| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. து³தியப³லஸுத்தவண்ணனா
8. Dutiyabalasuttavaṇṇanā
28. அட்ட²மே ப³லானீதி ஞாணப³லானி. ஆஸவானங் க²யங் படிஜானாதீதி அரஹத்தங் படிஜானாதி. அனிச்சதோதி ஹுத்வா அபா⁴வாகாரேன. யதா²பூ⁴தந்தி யதா²ஸபா⁴வதோ. ஸம்மப்பஞ்ஞாயாதி ஸஹவிபஸ்ஸனாய மக்³க³பஞ்ஞாய. அங்கா³ரகாஸூபமாதி ஸந்தாபனட்டே²ன அங்கா³ரகாஸுயா உபமிதா இமே காமாதி. விவேகனின்னந்தி ப²லஸமாபத்திவஸேன நிப்³பா³னநின்னங். விவேகட்ட²ந்தி கிலேஸேஹி வஜ்ஜிதங் தூ³ரீபூ⁴தங் வா. நெக்க²ம்மாபி⁴ரதந்தி பப்³ப³ஜ்ஜாபி⁴ரதங். ப்³யந்திபூ⁴தந்தி விக³தந்தபூ⁴தங் ஏகதே³ஸேனாபி அனல்லீனங் விஸங்யுத்தங் விஸங்ஸட்ட²ங். ஆஸவட்டா²னியேஹீதி ஸம்பயோக³வஸேன ஆஸவானங் காரணபூ⁴தேஹி, கிலேஸத⁴ம்மேஹீதி அத்தோ². அத² வா ப்³யந்திபூ⁴தந்தி விக³தவாயந்தி அத்தோ². குதோ? ஸப்³ப³ஸோ ஆஸவட்டா²னியேஹி த⁴ம்மேஹி, ஸப்³பே³ஹி தேபூ⁴மகத⁴ம்மேஹீதி அத்தோ². இமஸ்மிங் ஸுத்தே அரியமக்³கோ³ லோகியலோகுத்தரோ கதி²தோ.
28. Aṭṭhame balānīti ñāṇabalāni. Āsavānaṃ khayaṃ paṭijānātīti arahattaṃ paṭijānāti. Aniccatoti hutvā abhāvākārena. Yathābhūtanti yathāsabhāvato. Sammappaññāyāti sahavipassanāya maggapaññāya. Aṅgārakāsūpamāti santāpanaṭṭhena aṅgārakāsuyā upamitā ime kāmāti. Vivekaninnanti phalasamāpattivasena nibbānaninnaṃ. Vivekaṭṭhanti kilesehi vajjitaṃ dūrībhūtaṃ vā. Nekkhammābhiratanti pabbajjābhirataṃ. Byantibhūtanti vigatantabhūtaṃ ekadesenāpi anallīnaṃ visaṃyuttaṃ visaṃsaṭṭhaṃ. Āsavaṭṭhāniyehīti sampayogavasena āsavānaṃ kāraṇabhūtehi, kilesadhammehīti attho. Atha vā byantibhūtanti vigatavāyanti attho. Kuto? Sabbaso āsavaṭṭhāniyehi dhammehi, sabbehi tebhūmakadhammehīti attho. Imasmiṃ sutte ariyamaggo lokiyalokuttaro kathito.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. து³தியப³லஸுத்தங் • 8. Dutiyabalasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. து³தியப³லஸுத்தவண்ணனா • 8. Dutiyabalasuttavaṇṇanā
