| Library / Tipiṭaka / ਤਿਪਿਟਕ • Tipiṭaka / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā |
੨. ਦੁਤਿਯਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ
2. Dutiyanissaggiyapācittiyasikkhāpadavaṇṇanā
੭੪੦. વਤ੍ਥੁਸਮ੍ਪਤ੍ਤਤ੍ਤਾ વਾ ਨ ਤਸ੍ਸਾ ਅਨਾਪਨ੍ਨਕਾਮਤਾਯ વਾ ਅਨਾਣਤ੍ਤਿਕਤਾਯ વਾ ਅਕਾਲਚੀવਰਮਦਂਸੁ। ਯਥਾਦਾਨੇ ਏવ ਉਪਨੇਤਬ੍ਬਂ, ਨ ਭਾਜੇਤਬ੍ਬਂ ਪੁਗ੍ਗਲਿਕਤ੍ਤਾਤਿ ਅਧਿਪ੍ਪਾਯੋ। ਅਤ੍ਥਤੋ ਹਿ ਇਤਰਮ੍ਪਿ ਯਥਾਦਾਨੇ ਏવ ਉਪਨੇਤਬ੍ਬਮੇવ। ਗਣ੍ਠਿਪਦੇ ਪਨ ‘‘ਅਯ੍ਯਾਯ ਦਮ੍ਮੀਤਿ ਏવਂ ਪਟਿਲਦ੍ਧਨ੍ਤਿ ਨਿਸ੍ਸਟ੍ਠਪਟਿਲਦ੍ਧਂ। ਯਥਾਦਾਨੇਤਿ ਦਾਯਕੇਹਿ ਪਰਿਚ੍ਚਤ੍ਤવਿਧਾਨੇਨ। ਉਪਨੇਤਬ੍ਬਨ੍ਤਿ ਅਕਾਲਚੀવਰਭਾવੇਨ ਭਾਜੇਤਬ੍ਬਨ੍ਤਿ ਅਧਿਪ੍ਪਾਯੋ। ਇਧ ਭਾਜਾਪਿਤਾਯ ਲਦ੍ਧਚੀવਰਮੇવ ਨਿਸ੍ਸਗ੍ਗਿਯਂ ਹੋਤਿ, ਤਂ વਿਨਯਕਮ੍ਮਂ ਕਤ੍વਾਪਿ ਅਤ੍ਤਨਾ ਨ ਲਭਤੀ’’ਤਿ ਲਿਖਿਤਂ। ਯਦਿ ਨਿਸ੍ਸਟ੍ਠਪਟਿਲਦ੍ਧਂ ਸਨ੍ਧਾਯ ਇਦਂ વੁਤ੍ਤਂ ਸਿਯਾ, ‘‘ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ વਾ ਗਣਸ੍ਸ વਾ ਪੁਗ੍ਗਲਸ੍ਸ વਾ ਦਦੇਯ੍ਯ, ਦਦੇਯ੍ਯੁਂ, ਅਯ੍ਯਾਯ ਦਮ੍ਮੀ’’ਤਿ વੁਤ੍ਤਤ੍ਤਾ ਤੀਣਿਪੇਤਾਨਿ ਪਦਾਨਿ વਤ੍ਤਬ੍ਬਾਨਿ ਸਿਯੁਂ, ਤਸ੍ਮਾ ਨ ਕੇવਲਂ ਨਿਸ੍ਸਟ੍ਠਪਟਿਲਦ੍ਧਮੇવ ਯਥਾਦਾਨੇ ਉਪਨੇਤਬ੍ਬਂ, ਅਞ੍ਞਾਹਿ ਭਿਕ੍ਖੁਨੀਹਿ ਲਦ੍ਧਕੋਟ੍ਠਾਸਮ੍ਪਿ ਯਥਾਦਾਨੇਯੇવ ਉਪਨੇਤਬ੍ਬਂ।
740. Vatthusampattattā vā na tassā anāpannakāmatāya vā anāṇattikatāya vā akālacīvaramadaṃsu. Yathādāne eva upanetabbaṃ, na bhājetabbaṃ puggalikattāti adhippāyo. Atthato hi itarampi yathādāne eva upanetabbameva. Gaṇṭhipade pana ‘‘ayyāya dammīti evaṃ paṭiladdhanti nissaṭṭhapaṭiladdhaṃ. Yathādāneti dāyakehi pariccattavidhānena. Upanetabbanti akālacīvarabhāvena bhājetabbanti adhippāyo. Idha bhājāpitāya laddhacīvarameva nissaggiyaṃ hoti, taṃ vinayakammaṃ katvāpi attanā na labhatī’’ti likhitaṃ. Yadi nissaṭṭhapaṭiladdhaṃ sandhāya idaṃ vuttaṃ siyā, ‘‘nissajjitabbaṃ saṅghassa vā gaṇassa vā puggalassa vā dadeyya, dadeyyuṃ, ayyāya dammī’’ti vuttattā tīṇipetāni padāni vattabbāni siyuṃ, tasmā na kevalaṃ nissaṭṭhapaṭiladdhameva yathādāne upanetabbaṃ, aññāhi bhikkhunīhi laddhakoṭṭhāsampi yathādāneyeva upanetabbaṃ.
੭੪੧. ‘‘ਅਕਾਲਚੀવਰੇ ਕਾਲਚੀવਰਸਞ੍ਞਾਯ ਅਨਾਪਤ੍ਤੀ’’ਤਿ ਪਨ ਭਾਜਨਪਚ੍ਚਯਾ ਆਪਜ੍ਜਿਤਬ੍ਬਾਪਤ੍ਤਿਂ ਨਾਪਜ੍ਜਤੀਤਿ ਏਤ੍ਤਕਮੇવ ਦੀਪੇਤਿ, ਨ ਪਟਿਲਦ੍ਧਂ, ਨ ਯਥਾਦਾਨੇ ਦਾਤਬ੍ਬਨ੍ਤਿ ਇਮਮਤ੍ਥਂ ਦੀਪੇਤਿ। ਲੇਸੇਨ ਪਨ ਗਣ੍ਹਾਤਿ ਚੇ, ਭਣ੍ਡਗ੍ਘੇਨ ਕਾਰੇਤਬ੍ਬਾ।
741. ‘‘Akālacīvare kālacīvarasaññāya anāpattī’’ti pana bhājanapaccayā āpajjitabbāpattiṃ nāpajjatīti ettakameva dīpeti, na paṭiladdhaṃ, na yathādāne dātabbanti imamatthaṃ dīpeti. Lesena pana gaṇhāti ce, bhaṇḍagghena kāretabbā.
ਦੁਤਿਯਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Dutiyanissaggiyapācittiyasikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਭਿਕ੍ਖੁਨੀવਿਭਙ੍ਗ • Bhikkhunīvibhaṅga / ੨. ਦੁਤਿਯਸਿਕ੍ਖਾਪਦਂ • 2. Dutiyasikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਭਿਕ੍ਖੁਨੀવਿਭਙ੍ਗ-ਅਟ੍ਠਕਥਾ • Bhikkhunīvibhaṅga-aṭṭhakathā / ਦੁਤਿਯਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • Dutiyanissaggiyapācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੩. ਨਿਸ੍ਸਗ੍ਗਿਯਕਣ੍ਡਂ (ਭਿਕ੍ਖੁਨੀવਿਭਙ੍ਗવਣ੍ਣਨਾ) • 3. Nissaggiyakaṇḍaṃ (bhikkhunīvibhaṅgavaṇṇanā)
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੨. ਦੁਤਿਯਨਿਸ੍ਸਗ੍ਗਿਯਾਦਿਪਾਚਿਤ੍ਤਿਯਸਿਕ੍ਖਾਪਦવਣ੍ਣਨਾ • 2. Dutiyanissaggiyādipācittiyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਦੁਤਿਯਨਿਸ੍ਸਗ੍ਗਿਯਪਾਚਿਤ੍ਤਿਯਸਿਕ੍ਖਾਪਦਂ • 2. Dutiyanissaggiyapācittiyasikkhāpadaṃ
