| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૫. દુતિયદુચ્ચરિતસુત્તં
5. Dutiyaduccaritasuttaṃ
૨૪૫. ‘‘પઞ્ચિમે, ભિક્ખવે, આદીનવા દુચ્ચરિતે. કતમે પઞ્ચ? અત્તાપિ અત્તાનં ઉપવદતિ; અનુવિચ્ચ વિઞ્ઞૂ ગરહન્તિ; પાપકો કિત્તિસદ્દો અબ્ભુગ્ગચ્છતિ; સદ્ધમ્મા વુટ્ઠાતિ; અસદ્ધમ્મે પતિટ્ઠાતિ. ઇમે ખો, ભિક્ખવે, પઞ્ચ આદીનવા દુચ્ચરિતે.
245. ‘‘Pañcime, bhikkhave, ādīnavā duccarite. Katame pañca? Attāpi attānaṃ upavadati; anuvicca viññū garahanti; pāpako kittisaddo abbhuggacchati; saddhammā vuṭṭhāti; asaddhamme patiṭṭhāti. Ime kho, bhikkhave, pañca ādīnavā duccarite.
‘‘પઞ્ચિમે, ભિક્ખવે, આનિસંસા સુચરિતે. કતમે પઞ્ચ? અત્તાપિ અત્તાનં ન ઉપવદતિ; અનુવિચ્ચ વિઞ્ઞૂ પસંસન્તિ; કલ્યાણો કિત્તિસદ્દો અબ્ભુગ્ગચ્છતિ; અસદ્ધમ્મા વુટ્ઠાતિ; સદ્ધમ્મે પતિટ્ઠાતિ. ઇમે ખો, ભિક્ખવે, પઞ્ચ આનિસંસા સુચરિતે’’તિ. પઞ્ચમં.
‘‘Pañcime, bhikkhave, ānisaṃsā sucarite. Katame pañca? Attāpi attānaṃ na upavadati; anuvicca viññū pasaṃsanti; kalyāṇo kittisaddo abbhuggacchati; asaddhammā vuṭṭhāti; saddhamme patiṭṭhāti. Ime kho, bhikkhave, pañca ānisaṃsā sucarite’’ti. Pañcamaṃ.
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. પઠમદીઘચારિકસુત્તાદિવણ્ણના • 1-10. Paṭhamadīghacārikasuttādivaṇṇanā
