| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̣̇уд̇ияачиг̇г̇ал̣аяуг̇асуд̇д̇ам̣
8. Dutiyachiggaḷayugasuttaṃ
1118. ‘‘сзяяат̇ааби , бхигкавз, аяам̣ махаабат̇авий згод̣̇агаа асса. д̇ад̇ра бурисо згажчиг̇г̇ал̣ам̣ яуг̇ам̣ багкибзяяа. д̇амзнам̣ бурад̇т̇имо ваад̇о бажчимзна сам̣харзяяа, бажчимо ваад̇о бурад̇т̇имзна сам̣харзяяа, уд̇д̇аро ваад̇о д̣̇агкин̣зна сам̣харзяяа, д̣̇агкин̣о ваад̇о уд̇д̇арзна сам̣харзяяа. д̇ад̇расса гаан̣о гажчабо. со вассасад̇асса вассасад̇асса ажжаязна сагим̣ сагим̣ уммуж̇ж̇зяяа. д̇ам̣ гим̣ ман̃н̃ат̇а, бхигкавз, аби ну ко гаан̣о гажчабо вассасад̇асса вассасад̇асса ажжаязна сагим̣ сагим̣ уммуж̇ж̇анд̇о амусмим̣ згажчиг̇г̇ал̣з яуг̇з г̇ийвам̣ бавзсзяяаа’’д̇и? ‘‘ад̇хижжамид̣̇ам̣, бханд̇з, яам̣ со гаан̣о гажчабо вассасад̇асса вассасад̇асса ажжаязна сагим̣ сагим̣ уммуж̇ж̇анд̇о амусмим̣ згажчиг̇г̇ал̣з яуг̇з г̇ийвам̣ бавзсзяяаа’’д̇и.
1118. ‘‘Seyyathāpi , bhikkhave, ayaṃ mahāpathavī ekodakā assa. Tatra puriso ekacchiggaḷaṃ yugaṃ pakkhipeyya. Tamenaṃ puratthimo vāto pacchimena saṃhareyya, pacchimo vāto puratthimena saṃhareyya, uttaro vāto dakkhiṇena saṃhareyya, dakkhiṇo vāto uttarena saṃhareyya. Tatrassa kāṇo kacchapo. So vassasatassa vassasatassa accayena sakiṃ sakiṃ ummujjeyya. Taṃ kiṃ maññatha, bhikkhave, api nu kho kāṇo kacchapo vassasatassa vassasatassa accayena sakiṃ sakiṃ ummujjanto amusmiṃ ekacchiggaḷe yuge gīvaṃ paveseyyā’’ti? ‘‘Adhiccamidaṃ, bhante, yaṃ so kāṇo kacchapo vassasatassa vassasatassa accayena sakiṃ sakiṃ ummujjanto amusmiṃ ekacchiggaḷe yuge gīvaṃ paveseyyā’’ti.
‘‘звам̣ ад̇хижжамид̣̇ам̣, бхигкавз, яам̣ мануссад̇д̇ам̣ лабхад̇и. звам̣ ад̇хижжамид̣̇ам̣, бхигкавз, яам̣ д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо. звам̣ ад̇хижжамид̣̇ам̣, бхигкавз, яам̣ д̇ат̇ааг̇ад̇аббавзд̣̇ид̇о д̇хаммавинаяо логз д̣̇иб̣б̣ад̇и. д̇ассид̣̇ам̣ 1, бхигкавз, мануссад̇д̇ам̣ лад̣̇д̇хам̣, д̇ат̇ааг̇ад̇о логз уббанно арахам̣ саммаасамб̣уд̣̇д̇хо, д̇ат̇ааг̇ад̇аббавзд̣̇ид̇о жа д̇хаммавинаяо логз д̣̇иб̣б̣ад̇и.
‘‘Evaṃ adhiccamidaṃ, bhikkhave, yaṃ manussattaṃ labhati. Evaṃ adhiccamidaṃ, bhikkhave, yaṃ tathāgato loke uppajjati arahaṃ sammāsambuddho. Evaṃ adhiccamidaṃ, bhikkhave, yaṃ tathāgatappavedito dhammavinayo loke dibbati. Tassidaṃ 2, bhikkhave, manussattaṃ laddhaṃ, tathāgato loke uppanno arahaṃ sammāsambuddho, tathāgatappavedito ca dhammavinayo loke dibbati.
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. адтамам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8. д̣̇уд̇ияачиг̇г̇ал̣аяуг̇асуд̇д̇аван̣н̣анаа • 8. Dutiyachiggaḷayugasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. д̣̇уд̇ияачиг̇г̇ал̣аяуг̇асуд̇д̇аван̣н̣анаа • 8. Dutiyachiggaḷayugasuttavaṇṇanā
