| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. д̣̇уд̇ияачиг̇г̇ал̣аяуг̇асуд̇д̇аван̣н̣анаа
8. Dutiyachiggaḷayugasuttavaṇṇanā
1118. адтамз махаабат̇авийд̇и жаггаваал̣аг̇аб̣бханд̇араа махаабат̇авий. ад̇хижжамид̣̇ам̣, бханд̇зд̇и ид̣̇ам̣ ад̇хижжуббад̇д̇игам̣ сажз д̇ам̣ яуг̇ам̣ на бууд̇и бхавзяяа, самуд̣̇д̣̇з уд̣̇агам̣ на суссзяяа, со жа гажчабо на марзяяа, аби наама яад̣̇ижчаавасзна сияаад̇и ад̇т̇о.
1118. Aṭṭhame mahāpathavīti cakkavāḷagabbhantarā mahāpathavī. Adhiccamidaṃ, bhanteti idaṃ adhiccuppattikaṃ sace taṃ yugaṃ na pūti bhaveyya, samudde udakaṃ na susseyya, so ca kacchapo na mareyya, api nāma yadicchāvasena siyāti attho.
звам̣ ад̇хижжамид̣̇ам̣, бхигкавзд̇и зд̇т̇а махаасийвад̇т̇зро жад̇д̇аари яуг̇аани д̣̇ассзд̇и – бурад̇т̇имажаггаваал̣амукаваддияам̣ тид̇зна бурисзна багкид̇д̇аяуг̇асса хи чиг̇г̇ал̣зна д̇асса анд̇хагажчабасса г̇ийвааяа бавзсанам̣ вияа мануссабадилаабхо ад̇хижжабадилаабхий. д̣̇агкин̣ажаггаваал̣амукаваддияам̣ тид̇зна багкид̇д̇асса бана бариб̣бхаманд̇асса буримаяуг̇ам̣ бад̇ваа чиг̇г̇ал̣зна чиг̇г̇ал̣убари аарул̣хасса чиг̇г̇ал̣зна г̇ийваббавзсанам̣ вияа д̇ат̇ааг̇ад̇уббаад̣̇о ад̇хижжад̇арасамбхаво. бажчимажаггаваал̣амукаваддияам̣ тид̇зна багкид̇д̇асса бана бариб̣бхаманд̇асса буримаяуг̇ад̣̇ваяам̣ бад̇ваа чиг̇г̇ал̣зна чиг̇г̇ал̣убари аарул̣хасса чиг̇г̇ал̣зна г̇ийваббавзсанам̣ вияа д̇ат̇ааг̇ад̇аббавзд̣̇ид̇асса д̇хаммавинаяасса д̣̇ийбанам̣ ад̇хижжад̇арасамбхавам̣. уд̇д̇аражаггаваал̣амукаваддияам̣ тид̇зна багкид̇д̇асса бана бариб̣бхаманд̇асса буримаяуг̇ад̇д̇аяам̣ бад̇ваа чиг̇г̇ал̣зна чиг̇г̇ал̣убари аарул̣хасса чиг̇г̇ал̣зна г̇ийваббавзсанам̣ вияа жад̇усажжабадивзд̇хо ад̇ивияа ад̇хижжад̇арасамбхаво взд̣̇ид̇аб̣б̣о. навамаад̣̇ийни абхисамаяасам̣яуд̇д̇з вуд̇д̇анаяаанзваад̇и.
Evaṃ adhiccamidaṃ, bhikkhaveti ettha mahāsīvatthero cattāri yugāni dasseti – puratthimacakkavāḷamukhavaṭṭiyaṃ ṭhitena purisena pakkhittayugassa hi chiggaḷena tassa andhakacchapassa gīvāya pavesanaṃ viya manussapaṭilābho adhiccapaṭilābhī. Dakkhiṇacakkavāḷamukhavaṭṭiyaṃ ṭhitena pakkhittassa pana paribbhamantassa purimayugaṃ patvā chiggaḷena chiggaḷupari āruḷhassa chiggaḷena gīvappavesanaṃ viya tathāgatuppādo adhiccatarasambhavo. Pacchimacakkavāḷamukhavaṭṭiyaṃ ṭhitena pakkhittassa pana paribbhamantassa purimayugadvayaṃ patvā chiggaḷena chiggaḷupari āruḷhassa chiggaḷena gīvappavesanaṃ viya tathāgatappaveditassa dhammavinayassa dīpanaṃ adhiccatarasambhavaṃ. Uttaracakkavāḷamukhavaṭṭiyaṃ ṭhitena pakkhittassa pana paribbhamantassa purimayugattayaṃ patvā chiggaḷena chiggaḷupari āruḷhassa chiggaḷena gīvappavesanaṃ viya catusaccapaṭivedho ativiya adhiccatarasambhavo veditabbo. Navamādīni abhisamayasaṃyutte vuttanayānevāti.
бабаад̇аваг̇г̇о бан̃жамо.
Papātavaggo pañcamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. д̣̇уд̇ияачиг̇г̇ал̣аяуг̇асуд̇д̇ам̣ • 8. Dutiyachiggaḷayugasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. д̣̇уд̇ияачиг̇г̇ал̣аяуг̇асуд̇д̇аван̣н̣анаа • 8. Dutiyachiggaḷayugasuttavaṇṇanā
