaggavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. мижчад̇д̇аваг̇г̇аван̣н̣анаа • 3. Micchattavaggavaṇṇanā
