| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. ဒုတိယဆန္ဒပ္ပဟာနသုတ္တံ
10. Dutiyachandappahānasuttaṃ
၁၁၂. သာဝတ္ထိနိဒာနံ။ ‘‘ရူပေ, ဘိက္ခဝေ, ယော ဆန္ဒော ယော ရာဂော ယာ နန္ဒီ ယာ တဏ္ဟာ ယေ ဥပယုပာဒာနာ စေတသော အဓိဋ္ဌာနာဘိနိဝေသာနုသယာ, တေ ပဇဟထ ။ ဧဝံ တံ ရူပံ ပဟီနံ ဘဝိသ္သတိ ဥစ္ဆိန္နမူလံ။ပေ.။ ဝေဒနာယ။ သညာယ။ သင္ခာရေသု ယော ဆန္ဒော။ပေ.။ ဧဝံ တေ သင္ခာရာ ပဟီနာ ဘဝိသ္သန္တိ ဥစ္ဆိန္နမူလာ တာလာဝတ္ထုကတာ အနဘာဝံကတာ အာယတိံ အနုပ္ပာဒဓမ္မာ။ ဝိညာဏေ ယော ဆန္ဒော ယော ရာဂော ယာ နန္ဒီ ယာ တဏ္ဟာ ယေ ဥပယုပာဒာနာ စေတသော အဓိဋ္ဌာနာဘိနိဝေသာနုသယာ, တေ ပဇဟထ။ ဧဝံ တံ ဝိညာဏံ ပဟီနံ ဘဝိသ္သတိ ဥစ္ဆိန္နမူလံ တာလာဝတ္ထုကတံ အနဘာဝံကတံ အာယတိံ အနုပ္ပာဒဓမ္မ’’န္တိ။ ဒသမံ။
112. Sāvatthinidānaṃ. ‘‘Rūpe, bhikkhave, yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha . Evaṃ taṃ rūpaṃ pahīnaṃ bhavissati ucchinnamūlaṃ…pe… vedanāya… saññāya… saṅkhāresu yo chando…pe… evaṃ te saṅkhārā pahīnā bhavissanti ucchinnamūlā tālāvatthukatā anabhāvaṃkatā āyatiṃ anuppādadhammā. Viññāṇe yo chando yo rāgo yā nandī yā taṇhā ye upayupādānā cetaso adhiṭṭhānābhinivesānusayā, te pajahatha. Evaṃ taṃ viññāṇaṃ pahīnaṃ bhavissati ucchinnamūlaṃ tālāvatthukataṃ anabhāvaṃkataṃ āyatiṃ anuppādadhamma’’nti. Dasamaṃ.
အန္တဝဂ္ဂော ဧကာဒသမော။
Antavaggo ekādasamo.
တသ္သုဒ္ဒာနံ –
Tassuddānaṃ –
အန္တော ဒုက္ခဉ္စ သက္ကာယော၊ ပရိညေယ္ယာ သမဏာ ဒုဝေ။
Anto dukkhañca sakkāyo, pariññeyyā samaṇā duve;
သောတာပန္နော အရဟာ စ၊ ဒုဝေ စ ဆန္ဒပ္ပဟာနာတိ။
Sotāpanno arahā ca, duve ca chandappahānāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၅-၁၀. သမဏသုတ္တာဒိဝဏ္ဏနာ • 5-10. Samaṇasuttādivaṇṇanā
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၅-၁၀. သမဏသုတ္တာဒိဝဏ္ဏနာ • 5-10. Samaṇasuttādivaṇṇanā
