| Library / Tipiṭaka / तिपिटक • Tipiṭaka / विमानवत्थु-अट्ठकथा • Vimānavatthu-aṭṭhakathā |
९. दुतियकुण्डलीविमानवण्णना
9. Dutiyakuṇḍalīvimānavaṇṇanā
अलङ्कतो मल्यधरो सुवत्थोति दुतियकुण्डलीविमानं। तस्स का उप्पत्ति? भगवा सावत्थियं विहरति जेतवने। तेन समयेन द्वे अग्गसावका कासीसु जनपदचारिकं चरन्तातिआदि सब्बं अनन्तरसदिसमेव।
Alaṅkato malyadharo suvatthoti dutiyakuṇḍalīvimānaṃ. Tassa kā uppatti? Bhagavā sāvatthiyaṃ viharati jetavane. Tena samayena dve aggasāvakā kāsīsu janapadacārikaṃ carantātiādi sabbaṃ anantarasadisameva.
११०१.
1101.
‘‘अलङ्कतो मल्यधरो सुवत्थो, सुकुण्डली कप्पितकेसमस्सु।
‘‘Alaṅkato malyadharo suvattho, sukuṇḍalī kappitakesamassu;
आमुत्तहत्थाभरणो यसस्सी, दिब्बे विमानम्हि यथापि चन्दिमा॥
Āmuttahatthābharaṇo yasassī, dibbe vimānamhi yathāpi candimā.
११०२.
1102.
‘‘दिब्बा च वीणा पवदन्ति वग्गुं।
‘‘Dibbā ca vīṇā pavadanti vagguṃ;
अट्ठट्ठका सिक्खिता साधुरूपा।
Aṭṭhaṭṭhakā sikkhitā sādhurūpā;
दिब्बा च कञ्ञा तिदसचरा उळारा, नच्चन्ति गायन्ति पमोदयन्ति॥
Dibbā ca kaññā tidasacarā uḷārā, naccanti gāyanti pamodayanti.
११०३.
1103.
‘‘देविद्धिपत्तोसि महानुभावो…पे॰…
‘‘Deviddhipattosi mahānubhāvo…pe…
वण्णो च ते सब्बदिसा पभासती’’ति॥ – पुच्छि।
Vaṇṇo ca te sabbadisā pabhāsatī’’ti. – pucchi;
११०४.
1104.
‘‘सो देवपुत्तो अत्तमनो…पे॰… यस्स कम्मस्सिदं फलं’’॥
‘‘So devaputto attamano…pe… yassa kammassidaṃ phalaṃ’’.
११०५.
1105.
‘‘अहं मनुस्सेसु मनुस्सभूतो, दिस्वान समणे साधुरूपे।
‘‘Ahaṃ manussesu manussabhūto, disvāna samaṇe sādhurūpe;
सम्पन्नविज्जाचरणे यसस्सी, बहुस्सुते सीलवन्ते पसन्ने।
Sampannavijjācaraṇe yasassī, bahussute sīlavante pasanne;
अन्नञ्च पानञ्च पसन्नचित्तो, सक्कच्च दानं विपुलं अदासिं॥
Annañca pānañca pasannacitto, sakkacca dānaṃ vipulaṃ adāsiṃ.
११०६.
1106.
‘‘तेन मेतादिसो वण्णो…पे॰…
‘‘Tena metādiso vaṇṇo…pe…
वण्णो च मे सब्बदिसा पभासती’’ति॥
Vaṇṇo ca me sabbadisā pabhāsatī’’ti.
गाथासुपि अपुब्बं नत्थि।
Gāthāsupi apubbaṃ natthi.
दुतियकुण्डलीविमानवण्णना निट्ठिता।
Dutiyakuṇḍalīvimānavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / विमानवत्थुपाळि • Vimānavatthupāḷi / ९. दुतियकुण्डलीविमानवत्थु • 9. Dutiyakuṇḍalīvimānavatthu
