| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૮. દુતિયબલસુત્તવણ્ણના
8. Dutiyabalasuttavaṇṇanā
૨૮. અટ્ઠમે બલાનીતિ ઞાણબલાનિ. આસવાનં ખયં પટિજાનાતીતિ અરહત્તં પટિજાનાતિ. અનિચ્ચતોતિ હુત્વા અભાવાકારેન. યથાભૂતન્તિ યથાસભાવતો. સમ્મપ્પઞ્ઞાયાતિ સહવિપસ્સનાય મગ્ગપઞ્ઞાય. અઙ્ગારકાસૂપમાતિ સન્તાપનટ્ઠેન અઙ્ગારકાસુયા ઉપમિતા ઇમે કામાતિ. વિવેકનિન્નન્તિ ફલસમાપત્તિવસેન નિબ્બાનનિન્નં. વિવેકટ્ઠન્તિ કિલેસેહિ વજ્જિતં દૂરીભૂતં વા. નેક્ખમ્માભિરતન્તિ પબ્બજ્જાભિરતં. બ્યન્તિભૂતન્તિ વિગતન્તભૂતં એકદેસેનાપિ અનલ્લીનં વિસંયુત્તં વિસંસટ્ઠં. આસવટ્ઠાનિયેહીતિ સમ્પયોગવસેન આસવાનં કારણભૂતેહિ, કિલેસધમ્મેહીતિ અત્થો. અથ વા બ્યન્તિભૂતન્તિ વિગતવાયન્તિ અત્થો. કુતો? સબ્બસો આસવટ્ઠાનિયેહિ ધમ્મેહિ, સબ્બેહિ તેભૂમકધમ્મેહીતિ અત્થો. ઇમસ્મિં સુત્તે અરિયમગ્ગો લોકિયલોકુત્તરો કથિતો.
28. Aṭṭhame balānīti ñāṇabalāni. Āsavānaṃ khayaṃ paṭijānātīti arahattaṃ paṭijānāti. Aniccatoti hutvā abhāvākārena. Yathābhūtanti yathāsabhāvato. Sammappaññāyāti sahavipassanāya maggapaññāya. Aṅgārakāsūpamāti santāpanaṭṭhena aṅgārakāsuyā upamitā ime kāmāti. Vivekaninnanti phalasamāpattivasena nibbānaninnaṃ. Vivekaṭṭhanti kilesehi vajjitaṃ dūrībhūtaṃ vā. Nekkhammābhiratanti pabbajjābhirataṃ. Byantibhūtanti vigatantabhūtaṃ ekadesenāpi anallīnaṃ visaṃyuttaṃ visaṃsaṭṭhaṃ. Āsavaṭṭhāniyehīti sampayogavasena āsavānaṃ kāraṇabhūtehi, kilesadhammehīti attho. Atha vā byantibhūtanti vigatavāyanti attho. Kuto? Sabbaso āsavaṭṭhāniyehi dhammehi, sabbehi tebhūmakadhammehīti attho. Imasmiṃ sutte ariyamaggo lokiyalokuttaro kathito.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૮. દુતિયબલસુત્તં • 8. Dutiyabalasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૮. દુતિયબલસુત્તવણ્ણના • 8. Dutiyabalasuttavaṇṇanā
