| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
9. д̣̇уд̇ияад̣̇удтад̣̇осасигкаабад̣̇аван̣н̣анаа
9. Dutiyaduṭṭhadosasikkhāpadavaṇṇanā
391. д̇зна самаязна б̣уд̣̇д̇хо бхаг̇аваад̇и д̣̇уд̇ияад̣̇удтад̣̇осасигкаабад̣̇ам̣. д̇ад̇т̇а ханд̣̇а маяам̣ аавусо имам̣ чаг̇алагам̣ д̣̇аб̣б̣ам̣ маллабуд̇д̇ам̣ наама гаромаад̇и д̇з гира батамавад̇т̇усмим̣ ад̇д̇ано манорат̇ам̣ самбаад̣̇зд̇ум̣ асаггонд̇аа лад̣̇д̇ханиг̇г̇ахаа вигхаад̇аббад̇д̇аа ‘‘ид̣̇аани ж̇ааниссаамаа’’д̇и д̇аад̣̇исам̣ вад̇т̇ум̣ бариязсамаанаа вижаранд̇и. ат̇згад̣̇ивасам̣ д̣̇исваа д̇удтаа ан̃н̃аман̃н̃ам̣ ологзд̇ваа звамаахам̣су – ‘‘ханд̣̇а маяам̣, аавусо, имам̣ чаг̇алагам̣ д̣̇аб̣б̣ам̣ маллабуд̇д̇ам̣ наама гаромаа’’д̇и, ‘‘д̣̇аб̣б̣о маллабуд̇д̇о наамааяа’’нд̇и звамасса наамам̣ гаромаад̇и вуд̇д̇ам̣ ход̇и. зса наяо мзд̇д̇ияам̣ наама бхигкунинд̇и зд̇т̇ааби.
391.Tena samayena buddho bhagavāti dutiyaduṭṭhadosasikkhāpadaṃ. Tattha handa mayaṃ āvuso imaṃ chagalakaṃ dabbaṃ mallaputtaṃ nāma karomāti te kira paṭhamavatthusmiṃ attano manorathaṃ sampādetuṃ asakkontā laddhaniggahā vighātappattā ‘‘idāni jānissāmā’’ti tādisaṃ vatthuṃ pariyesamānā vicaranti. Athekadivasaṃ disvā tuṭṭhā aññamaññaṃ oloketvā evamāhaṃsu – ‘‘handa mayaṃ, āvuso, imaṃ chagalakaṃ dabbaṃ mallaputtaṃ nāma karomā’’ti, ‘‘dabbo mallaputto nāmāya’’nti evamassa nāmaṃ karomāti vuttaṃ hoti. Esa nayo mettiyaṃ nāma bhikkhuninti etthāpi.
д̇з бхигкуу мзд̇д̇ияабхумаж̇агз бхигкуу ануяун̃ж̇им̣сууд̇и звам̣ ануяун̃ж̇им̣су –‘‘аавусо, гухим̣ д̇умхзхи д̣̇аб̣б̣о маллабуд̇д̇о мзд̇д̇ияааяа бхигкунияаа сад̣̇д̇хим̣ д̣̇идто’’д̇и? ‘‘г̇иж̇жхагуудабаб̣б̣ад̇абаад̣̇з’’д̇и. ‘‘гааяа взлааяа’’д̇и? ‘‘бхигкаажаараг̇аманавзлааяаа’’д̇и. аавусо д̣̇аб̣б̣а имз звам̣ вад̣̇анд̇и – ‘‘д̇вам̣ д̇ад̣̇аа гухи’’нд̇и? ‘‘взл̣уванз бхад̇д̇аани уд̣̇д̣̇исаамий’’д̇и. ‘‘д̇ава д̇ааяа взлааяа взл̣уванз ад̇т̇ибхаавам̣ го ж̇аанаад̇ий’’д̇и? ‘‘бхигкусан̇гхо, бханд̇з’’д̇и. д̇з сан̇гхам̣ бужчим̣су – ‘‘ж̇аанаат̇а д̇умхз д̇ааяа взлааяа имасса взл̣уванз ад̇т̇ибхаава’’нд̇и. ‘‘аама, аавусо, ж̇аанаама, т̇зро саммуд̇илад̣̇д̇хад̣̇ивасад̇о бадтааяа взл̣уванзязваа’’д̇и. д̇ад̇о мзд̇д̇ияабхумаж̇агз аахам̣су – ‘‘аавусо, д̇умхаагам̣ гат̇аа на самзд̇и, гажжи но лзсам̣ од̣д̣зд̇ваа вад̣̇ат̇аа’’д̇и. звам̣ д̇з д̇зхи бхигкуухи ануяун̃ж̇ияамаанаа аама аавусод̇и вад̇ваа зд̇амад̇т̇ам̣ аарожзсум̣.
Te bhikkhū mettiyabhumajake bhikkhū anuyuñjiṃsūti evaṃ anuyuñjiṃsu –‘‘āvuso, kuhiṃ tumhehi dabbo mallaputto mettiyāya bhikkhuniyā saddhiṃ diṭṭho’’ti? ‘‘Gijjhakūṭapabbatapāde’’ti. ‘‘Kāya velāya’’ti? ‘‘Bhikkhācāragamanavelāyā’’ti. Āvuso dabba ime evaṃ vadanti – ‘‘tvaṃ tadā kuhi’’nti? ‘‘Veḷuvane bhattāni uddisāmī’’ti. ‘‘Tava tāya velāya veḷuvane atthibhāvaṃ ko jānātī’’ti? ‘‘Bhikkhusaṅgho, bhante’’ti. Te saṅghaṃ pucchiṃsu – ‘‘jānātha tumhe tāya velāya imassa veḷuvane atthibhāva’’nti. ‘‘Āma, āvuso, jānāma, thero sammutiladdhadivasato paṭṭhāya veḷuvaneyevā’’ti. Tato mettiyabhumajake āhaṃsu – ‘‘āvuso, tumhākaṃ kathā na sameti, kacci no lesaṃ oḍḍetvā vadathā’’ti. Evaṃ te tehi bhikkhūhi anuyuñjiyamānā āma āvusoti vatvā etamatthaṃ ārocesuṃ.
гим̣ бана д̇умхз, аавусо, ааяасманд̇ам̣ д̣̇аб̣б̣ам̣ маллабуд̇д̇ам̣ ан̃н̃абхааг̇ияасса ад̇хигаран̣ассаад̇и зд̇т̇а ан̃н̃абхааг̇асса ид̣̇ам̣, ан̃н̃абхааг̇о ваа асса ад̇т̇ийд̇и ан̃н̃абхааг̇ияам̣. ад̇хигаран̣анд̇и аад̇хааро взд̣̇ид̇аб̣б̣о, вад̇т̇у ад̇хидтаананд̇и вуд̇д̇ам̣ ход̇и. яо хи со ‘‘д̣̇аб̣б̣о маллабуд̇д̇о наамаа’’д̇и чаг̇алаго вуд̇д̇о, со явааяам̣ ааяасмад̇о д̣̇аб̣б̣асса маллабуд̇д̇асса бхааг̇о годтаасо багко мануссаж̇аад̇и жзва бхигкубхааво жа д̇ад̇о ан̃н̃асса бхааг̇асса годтаасасса багкасса ход̇и д̇иражчаанаж̇аад̇ияаа жзва чаг̇алагабхаавасса жа со ваа ан̃н̃абхааг̇о асса ад̇т̇ийд̇и д̇асмаа ан̃н̃абхааг̇ияасан̇кяам̣ лабхад̇и. яасмаа жа д̇зсам̣ ‘‘имам̣ маяам̣ д̣̇аб̣б̣ам̣ маллабуд̇д̇ам̣ наама гаромаа’’д̇и вад̣̇анд̇аанам̣ д̇ассаа наамагаран̣асан̃н̃ааяа аад̇хааро вад̇т̇у ад̇хидтаанам̣, д̇асмаа ад̇хигаран̣анд̇и взд̣̇ид̇аб̣б̣о. д̇ан̃хи санд̇хааяа ‘‘д̇з бхигкуу ан̃н̃абхааг̇ияасса ад̇хигаран̣ассаа’’д̇и аахам̣су, на виваад̣̇аад̇хигаран̣аад̣̇ийсу ан̃н̃ад̇арам̣. гасмаа? асамбхавад̇о. на хи д̇з жад̇уннам̣ ад̇хигаран̣аанам̣ гассажи ан̃н̃абхааг̇ияасса ад̇хигаран̣асса ган̃жид̣̇зсам̣ лзсамад̇д̇ам̣ убаад̣̇ияим̣су. на жа жад̇уннам̣ ад̇хигаран̣аанам̣ лзсо наама ад̇т̇и. ж̇аад̇илзсаад̣̇аяо хи буг̇г̇алаанам̣язва лзсаа вуд̇д̇аа, на виваад̣̇аад̇хигаран̣аад̣̇ийнам̣. ид̣̇ан̃жа ‘‘д̣̇аб̣б̣о маллабуд̇д̇о’’д̇и наамам̣ д̇асса ан̃н̃абхааг̇ияаад̇хигаран̣абхаавз тид̇асса чаг̇алагасса гожи д̣̇зсо ход̇и т̇зрам̣ амуулагзна баарааж̇игзна ануд̣̇д̇хам̣сзд̇ум̣ лзсамад̇д̇о.
Kiṃpana tumhe, āvuso, āyasmantaṃ dabbaṃ mallaputtaṃ aññabhāgiyassa adhikaraṇassāti ettha aññabhāgassa idaṃ, aññabhāgo vā assa atthīti aññabhāgiyaṃ. Adhikaraṇanti ādhāro veditabbo, vatthu adhiṭṭhānanti vuttaṃ hoti. Yo hi so ‘‘dabbo mallaputto nāmā’’ti chagalako vutto, so yvāyaṃ āyasmato dabbassa mallaputtassa bhāgo koṭṭhāso pakkho manussajāti ceva bhikkhubhāvo ca tato aññassa bhāgassa koṭṭhāsassa pakkhassa hoti tiracchānajātiyā ceva chagalakabhāvassa ca so vā aññabhāgo assa atthīti tasmā aññabhāgiyasaṅkhyaṃ labhati. Yasmā ca tesaṃ ‘‘imaṃ mayaṃ dabbaṃ mallaputtaṃ nāma karomā’’ti vadantānaṃ tassā nāmakaraṇasaññāya ādhāro vatthu adhiṭṭhānaṃ, tasmā adhikaraṇanti veditabbo. Tañhi sandhāya ‘‘te bhikkhū aññabhāgiyassa adhikaraṇassā’’ti āhaṃsu, na vivādādhikaraṇādīsu aññataraṃ. Kasmā? Asambhavato. Na hi te catunnaṃ adhikaraṇānaṃ kassaci aññabhāgiyassa adhikaraṇassa kañcidesaṃ lesamattaṃ upādiyiṃsu. Na ca catunnaṃ adhikaraṇānaṃ leso nāma atthi. Jātilesādayo hi puggalānaṃyeva lesā vuttā, na vivādādhikaraṇādīnaṃ. Idañca ‘‘dabbo mallaputto’’ti nāmaṃ tassa aññabhāgiyādhikaraṇabhāve ṭhitassa chagalakassa koci deso hoti theraṃ amūlakena pārājikena anuddhaṃsetuṃ lesamatto.
зд̇т̇а жа д̣̇иссад̇и абад̣̇иссад̇и асса аяанд̇и вохарийяад̇ийд̇и д̣̇зсо. ж̇аад̇иаад̣̇ийсу ан̃н̃ад̇арагодтаасассзд̇ам̣ ад̇хиважанам̣. ан̃н̃амби вад̇т̇ум̣ лиссад̇и силиссад̇и вохаарамад̇д̇знзва ийсагам̣ аллийяад̇ийд̇и лзсо. ж̇аад̇иаад̣̇ийнам̣язва ан̃н̃ад̇арагодтаасассзд̇ам̣ ад̇хиважанам̣. д̇ад̇о барам̣ уд̇д̇аанад̇т̇амзва. сигкаабад̣̇абан̃н̃ад̇д̇ияамби аяамзвад̇т̇о. бад̣̇абхааж̇анз бана яасса ан̃н̃абхааг̇ияасса ад̇хигаран̣асса гин̃жид̣̇зсам̣ лзсамад̇д̇ам̣ убаад̣̇ааяа баарааж̇игзна д̇хаммзна ануд̣̇д̇хам̣сзяяа , д̇ам̣ яасмаа адтуббад̇д̇ивасзнзва аавибхууд̇ам̣, д̇асмаа на вибхад̇д̇анд̇и взд̣̇ид̇аб̣б̣ам̣.
Ettha ca dissati apadissati assa ayanti voharīyatīti deso. Jātiādīsu aññatarakoṭṭhāsassetaṃ adhivacanaṃ. Aññampi vatthuṃ lissati silissati vohāramatteneva īsakaṃ allīyatīti leso. Jātiādīnaṃyeva aññatarakoṭṭhāsassetaṃ adhivacanaṃ. Tato paraṃ uttānatthameva. Sikkhāpadapaññattiyampi ayamevattho. Padabhājane pana yassa aññabhāgiyassa adhikaraṇassa kiñcidesaṃ lesamattaṃ upādāya pārājikena dhammena anuddhaṃseyya , taṃ yasmā aṭṭhuppattivaseneva āvibhūtaṃ, tasmā na vibhattanti veditabbaṃ.
393. яаани бана ад̇хигаран̣анд̇и важанасааман̃н̃ад̇о ад̇т̇уд̣̇д̇хааравасзна бавад̇д̇аани жад̇д̇аари ад̇хигаран̣аани, д̇зсам̣ ан̃н̃абхааг̇ияад̇аа жа д̇аб̣бхааг̇ияад̇аа жа яасмаа абаагадаа ж̇аанид̇аб̣б̣аа жа винаяад̇харзхи, д̇асмаа важанасааман̃н̃ад̇о лад̣̇д̇хам̣ ад̇хигаран̣ам̣ ниссааяа д̇ам̣ аавигаронд̇о ‘‘ан̃н̃абхааг̇ияасса ад̇хигаран̣ассаад̇и аабад̇д̇ан̃н̃абхааг̇ияам̣ ваа ход̇и ад̇хигаран̣ан̃н̃абхааг̇ияам̣ ваа’’д̇иаад̣̇имааха. яаа жа саа авасаанз аабад̇д̇ан̃н̃абхааг̇ияасса ад̇хигаран̣асса васзна жод̣̇анаа вуд̇д̇аа, д̇амби д̣̇ассзд̇ум̣ аяам̣ саб̣б̣аад̇хигаран̣аанам̣ д̇аб̣бхааг̇ияаан̃н̃абхааг̇ияад̇аа самаахадаад̇и взд̣̇ид̇аб̣б̣аа.
393. Yāni pana adhikaraṇanti vacanasāmaññato atthuddhāravasena pavattāni cattāri adhikaraṇāni, tesaṃ aññabhāgiyatā ca tabbhāgiyatā ca yasmā apākaṭā jānitabbā ca vinayadharehi, tasmā vacanasāmaññato laddhaṃ adhikaraṇaṃ nissāya taṃ āvikaronto ‘‘aññabhāgiyassa adhikaraṇassāti āpattaññabhāgiyaṃ vā hoti adhikaraṇaññabhāgiyaṃ vā’’tiādimāha. Yā ca sā avasāne āpattaññabhāgiyassa adhikaraṇassa vasena codanā vuttā, tampi dassetuṃ ayaṃ sabbādhikaraṇānaṃ tabbhāgiyaaññabhāgiyatā samāhaṭāti veditabbā.
д̇ад̇т̇а жа аабад̇д̇ан̃н̃абхааг̇ияам̣ ваад̇и батамам̣ уд̣̇д̣̇идтад̇д̇аа ‘‘гат̇ан̃жа аабад̇д̇и аабад̇д̇ияаа ан̃н̃абхааг̇ияаа ход̇ий’’д̇и нид̣̇д̣̇зсз аарабхид̇аб̣б̣з яасмаа аабад̇д̇аад̇хигаран̣асса д̇аб̣бхааг̇ияавижааран̣ааяам̣язва аяамад̇т̇о ааг̇амиссад̇и, д̇асмаа звам̣ анаарабхид̇ваа ‘‘гат̇ан̃жа ад̇хигаран̣ам̣ ад̇хигаран̣асса ан̃н̃абхааг̇ияа’’нд̇и бажчимабад̣̇ам̣язва г̇ахзд̇ваа нид̣̇д̣̇зсо аарад̣̇д̇ход̇и взд̣̇ид̇аб̣б̣о.
Tattha ca āpattaññabhāgiyaṃ vāti paṭhamaṃ uddiṭṭhattā ‘‘kathañca āpatti āpattiyā aññabhāgiyā hotī’’ti niddese ārabhitabbe yasmā āpattādhikaraṇassa tabbhāgiyavicāraṇāyaṃyeva ayamattho āgamissati, tasmā evaṃ anārabhitvā ‘‘kathañca adhikaraṇaṃ adhikaraṇassa aññabhāgiya’’nti pacchimapadaṃyeva gahetvā niddeso āraddhoti veditabbo.
д̇ад̇т̇а ан̃н̃абхааг̇ияавааро уд̇д̇аанад̇т̇оязва. згамзган̃хи ад̇хигаран̣ам̣ ид̇арзсам̣ д̇ин̣н̣ам̣ д̇ин̣н̣ам̣ ан̃н̃абхааг̇ияам̣ ан̃н̃абагкияам̣ ан̃н̃агодтаасияам̣ ход̇и, вад̇т̇увисабхааг̇ад̇д̇аа, д̇аб̣бхааг̇ияаваарз бана виваад̣̇аад̇хигаран̣ам̣ виваад̣̇аад̇хигаран̣асса д̇аб̣бхааг̇ияам̣ д̇аббагкияам̣ д̇ам̣годтаасияам̣ вад̇т̇усабхааг̇ад̇д̇аа, д̇ат̇аа ануваад̣̇аад̇хигаран̣ам̣ ануваад̣̇аад̇хигаран̣асса. гат̇ам̣? б̣уд̣̇д̇хагаалад̇о бадтааяа хи адтаараса бхзд̣̇агаравад̇т̇ууни ниссааяа уббаннавиваад̣̇о жа ид̣̇аани уббаж̇ж̇анагавиваад̣̇о жа вад̇т̇усабхааг̇ад̇ааяа згам̣ виваад̣̇аад̇хигаран̣амзва ход̇и, д̇ат̇аа б̣уд̣̇д̇хагаалад̇о бадтааяа жад̇ассо вибад̇д̇ияо ниссааяа уббаннаануваад̣̇о жа ид̣̇аани уббаж̇ж̇анагаануваад̣̇о жа вад̇т̇усабхааг̇ад̇ааяа згам̣ ануваад̣̇аад̇хигаран̣амзва ход̇и. яасмаа бана аабад̇д̇аад̇хигаран̣ам̣ аабад̇д̇аад̇хигаран̣асса сабхааг̇ависабхааг̇авад̇т̇уд̇о сабхааг̇асаригкаасаригкад̇о жа згам̣сзна д̇аб̣бхааг̇ияам̣ на ход̇и, д̇асмаа аабад̇д̇аад̇хигаран̣ам̣ аабад̇д̇аад̇хигаран̣асса сияаа д̇аб̣бхааг̇ияам̣ сияаа ан̃н̃абхааг̇ияанд̇и вуд̇д̇ам̣. д̇ад̇т̇а аад̣̇ид̇о бадтааяа ан̃н̃абхааг̇ияасса батамам̣ нид̣̇д̣̇идтад̇д̇аа ид̇хааби ан̃н̃абхааг̇ияамзва батамам̣ нид̣̇д̣̇идтам̣, д̇ад̇т̇а ан̃н̃абхааг̇ияад̇д̇ан̃жа барад̇о д̇аб̣бхааг̇ияад̇д̇ан̃жа вуд̇д̇анаязнзва взд̣̇ид̇аб̣б̣ам̣.
Tattha aññabhāgiyavāro uttānatthoyeva. Ekamekañhi adhikaraṇaṃ itaresaṃ tiṇṇaṃ tiṇṇaṃ aññabhāgiyaṃ aññapakkhiyaṃ aññakoṭṭhāsiyaṃ hoti, vatthuvisabhāgattā, tabbhāgiyavāre pana vivādādhikaraṇaṃ vivādādhikaraṇassa tabbhāgiyaṃ tappakkhiyaṃ taṃkoṭṭhāsiyaṃ vatthusabhāgattā, tathā anuvādādhikaraṇaṃ anuvādādhikaraṇassa. Kathaṃ? Buddhakālato paṭṭhāya hi aṭṭhārasa bhedakaravatthūni nissāya uppannavivādo ca idāni uppajjanakavivādo ca vatthusabhāgatāya ekaṃ vivādādhikaraṇameva hoti, tathā buddhakālato paṭṭhāya catasso vipattiyo nissāya uppannaanuvādo ca idāni uppajjanakaanuvādo ca vatthusabhāgatāya ekaṃ anuvādādhikaraṇameva hoti. Yasmā pana āpattādhikaraṇaṃ āpattādhikaraṇassa sabhāgavisabhāgavatthuto sabhāgasarikkhāsarikkhato ca ekaṃsena tabbhāgiyaṃ na hoti, tasmā āpattādhikaraṇaṃ āpattādhikaraṇassa siyā tabbhāgiyaṃ siyā aññabhāgiyanti vuttaṃ. Tattha ādito paṭṭhāya aññabhāgiyassa paṭhamaṃ niddiṭṭhattā idhāpi aññabhāgiyameva paṭhamaṃ niddiṭṭhaṃ, tattha aññabhāgiyattañca parato tabbhāgiyattañca vuttanayeneva veditabbaṃ.
гижжаад̇хигаран̣ам̣ гижжаад̇хигаран̣асса д̇аб̣бхааг̇ияанд̇и зд̇т̇а бана б̣уд̣̇д̇хагаалад̇о бадтааяа жад̇д̇аари сан̇гхагаммаани ниссааяа уббаннам̣ ад̇хигаран̣ан̃жа ид̣̇аани жад̇д̇аари сан̇гхагаммаани ниссааяа уббаж̇ж̇анагам̣ ад̇хигаран̣ан̃жа сабхааг̇ад̇ааяа саригкад̇ааяа жа згам̣ гижжаад̇хигаран̣амзва ход̇и. гим̣ бана сан̇гхагаммаани ниссааяа уббаннам̣ ад̇хигаран̣ам̣ гижжаад̇хигаран̣ам̣, уд̣̇ааху сан̇гхагаммаанамзвзд̇ам̣ ад̇хиважананд̇и? сан̇гхагаммаанамзвзд̇ам̣ ад̇хиважанам̣. звам̣ санд̇зби сан̇гхагаммам̣ наама ‘‘ид̣̇ан̃жид̣̇ан̃жа звам̣ гад̇д̇аб̣б̣а’’нд̇и яам̣ гаммалагкан̣ам̣ манасигарод̇и д̇ам̣ ниссааяа уббаж̇ж̇анад̇о буримам̣ буримам̣ сан̇гхагаммам̣ ниссааяа уббаж̇ж̇анад̇о жа сан̇гхагаммаани ниссааяа уббаннам̣ ад̇хигаран̣ам̣ гижжаад̇хигаран̣анд̇и вуд̇д̇ам̣.
Kiccādhikaraṇaṃkiccādhikaraṇassa tabbhāgiyanti ettha pana buddhakālato paṭṭhāya cattāri saṅghakammāni nissāya uppannaṃ adhikaraṇañca idāni cattāri saṅghakammāni nissāya uppajjanakaṃ adhikaraṇañca sabhāgatāya sarikkhatāya ca ekaṃ kiccādhikaraṇameva hoti. Kiṃ pana saṅghakammāni nissāya uppannaṃ adhikaraṇaṃ kiccādhikaraṇaṃ, udāhu saṅghakammānamevetaṃ adhivacananti? Saṅghakammānamevetaṃ adhivacanaṃ. Evaṃ santepi saṅghakammaṃ nāma ‘‘idañcidañca evaṃ kattabba’’nti yaṃ kammalakkhaṇaṃ manasikaroti taṃ nissāya uppajjanato purimaṃ purimaṃ saṅghakammaṃ nissāya uppajjanato ca saṅghakammāni nissāya uppannaṃ adhikaraṇaṃ kiccādhikaraṇanti vuttaṃ.
394. гин̃жи д̣̇зсам̣ лзсамад̇д̇ам̣ убаад̣̇ааяаад̇и зд̇т̇а бана яасмаа д̣̇зсод̇и ваа лзсамад̇д̇од̇и ваа буб̣б̣з вуд̇д̇анаязнзва б̣яан̃ж̇анад̇о наанам̣ ад̇т̇ад̇о згам̣, д̇асмаа ‘‘лзсо наама д̣̇аса лзсаа ж̇аад̇илзсо наамалзсо’’д̇иаад̣̇имааха. д̇ад̇т̇а ж̇аад̇иязва ж̇аад̇илзсо. зса наяо сзсзсу.
394.Kiñci desaṃ lesamattaṃ upādāyāti ettha pana yasmā desoti vā lesamattoti vā pubbe vuttanayeneva byañjanato nānaṃ atthato ekaṃ, tasmā ‘‘leso nāma dasa lesā jātileso nāmaleso’’tiādimāha. Tattha jātiyeva jātileso. Esa nayo sesesu.
395. ид̣̇аани д̇амзва лзсам̣ вид̇т̇аарад̇о д̣̇ассзд̇ум̣ яат̇аа д̇ам̣ убаад̣̇ааяа ануд̣̇д̇хам̣санаа ход̇и д̇ат̇аа савад̇т̇угам̣ гад̇ваа д̣̇ассзнд̇о ‘‘ж̇аад̇илзсо наама кад̇д̇ияо д̣̇идто ход̇ий’’д̇иаад̣̇имааха. д̇ад̇т̇а кад̇д̇ияо д̣̇идто ход̇ийд̇и ан̃н̃о гожи кад̇д̇ияаж̇аад̇ияо иминаа жод̣̇агзна д̣̇идто ход̇и. баарааж̇игам̣ д̇хаммам̣ аж̇жхаабаж̇ж̇анд̇од̇и мзт̇унад̇хаммаад̣̇ийсу ан̃н̃ад̇арам̣ аабаж̇ж̇анд̇о. ан̃н̃ам̣ кад̇д̇ияам̣ бассид̇ваа жод̣̇зд̇ийд̇и ат̇а со ан̃н̃ам̣ ад̇д̇ано взрим̣ кад̇д̇ияаж̇аад̇ияам̣ бхигкум̣ бассид̇ваа д̇ам̣ кад̇д̇ияаж̇аад̇илзсам̣ г̇ахзд̇ваа звам̣ жод̣̇зд̇и ‘‘кад̇д̇ияо маяаа д̣̇идто баарааж̇игам̣ д̇хаммам̣ аж̇жхаабаж̇ж̇анд̇о, д̇вам̣ кад̇д̇ияо, баарааж̇игам̣ д̇хаммам̣ аж̇жхаабанносий’’ ат̇а ваа ‘‘д̇вам̣ со кад̇д̇ияо, на ан̃н̃о, баарааж̇игам̣ д̇хаммам̣ аж̇жхаабанноси, ассаман̣оси асагяабуд̇д̇ияоси над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа ваажааяа сан̇гхаад̣̇исзсасса. зд̇т̇а жа д̇зсам̣ кад̇д̇ияаанам̣ ан̃н̃аман̃н̃ам̣ асад̣̇исасса д̇асса д̇асса д̣̇ийгхаад̣̇ино ваа д̣̇идтаад̣̇ино ваа васзна ан̃н̃абхааг̇ияад̇аа кад̇д̇ияаж̇аад̇ибан̃н̃ад̇д̇ияаа аад̇хааравасзна ад̇хигаран̣ад̇аа жа взд̣̇ид̇аб̣б̣аа, зд̇знубааязна саб̣б̣абад̣̇зсу яож̇анаа взд̣̇ид̇аб̣б̣аа.
395. Idāni tameva lesaṃ vitthārato dassetuṃ yathā taṃ upādāya anuddhaṃsanā hoti tathā savatthukaṃ katvā dassento ‘‘jātileso nāma khattiyo diṭṭho hotī’’tiādimāha. Tattha khattiyo diṭṭho hotīti añño koci khattiyajātiyo iminā codakena diṭṭho hoti. Pārājikaṃ dhammaṃ ajjhāpajjantoti methunadhammādīsu aññataraṃ āpajjanto. Aññaṃ khattiyaṃ passitvācodetīti atha so aññaṃ attano veriṃ khattiyajātiyaṃ bhikkhuṃ passitvā taṃ khattiyajātilesaṃ gahetvā evaṃ codeti ‘‘khattiyo mayā diṭṭho pārājikaṃ dhammaṃ ajjhāpajjanto, tvaṃ khattiyo, pārājikaṃ dhammaṃ ajjhāpannosī’’ atha vā ‘‘tvaṃ so khattiyo, na añño, pārājikaṃ dhammaṃ ajjhāpannosi, assamaṇosi asakyaputtiyosi natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya vācāya saṅghādisesassa. Ettha ca tesaṃ khattiyānaṃ aññamaññaṃ asadisassa tassa tassa dīghādino vā diṭṭhādino vā vasena aññabhāgiyatā khattiyajātipaññattiyā ādhāravasena adhikaraṇatā ca veditabbā, etenupāyena sabbapadesu yojanā veditabbā.
400. бад̇д̇алзсанид̣̇д̣̇зсз жа саадагабад̇д̇од̇и лохабад̇д̇асад̣̇исо сусан̣таано сужчави синид̣̇д̇хо бхамараван̣н̣о мад̇д̇игаабад̇д̇о вужжад̇и. сумбхагабад̇д̇од̇и багад̇имад̇д̇игаабад̇д̇о.
400. Pattalesaniddese ca sāṭakapattoti lohapattasadiso susaṇṭhāno succhavi siniddho bhamaravaṇṇo mattikāpatto vuccati. Sumbhakapattoti pakatimattikāpatto.
406. яасмаа бана аабад̇д̇илзсасса згабад̣̇знзва сан̇кзбад̇о нид̣̇д̣̇зсо вуд̇д̇о, д̇асмаа вид̇т̇аарад̇оби д̇ам̣ д̣̇ассзд̇ум̣ ‘‘бхигку сан̇гхаад̣̇исзсам̣ аж̇жхаабаж̇ж̇анд̇о д̣̇идто ход̇ий’’д̇иаад̣̇и вуд̇д̇ам̣. гасмаа банасса д̇ад̇т̇зва нид̣̇д̣̇зсам̣ авад̇ваа ид̇ха висум̣ вуд̇д̇од̇и? сзсанид̣̇д̣̇зсзхи асабхааг̇ад̇д̇аа. сзсанид̣̇д̣̇зсаа хи ан̃н̃ам̣ д̣̇исваа ан̃н̃асса жод̣̇анаавасзна вуд̇д̇аа. аяам̣ бана згамзва ан̃н̃ам̣ аабад̇д̇им̣ аабаж̇ж̇анд̇ам̣ д̣̇исваа ан̃н̃ааяа аабад̇д̇ияаа жод̣̇анаавасзна вуд̇д̇о. яад̣̇и звам̣ гат̇ам̣ ан̃н̃абхааг̇ияам̣ ад̇хигаран̣ам̣ ход̇ийд̇и? аабад̇д̇ияаа. д̇знзва вуд̇д̇ам̣ – ‘‘звамби аабад̇д̇ан̃н̃абхааг̇ияан̃жа ход̇и лзсо жа убаад̣̇инно’’д̇и. яан̃хи со сан̇гхаад̣̇исзсам̣ аабанно д̇ам̣ баарааж̇игасса ан̃н̃абхааг̇ияам̣ ад̇хигаран̣ам̣. д̇асса бана ан̃н̃абхааг̇ияасса ад̇хигаран̣асса лзсо наама яо со саб̣б̣акад̇д̇ияаанам̣ саад̇хааран̣о кад̇д̇ияабхааво вияа саб̣б̣аабад̇д̇ийнам̣ саад̇хааран̣о аабад̇д̇ибхааво. зд̇знубааязна сзсаабад̇д̇имуулаганаяо жод̣̇аабагавааро жа взд̣̇ид̇аб̣б̣о.
406. Yasmā pana āpattilesassa ekapadeneva saṅkhepato niddeso vutto, tasmā vitthāratopi taṃ dassetuṃ ‘‘bhikkhu saṅghādisesaṃ ajjhāpajjanto diṭṭho hotī’’tiādi vuttaṃ. Kasmā panassa tattheva niddesaṃ avatvā idha visuṃ vuttoti? Sesaniddesehi asabhāgattā. Sesaniddesā hi aññaṃ disvā aññassa codanāvasena vuttā. Ayaṃ pana ekameva aññaṃ āpattiṃ āpajjantaṃ disvā aññāya āpattiyā codanāvasena vutto. Yadi evaṃ kathaṃ aññabhāgiyaṃ adhikaraṇaṃ hotīti? Āpattiyā. Teneva vuttaṃ – ‘‘evampi āpattaññabhāgiyañca hoti leso ca upādinno’’ti. Yañhi so saṅghādisesaṃ āpanno taṃ pārājikassa aññabhāgiyaṃ adhikaraṇaṃ. Tassa pana aññabhāgiyassa adhikaraṇassa leso nāma yo so sabbakhattiyānaṃ sādhāraṇo khattiyabhāvo viya sabbāpattīnaṃ sādhāraṇo āpattibhāvo. Etenupāyena sesāpattimūlakanayo codāpakavāro ca veditabbo.
408. анаабад̇д̇и д̇ат̇аасан̃н̃ий жод̣̇зд̇и ваа жод̣̇аабзд̇и ваад̇и ‘‘баарааж̇игам̣язва аяам̣ аабанно’’д̇и яо звам̣ д̇ат̇аасан̃н̃ий жод̣̇зд̇и ваа жод̣̇аабзд̇и ваа д̇асса анаабад̇д̇и. сзсам̣ саб̣б̣ад̇т̇а уд̇д̇аанамзва. самудтаанаад̣̇ийниби батамад̣̇удтад̣̇осасад̣̇исаанзваад̇и.
408.Anāpatti tathāsaññī codeti vā codāpeti vāti ‘‘pārājikaṃyeva ayaṃ āpanno’’ti yo evaṃ tathāsaññī codeti vā codāpeti vā tassa anāpatti. Sesaṃ sabbattha uttānameva. Samuṭṭhānādīnipi paṭhamaduṭṭhadosasadisānevāti.
д̣̇уд̇ияад̣̇удтад̣̇осасигкаабад̣̇аван̣н̣анаа нидтид̇аа.
Dutiyaduṭṭhadosasikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 9. д̣̇уд̇ияад̣̇удтад̣̇осасигкаабад̣̇ам̣ • 9. Dutiyaduṭṭhadosasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. д̣̇уд̇ияад̣̇удтад̣̇осасигкаабад̣̇аван̣н̣анаа • 9. Dutiyaduṭṭhadosasikkhāpadavaṇṇanā
