| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૧૦. દુતિયનિદાનસુત્તવણ્ણના
10. Dutiyanidānasuttavaṇṇanā
૧૧૩. દસમે કમ્માનન્તિ વટ્ટગામિકમ્માનમેવ. છન્દરાગટ્ઠાનિયેતિ છન્દરાગસ્સ કારણભૂતે. આરબ્ભાતિ આગમ્મ સન્ધાય પટિચ્ચ. છન્દોતિ તણ્હાછન્દો. યો ચેતસો સારાગોતિ યો ચિત્તસ્સ રાગો રજ્જના રજ્જિતત્તં, એતમહં સંયોજનં વદામિ, બન્ધનં વદામીતિ અત્થો. સુક્કપક્ખે કમ્માનન્તિ વિવટ્ટગામિકમ્માનં. તદભિનિવત્તેતીતિ તં અભિનિવત્તેતિ. યદા વા તેન વિપાકો ઞાતો હોતિ વિદિતો, તદા તે ચેવ ધમ્મે તઞ્ચ વિપાકં અભિનિવત્તેતિ. ઇમિના ચ પદેન વિપસ્સના કથિતા, તદભિનિવત્તેત્વાતિ ઇમિના મગ્ગો. ચેતસા અભિનિવિજ્ઝિત્વાતિ ઇમિના ચ મગ્ગોવ. પઞ્ઞાય અતિવિજ્ઝ પસ્સતીતિ સહ વિપસ્સનાય મગ્ગપઞ્ઞાય નિબ્બિજ્ઝિત્વા પસ્સતિ. એવં સબ્બત્થ અત્થો વેદિતબ્બો. ઇમસ્મિં પન સુત્તે વટ્ટવિવટ્ટં કથિતન્તિ.
113. Dasame kammānanti vaṭṭagāmikammānameva. Chandarāgaṭṭhāniyeti chandarāgassa kāraṇabhūte. Ārabbhāti āgamma sandhāya paṭicca. Chandoti taṇhāchando. Yo cetaso sārāgoti yo cittassa rāgo rajjanā rajjitattaṃ, etamahaṃ saṃyojanaṃ vadāmi, bandhanaṃ vadāmīti attho. Sukkapakkhe kammānanti vivaṭṭagāmikammānaṃ. Tadabhinivattetīti taṃ abhinivatteti. Yadā vā tena vipāko ñāto hoti vidito, tadā te ceva dhamme tañca vipākaṃ abhinivatteti. Iminā ca padena vipassanā kathitā, tadabhinivattetvāti iminā maggo. Cetasā abhinivijjhitvāti iminā ca maggova. Paññāya ativijjha passatīti saha vipassanāya maggapaññāya nibbijjhitvā passati. Evaṃ sabbattha attho veditabbo. Imasmiṃ pana sutte vaṭṭavivaṭṭaṃ kathitanti.
સમ્બોધવગ્ગો પઠમો.
Sambodhavaggo paṭhamo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૦. દુતિયનિદાનસુત્તં • 10. Dutiyanidānasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧૦. દુતિયનિદાનસુત્તવણ્ણના • 10. Dutiyanidānasuttavaṇṇanā
