| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੪-੬. ਦੁਤਿਯਨਾਨਾਕਰਣਸੁਤ੍ਤਾਦਿવਣ੍ਣਨਾ
4-6. Dutiyanānākaraṇasuttādivaṇṇanā
੧੨੪-੬. ਚਤੁਤ੍ਥੇ ਤੇ ਧਮ੍ਮੇਤਿ ਤੇ ‘‘ਰੂਪਗਤ’’ਨ੍ਤਿਆਦਿਨਾ ਨਯੇਨ વੁਤ੍ਤੇ ਰੂਪਾਦਯੋ ਧਮ੍ਮੇ। ਅਨਿਚ੍ਚਤੋਤਿ ਇਮਿਨਾ ਨਿਚ੍ਚਪ੍ਪਟਿਕ੍ਖੇਪਤੋ ਤੇਸਂ ਅਨਿਚ੍ਚਤਮਾਹ, ਤਤੋ ਏવ ਚ ਉਦਯવਯવਨ੍ਤਤੋ વਿਪਰਿਣਾਮਤੋ ਤਾવਕਾਲਿਕਤੋ ਚ ਤੇ ਅਨਿਚ੍ਚਾਤਿ ਜੋਤਿਤਂ ਹੋਤਿ। ਯਞ੍ਹਿ ਨਿਬ੍ਬਤ੍ਤਂ ਹੋਤਿ, ਤਂ ਉਦਯવਯਪਰਿਚ੍ਛਿਨ੍ਨਂ । ਜਰਾਯ ਮਰਣੇਨ ਚ ਤਦੇવ વਿਪਰੀਤਂ, ਇਤ੍ਤਰਕ੍ਖਣਮੇવ ਚ ਹੋਤੀਤਿ। ਦੁਕ੍ਖਤੋਤਿ ਇਮਿਨਾ ਸੁਖਪ੍ਪਟਿਕ੍ਖੇਪਤੋ ਤੇਸਂ ਦੁਕ੍ਖਤਮਾਹ। ਤਤੋ ਏવ ਚ ਅਭਿਣ੍ਹਪ੍ਪਟਿਪੀਲ਼ਨਤੋ ਦੁਕ੍ਖવਤ੍ਥੁਤੋ ਚ ਤੇ ਦੁਕ੍ਖਾਤਿ ਜੋਤਿਤਂ ਹੋਤਿ। ਉਦਯવਯવਨ੍ਤਤਾਯ ਹਿ ਤੇ ਅਭਿਣ੍ਹਪ੍ਪਟਿਪੀਲ਼ਨਤੋ ਨਿਰਨ੍ਤਰਦੁਕ੍ਖਤਾਯ ਦੁਕ੍ਖਸ੍ਸੇવ ਚ ਅਧਿਟ੍ਠਾਨਭੂਤਾ। ਪਚ੍ਚਯਯਾਪਨੀਯਤਾਯ ਰੋਗਮੂਲਤਾਯ ਚ ਰੋਗਤੋ। ਦੁਕ੍ਖਤਾਸੂਲਯੋਗਤੋ ਕਿਲੇਸਾਸੁਚਿਪਗ੍ਘਰਣਤੋ ਉਪ੍ਪਾਦਜਰਾਭਙ੍ਗੇਹਿ ਉਦ੍ਧੁਮਾਤਪਰਿਪਕ੍ਕਪਭਿਨ੍ਨਤੋ ਚ ਗਣ੍ਡਤੋ। ਪੀਲ਼ਾਜਨਨਤੋ, ਅਨ੍ਤੋਤੁਦਨਤੋ, ਦੁਨ੍ਨੀਹਰਣਤੋ ਚ ਸਲ੍ਲਤੋ। ਅવਡ੍ਢਿਆવਹਨਤੋ ਅਘવਤ੍ਥੁਤੋ ਚ ਅਘਤੋ। ਅਸੇਰਿਭਾવਜਨਨਤੋ ਆਬਾਧਪਦਟ੍ਠਾਨਤਾਯ ਚ ਆਬਾਧਤੋ। ਅવਸવਤ੍ਤਨਤੋ ਅવਿਧੇਯ੍ਯਤਾਯ ਚ ਪਰਤੋ। ਬ੍ਯਾਧਿਜਰਾਮਰਣੇਹਿ ਪਲੁਜ੍ਜਨੀਯਤਾਯ ਪਲੋਕਤੋ। ਸਾਮਿਨਿવਾਸਿਕਾਰਕવੇਦਕਅਧਿਟ੍ਠਾਯਕવਿਰਹਤੋ ਸੁਞ੍ਞਤੋ। ਅਤ੍ਤਪ੍ਪਟਿਕ੍ਖੇਪਟ੍ਠੇਨ ਅਨਤ੍ਤਤੋ। ਰੂਪਾਦਿਧਮ੍ਮਾ ਹਿ ਨ ਏਤ੍ਥ ਅਤ੍ਤਾ ਅਤ੍ਥੀਤਿ ਅਨਤ੍ਤਾ। ਏવਂ ਸਯਮ੍ਪਿ ਅਤ੍ਤਾ ਨ ਹੋਨ੍ਤੀਤਿ ਅਨਤ੍ਤਾ। ਤੇਨ ਅਬ੍ਯਾਪਾਰਤੋ ਨਿਰੀਹਤੋ ਤੁਚ੍ਛਤੋ ਅਨਤ੍ਤਾਤਿ ਦੀਪਿਤਂ ਹੋਤਿ। ਲਕ੍ਖਣਤ੍ਤਯਮੇવ ਸੁਖਾવਬੋਧਨਤ੍ਥਂ ਏਕਾਦਸਹਿ ਪਦੇਹਿ વਿਭਜਿਤ੍વਾ ਗਹਿਤਨ੍ਤਿ ਦਸ੍ਸੇਤੁਂ ‘‘ਤਤ੍ਥਾ’’ਤਿਆਦਿ વੁਤ੍ਤਂ। ਪਞ੍ਚਮਛਟ੍ਠਾਨਿ ਉਤ੍ਤਾਨਤ੍ਥਾਨੇવ।
124-6. Catutthe te dhammeti te ‘‘rūpagata’’ntiādinā nayena vutte rūpādayo dhamme. Aniccatoti iminā niccappaṭikkhepato tesaṃ aniccatamāha, tato eva ca udayavayavantato vipariṇāmato tāvakālikato ca te aniccāti jotitaṃ hoti. Yañhi nibbattaṃ hoti, taṃ udayavayaparicchinnaṃ . Jarāya maraṇena ca tadeva viparītaṃ, ittarakkhaṇameva ca hotīti. Dukkhatoti iminā sukhappaṭikkhepato tesaṃ dukkhatamāha. Tato eva ca abhiṇhappaṭipīḷanato dukkhavatthuto ca te dukkhāti jotitaṃ hoti. Udayavayavantatāya hi te abhiṇhappaṭipīḷanato nirantaradukkhatāya dukkhasseva ca adhiṭṭhānabhūtā. Paccayayāpanīyatāya rogamūlatāya ca rogato. Dukkhatāsūlayogato kilesāsucipaggharaṇato uppādajarābhaṅgehi uddhumātaparipakkapabhinnato ca gaṇḍato. Pīḷājananato, antotudanato, dunnīharaṇato ca sallato. Avaḍḍhiāvahanato aghavatthuto ca aghato. Aseribhāvajananato ābādhapadaṭṭhānatāya ca ābādhato. Avasavattanato avidheyyatāya ca parato. Byādhijarāmaraṇehi palujjanīyatāya palokato. Sāminivāsikārakavedakaadhiṭṭhāyakavirahato suññato. Attappaṭikkhepaṭṭhena anattato. Rūpādidhammā hi na ettha attā atthīti anattā. Evaṃ sayampi attā na hontīti anattā. Tena abyāpārato nirīhato tucchato anattāti dīpitaṃ hoti. Lakkhaṇattayameva sukhāvabodhanatthaṃ ekādasahi padehi vibhajitvā gahitanti dassetuṃ ‘‘tatthā’’tiādi vuttaṃ. Pañcamachaṭṭhāni uttānatthāneva.
ਦੁਤਿਯਨਾਨਾਕਰਣਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Dutiyanānākaraṇasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੪. ਦੁਤਿਯਨਾਨਾਕਰਣਸੁਤ੍ਤਂ • 4. Dutiyanānākaraṇasuttaṃ
੫. ਪਠਮਮੇਤ੍ਤਾਸੁਤ੍ਤਂ • 5. Paṭhamamettāsuttaṃ
੬. ਦੁਤਿਯਮੇਤ੍ਤਾਸੁਤ੍ਤਂ • 6. Dutiyamettāsuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੪. ਦੁਤਿਯਨਾਨਾਕਰਣਸੁਤ੍ਤવਣ੍ਣਨਾ • 4. Dutiyanānākaraṇasuttavaṇṇanā
੫-੬. ਮੇਤ੍ਤਾਸੁਤ੍ਤਦ੍વਯવਣ੍ਣਨਾ • 5-6. Mettāsuttadvayavaṇṇanā
