| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̣̇уд̇ияанаат̇асуд̇д̇ам̣
8. Dutiyanāthasuttaṃ
18. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
18. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘санаат̇аа , бхигкавз, вихарат̇а, маа анаат̇аа. д̣̇угкам̣, бхигкавз, анаат̇о вихарад̇и. д̣̇асаяимз, бхигкавз, наат̇агаран̣аа д̇хаммаа. гад̇амз д̣̇аса? ид̇ха, бхигкавз, бхигку сийлаваа ход̇и…бз… самаад̣̇ааяа сигкад̇и сигкаабад̣̇зсу. ‘сийлаваа вад̇ааяам̣ бхигку баад̇имогкасам̣варасам̣вуд̇о вихарад̇и аажаараг̇ожарасамбанно ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсуу’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Sanāthā , bhikkhave, viharatha, mā anāthā. Dukkhaṃ, bhikkhave, anātho viharati. Dasayime, bhikkhave, nāthakaraṇā dhammā. Katame dasa? Idha, bhikkhave, bhikkhu sīlavā hoti…pe… samādāya sikkhati sikkhāpadesu. ‘Sīlavā vatāyaṃ bhikkhu pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesū’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку б̣ахуссуд̇о ход̇и…бз… д̣̇идтияаа суббадивид̣̇д̇хаа. ‘б̣ахуссуд̇о вад̇ааяам̣ бхигку суд̇ад̇харо суд̇асаннижаяо, яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и д̇хаад̇аа важасаа барижид̇аа манасаанубзгкид̇аа д̣̇идтияаа суббадивид̣̇д̇хаа’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu bahussuto hoti…pe… diṭṭhiyā suppaṭividdhā. ‘Bahussuto vatāyaṃ bhikkhu sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку галяаан̣амид̇д̇о ход̇и галяаан̣асахааяо галяаан̣асамбаван̇го. ‘галяаан̣амид̇д̇о вад̇ааяам̣ бхигку галяаан̣асахааяо галяаан̣асамбаван̇го’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu kalyāṇamitto hoti kalyāṇasahāyo kalyāṇasampavaṅko. ‘Kalyāṇamitto vatāyaṃ bhikkhu kalyāṇasahāyo kalyāṇasampavaṅko’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку суважо ход̇и соважассагаран̣зхи д̇хаммзхи саманнааг̇ад̇о, камо бад̣̇агкин̣аг̇г̇аахий анусаасаним̣. ‘суважо вад̇ааяам̣ бхигку соважассагаран̣зхи д̇хаммзхи саманнааг̇ад̇о, камо бад̣̇агкин̣аг̇г̇аахий анусаасани’нд̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu suvaco hoti sovacassakaraṇehi dhammehi samannāgato, khamo padakkhiṇaggāhī anusāsaniṃ. ‘Suvaco vatāyaṃ bhikkhu sovacassakaraṇehi dhammehi samannāgato, khamo padakkhiṇaggāhī anusāsani’nti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку яаани д̇аани саб̣рахмажаарийнам̣ ужжааважаани гим̣гаран̣ийяаани, д̇ад̇т̇а д̣̇агко ход̇и аналасо, д̇ад̇руубааяааяа виймам̣сааяа саманнааг̇ад̇о, алам̣ гаад̇ум̣ алам̣ сам̣вид̇хаад̇ум̣. ‘яаани д̇аани саб̣рахмажаарийнам̣ ужжааважаани гим̣гаран̣ийяаани, д̇ад̇т̇а д̣̇агко вад̇ааяам̣ бхигку аналасо, д̇ад̇руубааяааяа виймам̣сааяа саманнааг̇ад̇о, алам̣ гаад̇ум̣ алам̣ сам̣вид̇хаад̇у’нд̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu yāni tāni sabrahmacārīnaṃ uccāvacāni kiṃkaraṇīyāni, tattha dakkho hoti analaso, tatrūpāyāya vīmaṃsāya samannāgato, alaṃ kātuṃ alaṃ saṃvidhātuṃ. ‘Yāni tāni sabrahmacārīnaṃ uccāvacāni kiṃkaraṇīyāni, tattha dakkho vatāyaṃ bhikkhu analaso, tatrūpāyāya vīmaṃsāya samannāgato, alaṃ kātuṃ alaṃ saṃvidhātu’nti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку д̇хаммагаамо ход̇и бияасамуд̣̇аахааро, абхид̇хаммз абхивинаяз ул̣аарабаамож̇ж̇о. ‘д̇хаммагаамо вад̇ааяам̣ бхигку бияасамуд̣̇аахааро, абхид̇хаммз абхивинаяз ул̣аарабаамож̇ж̇о’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu dhammakāmo hoti piyasamudāhāro, abhidhamme abhivinaye uḷārapāmojjo. ‘Dhammakāmo vatāyaṃ bhikkhu piyasamudāhāro, abhidhamme abhivinaye uḷārapāmojjo’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку аарад̣̇д̇хавийрияо вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу ‘аарад̣̇д̇хавийрияо вад̇ааяам̣ бхигку вихарад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсуу’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и . д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu āraddhavīriyo viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu ‘āraddhavīriyo vatāyaṃ bhikkhu viharati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesū’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti . Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку санд̇удто ход̇и ид̇арийд̇аражийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзна. ‘санд̇удто вад̇ааяам̣ бхигку ид̇арийд̇аражийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарзнаа’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu santuṭṭho hoti itarītaracīvarapiṇḍapātasenāsanagilānapaccayabhesajjaparikkhārena. ‘Santuṭṭho vatāyaṃ bhikkhu itarītaracīvarapiṇḍapātasenāsanagilānapaccayabhesajjaparikkhārenā’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку сад̇имаа ход̇и барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа. ‘сад̇имаа вад̇ааяам̣ бхигку барамзна сад̇инзбаггзна саманнааг̇ад̇о, жирагад̇амби жирабхаасид̇амби сарид̇аа ануссарид̇аа’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса маж̇жхимаанугамбид̇асса наваанугамбид̇асса вуд̣̇д̇хиязва баадиган̇каа гусалзсу д̇хаммзсу, но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu satimā hoti paramena satinepakkena samannāgato, cirakatampi cirabhāsitampi saritā anussaritā. ‘Satimā vatāyaṃ bhikkhu paramena satinepakkena samannāgato, cirakatampi cirabhāsitampi saritā anussaritā’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa majjhimānukampitassa navānukampitassa vuddhiyeva pāṭikaṅkhā kusalesu dhammesu, no parihāni. Ayampi dhammo nāthakaraṇo.
‘‘буна жабарам̣, бхигкавз, бхигку бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. ‘бан̃н̃аваа вад̇ааяам̣ бхигку уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа’д̇и т̇зрааби нам̣ бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и, маж̇жхимааби бхигкуу… навааби бхигкуу вад̇д̇аб̣б̣ам̣ анусаасид̇аб̣б̣ам̣ ман̃н̃анд̇и. д̇асса т̇зраанугамбид̇асса…бз… но барихаани. аяамби д̇хаммо наат̇агаран̣о.
‘‘Puna caparaṃ, bhikkhave, bhikkhu paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. ‘Paññavā vatāyaṃ bhikkhu udayatthagāminiyā paññāya samannāgato ariyāya nibbedhikāya sammā dukkhakkhayagāminiyā’ti therāpi naṃ bhikkhū vattabbaṃ anusāsitabbaṃ maññanti, majjhimāpi bhikkhū… navāpi bhikkhū vattabbaṃ anusāsitabbaṃ maññanti. Tassa therānukampitassa…pe… no parihāni. Ayampi dhammo nāthakaraṇo.
‘‘санаат̇аа, бхигкавз, вихарат̇а, маа анаат̇аа. д̣̇угкам̣, бхигкавз, анаат̇о вихарад̇и. имз ко, бхигкавз, д̣̇аса наат̇агаран̣аа д̇хаммаа’’д̇и. ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и. адтамам̣.
‘‘Sanāthā, bhikkhave, viharatha, mā anāthā. Dukkhaṃ, bhikkhave, anātho viharati. Ime kho, bhikkhave, dasa nāthakaraṇā dhammā’’ti. Idamavoca bhagavā. Attamanā te bhikkhū bhagavato bhāsitaṃ abhinandunti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̣̇уд̇ияанаат̇асуд̇д̇аван̣н̣анаа • 8. Dutiyanāthasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-8. батаманаат̇асуд̇д̇аад̣̇иван̣н̣анаа • 7-8. Paṭhamanāthasuttādivaṇṇanā
