| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౨. దుతియకస్సపసుత్తవణ్ణనా
2. Dutiyakassapasuttavaṇṇanā
౮౩. దుతియే ఝాయీతి ద్వీహి ఝానేహి ఝాయీ. విముత్తచిత్తోతి కమ్మట్ఠానవిముత్తియా విముత్తచిత్తో. హదయస్సానుపత్తిన్తి అరహత్తం. లోకస్సాతి సఙ్ఖారలోకస్స. అనిస్సితోతి తణ్హాదిట్ఠీహి అనిస్సితో, తణ్హాదిట్ఠియో వా అనిస్సితో. తదానిసంసోతి అరహత్తానిసంసో. ఇదం వుత్తం హోతి – అరహత్తానిసంసో భిక్ఖు అరహత్తం పత్థేన్తో ఝాయీ భవేయ్య, సువిముత్తచిత్తో భవేయ్య, లోకస్స ఉదయబ్బయం ఞత్వా అనిస్సితో భవేయ్య. తన్తిధమ్మో పన ఇమస్మిం సాసనే పుబ్బభాగోతి. దుతియం.
83. Dutiye jhāyīti dvīhi jhānehi jhāyī. Vimuttacittoti kammaṭṭhānavimuttiyā vimuttacitto. Hadayassānupattinti arahattaṃ. Lokassāti saṅkhāralokassa. Anissitoti taṇhādiṭṭhīhi anissito, taṇhādiṭṭhiyo vā anissito. Tadānisaṃsoti arahattānisaṃso. Idaṃ vuttaṃ hoti – arahattānisaṃso bhikkhu arahattaṃ patthento jhāyī bhaveyya, suvimuttacitto bhaveyya, lokassa udayabbayaṃ ñatvā anissito bhaveyya. Tantidhammo pana imasmiṃ sāsane pubbabhāgoti. Dutiyaṃ.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౨. దుతియకస్సపసుత్తం • 2. Dutiyakassapasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౨. దుతియకస్సపసుత్తవణ్ణనా • 2. Dutiyakassapasuttavaṇṇanā
