| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૪. દુતિયનાનાકરણસુત્તવણ્ણના
4. Dutiyanānākaraṇasuttavaṇṇanā
૧૨૪. ચતુત્થે રૂપમેવ રૂપગતં. સેસપદેસુપિ એસેવ નયો. અનિચ્ચતોતિઆદીસુ હુત્વા અભાવટ્ઠેન અનિચ્ચતો, આબાધટ્ઠેન રોગતો, અન્તો પદુસ્સનટ્ઠેન ગણ્ડતો, અનુપવિટ્ઠટ્ઠેન સલ્લતો, સદુક્ખટ્ઠેન અઘતો, સમ્પીળનટ્ઠેન આબાધતો, અવિધેય્યટ્ઠેન પરતો, પલુજ્જનટ્ઠેન પલોકતો, નિસ્સત્તટ્ઠેન સુઞ્ઞતો, અવસવત્તનટ્ઠેન અનત્તતો. એત્થ ચ ‘‘અનિચ્ચતો પલોકતો’’તિ દ્વીહિ પદેહિ અનિચ્ચલક્ખણં કથિતં, ‘‘સુઞ્ઞતો અનત્તતો’’તિ દ્વીહિ અનત્તલક્ખણં, સેસેહિ દુક્ખલક્ખણં કથિતન્તિ વેદિતબ્બં. સમનુપસ્સતીતિ ઞાણેન પસ્સતિ. એવં પઞ્ચક્ખન્ધે તિલક્ખણં આરોપેત્વા પસ્સન્તો તયો મગ્ગે તીણિ ફલાનિ સચ્છિકરોતિ. સુદ્ધાવાસાનં દેવાનં સહબ્યતં ઉપપજ્જતીતિ તત્થ ઠિતો ચતુત્થજ્ઝાનં ભાવેત્વા ઉપપજ્જતિ.
124. Catutthe rūpameva rūpagataṃ. Sesapadesupi eseva nayo. Aniccatotiādīsu hutvā abhāvaṭṭhena aniccato, ābādhaṭṭhena rogato, anto padussanaṭṭhena gaṇḍato, anupaviṭṭhaṭṭhena sallato, sadukkhaṭṭhena aghato, sampīḷanaṭṭhena ābādhato, avidheyyaṭṭhena parato, palujjanaṭṭhena palokato, nissattaṭṭhena suññato, avasavattanaṭṭhena anattato. Ettha ca ‘‘aniccato palokato’’ti dvīhi padehi aniccalakkhaṇaṃ kathitaṃ, ‘‘suññato anattato’’ti dvīhi anattalakkhaṇaṃ, sesehi dukkhalakkhaṇaṃ kathitanti veditabbaṃ. Samanupassatīti ñāṇena passati. Evaṃ pañcakkhandhe tilakkhaṇaṃ āropetvā passanto tayo magge tīṇi phalāni sacchikaroti. Suddhāvāsānaṃdevānaṃ sahabyataṃ upapajjatīti tattha ṭhito catutthajjhānaṃ bhāvetvā upapajjati.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૪. દુતિયનાનાકરણસુત્તં • 4. Dutiyanānākaraṇasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૪-૬. દુતિયનાનાકરણસુત્તાદિવણ્ણના • 4-6. Dutiyanānākaraṇasuttādivaṇṇanā
