| Library / Tipiṭaka / તિપિટક • Tipiṭaka / વિમાનવત્થુપાળિ • Vimānavatthupāḷi |
૯. દુતિયકુણ્ડલીવિમાનવત્થુ
9. Dutiyakuṇḍalīvimānavatthu
૧૧૦૧.
1101.
‘‘અલઙ્કતો મલ્યધરો સુવત્થો, સુકુણ્ડલી કપ્પિતકેસમસ્સુ;
‘‘Alaṅkato malyadharo suvattho, sukuṇḍalī kappitakesamassu;
આમુત્તહત્થાભરણો યસસ્સી, દિબ્બે વિમાનમ્હિ યથાપિ ચન્દિમા.
Āmuttahatthābharaṇo yasassī, dibbe vimānamhi yathāpi candimā.
૧૧૦૨.
1102.
‘‘દિબ્બા ચ વીણા પવદન્તિ વગ્ગું, અટ્ઠટ્ઠકા સિક્ખિતા સાધુરૂપા;
‘‘Dibbā ca vīṇā pavadanti vagguṃ, aṭṭhaṭṭhakā sikkhitā sādhurūpā;
દિબ્બા ચ કઞ્ઞા તિદસચરા ઉળારા, નચ્ચન્તિ ગાયન્તિ પમોદયન્તિ.
Dibbā ca kaññā tidasacarā uḷārā, naccanti gāyanti pamodayanti.
૧૧૦૩.
1103.
‘‘દેવિદ્ધિપત્તોસિ મહાનુભાવો, મનુસ્સભૂતો કિમકાસિ પુઞ્ઞં;
‘‘Deviddhipattosi mahānubhāvo, manussabhūto kimakāsi puññaṃ;
કેનાસિ એવં જલિતાનુભાવો, વણ્ણો ચ તે સબ્બદિસા પભાસતી’’તિ.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
૧૧૦૪.
1104.
સો દેવપુત્તો અત્તમનો…પે॰… યસ્સ કમ્મસ્સિદં ફલં.
So devaputto attamano…pe… yassa kammassidaṃ phalaṃ.
૧૧૦૫.
1105.
‘‘અહં મનુસ્સેસુ મનુસ્સભૂતો, દિસ્વાન સમણે સાધુરૂપે 1;
‘‘Ahaṃ manussesu manussabhūto, disvāna samaṇe sādhurūpe 2;
સમ્પન્નવિજ્જાચરણે યસસ્સી, બહુસ્સુતે સીલવન્તે પસન્ને 3;
Sampannavijjācaraṇe yasassī, bahussute sīlavante pasanne 4;
અન્નઞ્ચ પાનઞ્ચ પસન્નચિત્તો, સક્કચ્ચ દાનં વિપુલં અદાસિં.
Annañca pānañca pasannacitto, sakkacca dānaṃ vipulaṃ adāsiṃ.
૧૧૦૬.
1106.
‘‘તેન મેતાદિસો વણ્ણો…પે॰…વણ્ણો ચ મે સબ્બદિસા પભાસતી’’તિ.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
દુતિયકુણ્ડલીવિમાનં નવમં.
Dutiyakuṇḍalīvimānaṃ navamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / વિમાનવત્થુ-અટ્ઠકથા • Vimānavatthu-aṭṭhakathā / ૯. દુતિયકુણ્ડલીવિમાનવણ્ણના • 9. Dutiyakuṇḍalīvimānavaṇṇanā
