| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. д̣̇уд̇ияананд̣̇игкаяасуд̇д̇ам̣
10. Dutiyanandikkhayasuttaṃ
52. саавад̇т̇инид̣̇аанам̣ . ‘‘руубам̣ , бхигкавз, яонисо манаси гарот̇а, руубаанижжад̇ан̃жа яат̇аабхууд̇ам̣ саманубассат̇а. руубам̣, бхигкавз, бхигку яонисо манаси гаронд̇о, руубаанижжад̇ан̃жа яат̇аабхууд̇ам̣ саманубассанд̇о руубасмим̣ ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇и. взд̣̇анам̣, бхигкавз, яонисо манаси гарот̇а, взд̣̇анаанижжад̇ан̃жа яат̇аабхууд̇ам̣ саманубассат̇а. взд̣̇анам̣, бхигкавз, бхигку яонисо манаси гаронд̇о, взд̣̇анаанижжад̇ан̃жа яат̇аабхууд̇ам̣ саманубассанд̇о взд̣̇анааяа ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇и. сан̃н̃ам̣ бхигкавз… сан̇каарз, бхигкавз, яонисо манаси гарот̇а, сан̇каараанижжад̇ан̃жа яат̇аабхууд̇ам̣ саманубассат̇а. сан̇каарз, бхигкавз , бхигку яонисо манаси гаронд̇о, сан̇каараанижжад̇ам̣ яат̇аабхууд̇ам̣ саманубассанд̇о сан̇каарзсу ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇и. вин̃н̃аан̣ам̣, бхигкавз, яонисо манаси гарот̇а, вин̃н̃аан̣аанижжад̇ан̃жа яат̇аабхууд̇ам̣ саманубассат̇а. вин̃н̃аан̣ам̣, бхигкавз, бхигку яонисо манаси гаронд̇о, вин̃н̃аан̣аанижжад̇ан̃жа яат̇аабхууд̇ам̣ саманубассанд̇о вин̃н̃аан̣асмим̣ ниб̣б̣инд̣̇ад̇и. нанд̣̇игкаяаа рааг̇агкаяо, рааг̇агкаяаа нанд̣̇игкаяо. нанд̣̇ирааг̇агкаяаа жид̇д̇ам̣ вимуд̇д̇ам̣ сувимуд̇д̇анд̇и вужжад̇ий’’д̇и. д̣̇асамам̣.
52. Sāvatthinidānaṃ . ‘‘Rūpaṃ , bhikkhave, yoniso manasi karotha, rūpāniccatañca yathābhūtaṃ samanupassatha. Rūpaṃ, bhikkhave, bhikkhu yoniso manasi karonto, rūpāniccatañca yathābhūtaṃ samanupassanto rūpasmiṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Vedanaṃ, bhikkhave, yoniso manasi karotha, vedanāniccatañca yathābhūtaṃ samanupassatha. Vedanaṃ, bhikkhave, bhikkhu yoniso manasi karonto, vedanāniccatañca yathābhūtaṃ samanupassanto vedanāya nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Saññaṃ bhikkhave… saṅkhāre, bhikkhave, yoniso manasi karotha, saṅkhārāniccatañca yathābhūtaṃ samanupassatha. Saṅkhāre, bhikkhave , bhikkhu yoniso manasi karonto, saṅkhārāniccataṃ yathābhūtaṃ samanupassanto saṅkhāresu nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccati. Viññāṇaṃ, bhikkhave, yoniso manasi karotha, viññāṇāniccatañca yathābhūtaṃ samanupassatha. Viññāṇaṃ, bhikkhave, bhikkhu yoniso manasi karonto, viññāṇāniccatañca yathābhūtaṃ samanupassanto viññāṇasmiṃ nibbindati. Nandikkhayā rāgakkhayo, rāgakkhayā nandikkhayo. Nandirāgakkhayā cittaṃ vimuttaṃ suvimuttanti vuccatī’’ti. Dasamaṃ.
ад̇д̇ад̣̇ийбаваг̇г̇о бан̃жамо.
Attadīpavaggo pañcamo.
д̇ассуд̣̇д̣̇аанам̣ –
Tassuddānaṃ –
ад̇д̇ад̣̇ийбаа бадибад̣̇аа, д̣̇вз жа хонд̇и анижжад̇аа;
Attadīpā paṭipadā, dve ca honti aniccatā;
саманубассанаа канд̇хаа, д̣̇вз сон̣аа д̣̇вз нанд̣̇игкаязна жаад̇и.
Samanupassanā khandhā, dve soṇā dve nandikkhayena cāti.
муулабан̣н̣аасаго самад̇д̇о.
Mūlapaṇṇāsako samatto.
д̇асса муулабан̣н̣аасагасса ваг̇г̇уд̣̇д̣̇аанам̣ –
Tassa mūlapaṇṇāsakassa vagguddānaṃ –
нагулабид̇аа анижжо жа, бхааро над̇умхаагзна жа;
Nakulapitā anicco ca, bhāro natumhākena ca;
ад̇д̇ад̣̇ийбзна бан̃н̃аасо, батамо д̇зна бавужжад̇ийд̇и.
Attadīpena paññāso, paṭhamo tena pavuccatīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 9-10. нанд̣̇игкаяасуд̇д̇аад̣̇иван̣н̣анаа • 9-10. Nandikkhayasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 9-10. нанд̣̇игкаяасуд̇д̇аад̣̇иван̣н̣анаа • 9-10. Nandikkhayasuttādivaṇṇanā
