| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਦੁਤਿਯਚਕ੍ਕਾਨੁવਤ੍ਤਨਸੁਤ੍ਤવਣ੍ਣਨਾ
2. Dutiyacakkānuvattanasuttavaṇṇanā
੧੩੨. ਦੁਤਿਯੇ ਚਕ੍ਕવਤ੍ਤਿવਤ੍ਤਨ੍ਤਿ ਦਸવਿਧਂ, ਦ੍વਾਦਸવਿਧਂ વਾ ਚਕ੍ਕવਤ੍ਤਿਭਾવਾવਹਂ વਤ੍ਤਂ। ਤਤ੍ਥ ਅਨ੍ਤੋਜਨਸ੍ਮਿਂ ਬਲਕਾਯੇ ਧਮ੍ਮਿਕਾਯੇવ ਰਕ੍ਖਾવਰਣਗੁਤ੍ਤਿਯਾ ਸਂવਿਧਾਨਂ, ਖਤ੍ਤਿਯੇਸੁ, ਅਨੁਯਨ੍ਤੇਸੁ, ਬ੍ਰਾਹ੍ਮਣਗਹਪਤਿਕੇਸੁ, ਨੇਗਮਜਾਨਪਦੇਸੁ, ਸਮਣਬ੍ਰਾਹ੍ਮਣੇਸੁ, ਮਿਗਪਕ੍ਖੀਸੁ, ਅਧਮ੍ਮਿਕਪਟਿਕ੍ਖੇਪੋ, ਅਧਨਾਨਂ ਧਨਾਨੁਪ੍ਪਦਾਨਂ, ਸਮਣਬ੍ਰਾਹ੍ਮਣੇ ਉਪਸਙ੍ਕਮਿਤ੍વਾ ਪਞ੍ਹਪੁਚ੍ਛਨਨ੍ਤਿ ਇਦਂ ਦਸવਿਧਂ ਚਕ੍ਕવਤ੍ਤਿવਤ੍ਤਂ। ਇਦਮੇવ ਚ ਗਹਪਤਿਕੇ ਪਕ੍ਖਿਜਾਤੇ ਚ વਿਸੁਂ ਕਤ੍વਾ ਗਹਣવਸੇਨ ਦ੍વਾਦਸવਿਧਂ। ਪਿਤਰਾ ਪવਤ੍ਤਿਤਮੇવ ਅਨੁਪ੍ਪવਤ੍ਤੇਤੀਤਿ ਦਸવਿਧਂ વਾ ਦ੍વਾਦਸવਿਧਂ વਾ ਚਕ੍ਕવਤ੍ਤਿવਤ੍ਤਂ ਪੂਰੇਤ੍વਾ ਨਿਸਿਨ੍ਨਸ੍ਸ ਪੁਤ੍ਤਸ੍ਸ ਅਞ੍ਞਂ ਪਾਤੁਭવਤਿ, ਸੋ ਤਂ ਪવਤ੍ਤੇਤਿ। ਰਤਨਮਯਤ੍ਤਾ ਪਨ ਸਦਿਸਟ੍ਠੇਨ ਤਦੇવੇਤਨ੍ਤਿ ਕਤ੍વਾ ‘‘ਪਿਤਰਾ ਪવਤ੍ਤਿਤ’’ਨ੍ਤਿ વੁਤ੍ਤਂ। ਯਸ੍ਮਾ વਾ ਸੋ ‘‘ਅਪ੍ਪੋਸ੍ਸੁਕ੍ਕੋ, ਤ੍વਂ ਦੇવ, ਹੋਹਿ, ਅਹਮਨੁਸਾਸਿਸ੍ਸਾਮੀ’’ਤਿ ਆਹ। ਤਸ੍ਮਾ ਪਿਤਰਾ ਪવਤ੍ਤਿਤਂ ਆਣਾਚਕ੍ਕਂ ਅਨੁਪ੍ਪવਤ੍ਤੇਤਿ ਨਾਮਾਤਿ ਏવਮੇਤ੍ਥ ਅਤ੍ਥੋ ਦਟ੍ਠਬ੍ਬੋ। ਯਞ੍ਹਿ ਅਤ੍ਤਨੋ ਪੁਞ੍ਞਾਨੁਭਾવਸਿਦ੍ਧਂ ਚਕ੍ਕਰਤਨਂ, ਤਂ ਨਿਪ੍ਪਰਿਯਾਯਤੋ ਤੇਨ ਪવਤ੍ਤਿਤਂ ਨਾਮ, ਨੇਤਰਨ੍ਤਿ ਪਠਮਨਯੋ વੁਤ੍ਤੋ। ਯਸ੍ਮਾ ਪવਤ੍ਤਿਤਸ੍ਸੇવ ਅਨੁવਤ੍ਤਨਂ, ਪਠਮਨਯੋ ਚ ਤਂਸਦਿਸੇ ਤਬ੍ਬੋਹਾਰવਸੇਨ વੁਤ੍ਤੋਤਿ ਤਂ ਅਨਾਦਿਯਿਤ੍વਾ ਦੁਤਿਯਨਯੋ વੁਤ੍ਤੋ।
132. Dutiye cakkavattivattanti dasavidhaṃ, dvādasavidhaṃ vā cakkavattibhāvāvahaṃ vattaṃ. Tattha antojanasmiṃ balakāye dhammikāyeva rakkhāvaraṇaguttiyā saṃvidhānaṃ, khattiyesu, anuyantesu, brāhmaṇagahapatikesu, negamajānapadesu, samaṇabrāhmaṇesu, migapakkhīsu, adhammikapaṭikkhepo, adhanānaṃ dhanānuppadānaṃ, samaṇabrāhmaṇe upasaṅkamitvā pañhapucchananti idaṃ dasavidhaṃ cakkavattivattaṃ. Idameva ca gahapatike pakkhijāte ca visuṃ katvā gahaṇavasena dvādasavidhaṃ. Pitarā pavattitameva anuppavattetīti dasavidhaṃ vā dvādasavidhaṃ vā cakkavattivattaṃ pūretvā nisinnassa puttassa aññaṃ pātubhavati, so taṃ pavatteti. Ratanamayattā pana sadisaṭṭhena tadevetanti katvā ‘‘pitarā pavattita’’nti vuttaṃ. Yasmā vā so ‘‘appossukko, tvaṃ deva, hohi, ahamanusāsissāmī’’ti āha. Tasmā pitarā pavattitaṃ āṇācakkaṃ anuppavatteti nāmāti evamettha attho daṭṭhabbo. Yañhi attano puññānubhāvasiddhaṃ cakkaratanaṃ, taṃ nippariyāyato tena pavattitaṃ nāma, netaranti paṭhamanayo vutto. Yasmā pavattitasseva anuvattanaṃ, paṭhamanayo ca taṃsadise tabbohāravasena vuttoti taṃ anādiyitvā dutiyanayo vutto.
ਦੁਤਿਯਚਕ੍ਕਾਨੁવਤ੍ਤਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dutiyacakkānuvattanasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਦੁਤਿਯਚਕ੍ਕਾਨੁવਤ੍ਤਨਸੁਤ੍ਤਂ • 2. Dutiyacakkānuvattanasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੨. ਦੁਤਿਯਚਕ੍ਕਾਨੁવਤ੍ਤਨਸੁਤ੍ਤવਣ੍ਣਨਾ • 2. Dutiyacakkānuvattanasuttavaṇṇanā
