| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਦੁਤਿਯਪਾਪਣਿਕਸੁਤ੍ਤવਣ੍ਣਨਾ
10. Dutiyapāpaṇikasuttavaṇṇanā
੨੦. ਦਸਮੇ વਿਸਿਟ੍ਠਧੁਰੋਤਿ વਿਸਿਟ੍ਠਧੁਰਸਮ੍ਪਗ੍ਗਾਹੋ વੀਰਿਯਸਮ੍ਪਨ੍ਨੋ। ਞਾਣવੀਰਿਯਾਯਤ੍ਤਾ ਹਿ ਅਤ੍ਥਸਿਦ੍ਧਿਯੋ। ਤੇਨਾਹ ‘‘ਉਤ੍ਤਮਧੁਰੋ’’ਤਿਆਦਿ। વਿਕ੍ਕਾਯਿਕਭਣ੍ਡਨ੍ਤਿ વਿਕ੍ਕਯੇਤਬ੍ਬਭਣ੍ਡਂ। ਨਿਕ੍ਖਿਤ੍ਤਧਨੇਨਾਤਿ ਨਿਦਹਿਤ੍વਾ ਠਪਿਤਧਨવਸੇਨ। વਲ਼ਞ੍ਜਨਕવਸੇਨਾਤਿ ਦਿવਸੇ ਦਿવਸੇ ਦਾਨੂਪਭੋਗવਸੇਨ વਲ਼ਞ੍ਜਿਤਬ੍ਬਧਨવਸੇਨ। ਉਪਭੋਗਪਰਿਭੋਗਭਣ੍ਡੇਨਾਤਿ ਉਪਭੋਗਪਰਿਭੋਗੂਪਕਰਣੇਨ। ਨਿਪਤਨ੍ਤੀਤਿ ਨਿਪਾਤੇਨ੍ਤਿ, ਅਤ੍ਤਨੋ ਧਨਗ੍ਗਹੇਨ ਨਿਪਾਤવੁਤ੍ਤਿਕੇ ਕਰੋਨ੍ਤਿ। ਤੇਨਾਹ ‘‘ਨਿਮਨ੍ਤੇਨ੍ਤੀ’’ਤਿ।
20. Dasame visiṭṭhadhuroti visiṭṭhadhurasampaggāho vīriyasampanno. Ñāṇavīriyāyattā hi atthasiddhiyo. Tenāha ‘‘uttamadhuro’’tiādi. Vikkāyikabhaṇḍanti vikkayetabbabhaṇḍaṃ. Nikkhittadhanenāti nidahitvā ṭhapitadhanavasena. Vaḷañjanakavasenāti divase divase dānūpabhogavasena vaḷañjitabbadhanavasena. Upabhogaparibhogabhaṇḍenāti upabhogaparibhogūpakaraṇena. Nipatantīti nipātenti, attano dhanaggahena nipātavuttike karonti. Tenāha ‘‘nimantentī’’ti.
ਞਾਣਥਾਮੇਨਾਤਿ ਞਾਣਸ੍ਸ ਥਿਰਭਾવੇਨ। ਞਾਣਪਰਕ੍ਕਮੇਨਾਤਿ ਞਾਣਸਹਿਤੇਨ વੀਰਿਯੇਨ। ਦਿਟ੍ਠਧਮ੍ਮਿਕਸਮ੍ਪਰਾਯਿਕਪਰਮਤ੍ਥਭੇਦਞ੍ਹਿ ਯੇਨ ਸੁਤੇਨ ਇਜ੍ਝਤਿ, ਤਂ ਸੁਤਂ ਨਾਮ। ਉਕ੍ਕਟ੍ਠਨਿਦ੍ਦੇਸੇਨ ਦਸ੍ਸੇਨ੍ਤੋ ‘‘ਏਕਨਿਕਾਯ…ਪੇ॰… ਬਹੁਸ੍ਸੁਤਾ’’ਤਿ ਆਹ। ਆਗਤੋਤਿ ਸੁਪ੍ਪવਤ੍ਤਿਭਾવੇਨ ਸ੍વਾਗਤੋ। ਤੇਨਾਹ ‘‘ਪਗੁਣੋ ਪવਤ੍ਤਿਤੋ’’ਤਿ। ਅਭਿਧਮ੍ਮੇ ਆਗਤਾ ਕੁਸਲਾਦਿਕ੍ਖਨ੍ਧਾਦਿਭੇਦਭਿਨ੍ਨਾ ਧਮ੍ਮਾ ਸੁਤ੍ਤਨ੍ਤਪਿਟਕੇਪਿ ਓਤਰਨ੍ਤੀਤਿ ‘‘ਧਮ੍ਮਧਰਾਤਿ ਸੁਤ੍ਤਨ੍ਤਪਿਟਕਧਰਾ’’ਇਚ੍ਚੇવ વੁਤ੍ਤਂ। ਨ ਹਿ ਆਭਿਧਮ੍ਮਿਕਭਾવੇਨ વਿਨਾ ਨਿਪ੍ਪਰਿਯਾਯਤੋ ਸੁਤ੍ਤਨ੍ਤਪਿਟਕਞ੍ਞੁਤਾ ਸਮ੍ਭવਤਿ। ਦ੍વੇਮਾਤਿਕਾਧਰਾਤਿ ਭਿਕ੍ਖੁਭਿਕ੍ਖੁਨਿਮਾਤਿਕਾવਸੇਨ ਦ੍વੇਮਾਤਿਕਾਧਰਾਤਿ વਦਨ੍ਤਿ, ‘‘વਿਨਯਾਭਿਧਮ੍ਮਮਾਤਿਕਾਧਰਾ’’ਤਿ ਯੁਤ੍ਤਂ। ਪਰਿਪੁਚ੍ਛਤੀਤਿ ਸਬ੍ਬਭਾਗੇਨ ਪੁਚ੍ਛਿਤਬ੍ਬਂ ਪੁਚ੍ਛਤਿ। ਤੇਨਾਹ ‘‘ਅਤ੍ਥਾਨਤ੍ਥਂ ਕਾਰਣਾਕਾਰਣਂ ਪੁਚ੍ਛਤੀ’’ਤਿ। ਪਰਿਗ੍ਗਣ੍ਹਾਤੀਤਿ વਿਚਾਰੇਤਿ।
Ñāṇathāmenāti ñāṇassa thirabhāvena. Ñāṇaparakkamenāti ñāṇasahitena vīriyena. Diṭṭhadhammikasamparāyikaparamatthabhedañhi yena sutena ijjhati, taṃ sutaṃ nāma. Ukkaṭṭhaniddesena dassento ‘‘ekanikāya…pe… bahussutā’’ti āha. Āgatoti suppavattibhāvena svāgato. Tenāha ‘‘paguṇo pavattito’’ti. Abhidhamme āgatā kusalādikkhandhādibhedabhinnā dhammā suttantapiṭakepi otarantīti ‘‘dhammadharāti suttantapiṭakadharā’’icceva vuttaṃ. Na hi ābhidhammikabhāvena vinā nippariyāyato suttantapiṭakaññutā sambhavati. Dvemātikādharāti bhikkhubhikkhunimātikāvasena dvemātikādharāti vadanti, ‘‘vinayābhidhammamātikādharā’’ti yuttaṃ. Paripucchatīti sabbabhāgena pucchitabbaṃ pucchati. Tenāha ‘‘atthānatthaṃ kāraṇākāraṇaṃ pucchatī’’ti. Pariggaṇhātīti vicāreti.
ਨ ਏવਂ ਅਤ੍ਥੋ ਦਟ੍ਠਬ੍ਬੋਤਿ ਏવਂ ਦੇਸਨਾਨੁਕ੍ਕਮੇਨ ਅਤ੍ਥੋ ਨ ਗਹੇਤਬ੍ਬੋ। ਅਞ੍ਞੋ ਹਿ ਦੇਸਨਾਕ੍ਕਮੋ વੇਨੇਯ੍ਯਜ੍ਝਾਸਯવਸੇਨ ਪવਤ੍ਤਨਤੋ, ਅਞ੍ਞੋ ਪਟਿਪਤ੍ਤਿਕ੍ਕਮੋ। ਹੇਟ੍ਠਿਮੇਨ વਾ ਪਰਿਚ੍ਛੇਦੋਤਿ ਸੀਲਸਮਾਧਿਪਞ੍ਞਾਸਙ੍ਖਾਤੇਸੁ ਤੀਸੁ ਭਾਗੇਸੁ ਕਤ੍ਥਚਿ ਹੇਟ੍ਠਿਮਨਯੇਨ ਦੇਸਨਾਯ ਪਰਿਚ੍ਛੇਦਂ વੇਦਿਤਬ੍ਬਂ ਸੀਲੇਨ, ਕਤ੍ਥਚਿ ਉਪਰਿਮੇਨ ਭਾਗੇਨ ਪਞ੍ਞਾਯ, ਕਤ੍ਥਚਿ ਦ੍વੀਹਿਪਿ ਭਾਗੇਹਿ ਸੀਲਪਞ੍ਞਾવਸੇਨ। ਇਧ ਪਨ ਸੁਤ੍ਤੇ ਉਪਰਿਮੇਨ ਭਾਗੇਨ ਪਰਿਚ੍ਛੇਦੋ વੇਦਿਤਬ੍ਬੋਤਿ વਤ੍વਾ ਤਂ ਦਸ੍ਸੇਨ੍ਤੋ ‘‘ਤਸ੍ਮਾ’’ਤਿਆਦਿਮਾਹ। ਯਸ੍ਮਾ વਾ ਭਗવਾ વੇਨੇਯ੍ਯਜ੍ਝਾਸਯવਸੇਨ ਪਠਮਂ ਕਲ੍ਯਾਣਮਿਤ੍ਤਂ ਦਸ੍ਸੇਨ੍ਤੋ ਅਰਹਤ੍ਤਂ ਪવੇਦੇਤ੍વਾ ‘‘ਤਯਿਦਂ ਅਰਹਤ੍ਤਂ ਇਮਾਯ ਆਰਦ੍ਧવੀਰਿਯਤਾਯ ਹੋਤੀ’’ਤਿ ਦਸ੍ਸੇਨ੍ਤੋ વੀਰਿਯਾਰਮ੍ਭਂ ਪવੇਦੇਤ੍વਾ ‘‘ਸ੍વਾਯਂ વੀਰਿਯਾਰਮ੍ਭੋ ਇਮਿਨਾ ਕਲ੍ਯਾਣਮਿਤ੍ਤਸਨ੍ਨਿਸ੍ਸਯੇਨ ਭવਤੀ’’ਤਿ ਦਸ੍ਸੇਨ੍ਤੋ ਨਿਸ੍ਸਯਸਮ੍ਪਤ੍ਤਿਂ ਪવੇਦੇਤਿ ਹੇਟ੍ਠਾ ਦਸ੍ਸਿਤਨਿਦਸ੍ਸਨਾਨੁਰੂਪਨ੍ਤਿ ਦਟ੍ਠਬ੍ਬਂ।
Na evaṃ attho daṭṭhabboti evaṃ desanānukkamena attho na gahetabbo. Añño hi desanākkamo veneyyajjhāsayavasena pavattanato, añño paṭipattikkamo. Heṭṭhimena vā paricchedoti sīlasamādhipaññāsaṅkhātesu tīsu bhāgesu katthaci heṭṭhimanayena desanāya paricchedaṃ veditabbaṃ sīlena, katthaci uparimena bhāgena paññāya, katthaci dvīhipi bhāgehi sīlapaññāvasena. Idha pana sutte uparimena bhāgena paricchedo veditabboti vatvā taṃ dassento ‘‘tasmā’’tiādimāha. Yasmā vā bhagavā veneyyajjhāsayavasena paṭhamaṃ kalyāṇamittaṃ dassento arahattaṃ pavedetvā ‘‘tayidaṃ arahattaṃ imāya āraddhavīriyatāya hotī’’ti dassento vīriyārambhaṃ pavedetvā ‘‘svāyaṃ vīriyārambho iminā kalyāṇamittasannissayena bhavatī’’ti dassento nissayasampattiṃ pavedeti heṭṭhā dassitanidassanānurūpanti daṭṭhabbaṃ.
ਦੁਤਿਯਪਾਪਣਿਕਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dutiyapāpaṇikasuttavaṇṇanā niṭṭhitā.
ਰਥਕਾਰવਗ੍ਗવਣ੍ਣਨਾ ਨਿਟ੍ਠਿਤਾ।
Rathakāravaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਦੁਤਿਯਪਾਪਣਿਕਸੁਤ੍ਤਂ • 10. Dutiyapāpaṇikasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਦੁਤਿਯਪਾਪਣਿਕਸੁਤ੍ਤવਣ੍ਣਨਾ • 10. Dutiyapāpaṇikasuttavaṇṇanā
