Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
7. д̣̇уд̇ияанааваавимаанаван̣н̣анаа
7. Dutiyanāvāvimānavaṇṇanā
суван̣н̣ажчад̣̇анам̣ нааванд̇и д̣̇уд̇ияанааваавимаанам̣. д̇асса гаа уббад̇д̇и? бхаг̇авад̇и саавад̇т̇ияам̣ вихаранд̇з ан̃н̃ад̇аро кийн̣аасавад̇т̇зро убагадтааяа вассуубанааяигааяа г̇аамагааваасз вассам̣ убаг̇анд̇угаамо саавад̇т̇ид̇о д̇ам̣ г̇аамам̣ уд̣̇д̣̇исса бажчаабхад̇д̇ам̣ ад̣̇д̇хаанамаг̇г̇абадибанно, маг̇г̇абариссамзна гиланд̇о д̇асид̇о анд̇араамаг̇г̇з ан̃н̃ад̇арам̣ г̇аамам̣ самбад̇д̇о, б̣ахиг̇аамз д̇аад̣̇исам̣ чааяууд̣̇агасамбаннадтаанам̣ абассанд̇о бариссамзна жа абхибхуяяамаано жийварам̣ баарубид̇ваа г̇аамам̣ бависид̇ваа д̇хураг̇зхассзва д̣̇ваарз адтааси. д̇ад̇т̇а ан̃н̃ад̇араа ид̇т̇ий т̇зрам̣ бассид̇ваа ‘‘гуд̇о, бханд̇з, ааг̇ад̇ад̇т̇аа’’д̇и бужчид̇ваа маг̇г̇абариссамам̣ бибаасид̇абхааван̃жа н̃ад̇ваа ‘‘зт̇а, бханд̇з’’д̇и г̇зхам̣ бавзсзд̇ваа ‘‘ид̇ха нисийд̣̇ат̇аа’’д̇и аасанам̣ бан̃н̃аабзд̇ваа ад̣̇ааси. д̇ад̇т̇а нисиннз баад̣̇од̣̇агам̣ баад̣̇аб̣бхан̃ж̇анад̇злан̃жа д̣̇ад̇ваа д̇аалаван̣дам̣ г̇ахзд̇ваа б̣ийж̇и. барил̣аахз вуубасанд̇з мад̇хурам̣ сийд̇алам̣ суг̇анд̇хам̣ баанагам̣ яож̇зд̇ваа ад̣̇ааси. т̇зро д̇ам̣ бивид̇ваа бадиббассад̣̇д̇хагиламат̇о анумод̣̇анам̣ гад̇ваа баггаами. саа абарабхааг̇з гаалам̣ гад̇ваа д̇аавад̇им̣сабхаванз ниб̣б̣ад̇д̇ийд̇и саб̣б̣ам̣ ананд̇аравимаанасад̣̇исанд̇и взд̣̇ид̇аб̣б̣ам̣. г̇аат̇аасуби абуб̣б̣ам̣ над̇т̇и. д̇зна вуд̇д̇ам̣ –
Suvaṇṇacchadanaṃnāvanti dutiyanāvāvimānaṃ. Tassa kā uppatti? Bhagavati sāvatthiyaṃ viharante aññataro khīṇāsavatthero upakaṭṭhāya vassūpanāyikāya gāmakāvāse vassaṃ upagantukāmo sāvatthito taṃ gāmaṃ uddissa pacchābhattaṃ addhānamaggapaṭipanno, maggaparissamena kilanto tasito antarāmagge aññataraṃ gāmaṃ sampatto, bahigāme tādisaṃ chāyūdakasampannaṭṭhānaṃ apassanto parissamena ca abhibhuyyamāno cīvaraṃ pārupitvā gāmaṃ pavisitvā dhuragehasseva dvāre aṭṭhāsi. Tattha aññatarā itthī theraṃ passitvā ‘‘kuto, bhante, āgatatthā’’ti pucchitvā maggaparissamaṃ pipāsitabhāvañca ñatvā ‘‘etha, bhante’’ti gehaṃ pavesetvā ‘‘idha nisīdathā’’ti āsanaṃ paññāpetvā adāsi. Tattha nisinne pādodakaṃ pādabbhañjanatelañca datvā tālavaṇṭaṃ gahetvā bīji. Pariḷāhe vūpasante madhuraṃ sītalaṃ sugandhaṃ pānakaṃ yojetvā adāsi. Thero taṃ pivitvā paṭippassaddhakilamatho anumodanaṃ katvā pakkāmi. Sā aparabhāge kālaṃ katvā tāvatiṃsabhavane nibbattīti sabbaṃ anantaravimānasadisanti veditabbaṃ. Gāthāsupi apubbaṃ natthi. Tena vuttaṃ –
53.
53.
‘‘суван̣н̣ажчад̣̇анам̣ наавам̣, наари ааруяха д̇идтаси;
‘‘Suvaṇṇacchadanaṃ nāvaṃ, nāri āruyha tiṭṭhasi;
ог̇аахаси богкаран̣им̣, бад̣̇мам̣ чинд̣̇аси баан̣инаа.
Ogāhasi pokkharaṇiṃ, padmaṃ chindasi pāṇinā.
54.
54.
‘‘гзна д̇зд̇аад̣̇исо ван̣н̣о, гзна д̇з ид̇ха миж̇жхад̇и;
‘‘Kena tetādiso vaṇṇo, kena te idha mijjhati;
уббаж̇ж̇анд̇и жа д̇з бхог̇аа, яз гзжи манасо бияаа.
Uppajjanti ca te bhogā, ye keci manaso piyā.
55.
55.
‘‘бужчаами д̇ам̣ д̣̇зви махаанубхаавз, мануссабхууд̇аа гимагааси бун̃н̃ам̣;
‘‘Pucchāmi taṃ devi mahānubhāve, manussabhūtā kimakāsi puññaṃ;
гзнааси звам̣ ж̇алид̇аанубхааваа, ван̣н̣о жа д̇з саб̣б̣ад̣̇исаа бабхаасад̇ий’’д̇и.
Kenāsi evaṃ jalitānubhāvā, vaṇṇo ca te sabbadisā pabhāsatī’’ti.
56.
56.
‘‘саа д̣̇звад̇аа ад̇д̇аманаа, мог̇г̇аллаанзна бужчид̇аа;
‘‘Sā devatā attamanā, moggallānena pucchitā;
бан̃хам̣ будтаа вияаагааси, яасса гаммассид̣̇ам̣ палам̣’’.
Pañhaṃ puṭṭhā viyākāsi, yassa kammassidaṃ phalaṃ’’.
57.
57.
‘‘ахам̣ мануссзсу мануссабхууд̇аа, буримааяа ж̇аад̇ияаа мануссалогз;
‘‘Ahaṃ manussesu manussabhūtā, purimāya jātiyā manussaloke;
д̣̇исваана бхигкум̣ д̇асид̇ам̣ гиланд̇ам̣, удтааяа баад̇ум̣ уд̣̇агам̣ ад̣̇аасим̣.
Disvāna bhikkhuṃ tasitaṃ kilantaṃ, uṭṭhāya pātuṃ udakaṃ adāsiṃ.
58.
58.
‘‘яо вз гиланд̇асса бибаасид̇асса, дтааяа баад̇ум̣ уд̣̇агам̣ д̣̇ад̣̇аад̇и;
‘‘Yo ve kilantassa pipāsitassa, ṭṭhāya pātuṃ udakaṃ dadāti;
сийд̇од̣̇агаа д̇асса бхаванд̇и наж̇ж̇о, бахууд̇амаляаа б̣ахубун̣д̣арийгаа.
Sītodakā tassa bhavanti najjo, pahūtamalyā bahupuṇḍarīkā.
59.
59.
‘‘д̇ам̣ аабаг̇аа анубарияанд̇и саб̣б̣ад̣̇аа, сийд̇од̣̇агаа ваалугасант̇ад̇аа над̣̇ий;
‘‘Taṃ āpagā anupariyanti sabbadā, sītodakā vālukasanthatā nadī;
амб̣аа жа саалаа д̇илагаа жа ж̇амб̣уяо, уд̣̇д̣̇аалагаа баадалияо жа пуллаа.
Ambā ca sālā tilakā ca jambuyo, uddālakā pāṭaliyo ca phullā.
60.
60.
‘‘д̇ам̣бхуумибхааг̇зхи убзд̇аруубам̣, вимаанасздтам̣ бхуса собхамаанам̣;
‘‘Taṃbhūmibhāgehi upetarūpaṃ, vimānaseṭṭhaṃ bhusa sobhamānaṃ;
д̇ассийд̇ха гаммасса аяам̣ вибааго, зд̇аад̣̇исам̣ бун̃н̃агад̇аа лабханд̇и.
Tassīdha kammassa ayaṃ vipāko, etādisaṃ puññakatā labhanti.
61.
61.
‘‘д̇зна мзд̇аад̣̇исо ван̣н̣о, д̇зна мз ид̇ха миж̇жхад̇и;
‘‘Tena metādiso vaṇṇo, tena me idha mijjhati;
уббаж̇ж̇анд̇и жа мз бхог̇аа, яз гзжи манасо бияаа.
Uppajjanti ca me bhogā, ye keci manaso piyā.
62.
62.
‘‘агкаами д̇з бхигку махаанубхаава, мануссабхууд̇аа яамагааси бун̃н̃ам̣;
‘‘Akkhāmi te bhikkhu mahānubhāva, manussabhūtā yamakāsi puññaṃ;
д̇знамхи звам̣ ж̇алид̇аанубхааваа, ван̣н̣о жа мз саб̣б̣ад̣̇исаа бабхаасад̇ий’’д̇и.
Tenamhi evaṃ jalitānubhāvā, vaṇṇo ca me sabbadisā pabhāsatī’’ti.
ад̇т̇аван̣н̣анаасуби ид̇ха згова т̇зрод̇и абуб̣б̣ам̣ над̇т̇и.
Atthavaṇṇanāsupi idha ekova theroti apubbaṃ natthi.
д̣̇уд̇ияанааваавимаанаван̣н̣анаа нидтид̇аа.
Dutiyanāvāvimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 7. д̣̇уд̇ияанааваавимаанавад̇т̇у • 7. Dutiyanāvāvimānavatthu