| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. д̣̇уд̇ияаг̇илаанасуд̇д̇ам̣
5. Dutiyagilānasuttaṃ
196. згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмаа махаамог̇г̇аллаано г̇иж̇жхагуудз баб̣б̣ад̇з вихарад̇и ааб̣аад̇хиго д̣̇угкид̇о б̣аал̣хаг̇илаано. ат̇а ко бхаг̇аваа сааяанхасамаяам̣ бадисаллаанаа вудтид̇о язнааяасмаа махаамог̇г̇аллаано д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. нисаж̇ж̇а ко бхаг̇аваа ааяасманд̇ам̣ махаамог̇г̇аллаанам̣ зд̇ад̣̇авожа –
196. Ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena āyasmā mahāmoggallāno gijjhakūṭe pabbate viharati ābādhiko dukkhito bāḷhagilāno. Atha kho bhagavā sāyanhasamayaṃ paṭisallānā vuṭṭhito yenāyasmā mahāmoggallāno tenupasaṅkami; upasaṅkamitvā paññatte āsane nisīdi. Nisajja kho bhagavā āyasmantaṃ mahāmoggallānaṃ etadavoca –
‘‘гажжи д̇з, мог̇г̇аллаана, каманийяам̣ гажжи яаабанийяам̣? гажжи д̣̇угкаа взд̣̇анаа бадиггаманд̇и, но абхиггаманд̇и; бадиггамосаанам̣ бан̃н̃ааяад̇и, но абхиггамо’’д̇и? ‘‘на мз, бханд̇з, каманийяам̣, на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамо’’д̇и.
‘‘Kacci te, moggallāna, khamanīyaṃ kacci yāpanīyaṃ? Kacci dukkhā vedanā paṭikkamanti, no abhikkamanti; paṭikkamosānaṃ paññāyati, no abhikkamo’’ti? ‘‘Na me, bhante, khamanīyaṃ, na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamo’’ti.
‘‘сад̇д̇имз, мог̇г̇аллаана, б̣ож̇жхан̇г̇аа маяаа саммад̣̇агкаад̇аа бхаавид̇аа б̣ахулийгад̇аа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇и. гад̇амз сад̇д̇а? сад̇исамб̣ож̇жхан̇г̇о ко, мог̇г̇аллаана, маяаа саммад̣̇агкаад̇о бхаавид̇о б̣ахулийгад̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и…бз… убзгкаасамб̣ож̇жхан̇г̇о ко, мог̇г̇аллаана, маяаа саммад̣̇агкаад̇о бхаавид̇о б̣ахулийгад̇о абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. имз ко, мог̇г̇аллаана, сад̇д̇а б̣ож̇жхан̇г̇аа маяаа саммад̣̇агкаад̇аа бхаавид̇аа б̣ахулийгад̇аа абхин̃н̃ааяа самб̣од̇хааяа ниб̣б̣аанааяа сам̣вад̇д̇анд̇ий’’д̇и. ‘‘д̇аг̇гха , бхаг̇аваа, б̣ож̇жхан̇г̇аа; д̇аг̇гха, суг̇ад̇а, б̣ож̇жхан̇г̇аа’’д̇и.
‘‘Sattime, moggallāna, bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattanti. Katame satta? Satisambojjhaṅgo kho, moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati…pe… upekkhāsambojjhaṅgo kho, moggallāna, mayā sammadakkhāto bhāvito bahulīkato abhiññāya sambodhāya nibbānāya saṃvattati. Ime kho, moggallāna, satta bojjhaṅgā mayā sammadakkhātā bhāvitā bahulīkatā abhiññāya sambodhāya nibbānāya saṃvattantī’’ti. ‘‘Taggha , bhagavā, bojjhaṅgā; taggha, sugata, bojjhaṅgā’’ti.
ид̣̇амавожа бхаг̇аваа. ад̇д̇амано ааяасмаа махаамог̇г̇аллаано бхаг̇авад̇о бхаасид̇ам̣ абхинанд̣̇и. вудтахи жааяасмаа махаамог̇г̇аллаано д̇амхаа ааб̣аад̇хаа. д̇ат̇аабахийно жааяасмад̇о махаамог̇г̇аллаанасса со ааб̣аад̇хо ахосийд̇и. бан̃жамам̣.
Idamavoca bhagavā. Attamano āyasmā mahāmoggallāno bhagavato bhāsitaṃ abhinandi. Vuṭṭhahi cāyasmā mahāmoggallāno tamhā ābādhā. Tathāpahīno cāyasmato mahāmoggallānassa so ābādho ahosīti. Pañcamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 4-10. батамаг̇илаанасуд̇д̇аад̣̇иван̣н̣анаа • 4-10. Paṭhamagilānasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 4-10. батамаг̇илаанасуд̇д̇аад̣̇иван̣н̣анаа • 4-10. Paṭhamagilānasuttādivaṇṇanā
