| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
2. д̣̇уд̇ияабаарааж̇игам̣
2. Dutiyapārājikaṃ
84. д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и г̇иж̇жхагуудз баб̣б̣ад̇з. д̇зна ко бана самаязна самб̣ахулаа санд̣̇идтаа самбхад̇д̇аа бхигкуу исиг̇илибассз д̇ин̣агудияо гарид̇ваа вассам̣ убаг̇ажчим̣су. ааяасмааби д̇ханияо гумбхагаарабуд̇д̇о д̇ин̣агудигам̣ гарид̇ваа вассам̣ убаг̇ажчи. ат̇а ко д̇з бхигкуу вассам̣вудтаа д̇змаасажжаязна д̇ин̣агудияо бхинд̣̇ид̇ваа д̇ин̣ан̃жа гадтан̃жа бадисаамзд̇ваа ж̇анабад̣̇ажааригам̣ баггамим̣су. ааяасмаа бана д̇ханияо гумбхагаарабуд̇д̇о д̇ад̇т̇зва вассам̣ васи, д̇ад̇т̇а хзманд̇ам̣, д̇ад̇т̇а г̇имхам̣. ат̇а ко ааяасмад̇о д̇ханияасса гумбхагаарабуд̇д̇асса г̇аамам̣ бин̣д̣ааяа бавидтасса д̇ин̣ахаарияо гадтахаарияо д̇ин̣агудигам̣ бхинд̣̇ид̇ваа д̇ин̣ан̃жа гадтан̃жа аад̣̇ааяа аг̇амам̣су. д̣̇уд̇ияамби ко ааяасмаа д̇ханияо гумбхагаарабуд̇д̇о д̇ин̣ан̃жа гадтан̃жа сам̣гад̣дхид̇ваа д̇ин̣агудигам̣ агааси. д̣̇уд̇ияамби ко ааяасмад̇о д̇ханияасса гумбхагаарабуд̇д̇асса г̇аамам̣ бин̣д̣ааяа бавидтасса д̇ин̣ахаарияо гадтахаарияо д̇ин̣агудигам̣ бхинд̣̇ид̇ваа д̇ин̣ан̃жа гадтан̃жа аад̣̇ааяа аг̇амам̣су. д̇ад̇ияамби ко ааяасмаа д̇ханияо гумбхагаарабуд̇д̇о д̇ин̣ан̃жа гадтан̃жа сам̣гад̣дхид̇ваа д̇ин̣агудигам̣ агааси. д̇ад̇ияамби ко ааяасмад̇о д̇ханияасса гумбхагаарабуд̇д̇асса г̇аамам̣ бин̣д̣ааяа бавидтасса д̇ин̣ахаарияо гадтахаарияо д̇ин̣агудигам̣ бхинд̣̇ид̇ваа д̇ин̣ан̃жа гадтан̃жа аад̣̇ааяа аг̇амам̣су.
84. Tena samayena buddho bhagavā rājagahe viharati gijjhakūṭe pabbate. Tena kho pana samayena sambahulā sandiṭṭhā sambhattā bhikkhū isigilipasse tiṇakuṭiyo karitvā vassaṃ upagacchiṃsu. Āyasmāpi dhaniyo kumbhakāraputto tiṇakuṭikaṃ karitvā vassaṃ upagacchi. Atha kho te bhikkhū vassaṃvuṭṭhā temāsaccayena tiṇakuṭiyo bhinditvā tiṇañca kaṭṭhañca paṭisāmetvā janapadacārikaṃ pakkamiṃsu. Āyasmā pana dhaniyo kumbhakāraputto tattheva vassaṃ vasi, tattha hemantaṃ, tattha gimhaṃ. Atha kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Dutiyampi kho āyasmā dhaniyo kumbhakāraputto tiṇañca kaṭṭhañca saṃkaḍḍhitvā tiṇakuṭikaṃ akāsi. Dutiyampi kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Tatiyampi kho āyasmā dhaniyo kumbhakāraputto tiṇañca kaṭṭhañca saṃkaḍḍhitvā tiṇakuṭikaṃ akāsi. Tatiyampi kho āyasmato dhaniyassa kumbhakāraputtassa gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu.
ат̇а ко ааяасмад̇о д̇ханияасса гумбхагаарабуд̇д̇асса зд̇ад̣̇ахоси – ‘‘яаавад̇ад̇ияагам̣ ко мз г̇аамам̣ бин̣д̣ааяа бавидтасса д̇ин̣ахаарияо гадтахаарияо д̇ин̣агудигам̣ бхинд̣̇ид̇ваа д̇ин̣ан̃жа гадтан̃жа аад̣̇ааяа аг̇амам̣су. ахам̣ ко бана сусигкид̇о анаваяо сагз аажарияагз гумбхагаарагаммз барияод̣̇аад̇асиббо . яам̣нуунаахам̣ саамам̣ жигкаллам̣ мад̣̇д̣̇ид̇ваа саб̣б̣амад̇д̇игаамаяам̣ гудигам̣ гарзяяа’’нд̇и! ат̇а ко ааяасмаа д̇ханияо гумбхагаарабуд̇д̇о саамам̣ жигкаллам̣ мад̣̇д̣̇ид̇ваа саб̣б̣амад̇д̇игаамаяам̣ гудигам̣ гарид̇ваа д̇ин̣ан̃жа гадтан̃жа г̇омаяан̃жа сам̣гад̣дхид̇ваа д̇ам̣ гудигам̣ бажи. саа ахоси гудигаа абхируубаа д̣̇ассанийяаа баасаад̣̇игаа лохид̇игаа 1, сзяяат̇ааби инд̣̇аг̇обаго. сзяяат̇ааби наама гин̇ган̣игасад̣̇д̣̇о 2 звамзвам̣ д̇ассаа гудигааяа сад̣̇д̣̇о ахоси.
Atha kho āyasmato dhaniyassa kumbhakāraputtassa etadahosi – ‘‘yāvatatiyakaṃ kho me gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Ahaṃ kho pana susikkhito anavayo sake ācariyake kumbhakārakamme pariyodātasippo . Yaṃnūnāhaṃ sāmaṃ cikkhallaṃ madditvā sabbamattikāmayaṃ kuṭikaṃ kareyya’’nti! Atha kho āyasmā dhaniyo kumbhakāraputto sāmaṃ cikkhallaṃ madditvā sabbamattikāmayaṃ kuṭikaṃ karitvā tiṇañca kaṭṭhañca gomayañca saṃkaḍḍhitvā taṃ kuṭikaṃ paci. Sā ahosi kuṭikā abhirūpā dassanīyā pāsādikā lohitikā 3, seyyathāpi indagopako. Seyyathāpi nāma kiṅkaṇikasaddo 4 evamevaṃ tassā kuṭikāya saddo ahosi.
85. ат̇а ко бхаг̇аваа самб̣ахулзхи бхигкуухи сад̣̇д̇хим̣ г̇иж̇жхагуудаа баб̣б̣ад̇аа ороханд̇о ад̣̇д̣̇аса д̇ам̣ гудигам̣ абхируубам̣ д̣̇ассанийяам̣ баасаад̣̇игам̣ лохид̇игам̣. д̣̇исваана бхигкуу ааманд̇зси – ‘‘гим̣ зд̇ам̣, бхигкавз, абхируубам̣ д̣̇ассанийяам̣ баасаад̣̇игам̣ лохид̇игам̣, сзяяат̇ааби инд̣̇аг̇обаго’’д̇и? ат̇а ко д̇з бхигкуу бхаг̇авад̇о зд̇амад̇т̇ам̣ аарожзсум̣. виг̇арахи б̣уд̣̇д̇хо бхаг̇аваа – ‘‘ананужчавигам̣, бхигкавз, д̇асса могхабурисасса анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама со, бхигкавз, могхабурисо саб̣б̣амад̇д̇игаамаяам̣ гудигам̣ гариссад̇и! на хи наама, бхигкавз, д̇асса могхабурисасса баан̣зсу ануд̣̇д̣̇аяаа анугамбаа авихзсаа бхависсад̇и! г̇ажчат̇зд̇ам̣, бхигкавз, гудигам̣ бхинд̣̇ат̇а. маа бажчимаа ж̇анад̇аа баан̣зсу баад̇аб̣яад̇ам̣ аабаж̇ж̇и. на жа, бхигкавз, саб̣б̣амад̇д̇игаамаяаа гудигаа гаад̇аб̣б̣аа. яо гарзяяа, аабад̇д̇и д̣̇уггадассаа’’д̇и. ‘‘звам̣, бханд̇з’’д̇и, ко д̇з бхигкуу бхаг̇авад̇о бадиссун̣ид̇ваа язна саа гудигаа д̇знубасан̇гамим̣су; убасан̇гамид̇ваа д̇ам̣ гудигам̣ бхинд̣̇им̣су. ат̇а ко ааяасмаа д̇ханияо гумбхагаарабуд̇д̇о д̇з бхигкуу зд̇ад̣̇авожа – ‘‘гисса мз д̇умхз, аавусо, гудигам̣ бхинд̣̇ат̇аа’’д̇и? ‘‘бхаг̇аваа, аавусо, бхзд̣̇аабзд̇ий’’д̇и. ‘‘бхинд̣̇ат̇аавусо, сажз д̇хаммассаамий бхзд̣̇аабзд̇ий’’д̇и.
85. Atha kho bhagavā sambahulehi bhikkhūhi saddhiṃ gijjhakūṭā pabbatā orohanto addasa taṃ kuṭikaṃ abhirūpaṃ dassanīyaṃ pāsādikaṃ lohitikaṃ. Disvāna bhikkhū āmantesi – ‘‘kiṃ etaṃ, bhikkhave, abhirūpaṃ dassanīyaṃ pāsādikaṃ lohitikaṃ, seyyathāpi indagopako’’ti? Atha kho te bhikkhū bhagavato etamatthaṃ ārocesuṃ. Vigarahi buddho bhagavā – ‘‘ananucchavikaṃ, bhikkhave, tassa moghapurisassa ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma so, bhikkhave, moghapuriso sabbamattikāmayaṃ kuṭikaṃ karissati! Na hi nāma, bhikkhave, tassa moghapurisassa pāṇesu anuddayā anukampā avihesā bhavissati! Gacchathetaṃ, bhikkhave, kuṭikaṃ bhindatha. Mā pacchimā janatā pāṇesu pātabyataṃ āpajji. Na ca, bhikkhave, sabbamattikāmayā kuṭikā kātabbā. Yo kareyya, āpatti dukkaṭassā’’ti. ‘‘Evaṃ, bhante’’ti, kho te bhikkhū bhagavato paṭissuṇitvā yena sā kuṭikā tenupasaṅkamiṃsu; upasaṅkamitvā taṃ kuṭikaṃ bhindiṃsu. Atha kho āyasmā dhaniyo kumbhakāraputto te bhikkhū etadavoca – ‘‘kissa me tumhe, āvuso, kuṭikaṃ bhindathā’’ti? ‘‘Bhagavā, āvuso, bhedāpetī’’ti. ‘‘Bhindathāvuso, sace dhammassāmī bhedāpetī’’ti.
86. ат̇а ко ааяасмад̇о д̇ханияасса гумбхагаарабуд̇д̇асса зд̇ад̣̇ахоси – ‘‘яаавад̇ад̇ияагам̣ ко мз г̇аамам̣ бин̣д̣ааяа бавидтасса д̇ин̣ахаарияо гадтахаарияо д̇ин̣агудигам̣ бхинд̣̇ид̇ваа д̇ин̣ан̃жа гадтан̃жа аад̣̇ааяа аг̇амам̣су. яааби маяаа саб̣б̣амад̇д̇игаамаяаа гудигаа гад̇аа сааби бхаг̇авад̇аа бхзд̣̇аабид̇аа. ад̇т̇и жа мз д̣̇ааруг̇ахз г̇ан̣аго санд̣̇идто. яам̣нуунаахам̣ д̣̇ааруг̇ахз г̇ан̣агам̣ д̣̇аарууни яаажид̇ваа д̣̇ааругудигам̣ гарзяяа’’нд̇и. ат̇а ко ааяасмаа д̇ханияо гумбхагаарабуд̇д̇о язна д̣̇ааруг̇ахз г̇ан̣аго д̇знубасан̇гами; убасан̇гамид̇ваа д̣̇ааруг̇ахз г̇ан̣агам̣ зд̇ад̣̇авожа – ‘‘яаавад̇ад̇ияагам̣ ко мз, аавусо, г̇аамам̣ бин̣д̣ааяа бавидтасса д̇ин̣ахаарияо гадтахаарияо д̇ин̣агудигам̣ бхинд̣̇ид̇ваа д̇ин̣ан̃жа гадтан̃жа аад̣̇ааяа аг̇амам̣су. яааби маяаа саб̣б̣амад̇д̇игаамаяаа гудигаа гад̇аа сааби бхаг̇авад̇аа бхзд̣̇аабид̇аа . д̣̇зхи мз, аавусо, д̣̇аарууни. ижчаами д̣̇ааругудигам̣ 5 гаад̇у’’нд̇и. ‘‘над̇т̇и, бханд̇з, д̇аад̣̇исаани д̣̇аарууни яаанаахам̣ аяяасса д̣̇ад̣̇зяяам̣. ад̇т̇и , бханд̇з, д̣̇зваг̇ахад̣̇аарууни наг̇арабадисан̇кааригаани аабад̣̇ад̇т̇ааяа нигкид̇д̇аани. сажз д̇аани д̣̇аарууни рааж̇аа д̣̇аабзд̇и хараабзт̇а, бханд̇з’’д̇и. ‘‘д̣̇иннаани, аавусо, ран̃н̃аа’’д̇и. ат̇а ко д̣̇ааруг̇ахз г̇ан̣агасса зд̇ад̣̇ахоси – ‘‘имз ко саман̣аа сагяабуд̇д̇ияаа д̇хаммажаарино самажаарино 6 б̣рахмажаарино сажжаваад̣̇ино сийлаванд̇о галяаан̣ад̇хаммаа. рааж̇аабимзсам̣ абхиббасанно. наарахад̇и ад̣̇иннам̣ д̣̇иннанд̇и вад̇д̇у’’нд̇и. ат̇а ко д̣̇ааруг̇ахз г̇ан̣аго ааяасманд̇ам̣ д̇ханияам̣ гумбхагаарабуд̇д̇ам̣ зд̇ад̣̇авожа – ‘‘хараабзт̇а, бханд̇з’’д̇и. ат̇а ко ааяасмаа д̇ханияо гумбхагаарабуд̇д̇о д̇аани д̣̇аарууни кан̣д̣аакан̣д̣игам̣ чзд̣̇аабзд̇ваа сагадзхи ниб̣б̣аахаабзд̇ваа д̣̇ааругудигам̣ агааси.
86. Atha kho āyasmato dhaniyassa kumbhakāraputtassa etadahosi – ‘‘yāvatatiyakaṃ kho me gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Yāpi mayā sabbamattikāmayā kuṭikā katā sāpi bhagavatā bhedāpitā. Atthi ca me dārugahe gaṇako sandiṭṭho. Yaṃnūnāhaṃ dārugahe gaṇakaṃ dārūni yācitvā dārukuṭikaṃ kareyya’’nti. Atha kho āyasmā dhaniyo kumbhakāraputto yena dārugahe gaṇako tenupasaṅkami; upasaṅkamitvā dārugahe gaṇakaṃ etadavoca – ‘‘yāvatatiyakaṃ kho me, āvuso, gāmaṃ piṇḍāya paviṭṭhassa tiṇahāriyo kaṭṭhahāriyo tiṇakuṭikaṃ bhinditvā tiṇañca kaṭṭhañca ādāya agamaṃsu. Yāpi mayā sabbamattikāmayā kuṭikā katā sāpi bhagavatā bhedāpitā . Dehi me, āvuso, dārūni. Icchāmi dārukuṭikaṃ 7 kātu’’nti. ‘‘Natthi, bhante, tādisāni dārūni yānāhaṃ ayyassa dadeyyaṃ. Atthi , bhante, devagahadārūni nagarapaṭisaṅkhārikāni āpadatthāya nikkhittāni. Sace tāni dārūni rājā dāpeti harāpetha, bhante’’ti. ‘‘Dinnāni, āvuso, raññā’’ti. Atha kho dārugahe gaṇakassa etadahosi – ‘‘ime kho samaṇā sakyaputtiyā dhammacārino samacārino 8 brahmacārino saccavādino sīlavanto kalyāṇadhammā. Rājāpimesaṃ abhippasanno. Nārahati adinnaṃ dinnanti vattu’’nti. Atha kho dārugahe gaṇako āyasmantaṃ dhaniyaṃ kumbhakāraputtaṃ etadavoca – ‘‘harāpetha, bhante’’ti. Atha kho āyasmā dhaniyo kumbhakāraputto tāni dārūni khaṇḍākhaṇḍikaṃ chedāpetvā sakaṭehi nibbāhāpetvā dārukuṭikaṃ akāsi.
87. ат̇а ко вассагааро б̣раахман̣о маг̇ад̇хамахаамад̇д̇о рааж̇аг̇ахз гамманд̇з анусан̃н̃ааяамаано язна д̣̇ааруг̇ахз г̇ан̣аго д̇знубасан̇гами; убасан̇гамид̇ваа д̣̇ааруг̇ахз г̇ан̣агам̣ зд̇ад̣̇авожа – ‘‘яаани д̇аани, бхан̣з, д̣̇зваг̇ахад̣̇аарууни наг̇арабадисан̇кааригаани аабад̣̇ад̇т̇ааяа нигкид̇д̇аани гахам̣ д̇аани д̣̇аарууний’’д̇и? ‘‘д̇аани, саами, д̣̇аарууни д̣̇звзна аяяасса д̇ханияасса гумбхагаарабуд̇д̇асса д̣̇иннааний’’д̇и. ат̇а ко вассагааро б̣раахман̣о маг̇ад̇хамахаамад̇д̇о анад̇д̇амано ахоси – ‘‘гат̇ан̃хи наама д̣̇зво д̣̇зваг̇ахад̣̇аарууни наг̇арабадисан̇кааригаани аабад̣̇ад̇т̇ааяа нигкид̇д̇аани д̇ханияасса гумбхагаарабуд̇д̇асса д̣̇ассад̇ий’’д̇и! ат̇а ко вассагааро б̣раахман̣о маг̇ад̇хамахаамад̇д̇о язна рааж̇аа мааг̇ад̇хо сзнияо б̣имб̣исааро д̇знубасан̇гами; убасан̇гамид̇ваа рааж̇аанам̣ мааг̇ад̇хам̣ сзнияам̣ б̣имб̣исаарам̣ зд̇ад̣̇авожа – ‘‘сажжам̣ гира, д̣̇звзна 9 д̣̇зваг̇ахад̣̇аарууни наг̇арабадисан̇кааригаани аабад̣̇ад̇т̇ааяа нигкид̇д̇аани д̇ханияасса гумбхагаарабуд̇д̇асса д̣̇иннааний’’д̇и? ‘‘го звамаахаа’’д̇и? ‘‘д̣̇ааруг̇ахз г̇ан̣аго, д̣̇зваа’’д̇и. ‘‘д̇зна хи, б̣раахман̣а, д̣̇ааруг̇ахз г̇ан̣агам̣ аан̣аабзхий’’д̇и. ат̇а ко вассагааро б̣раахман̣о маг̇ад̇хамахаамад̇д̇о д̣̇ааруг̇ахз г̇ан̣агам̣ б̣анд̇хам̣ 10 аан̣аабзси. ад̣̇д̣̇аса ко ааяасмаа д̇ханияо гумбхагаарабуд̇д̇о д̣̇ааруг̇ахз г̇ан̣агам̣ б̣анд̇хам̣ нияяамаанам̣. д̣̇исваана д̣̇ааруг̇ахз г̇ан̣агам̣ зд̇ад̣̇авожа – ‘‘гисса д̇вам̣, аавусо, б̣анд̇хо нияяаасий’’д̇и? ‘‘д̇зсам̣, бханд̇з, д̣̇ааруунам̣ гижжаа’’д̇и. ‘‘г̇ажчаавусо, ахамби ааг̇ажчаамий’’д̇и. ‘‘зяяааси, бханд̇з, бураахам̣ хан̃н̃аамий’’д̇и.
87. Atha kho vassakāro brāhmaṇo magadhamahāmatto rājagahe kammante anusaññāyamāno yena dārugahe gaṇako tenupasaṅkami; upasaṅkamitvā dārugahe gaṇakaṃ etadavoca – ‘‘yāni tāni, bhaṇe, devagahadārūni nagarapaṭisaṅkhārikāni āpadatthāya nikkhittāni kahaṃ tāni dārūnī’’ti? ‘‘Tāni, sāmi, dārūni devena ayyassa dhaniyassa kumbhakāraputtassa dinnānī’’ti. Atha kho vassakāro brāhmaṇo magadhamahāmatto anattamano ahosi – ‘‘kathañhi nāma devo devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dassatī’’ti! Atha kho vassakāro brāhmaṇo magadhamahāmatto yena rājā māgadho seniyo bimbisāro tenupasaṅkami; upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘saccaṃ kira, devena 11 devagahadārūni nagarapaṭisaṅkhārikāni āpadatthāya nikkhittāni dhaniyassa kumbhakāraputtassa dinnānī’’ti? ‘‘Ko evamāhā’’ti? ‘‘Dārugahe gaṇako, devā’’ti. ‘‘Tena hi, brāhmaṇa, dārugahe gaṇakaṃ āṇāpehī’’ti. Atha kho vassakāro brāhmaṇo magadhamahāmatto dārugahe gaṇakaṃ bandhaṃ 12 āṇāpesi. Addasa kho āyasmā dhaniyo kumbhakāraputto dārugahe gaṇakaṃ bandhaṃ niyyamānaṃ. Disvāna dārugahe gaṇakaṃ etadavoca – ‘‘kissa tvaṃ, āvuso, bandho niyyāsī’’ti? ‘‘Tesaṃ, bhante, dārūnaṃ kiccā’’ti. ‘‘Gacchāvuso, ahampi āgacchāmī’’ti. ‘‘Eyyāsi, bhante, purāhaṃ haññāmī’’ti.
88. ат̇а ко ааяасмаа д̇ханияо гумбхагаарабуд̇д̇о язна ран̃н̃о мааг̇ад̇хасса сзнияасса б̣имб̣исаарасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко рааж̇аа мааг̇ад̇хо сзнияо б̣имб̣исааро язнааяасмаа д̇ханияо гумбхагаарабуд̇д̇о д̇знубасан̇гами; убасан̇гамид̇ваа ааяасманд̇ам̣ д̇ханияам̣ гумбхагаарабуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко рааж̇аа мааг̇ад̇хо сзнияо б̣имб̣исааро ааяасманд̇ам̣ д̇ханияам̣ гумбхагаарабуд̇д̇ам̣ зд̇ад̣̇авожа – ‘‘сажжам̣ гира маяаа, бханд̇з, д̣̇зваг̇ахад̣̇аарууни наг̇арабадисан̇кааригаани аабад̣̇ад̇т̇ааяа нигкид̇д̇аани аяяасса д̣̇иннааний’’д̇и? ‘‘звам̣, махаарааж̇аа’’д̇и. ‘‘маяам̣ ко, бханд̇з, рааж̇аано наама б̣ахугижжаа б̣ахугаран̣ийяаа, д̣̇ад̇вааби на сарзяяаама; ин̇гха, бханд̇з, сараабзхий’’д̇и. ‘‘сараси д̇вам̣, махаарааж̇а, батамаабхисид̇д̇о зваруубим̣ ваажам̣ бхаасид̇аа – ‘‘д̣̇иннан̃н̃зва саман̣аб̣раахман̣аанам̣ д̇ин̣агадтод̣̇агам̣ барибхун̃ж̇анд̇уу’’д̇и. ‘‘сараамахам̣, бханд̇з. санд̇и, бханд̇з, саман̣аб̣раахман̣аа лаж̇ж̇ино гуггужжагаа сигкаагаамаа. д̇зсам̣ аббамад̇д̇агзби гуггужжам̣ уббаж̇ж̇ад̇и. д̇зсам̣ маяаа санд̇хааяа бхаасид̇ам̣, д̇ан̃жа ко аран̃н̃з абариг̇г̇ахид̇ам̣. со д̇вам̣, бханд̇з, д̇зна лзсзна д̣̇аарууни ад̣̇иннам̣ харид̇ум̣ ман̃н̃аси! гат̇ан̃хи наама маад̣̇исо саман̣ам̣ ваа б̣раахман̣ам̣ ваа виж̇ид̇з васанд̇ам̣ ханзяяа ваа б̣анд̇хзяяа ваа баб̣б̣ааж̇зяяа ваа! г̇ажча, бханд̇з, ломзна д̇вам̣ муд̇д̇оси. маассу бунаби зваруубам̣ агаасий’’д̇и. мануссаа уж̇жхааяанд̇и кияяанд̇и вибаажзнд̇и – ‘‘алаж̇ж̇ино имз саман̣аа сагяабуд̇д̇ияаа д̣̇уссийлаа мусааваад̣̇ино. имз хи наама д̇хаммажаарино самажаарино б̣раахмажаарино сажжаваад̣̇ино сийлаванд̇о галяаан̣ад̇хаммаа бадиж̇ааниссанд̇и! над̇т̇и имзсам̣ сааман̃н̃ам̣, над̇т̇и имзсам̣ б̣рахман̃н̃ам̣. надтам̣ имзсам̣ сааман̃н̃ам̣, надтам̣ имзсам̣ б̣рахман̃н̃ам̣. гуд̇о имзсам̣ сааман̃н̃ам̣, гуд̇о имзсам̣ б̣рахман̃н̃ам̣! абаг̇ад̇аа имз сааман̃н̃аа, абаг̇ад̇аа имз б̣рахман̃н̃аа. рааж̇аанамби имз ван̃жзнд̇и, гим̣ банан̃н̃з мануссз’’д̇и! ассосум̣ ко бхигкуу д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яз д̇з бхигкуу аббижчаа санд̇удтаа лаж̇ж̇ино гуггужжагаа сигкаагаамаа д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа д̇ханияо гумбхагаарабуд̇д̇о ран̃н̃о д̣̇аарууни ад̣̇иннам̣ аад̣̇ияиссад̇ий’’д̇и! ат̇а ко д̇з бхигкуу ааяасманд̇ам̣ д̇ханияам̣ гумбхагаарабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа ааяасманд̇ам̣ д̇ханияам̣ гумбхагаарабуд̇д̇ам̣ бадибужчи – ‘‘сажжам̣ гира д̇вам̣, д̇ханияа, ран̃н̃о д̣̇аарууни ад̣̇иннам̣ аад̣̇ияий’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабуриса, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇вам̣, могхабуриса , ран̃н̃о д̣̇аарууни ад̣̇иннам̣ аад̣̇ияиссаси! нзд̇ам̣, могхабуриса, аббасаннаанам̣ ваа басаад̣̇ааяа басаннаанам̣ ваа бхияяобхаавааяа; ат̇аквзд̇ам̣, могхабуриса, аббасаннаанан̃жзва аббасаад̣̇ааяа басаннаанан̃жа згажжаанам̣ ан̃н̃ат̇ад̇д̇ааяаа’’д̇и.
88. Atha kho āyasmā dhaniyo kumbhakāraputto yena rañño māgadhassa seniyassa bimbisārassa nivesanaṃ tenupasaṅkami; upasaṅkamitvā paññatte āsane nisīdi. Atha kho rājā māgadho seniyo bimbisāro yenāyasmā dhaniyo kumbhakāraputto tenupasaṅkami; upasaṅkamitvā āyasmantaṃ dhaniyaṃ kumbhakāraputtaṃ abhivādetvā ekamantaṃ nisīdi. Ekamantaṃ nisinno kho rājā māgadho seniyo bimbisāro āyasmantaṃ dhaniyaṃ kumbhakāraputtaṃ etadavoca – ‘‘saccaṃ kira mayā, bhante, devagahadārūni nagarapaṭisaṅkhārikāni āpadatthāya nikkhittāni ayyassa dinnānī’’ti? ‘‘Evaṃ, mahārājā’’ti. ‘‘Mayaṃ kho, bhante, rājāno nāma bahukiccā bahukaraṇīyā, datvāpi na sareyyāma; iṅgha, bhante, sarāpehī’’ti. ‘‘Sarasi tvaṃ, mahārāja, paṭhamābhisitto evarūpiṃ vācaṃ bhāsitā – ‘‘dinnaññeva samaṇabrāhmaṇānaṃ tiṇakaṭṭhodakaṃ paribhuñjantū’’ti. ‘‘Sarāmahaṃ, bhante. Santi, bhante, samaṇabrāhmaṇā lajjino kukkuccakā sikkhākāmā. Tesaṃ appamattakepi kukkuccaṃ uppajjati. Tesaṃ mayā sandhāya bhāsitaṃ, tañca kho araññe apariggahitaṃ. So tvaṃ, bhante, tena lesena dārūni adinnaṃ harituṃ maññasi! Kathañhi nāma mādiso samaṇaṃ vā brāhmaṇaṃ vā vijite vasantaṃ haneyya vā bandheyya vā pabbājeyya vā! Gaccha, bhante, lomena tvaṃ muttosi. Māssu punapi evarūpaṃ akāsī’’ti. Manussā ujjhāyanti khiyyanti vipācenti – ‘‘alajjino ime samaṇā sakyaputtiyā dussīlā musāvādino. Ime hi nāma dhammacārino samacārino brāhmacārino saccavādino sīlavanto kalyāṇadhammā paṭijānissanti! Natthi imesaṃ sāmaññaṃ, natthi imesaṃ brahmaññaṃ. Naṭṭhaṃ imesaṃ sāmaññaṃ, naṭṭhaṃ imesaṃ brahmaññaṃ. Kuto imesaṃ sāmaññaṃ, kuto imesaṃ brahmaññaṃ! Apagatā ime sāmaññā, apagatā ime brahmaññā. Rājānampi ime vañcenti, kiṃ panaññe manusse’’ti! Assosuṃ kho bhikkhū tesaṃ manussānaṃ ujjhāyantānaṃ khiyyantānaṃ vipācentānaṃ. Ye te bhikkhū appicchā santuṭṭhā lajjino kukkuccakā sikkhākāmā te ujjhāyanti khiyyanti vipācenti – ‘‘kathañhi nāma āyasmā dhaniyo kumbhakāraputto rañño dārūni adinnaṃ ādiyissatī’’ti! Atha kho te bhikkhū āyasmantaṃ dhaniyaṃ kumbhakāraputtaṃ anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ dhaniyaṃ kumbhakāraputtaṃ paṭipucchi – ‘‘saccaṃ kira tvaṃ, dhaniya, rañño dārūni adinnaṃ ādiyī’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisa, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tvaṃ, moghapurisa , rañño dārūni adinnaṃ ādiyissasi! Netaṃ, moghapurisa, appasannānaṃ vā pasādāya pasannānaṃ vā bhiyyobhāvāya; athakhvetaṃ, moghapurisa, appasannānañceva appasādāya pasannānañca ekaccānaṃ aññathattāyā’’ti.
д̇зна ко бана самаязна ан̃н̃ад̇аро бураан̣авохаариго махаамад̇д̇о бхигкуусу баб̣б̣аж̇ид̇о бхаг̇авад̇о авид̣̇уурз нисинно ход̇и. ат̇а ко бхаг̇аваа д̇ам̣ бхигкум̣ зд̇ад̣̇авожа – ‘‘гид̇д̇агзна ко бхигку рааж̇аа мааг̇ад̇хо сзнияо б̣имб̣исааро жорам̣ г̇ахзд̇ваа ханад̇и ваа б̣анд̇хад̇и ваа баб̣б̣ааж̇зд̇и ваа’’д̇и? ‘‘баад̣̇зна ваа, бхаг̇аваа, баад̣̇аарахзна ваа’’д̇и 13. д̇зна ко бана самаязна рааж̇аг̇ахз бан̃жамаасаго баад̣̇о ход̇и. ат̇а ко бхаг̇аваа ааяасманд̇ам̣ д̇ханияам̣ гумбхагаарабуд̇д̇ам̣ анзгабарияааязна виг̇арахид̇ваа д̣̇уб̣бхарад̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Tena kho pana samayena aññataro purāṇavohāriko mahāmatto bhikkhūsu pabbajito bhagavato avidūre nisinno hoti. Atha kho bhagavā taṃ bhikkhuṃ etadavoca – ‘‘kittakena kho bhikkhu rājā māgadho seniyo bimbisāro coraṃ gahetvā hanati vā bandhati vā pabbājeti vā’’ti? ‘‘Pādena vā, bhagavā, pādārahena vā’’ti 14. Tena kho pana samayena rājagahe pañcamāsako pādo hoti. Atha kho bhagavā āyasmantaṃ dhaniyaṃ kumbhakāraputtaṃ anekapariyāyena vigarahitvā dubbharatāya…pe… evañca pana, bhikkhave, imaṃ sikkhāpadaṃ uddiseyyātha –
89. ‘‘яо бана бхигку ад̣̇иннам̣ т̇зяяасан̇каад̇ам̣ аад̣̇иязяяа, яат̇ааруубз ад̣̇иннаад̣̇аанз рааж̇аано жорам̣ г̇ахзд̇ваа ханзяяум̣ ваа б̣анд̇хзяяум̣ ваа баб̣б̣ааж̇зяяум̣ ваа – ‘жороси б̣аалоси муул̣хоси т̇зносий’д̇и, д̇ат̇ааруубам̣ бхигку ад̣̇иннам̣ аад̣̇ияамаано аяамби баарааж̇иго ход̇и асам̣ваасо’’д̇и.
89.‘‘Yo pana bhikkhu adinnaṃ theyyasaṅkhātaṃ ādiyeyya, yathārūpe adinnādāne rājāno coraṃ gahetvā haneyyuṃ vā bandheyyuṃ vā pabbājeyyuṃ vā – ‘corosi bālosi mūḷhosi thenosī’ti, tathārūpaṃ bhikkhu adinnaṃ ādiyamāno ayampi pārājiko hoti asaṃvāso’’ti.
зван̃жид̣̇ам̣ бхаг̇авад̇аа бхигкуунам̣ сигкаабад̣̇ам̣ бан̃н̃ад̇д̇ам̣ ход̇и.
Evañcidaṃ bhagavatā bhikkhūnaṃ sikkhāpadaṃ paññattaṃ hoti.
90. д̇зна ко бана самаязна чаб̣б̣аг̇г̇ияаа бхигкуу раж̇агад̇т̇аран̣ам̣ г̇анд̇ваа раж̇агабхан̣д̣игам̣ авахарид̇ваа аараамам̣ харид̇ваа бхааж̇зсум̣. бхигкуу звамаахам̣су – ‘‘махаабун̃н̃ад̇т̇а д̇умхз, аавусо. б̣ахум̣ д̇умхаагам̣ жийварам̣ уббанна’’нд̇и. ‘‘гуд̇о аавусо, амхаагам̣ бун̃н̃ам̣, ид̣̇аани маяам̣ раж̇агад̇т̇аран̣ам̣ г̇анд̇ваа раж̇агабхан̣д̣игам̣ авахаримхаа’’д̇и. ‘‘нану, аавусо, бхаг̇авад̇аа сигкаабад̣̇ам̣ бан̃н̃ад̇д̇ам̣. гисса д̇умхз, аавусо, раж̇агабхан̣д̣игам̣ авахарид̇т̇аа’’д̇и ? ‘‘сажжам̣, аавусо, бхаг̇авад̇аа сигкаабад̣̇ам̣ бан̃н̃ад̇д̇ам̣. д̇ан̃жа ко г̇аамз, но аран̃н̃з’’д̇и. ‘‘нану, аавусо, д̇ат̇звзд̇ам̣ ход̇и. ананужчавигам̣, аавусо, анануломигам̣ аббад̇ируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇умхз, аавусо, раж̇агабхан̣д̣игам̣ авахариссат̇а! нзд̇ам̣, аавусо, аббасаннаанам̣ ваа басаад̣̇ааяа басаннаанам̣ ваа бхияяобхаавааяа; ат̇аквзд̇ам̣, аавусо, аббасаннаанан̃жзва аббасаад̣̇ааяа басаннаанан̃жа згажжаанам̣ ан̃н̃ат̇ад̇д̇ааяаа’’д̇и. ат̇а ко д̇з бхигкуу чаб̣б̣аг̇г̇ияз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа чаб̣б̣аг̇г̇ияз бхигкуу бадибужчи – ‘‘сажжам̣ гира д̇умхз, бхигкавз, раж̇агад̇т̇аран̣ам̣ г̇анд̇ваа раж̇агабхан̣д̣игам̣ авахарид̇т̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа – ‘‘ананужчавигам̣, могхабурисаа, анануломигам̣ аббадируубам̣ ассааман̣агам̣ агаббияам̣ агаран̣ийяам̣. гат̇ан̃хи наама д̇умхз, могхабурисаа, раж̇агабхан̣д̣игам̣ авахариссат̇а! нзд̇ам̣, могхабурисаа, аббасаннаанам̣ ваа басаад̣̇ааяа басаннаанам̣ ваа бхияяобхаавааяа; ат̇а квзд̇ам̣, могхабурисаа, аббасаннаанан̃жзва аббасаад̣̇ааяа басаннаанан̃жа згажжаанам̣ ан̃н̃ат̇ад̇д̇ааяаа’’д̇и. ат̇а ко бхаг̇аваа чаб̣б̣аг̇г̇ияз бхигкуу анзгабарияааязна виг̇арахид̇ваа д̣̇уб̣бхарад̇ааяа…бз… вийрияаарамбхасса ван̣н̣ам̣ бхаасид̇ваа бхигкуунам̣ д̇ад̣̇анужчавигам̣ д̇ад̣̇ануломигам̣ д̇хаммим̣ гат̇ам̣ гад̇ваа бхигкуу ааманд̇зси…бз… ‘‘зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
90. Tena kho pana samayena chabbaggiyā bhikkhū rajakattharaṇaṃ gantvā rajakabhaṇḍikaṃ avaharitvā ārāmaṃ haritvā bhājesuṃ. Bhikkhū evamāhaṃsu – ‘‘mahāpuññattha tumhe, āvuso. Bahuṃ tumhākaṃ cīvaraṃ uppanna’’nti. ‘‘Kuto āvuso, amhākaṃ puññaṃ, idāni mayaṃ rajakattharaṇaṃ gantvā rajakabhaṇḍikaṃ avaharimhā’’ti. ‘‘Nanu, āvuso, bhagavatā sikkhāpadaṃ paññattaṃ. Kissa tumhe, āvuso, rajakabhaṇḍikaṃ avaharitthā’’ti ? ‘‘Saccaṃ, āvuso, bhagavatā sikkhāpadaṃ paññattaṃ. Tañca kho gāme, no araññe’’ti. ‘‘Nanu, āvuso, tathevetaṃ hoti. Ananucchavikaṃ, āvuso, ananulomikaṃ appatirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, āvuso, rajakabhaṇḍikaṃ avaharissatha! Netaṃ, āvuso, appasannānaṃ vā pasādāya pasannānaṃ vā bhiyyobhāvāya; athakhvetaṃ, āvuso, appasannānañceva appasādāya pasannānañca ekaccānaṃ aññathattāyā’’ti. Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā chabbaggiye bhikkhū paṭipucchi – ‘‘saccaṃ kira tumhe, bhikkhave, rajakattharaṇaṃ gantvā rajakabhaṇḍikaṃ avaharitthā’’ti? ‘‘Saccaṃ, bhagavā’’ti. Vigarahi buddho bhagavā – ‘‘ananucchavikaṃ, moghapurisā, ananulomikaṃ appaṭirūpaṃ assāmaṇakaṃ akappiyaṃ akaraṇīyaṃ. Kathañhi nāma tumhe, moghapurisā, rajakabhaṇḍikaṃ avaharissatha! Netaṃ, moghapurisā, appasannānaṃ vā pasādāya pasannānaṃ vā bhiyyobhāvāya; atha khvetaṃ, moghapurisā, appasannānañceva appasādāya pasannānañca ekaccānaṃ aññathattāyā’’ti. Atha kho bhagavā chabbaggiye bhikkhū anekapariyāyena vigarahitvā dubbharatāya…pe… vīriyārambhassa vaṇṇaṃ bhāsitvā bhikkhūnaṃ tadanucchavikaṃ tadanulomikaṃ dhammiṃ kathaṃ katvā bhikkhū āmantesi…pe… ‘‘evañca pana, bhikkhave, imaṃ sikkhāpadaṃ uddiseyyātha –
91. ‘‘яо бана бхигку г̇аамаа ваа аран̃н̃аа ваа ад̣̇иннам̣ т̇зяяасан̇каад̇ам̣ аад̣̇иязяяа, яат̇ааруубз ад̣̇иннаад̣̇аанз рааж̇аано жорам̣ г̇ахзд̇ваа ханзяяум̣ ваа б̣анд̇хзяяум̣ ваа баб̣б̣ааж̇зяяум̣ ваа – ‘жороси б̣аалоси муул̣хоси т̇зносий’д̇и, д̇ат̇ааруубам̣ бхигку ад̣̇иннам̣ аад̣̇ияамаано аяамби баарааж̇иго ход̇и асам̣ваасо’’д̇и.
91.‘‘Yo pana bhikkhu gāmā vā araññā vā adinnaṃ theyyasaṅkhātaṃ ādiyeyya, yathārūpe adinnādāne rājāno coraṃ gahetvā haneyyuṃ vā bandheyyuṃ vā pabbājeyyuṃ vā – ‘corosi bālosi mūḷhosi thenosī’ti, tathārūpaṃ bhikkhu adinnaṃ ādiyamāno ayampi pārājiko hoti asaṃvāso’’ti.
92. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
92.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
г̇аамо наама згагудигоби г̇аамо, д̣̇вигудигоби г̇аамо, д̇игудигоби г̇аамо, жад̇угудигоби г̇аамо, самануссоби г̇аамо, амануссоби г̇аамо, баригкид̇д̇оби г̇аамо, абаригкид̇д̇оби г̇аамо, г̇онисаад̣̇инивидтоби г̇аамо, яоби сад̇т̇о ад̇ирзгажад̇умаасанивидто соби вужжад̇и г̇аамо.
Gāmo nāma ekakuṭikopi gāmo, dvikuṭikopi gāmo, tikuṭikopi gāmo, catukuṭikopi gāmo, samanussopi gāmo, amanussopi gāmo, parikkhittopi gāmo, aparikkhittopi gāmo, gonisādiniviṭṭhopi gāmo, yopi sattho atirekacatumāsaniviṭṭho sopi vuccati gāmo.
г̇аамуубажааро наама баригкид̇д̇асса г̇аамасса инд̣̇акийлз 15 тид̇асса маж̇жхимасса бурисасса лзд̣д̣убаад̇о, абаригкид̇д̇асса г̇аамасса гхаруубажаарз тид̇асса маж̇жхимасса бурисасса лзд̣д̣убаад̇о.
Gāmūpacāro nāma parikkhittassa gāmassa indakhīle 16 ṭhitassa majjhimassa purisassa leḍḍupāto, aparikkhittassa gāmassa gharūpacāre ṭhitassa majjhimassa purisassa leḍḍupāto.
аран̃н̃ам̣ наама табзд̇ваа г̇ааман̃жа г̇аамуубажааран̃жа авасзсам̣ аран̃н̃ам̣ наама.
Araññaṃ nāma ṭhapetvā gāmañca gāmūpacārañca avasesaṃ araññaṃ nāma.
ад̣̇иннам̣ наамам̣ яам̣ ад̣̇иннам̣ аниссадтам̣ абарижжад̇д̇ам̣ рагкид̇ам̣ г̇обид̇ам̣ мамааяид̇ам̣ барабариг̇г̇ахид̇ам̣. зд̇ам̣ ад̣̇иннам̣ наама.
Adinnaṃ nāmaṃ yaṃ adinnaṃ anissaṭṭhaṃ apariccattaṃ rakkhitaṃ gopitaṃ mamāyitaṃ parapariggahitaṃ. Etaṃ adinnaṃ nāma.
т̇зяяасан̇каад̇анд̇и т̇зяяажид̇д̇о авахаран̣ажид̇д̇о.
Theyyasaṅkhātanti theyyacitto avaharaṇacitto.
аад̣̇иязяяаад̇и аад̣̇иязяяа харзяяа авахарзяяа ирияаабат̇ам̣ вигобзяяа таанаа жаавзяяа сан̇гзд̇ам̣ вийд̇инаамзяяа.
Ādiyeyyāti ādiyeyya hareyya avahareyya iriyāpathaṃ vikopeyya ṭhānā cāveyya saṅketaṃ vītināmeyya.
яат̇ааруубам̣ наама баад̣̇ам̣ ваа баад̣̇аарахам̣ ваа ад̇ирзгабаад̣̇ам̣ ваа.
Yathārūpaṃ nāma pādaṃ vā pādārahaṃ vā atirekapādaṃ vā.
рааж̇аано наама бат̇аб̣яаарааж̇аа бад̣̇зсарааж̇аа ман̣д̣алигаа анд̇арабхог̇игаа агкад̣̇ассаа махаамад̇д̇аа, яз ваа бана чзж̇ж̇абхзж̇ж̇ам̣ гаронд̇аа анусаасанд̇и. зд̇з рааж̇аано наама.
Rājāno nāma pathabyārājā padesarājā maṇḍalikā antarabhogikā akkhadassā mahāmattā, ye vā pana chejjabhejjaṃ karontā anusāsanti. Ete rājāno nāma.
жоро наама яо бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ ад̣̇иннам̣ т̇зяяасан̇каад̇ам̣ аад̣̇ияад̇и. зсо жоро наама.
Coro nāma yo pañcamāsakaṃ vā atirekapañcamāsakaṃ vā agghanakaṃ adinnaṃ theyyasaṅkhātaṃ ādiyati. Eso coro nāma.
ханзяяум̣ ваад̇и хад̇т̇зна ваа баад̣̇зна ваа гасааяа ваа взд̇д̇зна ваа ад̣дхад̣̇ан̣д̣агзна ваа чзж̇ж̇ааяа ваа ханзяяум̣.
Haneyyuṃ vāti hatthena vā pādena vā kasāya vā vettena vā aḍḍhadaṇḍakena vā chejjāya vā haneyyuṃ.
б̣анд̇хзяяум̣ ваад̇и раж̇ж̇уб̣анд̇ханзна ваа анд̣̇уб̣анд̇ханзна ваа сан̇калигаб̣анд̇ханзна ваа гхараб̣анд̇ханзна ваа наг̇араб̣анд̇ханзна ваа г̇аамаб̣анд̇ханзна ваа ниг̇амаб̣анд̇ханзна ваа б̣анд̇хзяяум̣, бурисаг̇уд̇д̇им̣ ваа гарзяяум̣.
Bandheyyuṃ vāti rajjubandhanena vā andubandhanena vā saṅkhalikabandhanena vā gharabandhanena vā nagarabandhanena vā gāmabandhanena vā nigamabandhanena vā bandheyyuṃ, purisaguttiṃ vā kareyyuṃ.
баб̣б̣ааж̇зяяум̣ ваад̇и г̇аамаа ваа ниг̇амаа ваа наг̇араа ваа ж̇анабад̣̇аа ваа ж̇анабад̣̇абад̣̇зсаа ваа баб̣б̣ааж̇зяяум̣.
Pabbājeyyuṃ vāti gāmā vā nigamā vā nagarā vā janapadā vā janapadapadesā vā pabbājeyyuṃ.
жороси б̣аалоси муул̣хоси т̇зносийд̇и барибхаасо зсо.
Corosi bālosi mūḷhosi thenosīti paribhāso eso.
д̇ат̇ааруубам̣ наама баад̣̇ам̣ ваа баад̣̇аарахам̣ ваа ад̇ирзгабаад̣̇ам̣ ваа.
Tathārūpaṃ nāma pādaṃ vā pādārahaṃ vā atirekapādaṃ vā.
аад̣̇ияамаанод̇и аад̣̇ияамаано харамаано авахарамаано ирияаабат̇ам̣ вигобаяамаано таанаа жааваяамаано сан̇гзд̇ам̣ вийд̇инаамаяамаано.
Ādiyamānoti ādiyamāno haramāno avaharamāno iriyāpathaṃ vikopayamāno ṭhānā cāvayamāno saṅketaṃ vītināmayamāno.
аяамбийд̇и буримам̣ убаад̣̇ааяа вужжад̇и.
Ayampīti purimaṃ upādāya vuccati.
асам̣ваасод̇и сам̣ваасо наама згагаммам̣ згуд̣̇д̣̇зсо самасигкад̇аа. зсо сам̣ваасо наама. со д̇зна сад̣̇д̇хим̣ над̇т̇и. д̇зна вужжад̇и – ‘асам̣ваасо’д̇и.
Asaṃvāsoti saṃvāso nāma ekakammaṃ ekuddeso samasikkhatā. Eso saṃvāso nāma. So tena saddhiṃ natthi. Tena vuccati – ‘asaṃvāso’ti.
93. бхуумадтам̣ т̇аладтам̣ аагаасадтам̣ взхаасадтам̣ уд̣̇агадтам̣ наавадтам̣ яаанадтам̣ бхаарадтам̣ аараамадтам̣ вихаарадтам̣ кзд̇д̇адтам̣ вад̇т̇удтам̣ г̇аамадтам̣ аран̃н̃адтам̣ уд̣̇агам̣ д̣̇анд̇абон̣ам̣ 21 ванаббад̇и харан̣агам̣ убанид̇хи сун̇гагхаад̇ам̣ баан̣о абад̣̇ам̣ д̣̇вибад̣̇ам̣ жад̇уббад̣̇ам̣ б̣ахуббад̣̇ам̣ ожараго он̣ирагко сам̣вид̣̇аавахааро сан̇гзд̇агаммам̣ нимид̇д̇агамманд̇и.
93. Bhūmaṭṭhaṃ thalaṭṭhaṃ ākāsaṭṭhaṃ vehāsaṭṭhaṃ udakaṭṭhaṃ nāvaṭṭhaṃ yānaṭṭhaṃ bhāraṭṭhaṃ ārāmaṭṭhaṃ vihāraṭṭhaṃ khettaṭṭhaṃ vatthuṭṭhaṃ gāmaṭṭhaṃ araññaṭṭhaṃ udakaṃ dantapoṇaṃ 22 vanappati haraṇakaṃ upanidhi suṅkaghātaṃ pāṇo apadaṃ dvipadaṃ catuppadaṃ bahuppadaṃ ocarako oṇirakkho saṃvidāvahāro saṅketakammaṃ nimittakammanti.
94. бхуумадтам̣ наама бхан̣д̣ам̣ бхуумияам̣ нигкид̇д̇ам̣ ход̇и никаад̇ам̣ бадижчаннам̣. бхуумадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и гуд̣̇аалам̣ ваа бидагам̣ ваа бариязсад̇и г̇ажчад̇и ваа, аабад̇д̇и д̣̇уггадасса. д̇ад̇т̇а ж̇аад̇агам̣ гадтам̣ ваа лад̇ам̣ ваа чинд̣̇ад̇и, аабад̇д̇и д̣̇уггадасса. д̇ад̇т̇а бам̣сум̣ кан̣ад̇и ваа б̣яуухад̇и 23 ваа уд̣̇д̇харад̇и ваа, аабад̇д̇и д̣̇уггадасса. гумбхим̣ аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. ад̇д̇ано бхааж̇анам̣ бавзсзд̇ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. ад̇д̇ано бхааж̇анаг̇ад̇ам̣ ваа гарод̇и мудтим̣ ваа чинд̣̇ад̇и, аабад̇д̇и баарааж̇игасса. суд̇д̇аарул̣хам̣ бхан̣д̣ам̣ бааман̇г̇ам̣ ваа ган̣тасуд̇д̇агам̣ ваа гадисуд̇д̇агам̣ ваа саадагам̣ ваа взтанам̣ ваа т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. годияам̣ г̇ахзд̇ваа ужжаарзд̇и, аабад̇д̇и т̇уллажжаяасса. гхам̣санд̇о нийхарад̇и, аабад̇д̇и т̇уллажжаяасса. анд̇амасо гзсаг̇г̇амад̇д̇амби гумбхимукаа можзд̇и, аабад̇д̇и баарааж̇игасса. саббим̣ ваа д̇злам̣ ваа мад̇хум̣ ваа паан̣ид̇ам̣ ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о згзна баяог̇зна бивад̇и, аабад̇д̇и баарааж̇игасса. д̇ад̇т̇зва бхинд̣̇ад̇и ваа чад̣д̣зд̇и ваа жхаабзд̇и ваа абарибхог̇ам̣ ваа гарод̇и, аабад̇д̇и д̣̇уггадасса.
94.Bhūmaṭṭhaṃ nāma bhaṇḍaṃ bhūmiyaṃ nikkhittaṃ hoti nikhātaṃ paṭicchannaṃ. Bhūmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati kudālaṃ vā piṭakaṃ vā pariyesati gacchati vā, āpatti dukkaṭassa. Tattha jātakaṃ kaṭṭhaṃ vā lataṃ vā chindati, āpatti dukkaṭassa. Tattha paṃsuṃ khaṇati vā byūhati 24 vā uddharati vā, āpatti dukkaṭassa. Kumbhiṃ āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Attano bhājanaṃ pavesetvā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṃ vā karoti muṭṭhiṃ vā chindati, āpatti pārājikassa. Suttāruḷhaṃ bhaṇḍaṃ pāmaṅgaṃ vā kaṇṭhasuttakaṃ vā kaṭisuttakaṃ vā sāṭakaṃ vā veṭhanaṃ vā theyyacitto āmasati, āpatti dukkaṭassa. Phandāpeti, āpatti thullaccayassa. Koṭiyaṃ gahetvā uccāreti, āpatti thullaccayassa. Ghaṃsanto nīharati, āpatti thullaccayassa. Antamaso kesaggamattampi kumbhimukhā moceti, āpatti pārājikassa. Sappiṃ vā telaṃ vā madhuṃ vā phāṇitaṃ vā pañcamāsakaṃ vā atirekapañcamāsakaṃ vā agghanakaṃ theyyacitto ekena payogena pivati, āpatti pārājikassa. Tattheva bhindati vā chaḍḍeti vā jhāpeti vā aparibhogaṃ vā karoti, āpatti dukkaṭassa.
95. т̇аладтам̣ наама бхан̣д̣ам̣ т̇алз нигкид̇д̇ам̣ ход̇и. т̇аладтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
95.Thalaṭṭhaṃ nāma bhaṇḍaṃ thale nikkhittaṃ hoti. Thalaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
96. аагаасадтам̣ наама бхан̣д̣ам̣ аагаасаг̇ад̇ам̣ ход̇и. моро ваа габин̃ж̇аро ваа д̇ид̇д̇иро ваа ваддаго ваа, саадагам̣ ваа взтанам̣ ваа хиран̃н̃ам̣ ваа суван̣н̣ам̣ ваа чиж̇ж̇амаанам̣ бад̇ад̇и. аагаасадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса . г̇аманам̣ убажчинд̣̇ад̇и, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
96.Ākāsaṭṭhaṃ nāma bhaṇḍaṃ ākāsagataṃ hoti. Moro vā kapiñjaro vā tittiro vā vaṭṭako vā, sāṭakaṃ vā veṭhanaṃ vā hiraññaṃ vā suvaṇṇaṃ vā chijjamānaṃ patati. Ākāsaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa . Gamanaṃ upacchindati, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
97. взхаасадтам̣ наама бхан̣д̣ам̣ взхаасаг̇ад̇ам̣ ход̇и. ман̃жз ваа бийтз ваа жийваравам̣сз ваа жийварараж̇ж̇уяаа ваа бхид̇д̇икилз ваа нааг̇ад̣̇анд̇з ваа ругкз ваа лаг̇г̇ид̇ам̣ ход̇и, анд̇амасо бад̇д̇аад̇хаарагзби. взхаасадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
97.Vehāsaṭṭhaṃ nāma bhaṇḍaṃ vehāsagataṃ hoti. Mañce vā pīṭhe vā cīvaravaṃse vā cīvararajjuyā vā bhittikhile vā nāgadante vā rukkhe vā laggitaṃ hoti, antamaso pattādhārakepi. Vehāsaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
98. уд̣̇агадтам̣ наама бхан̣д̣ам̣ уд̣̇агз нигкид̇д̇ам̣ ход̇и. уд̣̇агадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. нимуж̇ж̇ад̇и ваа уммуж̇ж̇ад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. д̇ад̇т̇а ж̇аад̇агам̣ уббалам̣ ваа бад̣̇умам̣ ваа бун̣д̣арийгам̣ ваа бхисам̣ ваа мажчам̣ ваа гажчабам̣ ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
98.Udakaṭṭhaṃ nāma bhaṇḍaṃ udake nikkhittaṃ hoti. Udakaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Nimujjati vā ummujjati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ uppalaṃ vā padumaṃ vā puṇḍarīkaṃ vā bhisaṃ vā macchaṃ vā kacchapaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
99. нааваа наама яааяа д̇арад̇и. наавадтам̣ наама бхан̣д̣ам̣ наавааяа нигкид̇д̇ам̣ ход̇и. ‘‘наавадтам̣ бхан̣д̣ам̣ авахариссаамий’’д̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. наавам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. б̣анд̇ханам̣ можзд̇и, аабад̇д̇и д̣̇уггадасса. б̣анд̇ханам̣ можзд̇ваа аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. уд̣̇д̇хам̣ ваа ад̇хо ваа д̇ирияам̣ ваа анд̇амасо гзсаг̇г̇амад̇д̇амби сан̇гаамзд̇и, аабад̇д̇и баарааж̇игасса.
99.Nāvā nāma yāya tarati. Nāvaṭṭhaṃ nāma bhaṇḍaṃ nāvāya nikkhittaṃ hoti. ‘‘Nāvaṭṭhaṃ bhaṇḍaṃ avaharissāmī’’ti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Nāvaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Bandhanaṃ moceti, āpatti dukkaṭassa. Bandhanaṃ mocetvā āmasati, āpatti dukkaṭassa. Phandāpeti, āpatti thullaccayassa. Uddhaṃ vā adho vā tiriyaṃ vā antamaso kesaggamattampi saṅkāmeti, āpatti pārājikassa.
100. яаанам̣ наама ваяхам̣ рат̇о сагадам̣ санд̣̇амаанигаа. яаанадтам̣ наама бхан̣д̣ам̣ яаанз нигкид̇д̇ам̣ ход̇и. яаанадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. яаанам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
100.Yānaṃ nāma vayhaṃ ratho sakaṭaṃ sandamānikā. Yānaṭṭhaṃ nāma bhaṇḍaṃ yāne nikkhittaṃ hoti. Yānaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Yānaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
101. бхааро наама сийсабхааро канд̇хабхааро гадибхааро оламб̣аго. сийсз бхаарам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. канд̇хам̣ оробзд̇и, аабад̇д̇и баарааж̇игасса. канд̇хз бхаарам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. гадим̣ оробзд̇и, аабад̇д̇и баарааж̇игасса. гадияаа бхаарам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. хад̇т̇зна г̇ан̣хаад̇и, аабад̇д̇и баарааж̇игасса. хад̇т̇з бхаарам̣ т̇зяяажид̇д̇о бхуумияам̣ нигкибад̇и, аабад̇д̇и баарааж̇игасса. т̇зяяажид̇д̇о бхуумид̇о г̇ан̣хаад̇и, аабад̇д̇и баарааж̇игасса.
101.Bhāro nāma sīsabhāro khandhabhāro kaṭibhāro olambako. Sīse bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Khandhaṃ oropeti, āpatti pārājikassa. Khandhe bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Kaṭiṃ oropeti, āpatti pārājikassa. Kaṭiyā bhāraṃ theyyacitto āmasati, āpatti dukkaṭassa. Phandāpeti, āpatti thullaccayassa. Hatthena gaṇhāti, āpatti pārājikassa. Hatthe bhāraṃ theyyacitto bhūmiyaṃ nikkhipati, āpatti pārājikassa. Theyyacitto bhūmito gaṇhāti, āpatti pārājikassa.
102. аараамо наама бубпаараамо палаараамо. аараамадтам̣ наама бхан̣д̣ам̣ аараамз жад̇уухи таанзхи нигкид̇д̇ам̣ ход̇и – бхуумадтам̣ т̇аладтам̣, аагаасадтам̣, взхаасадтам̣. аараамадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. д̇ад̇т̇а ж̇аад̇агам̣ муулам̣ ваа д̇ажам̣ ваа бад̇д̇ам̣ ваа бубпам̣ ваа палам̣ ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. аараамам̣ абхияун̃ж̇ад̇и, аабад̇д̇и д̣̇уггадасса. саамигасса вимад̇им̣ уббаад̣̇зд̇и, аабад̇д̇и т̇уллажжаяасса. саамиго на маяхам̣ бхависсад̇ийд̇и д̇хурам̣ нигкибад̇и, аабад̇д̇и баарааж̇игасса. д̇хаммам̣ жаранд̇о саамигам̣ барааж̇зд̇и, аабад̇д̇и баарааж̇игасса. д̇хаммам̣ жаранд̇о бараж̇ж̇ад̇и, аабад̇д̇и т̇уллажжаяасса.
102.Ārāmo nāma pupphārāmo phalārāmo. Ārāmaṭṭhaṃ nāma bhaṇḍaṃ ārāme catūhi ṭhānehi nikkhittaṃ hoti – bhūmaṭṭhaṃ thalaṭṭhaṃ, ākāsaṭṭhaṃ, vehāsaṭṭhaṃ. Ārāmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ mūlaṃ vā tacaṃ vā pattaṃ vā pupphaṃ vā phalaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Ārāmaṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
103. вихаарадтам̣ наама бхан̣д̣ам̣ вихаарз жад̇уухи таанзхи нигкид̇д̇ам̣ ход̇и – бхуумадтам̣, т̇аладтам̣, аагаасадтам̣, взхаасадтам̣. вихаарадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. вихаарам̣ абхияун̃ж̇ад̇и, аабад̇д̇и д̣̇уггадасса. саамигасса вимад̇им̣ уббаад̣̇зд̇и, аабад̇д̇и т̇уллажжаяасса. саамиго на маяхам̣ бхависсад̇ийд̇и д̇хурам̣ нигкибад̇и, аабад̇д̇и баарааж̇игасса. д̇хаммам̣ жаранд̇о саамигам̣ барааж̇зд̇и, аабад̇д̇и баарааж̇игасса. д̇хаммам̣ жаранд̇о бараж̇ж̇ад̇и, аабад̇д̇и т̇уллажжаяасса.
103.Vihāraṭṭhaṃ nāma bhaṇḍaṃ vihāre catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Vihāraṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vihāraṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
104. кзд̇д̇ам̣ наама яад̇т̇а буб̣б̣ан̣н̣ам̣ ваа абаран̣н̣ам̣ ваа ж̇ааяад̇и. кзд̇д̇адтам̣ наама бхан̣д̣ам̣ кзд̇д̇з жад̇уухи таанзхи нигкид̇д̇ам̣ ход̇и – бхуумадтам̣, т̇аладтам̣, аагаасадтам̣, взхаасадтам̣. кзд̇д̇адтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и, д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. д̇ад̇т̇а ж̇аад̇агам̣ буб̣б̣ан̣н̣ам̣ ваа абаран̣н̣ам̣ ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. кзд̇д̇ам̣ абхияун̃ж̇ад̇и, аабад̇д̇и д̣̇уггадасса. саамигасса вимад̇им̣ уббаад̣̇зд̇и, аабад̇д̇и т̇уллажжаяасса. саамиго на маяхам̣ бхависсад̇ийд̇и д̇хурам̣ нигкибад̇и, аабад̇д̇и баарааж̇игасса. д̇хаммам̣ жаранд̇о саамигам̣ барааж̇зд̇и, аабад̇д̇и баарааж̇игасса. д̇хаммам̣ жаранд̇о бараж̇ж̇ад̇и, аабад̇д̇и т̇уллажжаяасса. килам̣ ваа раж̇ж̇ум̣ ваа вад̇им̣ ваа марияаад̣̇ам̣ ваа сан̇гаамзд̇и, аабад̇д̇и д̣̇уггадасса. згам̣ баяог̇ам̣ анааг̇ад̇з, аабад̇д̇и т̇уллажжаяасса. д̇асмим̣ баяог̇з ааг̇ад̇з, аабад̇д̇и баарааж̇игасса.
104.Khettaṃ nāma yattha pubbaṇṇaṃ vā aparaṇṇaṃ vā jāyati. Khettaṭṭhaṃ nāma bhaṇḍaṃ khette catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Khettaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti, dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ pubbaṇṇaṃ vā aparaṇṇaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Khettaṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa. Khilaṃ vā rajjuṃ vā vatiṃ vā mariyādaṃ vā saṅkāmeti, āpatti dukkaṭassa. Ekaṃ payogaṃ anāgate, āpatti thullaccayassa. Tasmiṃ payoge āgate, āpatti pārājikassa.
105. вад̇т̇у наама аараамавад̇т̇у вихааравад̇т̇у. вад̇т̇удтам̣ наама бхан̣д̣ам̣ вад̇т̇усмим̣ жад̇уухи таанзхи нигкид̇д̇ам̣ ход̇и – бхуумадтам̣, т̇аладтам̣, аагаасадтам̣, взхаасадтам̣. вад̇т̇удтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. вад̇т̇ум̣ абхияун̃ж̇ад̇и, аабад̇д̇и д̣̇уггадасса. саамигасса вимад̇им̣ уббаад̣̇зд̇и, аабад̇д̇и т̇уллажжаяасса. саамиго на маяхам̣ бхависсад̇ийд̇и д̇хурам̣ нигкибад̇и, аабад̇д̇и баарааж̇игасса. д̇хаммам̣ жаранд̇о саамигам̣ барааж̇зд̇и, аабад̇д̇и баарааж̇игасса. д̇хаммам̣ жаранд̇о бараж̇ж̇ад̇и, аабад̇д̇и т̇уллажжаяасса. кийлам̣ ваа раж̇ж̇ум̣ ваа вад̇им̣ ваа баагаарам̣ ваа сан̇гаамзд̇и, аабад̇д̇и д̣̇уггадасса. згам̣ баяог̇ам̣ анааг̇ад̇з аабад̇д̇и т̇уллажжаяасса. д̇асмим̣ баяог̇з ааг̇ад̇з аабад̇д̇и баарааж̇игасса.
105.Vatthu nāma ārāmavatthu vihāravatthu. Vatthuṭṭhaṃ nāma bhaṇḍaṃ vatthusmiṃ catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Vatthuṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Vatthuṃ abhiyuñjati, āpatti dukkaṭassa. Sāmikassa vimatiṃ uppādeti, āpatti thullaccayassa. Sāmiko na mayhaṃ bhavissatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa. Khīlaṃ vā rajjuṃ vā vatiṃ vā pākāraṃ vā saṅkāmeti, āpatti dukkaṭassa. Ekaṃ payogaṃ anāgate āpatti thullaccayassa. Tasmiṃ payoge āgate āpatti pārājikassa.
106. г̇аамадтам̣ наама бхан̣д̣ам̣ г̇аамз жад̇уухи таанзхи нигкид̇д̇ам̣ ход̇и – бхуумадтам̣, т̇аладтам̣, аагаасадтам̣, взхаасадтам̣. г̇аамадтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
106.Gāmaṭṭhaṃ nāma bhaṇḍaṃ gāme catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Gāmaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
107. аран̃н̃ам̣ наама яам̣ мануссаанам̣ бариг̇г̇ахид̇ам̣ ход̇и, д̇ам̣ аран̃н̃ам̣. аран̃н̃адтам̣ наама бхан̣д̣ам̣ аран̃н̃з жад̇уухи таанзхи нигкид̇д̇ам̣ ход̇и – бхуумадтам̣, т̇аладтам̣, аагаасадтам̣, взхаасадтам̣. аран̃н̃адтам̣ бхан̣д̣ам̣ авахариссаамийд̇и т̇зяяажид̇д̇о д̣̇уд̇ияам̣ ваа бариязсад̇и г̇ажчад̇и ваа, аабад̇д̇и д̣̇уггадасса. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. д̇ад̇т̇а ж̇аад̇агам̣ гадтам̣ ваа лад̇ам̣ ваа д̇ин̣ам̣ ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
107.Araññaṃ nāma yaṃ manussānaṃ pariggahitaṃ hoti, taṃ araññaṃ. Araññaṭṭhaṃ nāma bhaṇḍaṃ araññe catūhi ṭhānehi nikkhittaṃ hoti – bhūmaṭṭhaṃ, thalaṭṭhaṃ, ākāsaṭṭhaṃ, vehāsaṭṭhaṃ. Araññaṭṭhaṃ bhaṇḍaṃ avaharissāmīti theyyacitto dutiyaṃ vā pariyesati gacchati vā, āpatti dukkaṭassa. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Tattha jātakaṃ kaṭṭhaṃ vā lataṃ vā tiṇaṃ vā pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
108. уд̣̇агам̣ наама бхааж̇анаг̇ад̇ам̣ ваа ход̇и богкаран̣ияаа ваа д̇ал̣аагз ваа. т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса . ад̇д̇ано бхааж̇анам̣ бавзсзд̇ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ уд̣̇агам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. ад̇д̇ано бхааж̇анаг̇ад̇ам̣ гарод̇и, аабад̇д̇и баарааж̇игасса. марияаад̣̇ам̣ бхинд̣̇ад̇и, аабад̇д̇и д̣̇уггадасса. марияаад̣̇ам̣ бхинд̣̇ид̇ваа бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ уд̣̇агам̣ нигкаамзд̇и, аабад̇д̇и баарааж̇игасса. ад̇ирзгамаасагам̣ ваа уунабан̃жамаасагам̣ ваа аг̇гханагам̣ уд̣̇агам̣ нигкаамзд̇и, аабад̇д̇и т̇уллажжаяасса. маасагам̣ ваа уунамаасагам̣ ваа аг̇гханагам̣ уд̣̇агам̣ нигкаамзд̇и, аабад̇д̇и д̣̇уггадасса.
108.Udakaṃ nāma bhājanagataṃ vā hoti pokkharaṇiyā vā taḷāke vā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa . Attano bhājanaṃ pavesetvā pañcamāsakaṃ vā atirekapañcamāsakaṃ vā agghanakaṃ udakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Attano bhājanagataṃ karoti, āpatti pārājikassa. Mariyādaṃ bhindati, āpatti dukkaṭassa. Mariyādaṃ bhinditvā pañcamāsakaṃ vā atirekapañcamāsakaṃ vā agghanakaṃ udakaṃ nikkhāmeti, āpatti pārājikassa. Atirekamāsakaṃ vā ūnapañcamāsakaṃ vā agghanakaṃ udakaṃ nikkhāmeti, āpatti thullaccayassa. Māsakaṃ vā ūnamāsakaṃ vā agghanakaṃ udakaṃ nikkhāmeti, āpatti dukkaṭassa.
109. д̣̇анд̇абон̣ам̣ наама чиннам̣ ваа ажчиннам̣ ваа. бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
109.Dantapoṇaṃ nāma chinnaṃ vā acchinnaṃ vā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
110. ванаббад̇и наама яо мануссаанам̣ бариг̇г̇ахид̇о ход̇и ругко барибхог̇о. т̇зяяажид̇д̇о чинд̣̇ад̇и, бахаарз бахаарз аабад̇д̇и д̣̇уггадасса. згам̣ бахаарам̣ анааг̇ад̇з, аабад̇д̇и т̇уллажжаяасса. д̇асмим̣ бахаарз ааг̇ад̇з, аабад̇д̇и баарааж̇игасса.
110.Vanappati nāma yo manussānaṃ pariggahito hoti rukkho paribhogo. Theyyacitto chindati, pahāre pahāre āpatti dukkaṭassa. Ekaṃ pahāraṃ anāgate, āpatti thullaccayassa. Tasmiṃ pahāre āgate, āpatti pārājikassa.
111. харан̣агам̣ наама ан̃н̃асса харан̣агам̣ бхан̣д̣ам̣. т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. сахабхан̣д̣ахаарагам̣ бад̣̇асаа нзссаамийд̇и батамам̣ баад̣̇ам̣ сан̇гаамзд̇и, аабад̇д̇и т̇уллажжаяасса. д̣̇уд̇ияам̣ баад̣̇ам̣ сан̇гаамзд̇и, аабад̇д̇и баарааж̇игасса. бад̇ид̇ам̣ бхан̣д̣ам̣ г̇ахзссаамийд̇и баад̇аабзд̇и, аабад̇д̇и д̣̇уггадасса. бад̇ид̇ам̣ бхан̣д̣ам̣ бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
111.Haraṇakaṃ nāma aññassa haraṇakaṃ bhaṇḍaṃ. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Sahabhaṇḍahārakaṃ padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa. Patitaṃ bhaṇḍaṃ gahessāmīti pātāpeti, āpatti dukkaṭassa. Patitaṃ bhaṇḍaṃ pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
112. убанид̇хи наама убанигкид̇д̇ам̣ бхан̣д̣ам̣. д̣̇зхи мз бхан̣д̣анд̇и вужжамаано наахам̣ г̇ан̣хаамийд̇и бхан̣ад̇и, аабад̇д̇и д̣̇уггадасса. саамигасса вимад̇им̣ уббаад̣̇зд̇и , аабад̇д̇и т̇уллажжаяасса . саамиго на маяхам̣ д̣̇ассад̇ийд̇и д̇хурам̣ нигкибад̇и, аабад̇д̇и баарааж̇игасса. д̇хаммам̣ жаранд̇о саамигам̣ барааж̇зд̇и, аабад̇д̇и баарааж̇игасса. д̇хаммам̣ жаранд̇о бараж̇ж̇ад̇и, аабад̇д̇и т̇уллажжаяасса.
112.Upanidhi nāma upanikkhittaṃ bhaṇḍaṃ. Dehi me bhaṇḍanti vuccamāno nāhaṃ gaṇhāmīti bhaṇati, āpatti dukkaṭassa. Sāmikassa vimatiṃ uppādeti , āpatti thullaccayassa . Sāmiko na mayhaṃ dassatīti dhuraṃ nikkhipati, āpatti pārājikassa. Dhammaṃ caranto sāmikaṃ parājeti, āpatti pārājikassa. Dhammaṃ caranto parajjati, āpatti thullaccayassa.
113. сун̇гагхаад̇ам̣ наама ран̃н̃аа табид̇ам̣ ход̇и баб̣б̣ад̇акан̣д̣з ваа над̣̇ийд̇ид̇т̇з ваа г̇аамад̣̇ваарз ваа – ‘ад̇ра бавидтасса сун̇гам̣ г̇ан̣ханд̇уу’д̇и. д̇ад̇ра бависид̇ваа рааж̇аг̇г̇ам̣ 25 бхан̣д̣ам̣ бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. батамам̣ баад̣̇ам̣ сун̇гагхаад̇ам̣ ад̇иггаамзд̇и, аабад̇д̇и т̇уллажжаяасса. д̣̇уд̇ияам̣ баад̣̇ам̣ ад̇иггаамзд̇и, аабад̇д̇и баарааж̇игасса. анд̇осун̇гагхаад̇з тид̇о б̣ахисун̇гагхаад̇ам̣ баад̇зд̇и, аабад̇д̇и баарааж̇игасса. сун̇гам̣ барихарад̇и, аабад̇д̇и д̣̇уггадасса.
113.Suṅkaghātaṃ nāma raññā ṭhapitaṃ hoti pabbatakhaṇḍe vā nadītitthe vā gāmadvāre vā – ‘atra paviṭṭhassa suṅkaṃ gaṇhantū’ti. Tatra pavisitvā rājaggaṃ 26 bhaṇḍaṃ pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Paṭhamaṃ pādaṃ suṅkaghātaṃ atikkāmeti, āpatti thullaccayassa. Dutiyaṃ pādaṃ atikkāmeti, āpatti pārājikassa. Antosuṅkaghāte ṭhito bahisuṅkaghātaṃ pāteti, āpatti pārājikassa. Suṅkaṃ pariharati, āpatti dukkaṭassa.
114. баан̣о наама мануссабаан̣о вужжад̇и. т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. бад̣̇асаа нзссаамийд̇и батамам̣ баад̣̇ам̣ сан̇гаамзд̇и, аабад̇д̇и т̇уллажжаяасса. д̣̇уд̇ияам̣ баад̣̇ам̣ сан̇гаамзд̇и, аабад̇д̇и баарааж̇игасса.
114.Pāṇo nāma manussapāṇo vuccati. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa.
абад̣̇ам̣ наама ахи мажчаа. бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
Apadaṃ nāma ahi macchā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
115. д̣̇вибад̣̇ам̣ наама мануссаа, багкаж̇аад̇аа. т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. бад̣̇асаа нзссаамийд̇и батамам̣ баад̣̇ам̣ сан̇гаамзд̇и, аабад̇д̇и т̇уллажжаяасса. д̣̇уд̇ияам̣ баад̣̇ам̣ сан̇гаамзд̇и, аабад̇д̇и баарааж̇игасса.
115.Dvipadaṃ nāma manussā, pakkhajātā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti pārājikassa.
116. жад̇уббад̣̇ам̣ наама – хад̇т̇ий ассаа одтаа г̇он̣аа г̇ад̣̇рабхаа басугаа. т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. бад̣̇асаа нзссаамийд̇и батамам̣ баад̣̇ам̣ сан̇гаамзд̇и, аабад̇д̇и т̇уллажжаяасса. д̣̇уд̇ияам̣ баад̣̇ам̣ сан̇гаамзд̇и, аабад̇д̇и т̇уллажжаяасса. д̇ад̇ияам̣ баад̣̇ам̣ сан̇гаамзд̇и, аабад̇д̇и т̇уллажжаяасса. жад̇уд̇т̇ам̣ баад̣̇ам̣ сан̇гаамзд̇и, аабад̇д̇и баарааж̇игасса.
116.Catuppadaṃ nāma – hatthī assā oṭṭhā goṇā gadrabhā pasukā. Theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti paṭhamaṃ pādaṃ saṅkāmeti, āpatti thullaccayassa. Dutiyaṃ pādaṃ saṅkāmeti, āpatti thullaccayassa. Tatiyaṃ pādaṃ saṅkāmeti, āpatti thullaccayassa. Catutthaṃ pādaṃ saṅkāmeti, āpatti pārājikassa.
117. б̣ахуббад̣̇ам̣ наама – вижчигаа сад̇абад̣̇ий ужжаалин̇г̇абаан̣агаа. бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса. бад̣̇асаа нзссаамийд̇и сан̇гаамзд̇и, бад̣̇з бад̣̇з аабад̇д̇и т̇уллажжаяасса. бажчимам̣ баад̣̇ам̣ сан̇гаамзд̇и, аабад̇д̇и баарааж̇игасса.
117.Bahuppadaṃ nāma – vicchikā satapadī uccāliṅgapāṇakā. Pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa. Padasā nessāmīti saṅkāmeti, pade pade āpatti thullaccayassa. Pacchimaṃ pādaṃ saṅkāmeti, āpatti pārājikassa.
118. ожараго наама бхан̣д̣ам̣ ожарид̇ваа аажигкад̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со д̇ам̣ бхан̣д̣ам̣ авахарад̇и, аабад̇д̇и убхиннам̣ баарааж̇игасса.
118.Ocarako nāma bhaṇḍaṃ ocaritvā ācikkhati – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ bhaṇḍaṃ avaharati, āpatti ubhinnaṃ pārājikassa.
он̣ирагко наама аахадам̣ бхан̣д̣ам̣ г̇обзнд̇о бан̃жамаасагам̣ ваа ад̇ирзгабан̃жамаасагам̣ ваа аг̇гханагам̣ т̇зяяажид̇д̇о аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
Oṇirakkho nāma āhaṭaṃ bhaṇḍaṃ gopento pañcamāsakaṃ vā atirekapañcamāsakaṃ vā agghanakaṃ theyyacitto āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
сам̣вид̣̇аавахааро наама самб̣ахулаа сам̣вид̣̇ахид̇ваа зго бхан̣д̣ам̣ авахарад̇и, аабад̇д̇и саб̣б̣зсам̣ баарааж̇игасса.
Saṃvidāvahāro nāma sambahulā saṃvidahitvā eko bhaṇḍaṃ avaharati, āpatti sabbesaṃ pārājikassa.
119. сан̇гзд̇агаммам̣ наама сан̇гзд̇ам̣ гарод̇и – ‘‘бурзбхад̇д̇ам̣ ваа бажчаабхад̇д̇ам̣ ваа рад̇д̇им̣ ваа д̣̇иваа ваа д̇зна сан̇гзд̇зна д̇ам̣ бхан̣д̣ам̣ авахараа’’д̇и, аабад̇д̇и д̣̇уггадасса. д̇зна сан̇гзд̇зна д̇ам̣ бхан̣д̣ам̣ авахарад̇и, аабад̇д̇и убхиннам̣ баарааж̇игасса. д̇ам̣ сан̇гзд̇ам̣ бурз ваа бажчаа ваа д̇ам̣ бхан̣д̣ам̣ авахарад̇и, мууладтасса анаабад̇д̇и. авахаарагасса аабад̇д̇и баарааж̇игасса.
119.Saṅketakammaṃ nāma saṅketaṃ karoti – ‘‘purebhattaṃ vā pacchābhattaṃ vā rattiṃ vā divā vā tena saṅketena taṃ bhaṇḍaṃ avaharā’’ti, āpatti dukkaṭassa. Tena saṅketena taṃ bhaṇḍaṃ avaharati, āpatti ubhinnaṃ pārājikassa. Taṃ saṅketaṃ pure vā pacchā vā taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
120. нимид̇д̇агаммам̣ наама нимид̇д̇ам̣ гарод̇и. агким̣ ваа никан̣иссаами бхамугам̣ ваа угкибиссаами сийсам̣ ваа угкибиссаами, д̇зна нимид̇д̇зна д̇ам̣ бхан̣д̣ам̣ авахараад̇и, аабад̇д̇и д̣̇уггадасса. д̇зна нимид̇д̇зна д̇ам̣ бхан̣д̣ам̣ авахарад̇и, аабад̇д̇и убхиннам̣ баарааж̇игасса. д̇ам̣ нимид̇д̇ам̣ бурз ваа бажчаа ваа д̇ам̣ бхан̣д̣ам̣ авахарад̇и, мууладтасса анаабад̇д̇и. авахаарагасса аабад̇д̇и баарааж̇игасса.
120.Nimittakammaṃ nāma nimittaṃ karoti. Akkhiṃ vā nikhaṇissāmi bhamukaṃ vā ukkhipissāmi sīsaṃ vā ukkhipissāmi, tena nimittena taṃ bhaṇḍaṃ avaharāti, āpatti dukkaṭassa. Tena nimittena taṃ bhaṇḍaṃ avaharati, āpatti ubhinnaṃ pārājikassa. Taṃ nimittaṃ pure vā pacchā vā taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
121. бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со д̇ам̣ ман̃н̃амаано д̇ам̣ авахарад̇и, аабад̇д̇и убхиннам̣ баарааж̇игасса.
121. Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ maññamāno taṃ avaharati, āpatti ubhinnaṃ pārājikassa.
бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со д̇ам̣ ман̃н̃амаано ан̃н̃ам̣ авахарад̇и, мууладтасса анаабад̇д̇и. авахаарагасса аабад̇д̇и баарааж̇игасса.
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So taṃ maññamāno aññaṃ avaharati, mūlaṭṭhassa anāpatti. Avahārakassa āpatti pārājikassa.
бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со ан̃н̃ам̣ ман̃н̃амаано д̇ам̣ авахарад̇и, аабад̇д̇и убхиннам̣ баарааж̇игасса.
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So aññaṃ maññamāno taṃ avaharati, āpatti ubhinnaṃ pārājikassa.
бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со ан̃н̃ам̣ ман̃н̃амаано ан̃н̃ам̣ авахарад̇и, мууладтасса анаабад̇д̇и. авахаарагасса аабад̇д̇и баарааж̇игасса.
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So aññaṃ maññamāno aññaṃ avaharati, mūlaṭṭhassa anāpatti. Avahārakassa āpatti pārājikassa.
бхигку бхигкум̣ аан̣аабзд̇и – ‘‘ид̇т̇аннаамасса баавад̣̇а – ‘ид̇т̇аннаамо ид̇т̇аннаамасса баавад̣̇ад̇у – ид̇т̇аннаамо ид̇т̇аннаамам̣ бхан̣д̣ам̣ авахарад̇уу’’’д̇и, аабад̇д̇и д̣̇уггадасса. со ид̇арасса аарожзд̇и, аабад̇д̇и д̣̇уггадасса. авахаараго бадиг̇г̇ан̣хаад̇и, мууладтасса аабад̇д̇и т̇уллажжаяасса. со д̇ам̣ бхан̣д̣ам̣ авахарад̇и, аабад̇д̇и саб̣б̣зсам̣ баарааж̇игасса.
Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ bhaṇḍaṃ avaharatū’’’ti, āpatti dukkaṭassa. So itarassa āroceti, āpatti dukkaṭassa. Avahārako paṭiggaṇhāti, mūlaṭṭhassa āpatti thullaccayassa. So taṃ bhaṇḍaṃ avaharati, āpatti sabbesaṃ pārājikassa.
бхигку бхигкум̣ аан̣аабзд̇и – ‘‘ид̇т̇аннаамасса баавад̣̇а – ‘ид̇т̇аннаамо ид̇т̇аннаамасса баавад̣̇ад̇у – ид̇т̇аннаамо ид̇т̇аннаамам̣ бхан̣д̣ам̣ авахарад̇уу’’’д̇и, аабад̇д̇и д̣̇уггадасса. со ан̃н̃ам̣ аан̣аабзд̇и, аабад̇д̇и д̣̇уггадасса. авахаараго бадиг̇г̇ан̣хаад̇и, аабад̇д̇и д̣̇уггадасса. со д̇ам̣ бхан̣д̣ам̣ авахарад̇и, мууладтасса анаабад̇д̇и. аан̣аабагасса жа авахаарагасса жа аабад̇д̇и баарааж̇игасса.
Bhikkhu bhikkhuṃ āṇāpeti – ‘‘itthannāmassa pāvada – ‘itthannāmo itthannāmassa pāvadatu – itthannāmo itthannāmaṃ bhaṇḍaṃ avaharatū’’’ti, āpatti dukkaṭassa. So aññaṃ āṇāpeti, āpatti dukkaṭassa. Avahārako paṭiggaṇhāti, āpatti dukkaṭassa. So taṃ bhaṇḍaṃ avaharati, mūlaṭṭhassa anāpatti. Āṇāpakassa ca avahārakassa ca āpatti pārājikassa.
бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со г̇анд̇ваа буна бажжааг̇ажчад̇и – ‘‘наахам̣ саггоми д̇ам̣ бхан̣д̣ам̣ авахарид̇у’’нд̇и. со буна аан̣аабзд̇и – ‘‘яад̣̇аа саггоси д̇ад̣̇аа д̇ам̣ бхан̣д̣ам̣ авахараа’’д̇и, аабад̇д̇и д̣̇уггадасса. со д̇ам̣ бхан̣д̣ам̣ авахарад̇и, аабад̇д̇и убхиннам̣ баарааж̇игасса.
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So gantvā puna paccāgacchati – ‘‘nāhaṃ sakkomi taṃ bhaṇḍaṃ avaharitu’’nti. So puna āṇāpeti – ‘‘yadā sakkosi tadā taṃ bhaṇḍaṃ avaharā’’ti, āpatti dukkaṭassa. So taṃ bhaṇḍaṃ avaharati, āpatti ubhinnaṃ pārājikassa.
бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со аан̣аабзд̇ваа виббадисаарий на саавзд̇и – ‘‘маа авахарий’’д̇и. со д̇ам̣ бхан̣д̣ам̣ авахарад̇и, аабад̇д̇и убхиннам̣ баарааж̇игасса.
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī na sāveti – ‘‘mā avaharī’’ti. So taṃ bhaṇḍaṃ avaharati, āpatti ubhinnaṃ pārājikassa.
бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со аан̣аабзд̇ваа виббадисаарий саавзд̇и – ‘‘маа авахарий’’д̇и. со ‘‘аан̣ад̇д̇о ахам̣ д̇аяаа’’д̇и, д̇ам̣ бхан̣д̣ам̣ авахарад̇и, мууладтасса анаабад̇д̇и. авахаарагасса аабад̇д̇и баарааж̇игасса.
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī sāveti – ‘‘mā avaharī’’ti. So ‘‘āṇatto ahaṃ tayā’’ti, taṃ bhaṇḍaṃ avaharati, mūlaṭṭhassa anāpatti. Avahārakassa āpatti pārājikassa.
бхигку бхигкум̣ аан̣аабзд̇и – ‘‘ид̇т̇аннаамам̣ бхан̣д̣ам̣ авахараа’’д̇и, аабад̇д̇и д̣̇уггадасса. со аан̣аабзд̇ваа виббадисаарий саавзд̇и – ‘‘маа авахарий’’д̇и. со ‘‘саад̇хуу’’д̇и 27? орамад̇и, убхиннам̣ анаабад̇д̇и.
Bhikkhu bhikkhuṃ āṇāpeti – ‘‘itthannāmaṃ bhaṇḍaṃ avaharā’’ti, āpatti dukkaṭassa. So āṇāpetvā vippaṭisārī sāveti – ‘‘mā avaharī’’ti. So ‘‘sādhū’’ti 28? Oramati, ubhinnaṃ anāpatti.
122. бан̃жахи аагаарзхи ад̣̇иннам̣ аад̣̇ияанд̇асса аабад̇д̇и баарааж̇игасса – барабариг̇г̇ахид̇ан̃жа ход̇и, барабариг̇г̇ахид̇асан̃н̃ий жа, г̇аруго жа ход̇и баригкааро, бан̃жамаасаго ваа ад̇ирзгабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
122. Pañcahi ākārehi adinnaṃ ādiyantassa āpatti pārājikassa – parapariggahitañca hoti, parapariggahitasaññī ca, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti thullaccayassa. Ṭhānā cāveti, āpatti pārājikassa.
123. бан̃жахи аагаарзхи ад̣̇иннам̣ аад̣̇ияанд̇асса аабад̇д̇и т̇уллажжаяасса – барабариг̇г̇ахид̇ан̃жа ход̇и, барабариг̇г̇ахид̇асан̃н̃ий жа, лахуго жа ход̇и баригкааро, ад̇ирзгамаасаго ваа уунабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и д̣̇уггадасса. таанаа жаавзд̇и, аабад̇д̇и т̇уллажжаяасса.
123. Pañcahi ākārehi adinnaṃ ādiyantassa āpatti thullaccayassa – parapariggahitañca hoti, parapariggahitasaññī ca, lahuko ca hoti parikkhāro, atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti thullaccayassa.
124. бан̃жахи аагаарзхи ад̣̇иннам̣ аад̣̇ияанд̇асса аабад̇д̇и д̣̇уггадасса. барабариг̇г̇ахид̇ан̃жа ход̇и, барабариг̇г̇ахид̇асан̃н̃ий жа, лахуго жа ход̇и баригкааро, маасаго ваа уунамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и д̣̇уггадасса. таанаа жаавзд̇и, аабад̇д̇и д̣̇уггадасса.
124. Pañcahi ākārehi adinnaṃ ādiyantassa āpatti dukkaṭassa. Parapariggahitañca hoti, parapariggahitasaññī ca, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
125. чахи аагаарзхи ад̣̇иннам̣ аад̣̇ияанд̇асса аабад̇д̇и баарааж̇игасса. на жа сагасан̃н̃ий, на жа виссаасаг̇г̇аахий, на жа д̇аавагаалигам̣, г̇аруго жа ход̇и баригкааро, бан̃жамаасаго ваа ад̇ирзгабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадаса. панд̣̇аабзд̇и, аабад̇д̇и т̇уллажжаяасса. таанаа жаавзд̇и, аабад̇д̇и баарааж̇игасса.
125. Chahi ākārehi adinnaṃ ādiyantassa āpatti pārājikassa. Na ca sakasaññī, na ca vissāsaggāhī, na ca tāvakālikaṃ, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭasa. Phandāpeti, āpatti thullaccayassa. Ṭhānā cāveti, āpatti pārājikassa.
126. чахи аагаарзхи ад̣̇иннам̣ аад̣̇ияанд̇асса аабад̇д̇и т̇уллажжаяасса. на жа сагасан̃н̃ий, на жа виссаасаг̇г̇аахий, на жа д̇аавагаалигам̣, лахуго жа ход̇и баригкааро ад̇ирзгамаасаго ваа уунабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и д̣̇уггадасса. таанаа жаавзд̇и, аабад̇д̇и т̇уллажжаяасса.
126. Chahi ākārehi adinnaṃ ādiyantassa āpatti thullaccayassa. Na ca sakasaññī, na ca vissāsaggāhī, na ca tāvakālikaṃ, lahuko ca hoti parikkhāro atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti thullaccayassa.
127. чахи аагаарзхи ад̣̇иннам̣ аад̣̇ияанд̇асса аабад̇д̇и д̣̇уггадасса. на жа сагасан̃н̃ий, на жа виссаасаг̇г̇аахий, на жа д̇аавагаалигам̣, лахуго жа ход̇и баригкааро, маасаго ваа уунамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и д̣̇уггадасса. таанаа жаавзд̇и, аабад̇д̇и д̣̇уггадасса.
127. Chahi ākārehi adinnaṃ ādiyantassa āpatti dukkaṭassa. Na ca sakasaññī, na ca vissāsaggāhī, na ca tāvakālikaṃ, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
128. бан̃жахи аагаарзхи ад̣̇иннам̣ аад̣̇ияанд̇асса аабад̇д̇и д̣̇уггадасса. на жа барабариг̇г̇ахид̇ам̣ ход̇и, барабариг̇г̇ахид̇асан̃н̃ий жа, г̇аруго жа ход̇и баригкааро, бан̃жамаасаго ваа ад̇ирзгабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и д̣̇уггадасса. таанаа жаавзд̇и, аабад̇д̇и д̣̇уггадасса.
128. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, garuko ca hoti parikkhāro, pañcamāsako vā atirekapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
129. бан̃жахи аагаарзхи ад̣̇иннам̣ аад̣̇ияанд̇асса аабад̇д̇и д̣̇уггадасса. на жа барабариг̇г̇ахид̇ам̣ ход̇и, барабариг̇г̇ахид̇асан̃н̃ий жа, лахуго жа ход̇и баригкааро, ад̇ирзгамаасаго ваа уунабан̃жамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и д̣̇уггадасса. таанаа жаавзд̇и, аабад̇д̇и д̣̇уггадасса.
129. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, lahuko ca hoti parikkhāro, atirekamāsako vā ūnapañcamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
130. бан̃жахи аагаарзхи ад̣̇иннам̣ аад̣̇ияанд̇асса аабад̇д̇и д̣̇уггадасса. на жа барабариг̇г̇ахид̇ам̣ ход̇и, барабариг̇г̇ахид̇асан̃н̃ий жа, лахуго жа ход̇и баригкааро, маасаго ваа уунамаасаго ваа, т̇зяяажид̇д̇ан̃жа бажжубадтид̇ам̣ ход̇и. аамасад̇и, аабад̇д̇и д̣̇уггадасса. панд̣̇аабзд̇и, аабад̇д̇и д̣̇уггадасса. таанаа жаавзд̇и, аабад̇д̇и д̣̇уггадасса.
130. Pañcahi ākārehi adinnaṃ ādiyantassa āpatti dukkaṭassa. Na ca parapariggahitaṃ hoti, parapariggahitasaññī ca, lahuko ca hoti parikkhāro, māsako vā ūnamāsako vā, theyyacittañca paccupaṭṭhitaṃ hoti. Āmasati, āpatti dukkaṭassa. Phandāpeti, āpatti dukkaṭassa. Ṭhānā cāveti, āpatti dukkaṭassa.
131. анаабад̇д̇и сасан̃н̃исса, виссаасаг̇г̇аахз, д̇аавагаалигз, бзд̇абариг̇г̇ахз, д̇иражчаанаг̇ад̇абариг̇г̇ахз, бам̣сугууласан̃н̃исса, уммад̇д̇агасса, (кид̇д̇ажид̇д̇асса взд̣̇анааддасса) 29 аад̣̇игаммигассаад̇и.
131. Anāpatti sasaññissa, vissāsaggāhe, tāvakālike, petapariggahe, tiracchānagatapariggahe, paṃsukūlasaññissa, ummattakassa, (khittacittassa vedanāṭṭassa) 30 ādikammikassāti.
ад̣̇иннаад̣̇аанамхи батамабхаан̣авааро нидтид̇о.
Adinnādānamhi paṭhamabhāṇavāro niṭṭhito.
винийд̇авад̇т̇ууд̣̇д̣̇аанаг̇аат̇аа
Vinītavatthuuddānagāthā
раж̇агзхи бан̃жа агкаад̇аа, жад̇уро ад̇т̇аран̣зхи жа;
Rajakehi pañca akkhātā, caturo attharaṇehi ca;
анд̇хагаарзна вз бан̃жа, бан̃жа хааран̣агзна жа.
Andhakārena ve pañca, pañca hāraṇakena ca.
нируд̇д̇ияаа бан̃жа агкаад̇аа, ваад̇зхи абарз д̣̇увз;
Niruttiyā pañca akkhātā, vātehi apare duve;
асамбхиннз гусаабаад̇о, ж̇анд̇аг̇г̇зна 31 сахаа д̣̇аса.
Asambhinne kusāpāto, jantaggena 32 sahā dasa.
вигхаасзхи бан̃жа агкаад̇аа, бан̃жа жзва амуулагаа;
Vighāsehi pañca akkhātā, pañca ceva amūlakā;
д̣̇уб̣бхигкз гурамам̣сан̃жа 33, буувасагкалимод̣̇агаа.
Dubbhikkhe kuramaṃsañca 34, pūvasakkhalimodakā.
чабаригкаарат̇авигаа , бхисивам̣саа на нигкамз;
Chaparikkhārathavikā , bhisivaṃsā na nikkhame;
каад̣̇анийяан̃жа виссаасам̣, сасан̃н̃ааяабарз д̣̇увз.
Khādanīyañca vissāsaṃ, sasaññāyapare duve.
сад̇д̇а наавахараамаад̇и, сад̇д̇а жзва аваахарум̣;
Satta nāvaharāmāti, satta ceva avāharuṃ;
сан̇гхасса авахарум̣ сад̇д̇а, бубпзхи абарз д̣̇увз.
Saṅghassa avaharuṃ satta, pupphehi apare duve.
д̇аяо жа вуд̇д̇аваад̣̇ино, ман̣и д̇ийн̣и ад̇иггамз;
Tayo ca vuttavādino, maṇi tīṇi atikkame;
суугараа жа миг̇аа мажчаа, яаанан̃жааби бавад̇д̇аяи.
Sūkarā ca migā macchā, yānañcāpi pavattayi.
д̣̇увз бзсий д̣̇увз д̣̇ааруу, бам̣сугуулам̣ д̣̇увз д̣̇агаа;
Duve pesī duve dārū, paṃsukūlaṃ duve dakā;
анубуб̣б̣авид̇хаанзна , д̇ад̣̇ан̃н̃о на барибуураяи.
Anupubbavidhānena , tadañño na paripūrayi.
саавад̇т̇ияаа жад̇уро мудтий, д̣̇вз вигхаасаа д̣̇увз д̇ин̣аа;
Sāvatthiyā caturo muṭṭhī, dve vighāsā duve tiṇā;
сан̇гхасса бхааж̇аяум̣ сад̇д̇а, сад̇д̇а жзва ассаамигаа.
Saṅghassa bhājayuṃ satta, satta ceva assāmikā.
д̣̇ааруд̣̇агаа мад̇д̇игаа д̣̇вз д̇ин̣аани;
Dārudakā mattikā dve tiṇāni;
сан̇гхасса сад̇д̇а авахааси сзяяам̣;
Saṅghassa satta avahāsi seyyaṃ;
сассаамигам̣ на жааби нийхарзяяа;
Sassāmikaṃ na cāpi nīhareyya;
харзяяа сассаамигам̣ д̇аавагаалигам̣.
Hareyya sassāmikaṃ tāvakālikaṃ.
жамбаа рааж̇аг̇ахз жзва, взсаалияаа жа аж̇ж̇уго;
Campā rājagahe ceva, vesāliyā ca ajjuko;
б̣аараан̣асий жа госамб̣ий, сааг̇алаа д̣̇ал̣хигзна жаад̇и.
Bārāṇasī ca kosambī, sāgalā daḷhikena cāti.
винийд̇авад̇т̇у
Vinītavatthu
132. д̇зна ко бана самаязна чаб̣б̣аг̇г̇ияаа бхигкуу раж̇агад̇т̇аран̣ам̣ г̇анд̇ваа раж̇агабхан̣д̣игам̣ авахарим̣су. д̇зсам̣ гуггужжам̣ ахоси – ‘‘бхаг̇авад̇аа сигкаабад̣̇ам̣ бан̃н̃ад̇д̇ам̣. гажжи ну ко маяам̣ баарааж̇игам̣ аабад̇д̇им̣ аабаннаа’’д̇и . бхаг̇авад̇о зд̇амад̇т̇ам̣ аарожзсум̣. ‘‘аабад̇д̇им̣ д̇умхз, бхигкавз, аабаннаа баарааж̇ига’’нд̇и.
132. Tena kho pana samayena chabbaggiyā bhikkhū rajakattharaṇaṃ gantvā rajakabhaṇḍikaṃ avahariṃsu. Tesaṃ kukkuccaṃ ahosi – ‘‘bhagavatā sikkhāpadaṃ paññattaṃ. Kacci nu kho mayaṃ pārājikaṃ āpattiṃ āpannā’’ti . Bhagavato etamatthaṃ ārocesuṃ. ‘‘Āpattiṃ tumhe, bhikkhave, āpannā pārājika’’nti.
д̇зна ко бана самаязна ан̃н̃ад̇аро бхигку раж̇агад̇т̇аран̣ам̣ г̇анд̇ваа махаг̇гхам̣ д̣̇уссам̣ бассид̇ваа т̇зяяажид̇д̇ам̣ уббаад̣̇зси. д̇асса гуггужжам̣ ахоси – ‘‘бхаг̇авад̇аа сигкаабад̣̇ам̣ бан̃н̃ад̇д̇ам̣, гажжи ну ко ахам̣ баарааж̇игам̣ аабад̇д̇им̣ аабанно’’д̇и? бхаг̇авад̇о зд̇амад̇т̇ам̣ аарожзси. ‘‘анаабад̇д̇и, бхигку, жид̇д̇уббаад̣̇з’’д̇и.
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacittaṃ uppādesi. Tassa kukkuccaṃ ahosi – ‘‘bhagavatā sikkhāpadaṃ paññattaṃ, kacci nu kho ahaṃ pārājikaṃ āpattiṃ āpanno’’ti? Bhagavato etamatthaṃ ārocesi. ‘‘Anāpatti, bhikkhu, cittuppāde’’ti.
д̇зна ко бана самаязна ан̃н̃ад̇аро бхигку раж̇агад̇т̇аран̣ам̣ г̇анд̇ваа махаг̇гхам̣ д̣̇уссам̣ бассид̇ваа т̇зяяажид̇д̇о аамаси. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. аабад̇д̇и д̣̇уггадассаа’’д̇и.
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto āmasi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
д̇зна ко бана самаязна ан̃н̃ад̇аро бхигку раж̇агад̇т̇аран̣ам̣ г̇анд̇ваа махаг̇гхам̣ д̣̇уссам̣ бассид̇ваа т̇зяяажид̇д̇о панд̣̇аабзси. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. аабад̇д̇и т̇уллажжаяассаа’’д̇и.
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto phandāpesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti thullaccayassā’’ti.
д̇зна ко бана самаязна ан̃н̃ад̇аро бхигку раж̇агад̇т̇аран̣ам̣ г̇анд̇ваа махаг̇гхам̣ д̣̇уссам̣ бассид̇ваа т̇зяяажид̇д̇о таанаа жаавзси. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu rajakattharaṇaṃ gantvā mahagghaṃ dussaṃ passitvā theyyacitto ṭhānā cāvesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
133. д̇зна ко бана самаязна ан̃н̃ад̇аро бин̣д̣ажаариго бхигку махаг̇гхам̣ уд̇д̇арад̇т̇аран̣ам̣ бассид̇ваа т̇зяяажид̇д̇ам̣ уббаад̣̇зси…бз… т̇зяяажид̇д̇о аамаси…бз… т̇зяяажид̇д̇о панд̣̇аабзси…бз… т̇зяяажид̇д̇о таанаа жаавзси. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
133. Tena kho pana samayena aññataro piṇḍacāriko bhikkhu mahagghaṃ uttarattharaṇaṃ passitvā theyyacittaṃ uppādesi…pe… theyyacitto āmasi…pe… theyyacitto phandāpesi…pe… theyyacitto ṭhānā cāvesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
134. д̇зна ко бана самаязна ан̃н̃ад̇аро бхигку д̣̇иваа бхан̣д̣ам̣ бассид̇ваа нимид̇д̇ам̣ агааси – ‘рад̇д̇им̣ авахариссаамий’д̇и. со д̇ам̣ ман̃н̃амаано д̇ам̣ авахари…бз… д̇ам̣ ман̃н̃амаано ан̃н̃ам̣ авахари…бз… ан̃н̃ам̣ ман̃н̃амаано д̇ам̣ авахари…бз… ан̃н̃ам̣ ман̃н̃амаано ан̃н̃ам̣ авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и .
134. Tena kho pana samayena aññataro bhikkhu divā bhaṇḍaṃ passitvā nimittaṃ akāsi – ‘rattiṃ avaharissāmī’ti. So taṃ maññamāno taṃ avahari…pe… taṃ maññamāno aññaṃ avahari…pe… aññaṃ maññamāno taṃ avahari…pe… aññaṃ maññamāno aññaṃ avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti .
д̇зна ко бана самаязна ан̃н̃ад̇аро бхигку д̣̇иваа бхан̣д̣ам̣ бассид̇ваа нимид̇д̇ам̣ агааси – ‘‘рад̇д̇им̣ авахариссаамий’’д̇и. со д̇ам̣ ман̃н̃амаано ад̇д̇ано бхан̣д̣ам̣ авахари. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. аабад̇д̇и д̣̇уггадассаа’’д̇и.
Tena kho pana samayena aññataro bhikkhu divā bhaṇḍaṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno attano bhaṇḍaṃ avahari. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
д̇зна ко бана самаязна ан̃н̃ад̇аро бхигку ан̃н̃асса бхан̣д̣ам̣ харанд̇о сийсз бхаарам̣ т̇зяяажид̇д̇о аамаси…бз… т̇зяяажид̇д̇о панд̣̇аабзси…бз… т̇зяяажид̇д̇о канд̇хам̣ оробзси…бз… канд̇хз бхаарам̣ т̇зяяажид̇д̇о аамаси…бз… т̇зяяажид̇д̇о панд̣̇аабзси…бз… т̇зяяажид̇д̇о гадим̣ оробзси…бз… гадияаа бхаарам̣ т̇зяяажид̇д̇о аамаси…бз… т̇зяяажид̇д̇о панд̣̇аабзси…бз… т̇зяяажид̇д̇о хад̇т̇зна аг̇г̇ахзси…бз… хад̇т̇з бхаарам̣ т̇зяяажид̇д̇о бхуумияам̣ нигкиби…бз… т̇зяяажид̇д̇о бхуумид̇о аг̇г̇ахзси. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu aññassa bhaṇḍaṃ haranto sīse bhāraṃ theyyacitto āmasi…pe… theyyacitto phandāpesi…pe… theyyacitto khandhaṃ oropesi…pe… khandhe bhāraṃ theyyacitto āmasi…pe… theyyacitto phandāpesi…pe… theyyacitto kaṭiṃ oropesi…pe… kaṭiyā bhāraṃ theyyacitto āmasi…pe… theyyacitto phandāpesi…pe… theyyacitto hatthena aggahesi…pe… hatthe bhāraṃ theyyacitto bhūmiyaṃ nikkhipi…pe… theyyacitto bhūmito aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
135. д̇зна ко бана самаязна ан̃н̃ад̇аро бхигку аж̇жхогаасз жийварам̣ бад̇т̇арид̇ваа вихаарам̣ баависи. ан̃н̃ад̇аро бхигку – ‘мааяид̣̇ам̣ жийварам̣ нассий’д̇и, бадисаамзси. со нигкамид̇ваа д̇ам̣ бхигкум̣ бужчи – ‘‘аавусо, маяхам̣ жийварам̣ гзна авахада’’нд̇и ? со звамааха – ‘‘маяаа авахада’’нд̇и. ‘‘со д̇ам̣ аад̣̇ияи, ассаман̣оси д̇ва’’нд̇и. д̇асса гуггужжам̣ ахоси…бз…. бхаг̇авад̇о зд̇амад̇т̇ам̣ аарожзси. ‘‘гим̣жид̇д̇о д̇вам̣, бхигкуу’’д̇и? ‘‘нируд̇д̇ибат̇о ахам̣, бхаг̇аваа’’д̇и. ‘‘анаабад̇д̇и, бхигку, нируд̇д̇ибат̇з’’д̇и.
135. Tena kho pana samayena aññataro bhikkhu ajjhokāse cīvaraṃ pattharitvā vihāraṃ pāvisi. Aññataro bhikkhu – ‘māyidaṃ cīvaraṃ nassī’ti, paṭisāmesi. So nikkhamitvā taṃ bhikkhuṃ pucchi – ‘‘āvuso, mayhaṃ cīvaraṃ kena avahaṭa’’nti ? So evamāha – ‘‘mayā avahaṭa’’nti. ‘‘So taṃ ādiyi, assamaṇosi tva’’nti. Tassa kukkuccaṃ ahosi…pe…. Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Niruttipatho ahaṃ, bhagavā’’ti. ‘‘Anāpatti, bhikkhu, niruttipathe’’ti.
д̇зна ко бана самаязна ан̃н̃ад̇аро бхигку бийтз жийварам̣ нигкибид̇ваа. бийтз нисийд̣̇анам̣ нигкибид̇ваа… хздтаабийтз бад̇д̇ам̣ нигкибид̇ваа вихаарам̣ баависи. ан̃н̃ад̇аро бхигку – ‘‘мааяам̣ бад̇д̇о нассий’’д̇и бадисаамзси. со нигкамид̇ваа д̇ам̣ бхигкум̣ бужчи – ‘‘аавусо, маяхам̣ бад̇д̇о гзна авахадо’’д̇и? со звамааха – ‘‘маяаа авахадо’’д̇и. ‘‘со д̇ам̣ аад̣̇ияи, ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, нируд̇д̇ибат̇з’’д̇и.
Tena kho pana samayena aññataro bhikkhu pīṭhe cīvaraṃ nikkhipitvā. Pīṭhe nisīdanaṃ nikkhipitvā… heṭṭhāpīṭhe pattaṃ nikkhipitvā vihāraṃ pāvisi. Aññataro bhikkhu – ‘‘māyaṃ patto nassī’’ti paṭisāmesi. So nikkhamitvā taṃ bhikkhuṃ pucchi – ‘‘āvuso, mayhaṃ patto kena avahaṭo’’ti? So evamāha – ‘‘mayā avahaṭo’’ti. ‘‘So taṃ ādiyi, assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, niruttipathe’’ti.
д̇зна ко бана самаязна ан̃н̃ад̇араа бхигкуний вад̇ияаа жийварам̣ бад̇т̇арид̇ваа вихаарам̣ баависи. ан̃н̃ад̇араа бхигкуний – ‘мааяид̣̇ам̣ жийварам̣ нассий’д̇и бадисаамзси. саа нигкамид̇ваа д̇ам̣ бхигкуним̣ бужчи – ‘‘аяяз, маяхам̣ жийварам̣ гзна авахада’’нд̇и? саа звамааха – ‘‘маяаа авахада’’нд̇и. ‘‘саа д̇ам̣ аад̣̇ияи, ассаман̣ийси д̇ва’’нд̇и. д̇ассаа гуггужжам̣ ахоси. ат̇а ко саа бхигкуний бхигкунийнам̣ зд̇амад̇т̇ам̣ аарожзси. бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣…бз… ‘‘анаабад̇д̇и, бхигкавз, нируд̇д̇ибат̇з’’д̇и.
Tena kho pana samayena aññatarā bhikkhunī vatiyā cīvaraṃ pattharitvā vihāraṃ pāvisi. Aññatarā bhikkhunī – ‘māyidaṃ cīvaraṃ nassī’ti paṭisāmesi. Sā nikkhamitvā taṃ bhikkhuniṃ pucchi – ‘‘ayye, mayhaṃ cīvaraṃ kena avahaṭa’’nti? Sā evamāha – ‘‘mayā avahaṭa’’nti. ‘‘Sā taṃ ādiyi, assamaṇīsi tva’’nti. Tassā kukkuccaṃ ahosi. Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ…pe… ‘‘anāpatti, bhikkhave, niruttipathe’’ti.
136. д̇зна ко бана самаязна ан̃н̃ад̇аро бхигку ваад̇аман̣д̣алигааяа угкид̇д̇ам̣ саадагам̣ бассид̇ваа саамигаанам̣ д̣̇ассаамийд̇и, аг̇г̇ахзси. саамигаа д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘гим̣жид̇д̇о д̇вам̣ бхигкуу’’д̇и? ‘‘ат̇зяяажид̇д̇о ахам̣, бхаг̇аваа’’д̇и. анаабад̇д̇и, бхигку, ат̇зяяажид̇д̇ассаа’’д̇и.
136. Tena kho pana samayena aññataro bhikkhu vātamaṇḍalikāya ukkhittaṃ sāṭakaṃ passitvā sāmikānaṃ dassāmīti, aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃcitto tvaṃ bhikkhū’’ti? ‘‘Atheyyacitto ahaṃ, bhagavā’’ti. Anāpatti, bhikkhu, atheyyacittassā’’ti.
д̇зна ко бана самаязна ан̃н̃ад̇аро бхигку ваад̇аман̣д̣алигааяа угкид̇д̇ам̣ взтанам̣ бассид̇ваа ‘бурз саамигаа бассанд̇ий’д̇и т̇зяяажид̇д̇о аг̇г̇ахзси. саамигаа д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu vātamaṇḍalikāya ukkhittaṃ veṭhanaṃ passitvā ‘pure sāmikā passantī’ti theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
137. д̇зна ко бана самаязна ан̃н̃ад̇аро бхигку сусаанам̣ г̇анд̇ваа абхиннз сарийрз бам̣сугуулам̣ аг̇г̇ахзси. д̇асмин̃жа сарийрз бзд̇о ад̇хивад̇т̇о ход̇и . ат̇а ко со бзд̇о д̇ам̣ бхигкум̣ зд̇ад̣̇авожа – ‘‘маа, бханд̇з, маяхам̣ саадагам̣ аг̇г̇ахзсий’’д̇и. со бхигку анаад̣̇ияанд̇о аг̇амааси . ат̇а ко д̇ам̣ сарийрам̣ удтахид̇ваа д̇асса бхигкуно бидтид̇о бидтид̇о ануб̣анд̇хи. ат̇а ко со бхигку вихаарам̣ бависид̇ваа д̣̇ваарам̣ т̇агзси. ат̇а ко д̇ам̣ сарийрам̣ д̇ад̇т̇зва барибад̇и. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. на жа, бхигкавз, абхиннз сарийрз бам̣сугуулам̣ г̇ахзд̇аб̣б̣ам̣. со г̇ан̣хзяяа, аабад̇д̇и д̣̇уггадассаа’’д̇и.
137. Tena kho pana samayena aññataro bhikkhu susānaṃ gantvā abhinne sarīre paṃsukūlaṃ aggahesi. Tasmiñca sarīre peto adhivattho hoti . Atha kho so peto taṃ bhikkhuṃ etadavoca – ‘‘mā, bhante, mayhaṃ sāṭakaṃ aggahesī’’ti. So bhikkhu anādiyanto agamāsi . Atha kho taṃ sarīraṃ uṭṭhahitvā tassa bhikkhuno piṭṭhito piṭṭhito anubandhi. Atha kho so bhikkhu vihāraṃ pavisitvā dvāraṃ thakesi. Atha kho taṃ sarīraṃ tattheva paripati. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, abhinne sarīre paṃsukūlaṃ gahetabbaṃ. So gaṇheyya, āpatti dukkaṭassā’’ti.
138. д̇зна ко бана самаязна ан̃н̃ад̇аро бхигку сан̇гхасса жийварз бхааж̇ийяамаанз т̇зяяажид̇д̇о гусам̣ сан̇гаамзд̇ваа жийварам̣ аг̇г̇ахзси. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
138. Tena kho pana samayena aññataro bhikkhu saṅghassa cīvare bhājīyamāne theyyacitto kusaṃ saṅkāmetvā cīvaraṃ aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
139. д̇зна ко бана самаязна ааяасмаа аананд̣̇о ж̇анд̇аагхарз ан̃н̃ад̇арасса бхигкуно анд̇араваасагам̣ ад̇д̇ано ман̃н̃амаано ниваасзси. ат̇а ко со бхигку ааяасманд̇ам̣ аананд̣̇ам̣ зд̇ад̣̇авожа – ‘‘гисса мз д̇вам̣, аавусо аананд̣̇а, анд̇араваасагам̣ ниваасзсий’’д̇и? ‘‘сагасан̃н̃ий ахам̣, аавусо’’д̇и. бхаг̇авад̇о зд̇амад̇т̇ам̣ аарожзсум̣. ‘‘анаабад̇д̇и, бхигкавз, сагасан̃н̃иссаа’’д̇и.
139. Tena kho pana samayena āyasmā ānando jantāghare aññatarassa bhikkhuno antaravāsakaṃ attano maññamāno nivāsesi. Atha kho so bhikkhu āyasmantaṃ ānandaṃ etadavoca – ‘‘kissa me tvaṃ, āvuso ānanda, antaravāsakaṃ nivāsesī’’ti? ‘‘Sakasaññī ahaṃ, āvuso’’ti. Bhagavato etamatthaṃ ārocesuṃ. ‘‘Anāpatti, bhikkhave, sakasaññissā’’ti.
140. д̇зна ко бана самаязна самб̣ахулаа бхигкуу г̇иж̇жхагуудаа баб̣б̣ад̇аа ороханд̇аа сийхавигхаасам̣ бассид̇ваа бажаабзд̇ваа барибхун̃ж̇им̣су. д̇зсам̣ гуггужжам̣ ахоси…бз… ‘‘анаабад̇д̇и, бхигкавз, сийхавигхаасз’’д̇и.
140. Tena kho pana samayena sambahulā bhikkhū gijjhakūṭā pabbatā orohantā sīhavighāsaṃ passitvā pacāpetvā paribhuñjiṃsu. Tesaṃ kukkuccaṃ ahosi…pe… ‘‘anāpatti, bhikkhave, sīhavighāse’’ti.
д̇зна ко бана самаязна самб̣ахулаа бхигкуу г̇иж̇жхагуудаа баб̣б̣ад̇аа ороханд̇аа б̣яаг̇гхавигхаасам̣ бассид̇ваа… д̣̇ийбивигхаасам̣ бассид̇ваа… д̇аражчавигхаасам̣ бассид̇ваа… гогавигхаасам̣ бассид̇ваа бажаабзд̇ваа барибхун̃ж̇им̣су. д̇зсам̣ гуггужжам̣ ахоси…бз… ‘‘анаабад̇д̇и, бхигкавз, д̇иражчаанаг̇ад̇абариг̇г̇ахз’’д̇и.
Tena kho pana samayena sambahulā bhikkhū gijjhakūṭā pabbatā orohantā byagghavighāsaṃ passitvā… dīpivighāsaṃ passitvā… taracchavighāsaṃ passitvā… kokavighāsaṃ passitvā pacāpetvā paribhuñjiṃsu. Tesaṃ kukkuccaṃ ahosi…pe… ‘‘anāpatti, bhikkhave, tiracchānagatapariggahe’’ti.
141. д̇зна ко бана самаязна ан̃н̃ад̇аро бхигку сан̇гхасса од̣̇анз бхааж̇ийяамаанз – ‘абарасса бхааг̇ам̣ д̣̇зхий’д̇и амуулагам̣ аг̇г̇ахзси. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. аабад̇д̇и самбаж̇аанамусааваад̣̇з баажид̇д̇ияассаа’’д̇и.
141. Tena kho pana samayena aññataro bhikkhu saṅghassa odane bhājīyamāne – ‘aparassa bhāgaṃ dehī’ti amūlakaṃ aggahesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti sampajānamusāvāde pācittiyassā’’ti.
д̇зна ко бана самаязна ан̃н̃ад̇аро бхигку сан̇гхасса каад̣̇анийяз бхааж̇ияамаанз… сан̇гхасса буувз бхааж̇ияамаанз… сан̇гхасса ужчумхи бхааж̇ияамаанз… сан̇гхасса д̇имб̣аруусагз бхааж̇ияамаанз – ‘абарасса бхааг̇ам̣ д̣̇зхий’д̇и амуулагам̣ аг̇г̇ахзси. д̇асса гуггужжам̣ ахоси…бз…. ‘‘анаабад̇д̇и, бхигку, баарааж̇игасса. аабад̇д̇и самбаж̇аанамусааваад̣̇з баажид̇д̇ияассаа’’д̇и.
Tena kho pana samayena aññataro bhikkhu saṅghassa khādanīye bhājiyamāne… saṅghassa pūve bhājiyamāne… saṅghassa ucchumhi bhājiyamāne… saṅghassa timbarūsake bhājiyamāne – ‘aparassa bhāgaṃ dehī’ti amūlakaṃ aggahesi. Tassa kukkuccaṃ ahosi…pe…. ‘‘Anāpatti, bhikkhu, pārājikassa. Āpatti sampajānamusāvāde pācittiyassā’’ti.
142. д̇зна ко бана самаязна ан̃н̃ад̇аро бхигку д̣̇уб̣бхигкз од̣̇анийяагхарам̣ бависид̇ваа бад̇д̇абуурам̣ од̣̇анам̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
142. Tena kho pana samayena aññataro bhikkhu dubbhikkhe odanīyagharaṃ pavisitvā pattapūraṃ odanaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку д̣̇уб̣бхигкз суунагхарам̣ 35 бависид̇ваа бад̇д̇абуурам̣ мам̣сам̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu dubbhikkhe sūnagharaṃ 36 pavisitvā pattapūraṃ maṃsaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку д̣̇уб̣бхигкз буувагхарам̣ бависид̇ваа бад̇д̇абуурам̣ буувам̣ т̇зяяажид̇д̇о авахари…бз… бад̇д̇абуураа сагкалияо т̇зяяажид̇д̇о авахари…бз… бад̇д̇абуурз мод̣̇агз т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu dubbhikkhe pūvagharaṃ pavisitvā pattapūraṃ pūvaṃ theyyacitto avahari…pe… pattapūrā sakkhaliyo theyyacitto avahari…pe… pattapūre modake theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
143. д̇зна ко бана самаязна ан̃н̃ад̇аро бхигку д̣̇иваа баригкаарам̣ бассид̇ваа нимид̇д̇ам̣ агааси – ‘‘рад̇д̇им̣ авахариссаамий’’д̇и. со д̇ам̣ ман̃н̃амаано д̇ам̣ авахари…бз… д̇ам̣ ман̃н̃амаано ан̃н̃ам̣ авахари…бз… ан̃н̃ам̣ ман̃н̃амаано д̇ам̣ авахари…бз… ан̃н̃ам̣ ман̃н̃амаано ан̃н̃ам̣ авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
143. Tena kho pana samayena aññataro bhikkhu divā parikkhāraṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno taṃ avahari…pe… taṃ maññamāno aññaṃ avahari…pe… aññaṃ maññamāno taṃ avahari…pe… aññaṃ maññamāno aññaṃ avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку д̣̇иваа баригкаарам̣ бассид̇ваа нимид̇д̇ам̣ агааси – ‘‘рад̇д̇им̣ авахариссаамий’’д̇и. со д̇ам̣ ман̃н̃амаано ад̇д̇ано баригкаарам̣ авахари. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. аабад̇д̇и д̣̇уггадассаа’’д̇и.
Tena kho pana samayena aññataro bhikkhu divā parikkhāraṃ passitvā nimittaṃ akāsi – ‘‘rattiṃ avaharissāmī’’ti. So taṃ maññamāno attano parikkhāraṃ avahari. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
144. д̇зна ко бана самаязна ан̃н̃ад̇аро бхигку бийтз т̇авигам̣ бассид̇ваа – ‘‘ид̇о г̇ан̣ханд̇о баарааж̇иго бхависсаамий’’д̇и саха бийтагзна сан̇гаамзд̇ваа аг̇г̇ахзси. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
144. Tena kho pana samayena aññataro bhikkhu pīṭhe thavikaṃ passitvā – ‘‘ito gaṇhanto pārājiko bhavissāmī’’ti saha pīṭhakena saṅkāmetvā aggahesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку сан̇гхасса бхисим̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu saṅghassa bhisiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
145. д̇зна ко бана самаязна ан̃н̃ад̇аро бхигку жийваравам̣сз жийварам̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
145. Tena kho pana samayena aññataro bhikkhu cīvaravaṃse cīvaraṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
146. д̇зна ко бана самаязна д̣̇вз бхигкуу сахааяагаа хонд̇и. зго бхигку г̇аамам̣ бин̣д̣ааяа баависи. д̣̇уд̇ияо бхигку сан̇гхасса каад̣̇анийяз бхааж̇ийяамаанз сахааяагасса бхааг̇ам̣ г̇ахзд̇ваа д̇асса виссасанд̇о барибхун̃ж̇и. со ж̇аанид̇ваа д̇ам̣ жод̣̇зси – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘гим̣ жид̇д̇о д̇вам̣, бхигкуу’’д̇и? ‘‘виссаасаг̇г̇аахо ахам̣, бхаг̇аваа’’д̇и. ‘‘анаабад̇д̇и, бхигку, виссаасаг̇г̇аахз’’д̇и.
146. Tena kho pana samayena dve bhikkhū sahāyakā honti. Eko bhikkhu gāmaṃ piṇḍāya pāvisi. Dutiyo bhikkhu saṅghassa khādanīye bhājīyamāne sahāyakassa bhāgaṃ gahetvā tassa vissasanto paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃ citto tvaṃ, bhikkhū’’ti? ‘‘Vissāsaggāho ahaṃ, bhagavā’’ti. ‘‘Anāpatti, bhikkhu, vissāsaggāhe’’ti.
147. д̇зна ко бана самаязна самб̣ахулаа бхигкуу жийварагаммам̣ гаронд̇и. сан̇гхасса каад̣̇анийяз бхааж̇ийяамаанз саб̣б̣зсам̣ бадивисаа аахарид̇ваа убанигкид̇д̇аа хонд̇и. ан̃н̃ад̇аро бхигку ан̃н̃ад̇арасса бхигкуно бадивисам̣ ад̇д̇ано ман̃н̃амаано барибхун̃ж̇и. со ж̇аанид̇ваа д̇ам̣ жод̣̇зси – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘гим̣жид̇д̇о д̇вам̣, бхигкуу’’д̇и? ‘‘сагасан̃н̃ий ахам̣, бхаг̇аваа’’д̇и. ‘‘анаабад̇д̇и, бхигку, сагасан̃н̃иссаа’’д̇и.
147. Tena kho pana samayena sambahulā bhikkhū cīvarakammaṃ karonti. Saṅghassa khādanīye bhājīyamāne sabbesaṃ paṭivisā āharitvā upanikkhittā honti. Aññataro bhikkhu aññatarassa bhikkhuno paṭivisaṃ attano maññamāno paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Sakasaññī ahaṃ, bhagavā’’ti. ‘‘Anāpatti, bhikkhu, sakasaññissā’’ti.
д̇зна ко бана самаязна самб̣ахулаа бхигкуу жийварагаммам̣ гаронд̇и. сан̇гхасса каад̣̇анийяз бхааж̇ияамаанз ан̃н̃ад̇арасса бхигкуно бад̇д̇зна ан̃н̃ад̇арасса бхигкуно бадивисо аахарид̇ваа убанигкид̇д̇о ход̇и. бад̇д̇асаамиго бхигку ад̇д̇ано ман̃н̃амаано барибхун̃ж̇и. со ж̇аанид̇ваа д̇ам̣ жод̣̇зси – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, сагасан̃н̃иссаа’’д̇и.
Tena kho pana samayena sambahulā bhikkhū cīvarakammaṃ karonti. Saṅghassa khādanīye bhājiyamāne aññatarassa bhikkhuno pattena aññatarassa bhikkhuno paṭiviso āharitvā upanikkhitto hoti. Pattasāmiko bhikkhu attano maññamāno paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, sakasaññissā’’ti.
148. д̇зна ко бана самаязна амб̣ажорагаа амб̣ам̣ баад̇зд̇ваа бхан̣д̣игам̣ аад̣̇ааяа аг̇амам̣су. саамигаа д̇з жорагз ануб̣анд̇хим̣су. жорагаа саамигз бассид̇ваа бхан̣д̣игам̣ баад̇зд̇ваа балааяим̣су. бхигкуу бам̣сугууласан̃н̃ино бадиг̇г̇ахаабзд̇ваа барибхун̃ж̇им̣су. саамигаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… бхаг̇авад̇о зд̇амад̇т̇ам̣ аарожзсум̣. ‘‘гим̣жид̇д̇аа д̇умхз, бхигкавз’’д̇и? ‘‘бам̣сугууласан̃н̃ино маяам̣, бхаг̇аваа’’д̇и. ‘‘анаабад̇д̇и, бхигкавз, бам̣сугууласан̃н̃иссаа’’д̇и.
148. Tena kho pana samayena ambacorakā ambaṃ pātetvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū paṃsukūlasaññino paṭiggahāpetvā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… bhagavato etamatthaṃ ārocesuṃ. ‘‘Kiṃcittā tumhe, bhikkhave’’ti? ‘‘Paṃsukūlasaññino mayaṃ, bhagavā’’ti. ‘‘Anāpatti, bhikkhave, paṃsukūlasaññissā’’ti.
д̇зна ко бана самаязна ж̇амб̣ужорагаа… лаб̣уж̇ажорагаа… банасажорагаа… д̇аалабаггажорагаа… ужчужорагаа… д̇имб̣аруусагажорагаа д̇имб̣аруусагз ужжинид̇ваа бхан̣д̣игам̣ аад̣̇ааяа аг̇амам̣су. саамигаа д̇з жорагз ануб̣анд̇хим̣су. жорагаа саамигз бассид̇ваа бхан̣д̣игам̣ баад̇зд̇ваа балааяим̣су. бхигкуу бам̣сугууласан̃н̃ино бадиг̇г̇ахаабзд̇ваа барибхун̃ж̇им̣су. саамигаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… ‘‘анаабад̇д̇и, бхигкавз, бам̣сугууласан̃н̃иссаа’’д̇и.
Tena kho pana samayena jambucorakā… labujacorakā… panasacorakā… tālapakkacorakā… ucchucorakā… timbarūsakacorakā timbarūsake uccinitvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū paṃsukūlasaññino paṭiggahāpetvā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
д̇зна ко бана самаязна амб̣ажорагаа амб̣ам̣ баад̇зд̇ваа бхан̣д̣игам̣ аад̣̇ааяа аг̇амам̣су. саамигаа д̇з жорагз ануб̣анд̇хим̣су. жорагаа саамигз бассид̇ваа бхан̣д̣игам̣ баад̇зд̇ваа балааяим̣су. бхигкуу – ‘бурз саамигаа бассанд̇ий’д̇и, т̇зяяажид̇д̇аа барибхун̃ж̇им̣су. саамигаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… ‘‘аабад̇д̇им̣ д̇умхз, бхигкавз, аабаннаа баарааж̇ига’’нд̇и.
Tena kho pana samayena ambacorakā ambaṃ pātetvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū – ‘pure sāmikā passantī’ti, theyyacittā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
д̇зна ко бана самаязна ж̇амб̣ужорагаа… лаб̣уж̇ажорагаа… банасажорагаа… д̇аалабаггажорагаа… ужчужорагаа… д̇имб̣аруусагажорагаа д̇имб̣аруусагз ужжинид̇ваа бхан̣д̣игам̣ аад̣̇ааяа аг̇амам̣су. саамигаа д̇з жорагз ануб̣анд̇хим̣су. жорагаа саамигз бассид̇ваа бхан̣д̣игам̣ баад̇зд̇ваа балааяим̣су. бхигкуу – ‘бурз саамигаа бассанд̇ий’д̇и, т̇зяяажид̇д̇аа барибхун̃ж̇им̣су. саамигаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… ‘‘аабад̇д̇им̣ д̇умхз, бхигкавз, аабаннаа баарааж̇ига’’нд̇и.
Tena kho pana samayena jambucorakā… labujacorakā… panasacorakā… tālapakkacorakā… ucchucorakā… timbarūsakacorakā timbarūsake uccinitvā bhaṇḍikaṃ ādāya agamaṃsu. Sāmikā te corake anubandhiṃsu. Corakā sāmike passitvā bhaṇḍikaṃ pātetvā palāyiṃsu. Bhikkhū – ‘pure sāmikā passantī’ti, theyyacittā paribhuñjiṃsu. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
д̇зна ко бана самаязна ан̃н̃ад̇аро бхигку сан̇гхасса амб̣ам̣ т̇зяяажид̇д̇о авахари… сан̇гхасса ж̇амб̣ум̣… сан̇гхасса лаб̣уж̇ам̣… сан̇гхасса банасам̣… сан̇гхасса д̇аалабаггам̣… сан̇гхасса ужчум̣… сан̇гхасса д̇имб̣аруусагам̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu saṅghassa ambaṃ theyyacitto avahari… saṅghassa jambuṃ… saṅghassa labujaṃ… saṅghassa panasaṃ… saṅghassa tālapakkaṃ… saṅghassa ucchuṃ… saṅghassa timbarūsakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
149. д̇зна ко бана самаязна ан̃н̃ад̇аро бхигку бубпаараамам̣ г̇анд̇ваа ожид̇ам̣ бубпам̣ бан̃жамаасаг̇гханагам̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
149. Tena kho pana samayena aññataro bhikkhu pupphārāmaṃ gantvā ocitaṃ pupphaṃ pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку бубпаараамам̣ г̇анд̇ваа бубпам̣ ожинид̇ваа бан̃жамаасаг̇гханагам̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку аабанно баарааж̇ига’’нд̇и.
Tena kho pana samayena aññataro bhikkhu pupphārāmaṃ gantvā pupphaṃ ocinitvā pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu āpanno pārājika’’nti.
150. д̇зна ко бана самаязна ан̃н̃ад̇аро бхигку г̇аамагам̣ г̇ажчанд̇о ан̃н̃ад̇арам̣ бхигкум̣ зд̇ад̣̇авожа – ‘‘аавусо, д̇уяхам̣ убадтаагагулам̣ вуд̇д̇о важ̇ж̇змий’’д̇и. со г̇анд̇ваа згам̣ саадагам̣ аахараабзд̇ваа ад̇д̇анаа барибхун̃ж̇и. со ж̇аанид̇ваа д̇ам̣ жод̣̇зси – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. на жа, бхигкавз, вуд̇д̇о важ̇ж̇змийд̇и вад̇д̇аб̣б̣о. яо вад̣̇зяяа, аабад̇д̇и д̣̇уггадассаа’’д̇и.
150. Tena kho pana samayena aññataro bhikkhu gāmakaṃ gacchanto aññataraṃ bhikkhuṃ etadavoca – ‘‘āvuso, tuyhaṃ upaṭṭhākakulaṃ vutto vajjemī’’ti. So gantvā ekaṃ sāṭakaṃ āharāpetvā attanā paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjemīti vattabbo. Yo vadeyya, āpatti dukkaṭassā’’ti.
д̇зна ко бана самаязна ан̃н̃ад̇аро бхигку г̇аамагам̣ г̇ажчад̇и. ан̃н̃ад̇аро бхигку д̇ам̣ бхигкум̣ зд̇ад̣̇авожа – ‘‘аавусо, маяхам̣ убадтаагагулам̣ вуд̇д̇о важ̇ж̇зхий’’д̇и. со г̇анд̇ваа яуг̇асаадагам̣ аахараабзд̇ваа згам̣ ад̇д̇анаа барибхун̃ж̇и, згам̣ д̇асса бхигкуно ад̣̇ааси. со ж̇аанид̇ваа д̇ам̣ жод̣̇зси – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. на жа, бхигкавз, вуд̇д̇о важ̇ж̇зхийд̇и вад̇д̇аб̣б̣о. яо вад̣̇зяяа, аабад̇д̇и д̣̇уггадассаа’’д̇и.
Tena kho pana samayena aññataro bhikkhu gāmakaṃ gacchati. Aññataro bhikkhu taṃ bhikkhuṃ etadavoca – ‘‘āvuso, mayhaṃ upaṭṭhākakulaṃ vutto vajjehī’’ti. So gantvā yugasāṭakaṃ āharāpetvā ekaṃ attanā paribhuñji, ekaṃ tassa bhikkhuno adāsi. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjehīti vattabbo. Yo vadeyya, āpatti dukkaṭassā’’ti.
д̇зна ко бана самаязна ан̃н̃ад̇аро бхигку г̇аамагам̣ г̇ажчанд̇о ан̃н̃ад̇арам̣ бхигкум̣ зд̇ад̣̇авожа – ‘‘аавусо, д̇уяхам̣ убадтаагагулам̣ вуд̇д̇о важ̇ж̇змий’’д̇и. соби звамааха – ‘‘вуд̇д̇о важ̇ж̇зхий’’д̇и. со г̇анд̇ваа аал̣хагам̣ саббим̣ д̇улам̣ г̇ул̣ам̣ д̣̇он̣ам̣ д̇ан̣д̣улам̣ аахараабзд̇ваа ад̇д̇анаа барибхун̃ж̇и. со ж̇аанид̇ваа д̇ам̣ жод̣̇зси – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. на жа, бхигкавз, вуд̇д̇о важ̇ж̇змийд̇и вад̇д̇аб̣б̣о, на жа вуд̇д̇о важ̇ж̇зхийд̇и вад̇д̇аб̣б̣о. яо вад̣̇зяяа, аабад̇д̇и д̣̇уггадассаа’’д̇и.
Tena kho pana samayena aññataro bhikkhu gāmakaṃ gacchanto aññataraṃ bhikkhuṃ etadavoca – ‘‘āvuso, tuyhaṃ upaṭṭhākakulaṃ vutto vajjemī’’ti. Sopi evamāha – ‘‘vutto vajjehī’’ti. So gantvā āḷhakaṃ sappiṃ tulaṃ guḷaṃ doṇaṃ taṇḍulaṃ āharāpetvā attanā paribhuñji. So jānitvā taṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, pārājikassa. Na ca, bhikkhave, vutto vajjemīti vattabbo, na ca vutto vajjehīti vattabbo. Yo vadeyya, āpatti dukkaṭassā’’ti.
151. д̇зна ко бана самаязна ан̃н̃ад̇аро бурисо махаг̇гхам̣ ман̣им̣ аад̣̇ааяа ан̃н̃ад̇арзна бхигкунаа сад̣̇д̇хим̣ ад̣̇д̇хаанамаг̇г̇аббадибанно ход̇и. ат̇а ко со бурисо сун̇гадтаанам̣ бассид̇ваа д̇асса бхигкуно аж̇аананд̇асса т̇авигааяа ман̣им̣ багкибид̇ваа сун̇гадтаанам̣ ад̇иггамид̇ваа аг̇г̇ахзси. д̇асса гуггужжам̣ ахоси…бз… ‘‘гим̣жид̇д̇о д̇вам̣, бхигкуу’’д̇и? ‘‘наахам̣, бхаг̇аваа, ж̇аанаамий’’д̇и. ‘‘анаабад̇д̇и, бхигку, аж̇аананд̇ассаа’’д̇и.
151. Tena kho pana samayena aññataro puriso mahagghaṃ maṇiṃ ādāya aññatarena bhikkhunā saddhiṃ addhānamaggappaṭipanno hoti. Atha kho so puriso suṅkaṭṭhānaṃ passitvā tassa bhikkhuno ajānantassa thavikāya maṇiṃ pakkhipitvā suṅkaṭṭhānaṃ atikkamitvā aggahesi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, jānāmī’’ti. ‘‘Anāpatti, bhikkhu, ajānantassā’’ti.
д̇зна ко бана самаязна ан̃н̃ад̇аро бурисо махаг̇гхам̣ ман̣им̣ аад̣̇ааяа ан̃н̃ад̇арзна бхигкунаа сад̣̇д̇хим̣ ад̣̇д̇хаанамаг̇г̇аббадибанно ход̇и. ат̇а ко со бурисо сун̇гадтаанам̣ бассид̇ваа г̇илаанаалаяам̣ гарид̇ваа ад̇д̇ано бхан̣д̣игам̣ д̇асса бхигкуно ад̣̇ааси. ат̇а ко со бурисо сун̇гадтаанам̣ ад̇иггамид̇ваа д̇ам̣ бхигкум̣ зд̇ад̣̇авожа – ‘‘аахара мз, бханд̇з, бхан̣д̣игам̣; наахам̣ агаллаго’’д̇и. ‘‘гисса бана д̇вам̣, аавусо, зваруубам̣ агаасий’’д̇и? ат̇а ко со бурисо д̇асса бхигкуно зд̇амад̇т̇ам̣ аарожзси. д̇асса гуггужжам̣ ахоси…бз… ‘‘гим̣жид̇д̇о д̇вам̣, бхигкуу’’д̇и? ‘‘наахам̣, бхаг̇аваа, ж̇аанаамий’’д̇и. ‘‘анаабад̇д̇и, бхигку, аж̇аананд̇ассаа’’д̇и.
Tena kho pana samayena aññataro puriso mahagghaṃ maṇiṃ ādāya aññatarena bhikkhunā saddhiṃ addhānamaggappaṭipanno hoti. Atha kho so puriso suṅkaṭṭhānaṃ passitvā gilānālayaṃ karitvā attano bhaṇḍikaṃ tassa bhikkhuno adāsi. Atha kho so puriso suṅkaṭṭhānaṃ atikkamitvā taṃ bhikkhuṃ etadavoca – ‘‘āhara me, bhante, bhaṇḍikaṃ; nāhaṃ akallako’’ti. ‘‘Kissa pana tvaṃ, āvuso, evarūpaṃ akāsī’’ti? Atha kho so puriso tassa bhikkhuno etamatthaṃ ārocesi. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Nāhaṃ, bhagavā, jānāmī’’ti. ‘‘Anāpatti, bhikkhu, ajānantassā’’ti.
152. д̇зна ко бана самаязна ан̃н̃ад̇аро бхигку сад̇т̇зна сад̣̇д̇хим̣ ад̣̇д̇хаанамаг̇г̇аббадибанно ход̇и. ан̃н̃ад̇аро бурисо д̇ам̣ бхигкум̣ аамисзна убалаабзд̇ваа сун̇гадтаанам̣ бассид̇ваа махаг̇гхам̣ ман̣им̣ д̇асса бхигкуно ад̣̇ааси – ‘‘имам̣, бханд̇з, ман̣им̣ сун̇гадтаанам̣ ад̇иггаамзхий’’д̇и. ат̇а ко со бхигку д̇ам̣ ман̣им̣ сун̇гадтаанам̣ ад̇иггаамзси. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
152. Tena kho pana samayena aññataro bhikkhu satthena saddhiṃ addhānamaggappaṭipanno hoti. Aññataro puriso taṃ bhikkhuṃ āmisena upalāpetvā suṅkaṭṭhānaṃ passitvā mahagghaṃ maṇiṃ tassa bhikkhuno adāsi – ‘‘imaṃ, bhante, maṇiṃ suṅkaṭṭhānaṃ atikkāmehī’’ti. Atha kho so bhikkhu taṃ maṇiṃ suṅkaṭṭhānaṃ atikkāmesi. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
153. д̇зна ко бана самаязна ан̃н̃ад̇аро бхигку баасз б̣анд̇хам̣ суугарам̣ гаарун̃н̃зна мун̃жи. д̇асса гуггужжам̣ ахоси…бз… ‘‘гим̣жид̇д̇о д̇вам̣, бхигкуу’’д̇и? ‘‘гаарун̃н̃аад̇хиббааяо ахам̣, бхаг̇аваа’’д̇и. ‘‘анаабад̇д̇и, бхигку, гаарун̃н̃аад̇хиббааяассаа’’д̇и.
153. Tena kho pana samayena aññataro bhikkhu pāse bandhaṃ sūkaraṃ kāruññena muñci. Tassa kukkuccaṃ ahosi…pe… ‘‘kiṃcitto tvaṃ, bhikkhū’’ti? ‘‘Kāruññādhippāyo ahaṃ, bhagavā’’ti. ‘‘Anāpatti, bhikkhu, kāruññādhippāyassā’’ti.
д̇зна ко бана самаязна ан̃н̃ад̇аро бхигку баасз б̣анд̇хам̣ суугарам̣ – ‘‘бурз саамигаа бассанд̇ий’’д̇и, т̇зяяажид̇д̇о мун̃жи. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu pāse bandhaṃ sūkaraṃ – ‘‘pure sāmikā passantī’’ti, theyyacitto muñci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку баасз б̣анд̇хам̣ миг̇ам̣ гаарун̃н̃зна мун̃жи… баасз б̣анд̇хам̣ миг̇ам̣ – ‘‘бурз саамигаа бассанд̇ий’’д̇и, т̇зяяажид̇д̇о мун̃жи … гуминз б̣анд̇хз мажчз гаарун̃н̃зна мун̃жи… гуминз б̣анд̇хз мажчз – ‘‘бурз саамигаа бассанд̇ий’’д̇и т̇зяяажид̇д̇о мун̃жи. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu pāse bandhaṃ migaṃ kāruññena muñci… pāse bandhaṃ migaṃ – ‘‘pure sāmikā passantī’’ti, theyyacitto muñci … kumine bandhe macche kāruññena muñci… kumine bandhe macche – ‘‘pure sāmikā passantī’’ti theyyacitto muñci. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку яаанз бхан̣д̣ам̣ бассид̇ваа – ‘‘ид̇о г̇ан̣ханд̇о баарааж̇иго бхависсаамий’’д̇и, ад̇иггамид̇ваа баваддзд̇ваа 41 аг̇г̇ахзси. д̇асса гуггужжам̣ ахоси…бз… ‘‘аабад̇д̇им̣ д̇вам̣ , бхигку, аабанно баарааж̇ига’’нд̇и.
Tena kho pana samayena aññataro bhikkhu yāne bhaṇḍaṃ passitvā – ‘‘ito gaṇhanto pārājiko bhavissāmī’’ti, atikkamitvā pavaṭṭetvā 42 aggahesi. Tassa kukkuccaṃ ahosi…pe… ‘‘āpattiṃ tvaṃ , bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку гулалзна угкид̇д̇ам̣ мам̣сабзсим̣ – ‘‘саамигаанам̣ д̣̇ассаамий’’д̇и аг̇г̇ахзси. саамигаа д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, ат̇зяяажид̇д̇ассаа’’д̇и.
Tena kho pana samayena aññataro bhikkhu kulalena ukkhittaṃ maṃsapesiṃ – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, atheyyacittassā’’ti.
д̇зна ко бана самаязна ан̃н̃ад̇аро бхигку гулалзна угкид̇д̇ам̣ мам̣сабзсим̣ – ‘‘бурз саамигаа бассанд̇ий’’д̇и, т̇зяяажид̇д̇о аг̇г̇ахзси. саамигаа д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu kulalena ukkhittaṃ maṃsapesiṃ – ‘‘pure sāmikā passantī’’ti, theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
154. д̇зна ко бана самаязна мануссаа ул̣умбам̣ б̣анд̇хид̇ваа ажиравад̇ияаа над̣̇ияаа осаарзнд̇и. б̣анд̇ханз чиннз гадтаани виббагин̣н̣аани аг̇амам̣су. бхигкуу бам̣сугууласан̃н̃ино уд̇д̇аарзсум̣. саамигаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… ‘‘анаабад̇д̇и, бхигкавз, бам̣сугууласан̃н̃иссаа’’д̇и.
154. Tena kho pana samayena manussā uḷumpaṃ bandhitvā aciravatiyā nadiyā osārenti. Bandhane chinne kaṭṭhāni vippakiṇṇāni agamaṃsu. Bhikkhū paṃsukūlasaññino uttāresuṃ. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
д̇зна ко бана самаязна мануссаа ул̣умбам̣ б̣анд̇хид̇ваа ажиравад̇ияаа над̣̇ияаа осаарзнд̇и. б̣анд̇ханз чиннз гадтаани виббагин̣н̣аани аг̇амам̣су. бхигкуу – ‘‘бурз саамигаа бассанд̇ий’’д̇и, т̇зяяажид̇д̇аа уд̇д̇аарзсум̣. саамигаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… ‘‘аабад̇д̇им̣ д̇умхз, бхигкавз, аабаннаа баарааж̇ига’’нд̇и.
Tena kho pana samayena manussā uḷumpaṃ bandhitvā aciravatiyā nadiyā osārenti. Bandhane chinne kaṭṭhāni vippakiṇṇāni agamaṃsu. Bhikkhū – ‘‘pure sāmikā passantī’’ti, theyyacittā uttāresuṃ. Sāmikā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘āpattiṃ tumhe, bhikkhave, āpannā pārājika’’nti.
д̇зна ко бана самаязна ан̃н̃ад̇аро г̇обаалаго ругкз саадагам̣ аалаг̇г̇зд̇ваа ужжаарам̣ аг̇амааси. ан̃н̃ад̇аро бхигку бам̣сугууласан̃н̃ий аг̇г̇ахзси . ат̇а ко со г̇обаалаго д̇ам̣ бхигкум̣ жод̣̇зси – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, бам̣сугууласан̃н̃иссаа’’д̇и.
Tena kho pana samayena aññataro gopālako rukkhe sāṭakaṃ ālaggetvā uccāraṃ agamāsi. Aññataro bhikkhu paṃsukūlasaññī aggahesi . Atha kho so gopālako taṃ bhikkhuṃ codesi – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, paṃsukūlasaññissā’’ti.
д̇зна ко бана самаязна ан̃н̃ад̇арасса бхигкуно над̣̇им̣ д̇аранд̇асса раж̇агаанам̣ хад̇т̇ад̇о муд̇д̇ам̣ саадагам̣ баад̣̇з лаг̇г̇ам̣ ход̇и. со бхигку – ‘‘саамигаанам̣ д̣̇ассаамий’’д̇и аг̇г̇ахзси. саамигаа д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘анаабад̇д̇и, бхигку, ат̇зяяажид̇д̇ассаа’’д̇и.
Tena kho pana samayena aññatarassa bhikkhuno nadiṃ tarantassa rajakānaṃ hatthato muttaṃ sāṭakaṃ pāde laggaṃ hoti. So bhikkhu – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘anāpatti, bhikkhu, atheyyacittassā’’ti.
д̇зна ко бана самаязна ан̃н̃ад̇арасса бхигкуно над̣̇им̣ д̇аранд̇асса раж̇агаанам̣ хад̇т̇ад̇о муд̇д̇ам̣ саадагам̣ баад̣̇з лаг̇г̇ам̣ ход̇и . со бхигку – ‘‘бурз саамигаа бассанд̇ий’’д̇и, т̇зяяажид̇д̇о аг̇г̇ахзси. саамигаа д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññatarassa bhikkhuno nadiṃ tarantassa rajakānaṃ hatthato muttaṃ sāṭakaṃ pāde laggaṃ hoti . So bhikkhu – ‘‘pure sāmikā passantī’’ti, theyyacitto aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
155. д̇зна ко бана самаязна ан̃н̃ад̇аро бхигку саббигумбхим̣ бассид̇ваа т̇огам̣ т̇огам̣ барибхун̃ж̇и. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса; аабад̇д̇и д̣̇уггадассаа’’д̇и.
155. Tena kho pana samayena aññataro bhikkhu sappikumbhiṃ passitvā thokaṃ thokaṃ paribhuñji. Tassa kukkuccaṃ ahosi…pe… ‘‘anāpatti, bhikkhu, pārājikassa; āpatti dukkaṭassā’’ti.
д̇зна ко бана самаязна самб̣ахулаа бхигкуу сам̣вид̣̇ахид̇ваа аг̇амам̣су – ‘‘бхан̣д̣ам̣ авахариссаамаа’’д̇и. зго бхан̣д̣ам̣ авахари. д̇з звамаахам̣су – ‘‘на маяам̣ баарааж̇игаа. яо авахадо со баарааж̇иго’’д̇и. бхаг̇авад̇о зд̇амад̇т̇ам̣ аарожзсум̣… ‘‘аабад̇д̇им̣ д̇умхз, бхигкавз, аабаннаа баарааж̇ига’’нд̇и.
Tena kho pana samayena sambahulā bhikkhū saṃvidahitvā agamaṃsu – ‘‘bhaṇḍaṃ avaharissāmā’’ti. Eko bhaṇḍaṃ avahari. Te evamāhaṃsu – ‘‘na mayaṃ pārājikā. Yo avahaṭo so pārājiko’’ti. Bhagavato etamatthaṃ ārocesuṃ… ‘‘āpattiṃ tumhe, bhikkhave, āpannā pārājika’’nti.
д̇зна ко бана самаязна самб̣ахулаа бхигкуу сам̣вид̣̇ахид̇ваа бхан̣д̣ам̣ авахарид̇ваа бхааж̇зсум̣ . д̇зхи бхааж̇ийяамаанз згамзгасса бадивисо на бан̃жамаасаго буури. д̇з звамаахам̣су – ‘‘на маяам̣ баарааж̇игаа’’д̇и. бхаг̇авад̇о зд̇амад̇т̇ам̣ аарожзсум̣. ‘‘аабад̇д̇им̣ д̇умхз, бхигкавз, аабаннаа баарааж̇ига’’нд̇и.
Tena kho pana samayena sambahulā bhikkhū saṃvidahitvā bhaṇḍaṃ avaharitvā bhājesuṃ . Tehi bhājīyamāne ekamekassa paṭiviso na pañcamāsako pūri. Te evamāhaṃsu – ‘‘na mayaṃ pārājikā’’ti. Bhagavato etamatthaṃ ārocesuṃ. ‘‘Āpattiṃ tumhe, bhikkhave, āpannā pārājika’’nti.
д̇зна ко бана самаязна ан̃н̃ад̇аро бхигку саавад̇т̇ияам̣ д̣̇уб̣бхигкз аабан̣игасса д̇ан̣д̣уламудтим̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu sāvatthiyaṃ dubbhikkhe āpaṇikassa taṇḍulamuṭṭhiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку саавад̇т̇ияам̣ д̣̇уб̣бхигкз аабан̣игасса муг̇г̇амудтим̣… маасамудтим̣… д̇иламудтим̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку аабанно баарааж̇ига’’нд̇и.
Tena kho pana samayena aññataro bhikkhu sāvatthiyaṃ dubbhikkhe āpaṇikassa muggamuṭṭhiṃ… māsamuṭṭhiṃ… tilamuṭṭhiṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu āpanno pārājika’’nti.
д̇зна ко бана самаязна саавад̇т̇ияам̣ анд̇хаванз жорагаа г̇аавим̣ ханд̇ваа мам̣сам̣ каад̣̇ид̇ваа сзсагам̣ бадисаамзд̇ваа аг̇амам̣су. бхигкуу бам̣сугууласан̃н̃ино бадиг̇г̇ахаабзд̇ваа барибхун̃ж̇им̣су. жорагаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… ‘‘анаабад̇д̇и, бхигкавз, бам̣сугууласан̃н̃иссаа’’д̇и.
Tena kho pana samayena sāvatthiyaṃ andhavane corakā gāviṃ hantvā maṃsaṃ khāditvā sesakaṃ paṭisāmetvā agamaṃsu. Bhikkhū paṃsukūlasaññino paṭiggahāpetvā paribhuñjiṃsu. Corakā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
д̇зна ко бана самаязна саавад̇т̇ияам̣ анд̇хаванз жорагаа суугарам̣ ханд̇ваа мам̣сам̣ каад̣̇ид̇ваа сзсагам̣ бадисаамзд̇ваа аг̇амам̣су. бхигкуу бам̣сугууласан̃н̃ино бадиг̇г̇ахаабзд̇ваа барибхун̃ж̇им̣су. жорагаа д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… ‘‘анаабад̇д̇и, бхигкавз, бам̣сугууласан̃н̃иссаа’’д̇и.
Tena kho pana samayena sāvatthiyaṃ andhavane corakā sūkaraṃ hantvā maṃsaṃ khāditvā sesakaṃ paṭisāmetvā agamaṃsu. Bhikkhū paṃsukūlasaññino paṭiggahāpetvā paribhuñjiṃsu. Corakā te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paṃsukūlasaññissā’’ti.
д̇зна ко бана самаязна ан̃н̃ад̇аро бхигку д̇ин̣агкзд̇д̇ам̣ г̇анд̇ваа лууд̇ам̣ д̇ин̣ам̣ бан̃жамаасаг̇гханагам̣ т̇зяяажид̇д̇о авахари. д̇асса гуггужжам̣ ахоси …бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu tiṇakkhettaṃ gantvā lūtaṃ tiṇaṃ pañcamāsagghanakaṃ theyyacitto avahari. Tassa kukkuccaṃ ahosi …pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку д̇ин̣агкзд̇д̇ам̣ г̇анд̇ваа д̇ин̣ам̣ лааяид̇ваа бан̃жамаасаг̇гханагам̣ т̇зяяажид̇д̇о авахари. д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu tiṇakkhettaṃ gantvā tiṇaṃ lāyitvā pañcamāsagghanakaṃ theyyacitto avahari. Tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
156. д̇зна ко бана самаязна ааг̇анд̇угаа бхигкуу сан̇гхасса амб̣ам̣ бхааж̇аабзд̇ваа барибхун̃ж̇им̣су. ааваасигаа бхигкуу д̇з бхигкуу жод̣̇зсум̣ – ‘‘ассаман̣аад̇т̇а д̇умхз’’д̇и. д̇зсам̣ гуггужжам̣ ахоси…бз… бхаг̇авад̇о зд̇амад̇т̇ам̣ аарожзсум̣. ‘‘гим̣жид̇д̇аа д̇умхз, бхигкавз’’д̇и? ‘‘барибхог̇ад̇т̇ааяа 43 маяам̣ бхаг̇аваа’’д̇и. ‘‘анаабад̇д̇и, бхигкавз, барибхог̇ад̇т̇ааяаа’’д̇и.
156. Tena kho pana samayena āgantukā bhikkhū saṅghassa ambaṃ bhājāpetvā paribhuñjiṃsu. Āvāsikā bhikkhū te bhikkhū codesuṃ – ‘‘assamaṇāttha tumhe’’ti. Tesaṃ kukkuccaṃ ahosi…pe… bhagavato etamatthaṃ ārocesuṃ. ‘‘Kiṃcittā tumhe, bhikkhave’’ti? ‘‘Paribhogatthāya 44 mayaṃ bhagavā’’ti. ‘‘Anāpatti, bhikkhave, paribhogatthāyā’’ti.
д̇зна ко бана самаязна ааг̇анд̇угаа бхигкуу сан̇гхасса ж̇амб̣ум̣… сан̇гхасса лаб̣уж̇ам̣… сан̇гхасса банасам̣… сан̇гхасса д̇аалабаггам̣… сан̇гхасса ужчум̣… сан̇гхасса д̇имб̣аруусагам̣ бхааж̇аабзд̇ваа барибхун̃ж̇им̣су. ааваасигаа бхигкуу д̇з бхигкуу жод̣̇зсум̣ – ‘‘ассаман̣аад̇т̇а, д̇умхз’’д̇и. д̇зсам̣ гуггужжам̣ ахоси…бз… ‘‘анаабад̇д̇и, бхигкавз, барибхог̇ад̇т̇ааяаа’’д̇и.
Tena kho pana samayena āgantukā bhikkhū saṅghassa jambuṃ… saṅghassa labujaṃ… saṅghassa panasaṃ… saṅghassa tālapakkaṃ… saṅghassa ucchuṃ… saṅghassa timbarūsakaṃ bhājāpetvā paribhuñjiṃsu. Āvāsikā bhikkhū te bhikkhū codesuṃ – ‘‘assamaṇāttha, tumhe’’ti. Tesaṃ kukkuccaṃ ahosi…pe… ‘‘anāpatti, bhikkhave, paribhogatthāyā’’ti.
д̇зна ко бана самаязна амб̣абаалагаа бхигкуунам̣ амб̣апалам̣ д̣̇знд̇и. бхигкуу – ‘‘г̇обзд̇ум̣ имз иссараа, наяимз д̣̇аад̇у’’нд̇и, гуггужжааяанд̇аа на бадиг̇г̇ан̣ханд̇и. бхаг̇авад̇о зд̇амад̇т̇ам̣ аарожзсум̣. ‘‘анаабад̇д̇и, бхигкавз, г̇обагасса д̣̇аанз’’д̇и.
Tena kho pana samayena ambapālakā bhikkhūnaṃ ambaphalaṃ denti. Bhikkhū – ‘‘gopetuṃ ime issarā, nayime dātu’’nti, kukkuccāyantā na paṭiggaṇhanti. Bhagavato etamatthaṃ ārocesuṃ. ‘‘Anāpatti, bhikkhave, gopakassa dāne’’ti.
д̇зна ко бана самаязна ж̇амб̣убаалагаа… лаб̣уж̇абаалагаа… банасабаалагаа… д̇аалабаггабаалагаа… ужчубаалагаа… д̇имб̣аруусагабаалагаа бхигкуунам̣ д̇имб̣аруусагам̣ д̣̇знд̇и. бхигкуу – ‘‘г̇обзд̇ум̣ имз иссараа, наяимз д̣̇аад̇у’’нд̇и, гуггужжааяанд̇аа на бадиг̇г̇ан̣ханд̇и. бхаг̇авад̇о зд̇амад̇т̇ам̣ аарожзсум̣. ‘‘анаабад̇д̇и, бхигкавз, г̇обагасса д̣̇аанз’’д̇и.
Tena kho pana samayena jambupālakā… labujapālakā… panasapālakā… tālapakkapālakā… ucchupālakā… timbarūsakapālakā bhikkhūnaṃ timbarūsakaṃ denti. Bhikkhū – ‘‘gopetuṃ ime issarā, nayime dātu’’nti, kukkuccāyantā na paṭiggaṇhanti. Bhagavato etamatthaṃ ārocesuṃ. ‘‘Anāpatti, bhikkhave, gopakassa dāne’’ti.
д̇зна ко бана самаязна ан̃н̃ад̇аро бхигку сан̇гхасса д̣̇аарум̣ д̇аавагаалигам̣ харид̇ваа ад̇д̇ано вихаарасса гуддам̣ убад̇т̇амбхзси. бхигкуу д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇асса гуггужжам̣ ахоси. бхаг̇авад̇о зд̇амад̇т̇ам̣ аарожзси. ‘‘гим̣жид̇д̇о д̇вам̣, бхигкуу’’д̇и? ‘‘д̇аавагаалиго ахам̣, бхаг̇аваа’’д̇и. ‘‘анаабад̇д̇и, бхигку, д̇аавагаалигз’’д̇и.
Tena kho pana samayena aññataro bhikkhu saṅghassa dāruṃ tāvakālikaṃ haritvā attano vihārassa kuṭṭaṃ upatthambhesi. Bhikkhū taṃ bhikkhuṃ codesuṃ – ‘‘assamaṇosi tva’’nti. Tassa kukkuccaṃ ahosi. Bhagavato etamatthaṃ ārocesi. ‘‘Kiṃcitto tvaṃ, bhikkhū’’ti? ‘‘Tāvakāliko ahaṃ, bhagavā’’ti. ‘‘Anāpatti, bhikkhu, tāvakālike’’ti.
д̇зна ко бана самаязна ан̃н̃ад̇аро бхигку сан̇гхасса уд̣̇агам̣ т̇зяяажид̇д̇о авахари… сан̇гхасса мад̇д̇игам̣ т̇зяяажид̇д̇о авахари… сан̇гхасса бун̃ж̇агид̇ам̣ д̇ин̣ам̣ т̇зяяажид̇д̇о авахари… д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu saṅghassa udakaṃ theyyacitto avahari… saṅghassa mattikaṃ theyyacitto avahari… saṅghassa puñjakitaṃ tiṇaṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку сан̇гхасса бун̃ж̇агид̇ам̣ д̇ин̣ам̣ т̇зяяажид̇д̇о жхаабзси. д̇асса гуггужжам̣ ахоси…бз… ‘‘анаабад̇д̇и, бхигку, баарааж̇игасса. аабад̇д̇и д̣̇уггадассаа’’д̇и.
Tena kho pana samayena aññataro bhikkhu saṅghassa puñjakitaṃ tiṇaṃ theyyacitto jhāpesi. Tassa kukkuccaṃ ahosi…pe… ‘‘anāpatti, bhikkhu, pārājikassa. Āpatti dukkaṭassā’’ti.
д̇зна ко бана самаязна ан̃н̃ад̇аро бхигку сан̇гхасса ман̃жам̣ т̇зяяажид̇д̇о авахари… д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu saṅghassa mañcaṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
д̇зна ко бана самаязна ан̃н̃ад̇аро бхигку сан̇гхасса бийтам̣… сан̇гхасса бхисим̣… сан̇гхасса б̣иб̣б̣оханам̣ 45 … сан̇гхасса гаваадам̣… сан̇гхасса аалогасанд̇хим̣… сан̇гхасса г̇обаанасим̣ т̇зяяажид̇д̇о авахари… д̇асса гуггужжам̣ ахоси…бз… ‘‘аабад̇д̇им̣ д̇вам̣, бхигку, аабанно баарааж̇ига’’нд̇и.
Tena kho pana samayena aññataro bhikkhu saṅghassa pīṭhaṃ… saṅghassa bhisiṃ… saṅghassa bibbohanaṃ 46 … saṅghassa kavāṭaṃ… saṅghassa ālokasandhiṃ… saṅghassa gopānasiṃ theyyacitto avahari… tassa kukkuccaṃ ahosi…pe… ‘‘āpattiṃ tvaṃ, bhikkhu, āpanno pārājika’’nti.
157. 47 д̇зна ко бана самаязна бхигкуу ан̃н̃ад̇арасса убаасагасса вихаарабарибхог̇ам̣ сзнаасанам̣ ан̃н̃ад̇ра барибхун̃ж̇анд̇и. ат̇а ко со убаасаго уж̇жхааяад̇и кияяад̇и вибаажзд̇и – ‘‘гат̇ан̃хи наама бхад̣̇анд̇аа ан̃н̃ад̇ра барибхог̇ам̣ ан̃н̃ад̇ра барибхун̃ж̇иссанд̇ий’’д̇и! бхаг̇авад̇о зд̇амад̇т̇ам̣ аарожзсум̣. ‘‘на, бхигкавз, ан̃н̃ад̇ра барибхог̇о ан̃н̃ад̇ра барибхун̃ж̇ид̇аб̣б̣о. яо барибхун̃ж̇зяяа, аабад̇д̇и д̣̇уггадассаа’’д̇и.
157.48 Tena kho pana samayena bhikkhū aññatarassa upāsakassa vihāraparibhogaṃ senāsanaṃ aññatra paribhuñjanti. Atha kho so upāsako ujjhāyati khiyyati vipāceti – ‘‘kathañhi nāma bhadantā aññatra paribhogaṃ aññatra paribhuñjissantī’’ti! Bhagavato etamatthaṃ ārocesuṃ. ‘‘Na, bhikkhave, aññatra paribhogo aññatra paribhuñjitabbo. Yo paribhuñjeyya, āpatti dukkaṭassā’’ti.
49 д̇зна ко бана самаязна бхигкуу убосат̇аг̇г̇амби саннисаж̇ж̇амби харид̇ум̣ гуггужжааяанд̇аа чамааяам̣ нисийд̣̇анд̇и. г̇ад̇д̇ааниби жийварааниби бам̣сугид̇аани хонд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, д̇аавагаалигам̣ харид̇у’’нд̇и.
50 Tena kho pana samayena bhikkhū uposathaggampi sannisajjampi harituṃ kukkuccāyantā chamāyaṃ nisīdanti. Gattānipi cīvarānipi paṃsukitāni honti. Bhagavato etamatthaṃ ārocesuṃ. ‘‘Anujānāmi, bhikkhave, tāvakālikaṃ haritu’’nti.
д̇зна ко бана самаязна жамбааяам̣ т̇уллананд̣̇ааяа бхигкунияаа анд̇зваасиний бхигкуний т̇уллананд̣̇ааяа бхигкунияаа убадтаагагулам̣ г̇анд̇ваа – ‘‘аяяаа ижчад̇и д̇згадулаяааг̇ум̣ баад̇у’’нд̇и, бажаабзд̇ваа харид̇ваа ад̇д̇анаа барибхун̃ж̇и. саа ж̇аанид̇ваа д̇ам̣ жод̣̇зси – ‘‘ассаман̣ийси д̇ва’’нд̇и. д̇ассаа гуггужжам̣ ахоси. ат̇а ко саа бхигкуний бхигкунийнам̣ зд̇амад̇т̇ам̣ аарожзси. бхигкунияо бхигкуунам̣ зд̇амад̇т̇ам̣ аарожзсум̣. бхигкуу бхаг̇авад̇о зд̇амад̇т̇ам̣ аарожзсум̣. ‘‘анаабад̇д̇и, бхигкавз, баарааж̇игасса; аабад̇д̇и самбаж̇аанамусааваад̣̇з баажид̇д̇ияассаа’’д̇и.
Tena kho pana samayena campāyaṃ thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṃ gantvā – ‘‘ayyā icchati tekaṭulayāguṃ pātu’’nti, pacāpetvā haritvā attanā paribhuñji. Sā jānitvā taṃ codesi – ‘‘assamaṇīsi tva’’nti. Tassā kukkuccaṃ ahosi. Atha kho sā bhikkhunī bhikkhunīnaṃ etamatthaṃ ārocesi. Bhikkhuniyo bhikkhūnaṃ etamatthaṃ ārocesuṃ. Bhikkhū bhagavato etamatthaṃ ārocesuṃ. ‘‘Anāpatti, bhikkhave, pārājikassa; āpatti sampajānamusāvāde pācittiyassā’’ti.
д̇зна ко бана самаязна рааж̇аг̇ахз т̇уллананд̣̇ааяа бхигкунияаа анд̇зваасиний бхигкуний т̇уллананд̣̇ааяа бхигкунияаа убадтаагагулам̣ г̇анд̇ваа – ‘‘аяяаа ижчад̇и мад̇хуг̇ол̣агам̣ каад̣̇ид̇у’’нд̇и, бажаабзд̇ваа харид̇ваа ад̇д̇анаа барибхун̃ж̇и. саа ж̇аанид̇ваа д̇ам̣ жод̣̇зси – ‘‘ассаман̣ийси д̇ва’’нд̇и. д̇ассаа гуггужжам̣ ахоси…бз… ‘‘анаабад̇д̇и, бхигкавз, баарааж̇игасса; аабад̇д̇и самбаж̇аанамусааваад̣̇з баажид̇д̇ияассаа’’д̇и.
Tena kho pana samayena rājagahe thullanandāya bhikkhuniyā antevāsinī bhikkhunī thullanandāya bhikkhuniyā upaṭṭhākakulaṃ gantvā – ‘‘ayyā icchati madhugoḷakaṃ khāditu’’nti, pacāpetvā haritvā attanā paribhuñji. Sā jānitvā taṃ codesi – ‘‘assamaṇīsi tva’’nti. Tassā kukkuccaṃ ahosi…pe… ‘‘anāpatti, bhikkhave, pārājikassa; āpatti sampajānamusāvāde pācittiyassā’’ti.
158. д̇зна ко бана самаязна взсаалияам̣ ааяасмад̇о аж̇ж̇угасса убадтаагасса г̇ахабад̇ино д̣̇вз д̣̇аарагаа хонд̇и – буд̇д̇о жа бхааг̇инзяяо жа. ат̇а ко со г̇ахабад̇и ааяасманд̇ам̣ аж̇ж̇угам̣ зд̇ад̣̇авожа – ‘‘имам̣, бханд̇з, огаасам̣ яо имзсам̣ д̣̇виннам̣ д̣̇аарагаанам̣ сад̣̇д̇хо ход̇и басанно д̇асса аажигкзяяаасий’’д̇и 51. д̇зна ко бана самаязна д̇асса г̇ахабад̇ино бхааг̇инзяяо сад̣̇д̇хо ход̇и басанно. ат̇а ко ааяасмаа аж̇ж̇уго д̇ам̣ огаасам̣ д̇асса д̣̇аарагасса аажигки. со д̇зна саабад̇зяязна гудумб̣ан̃жа сан̣табзси д̣̇аанан̃жа бадтабзси. ат̇а ко д̇асса г̇ахабад̇ино буд̇д̇о ааяасманд̇ам̣ аананд̣̇ам̣ зд̇ад̣̇авожа – ‘‘го ну ко, бханд̇з аананд̣̇а, бид̇уно д̣̇ааяаж̇ж̇о – буд̇д̇о ваа бхааг̇инзяяо ваа’’д̇и? ‘‘буд̇д̇о ко, аавусо, бид̇уно д̣̇ааяаж̇ж̇о’’д̇и. ‘‘аяам̣, бханд̇з, аяяо аж̇ж̇уго амхаагам̣ саабад̇зяяам̣ амхаагам̣ мзт̇унагасса аажигкий’’д̇и. ‘‘ассаман̣о, аавусо, ааяасмаа аж̇ж̇уго’’д̇и. ат̇а ко ааяасмаа аж̇ж̇уго ааяасманд̇ам̣ аананд̣̇ам̣ зд̇ад̣̇авожа – ‘‘д̣̇зхи мз, аавусо аананд̣̇а, винижчаяа’’нд̇и. д̇зна ко бана самаязна ааяасмаа убаали ааяасмад̇о аж̇ж̇угасса багко ход̇и. ат̇а ко ааяасмаа убаали ааяасманд̇ам̣ аананд̣̇ам̣ зд̇ад̣̇авожа – ‘‘яо ну ко, аавусо аананд̣̇а, саамигзна ‘имам̣ огаасам̣ ид̇т̇аннаамасса аажигкзяяаасий’д̇и вуд̇д̇о д̇асса аажигкад̇и, гим̣ со аабаж̇ж̇ад̇ий’’д̇и? ‘‘на, бханд̇з, гин̃жи аабаж̇ж̇ад̇и, анд̇амасо д̣̇уггадамад̇д̇амбий’’д̇и. ‘‘аяам̣, аавусо, ааяасмаа аж̇ж̇уго саамигзна – ‘имам̣ огаасам̣ ид̇т̇аннаамасса аажигкаа’д̇и вуд̇д̇о д̇асса аажигкад̇и; анаабад̇д̇и, аавусо, ааяасмад̇о аж̇ж̇угассаа’’д̇и.
158. Tena kho pana samayena vesāliyaṃ āyasmato ajjukassa upaṭṭhākassa gahapatino dve dārakā honti – putto ca bhāgineyyo ca. Atha kho so gahapati āyasmantaṃ ajjukaṃ etadavoca – ‘‘imaṃ, bhante, okāsaṃ yo imesaṃ dvinnaṃ dārakānaṃ saddho hoti pasanno tassa ācikkheyyāsī’’ti 52. Tena kho pana samayena tassa gahapatino bhāgineyyo saddho hoti pasanno. Atha kho āyasmā ajjuko taṃ okāsaṃ tassa dārakassa ācikkhi. So tena sāpateyyena kuṭumbañca saṇṭhapesi dānañca paṭṭhapesi. Atha kho tassa gahapatino putto āyasmantaṃ ānandaṃ etadavoca – ‘‘ko nu kho, bhante ānanda, pituno dāyajjo – putto vā bhāgineyyo vā’’ti? ‘‘Putto kho, āvuso, pituno dāyajjo’’ti. ‘‘Ayaṃ, bhante, ayyo ajjuko amhākaṃ sāpateyyaṃ amhākaṃ methunakassa ācikkhī’’ti. ‘‘Assamaṇo, āvuso, āyasmā ajjuko’’ti. Atha kho āyasmā ajjuko āyasmantaṃ ānandaṃ etadavoca – ‘‘dehi me, āvuso ānanda, vinicchaya’’nti. Tena kho pana samayena āyasmā upāli āyasmato ajjukassa pakkho hoti. Atha kho āyasmā upāli āyasmantaṃ ānandaṃ etadavoca – ‘‘yo nu kho, āvuso ānanda, sāmikena ‘imaṃ okāsaṃ itthannāmassa ācikkheyyāsī’ti vutto tassa ācikkhati, kiṃ so āpajjatī’’ti? ‘‘Na, bhante, kiñci āpajjati, antamaso dukkaṭamattampī’’ti. ‘‘Ayaṃ, āvuso, āyasmā ajjuko sāmikena – ‘imaṃ okāsaṃ itthannāmassa ācikkhā’ti vutto tassa ācikkhati; anāpatti, āvuso, āyasmato ajjukassā’’ti.
159. д̇зна ко бана самаязна б̣аараан̣асияам̣ ааяасмад̇о билинд̣̇аважчасса убадтаагагулам̣ жорзхи убад̣̇д̣̇уд̇ам̣ ход̇и. д̣̇вз жа д̣̇аарагаа нийд̇аа хонд̇и. ат̇а ко ааяасмаа билинд̣̇аважчо д̇з д̣̇аарагз ид̣̇д̇хияаа аанзд̇ваа баасаад̣̇з табзси. мануссаа д̇з д̣̇аарагз бассид̇ваа – ‘‘аяяассааяам̣ билинд̣̇аважчасса ид̣̇д̇хаанубхааво’’д̇и, ааяасманд̇з билинд̣̇аважчз абхиббасийд̣̇им̣су. бхигкуу уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа билинд̣̇аважчо жорзхи нийд̇з д̣̇аарагз аанзссад̇ий’’д̇и! бхаг̇авад̇о зд̇амад̇т̇ам̣ аарожзсум̣. ‘‘анаабад̇д̇и, бхигкавз 53, ид̣̇д̇химасса ид̣̇д̇хивисаяз’’д̇и.
159. Tena kho pana samayena bārāṇasiyaṃ āyasmato pilindavacchassa upaṭṭhākakulaṃ corehi upaddutaṃ hoti. Dve ca dārakā nītā honti. Atha kho āyasmā pilindavaccho te dārake iddhiyā ānetvā pāsāde ṭhapesi. Manussā te dārake passitvā – ‘‘ayyassāyaṃ pilindavacchassa iddhānubhāvo’’ti, āyasmante pilindavacche abhippasīdiṃsu. Bhikkhū ujjhāyanti khiyyanti vipācenti – ‘‘kathañhi nāma āyasmā pilindavaccho corehi nīte dārake ānessatī’’ti! Bhagavato etamatthaṃ ārocesuṃ. ‘‘Anāpatti, bhikkhave 54, iddhimassa iddhivisaye’’ti.
160. д̇зна ко бана самаязна д̣̇вз бхигкуу сахааяагаа хонд̇и – бан̣д̣уго жа габило жа. зго г̇аамагз вихарад̇и, зго госамб̣ияам̣. ат̇а ко д̇асса бхигкуно г̇аамагаа госамб̣им̣ г̇ажчанд̇асса анд̇араамаг̇г̇з над̣̇им̣ д̇аранд̇асса суугаригаанам̣ хад̇т̇ад̇о муд̇д̇аа мзд̣̇авадди баад̣̇з лаг̇г̇аа ход̇и. со бхигку – ‘‘саамигаанам̣ д̣̇ассаамий’’д̇и аг̇г̇ахзси. саамигаа д̇ам̣ бхигкум̣ жод̣̇зсум̣ – ‘‘ассаман̣оси д̇ва’’нд̇и. д̇ам̣ уд̇д̇ин̣н̣ам̣ г̇обаалигаа 55 бассид̇ваа зд̇ад̣̇авожа – ‘‘зхи, бханд̇з, мзт̇унам̣ д̇хаммам̣ бадисзваа’’д̇и. со – ‘‘багад̇ияаабаахам̣ ассаман̣о’’д̇и д̇ассаа мзт̇унам̣ д̇хаммам̣ бадисзвид̇ваа госамб̣им̣ г̇анд̇ваа бхигкуунам̣ зд̇амад̇т̇ам̣ аарожзси. бхигкуу бхаг̇авад̇о зд̇амад̇т̇ам̣ орожзсум̣. ‘‘анаабад̇д̇и, бхигкавз, ад̣̇иннаад̣̇аанз баарааж̇игасса; аабад̇д̇и мзт̇унад̇хаммасамааяог̇з баарааж̇игассаа’’д̇и.
160. Tena kho pana samayena dve bhikkhū sahāyakā honti – paṇḍuko ca kapilo ca. Eko gāmake viharati, eko kosambiyaṃ. Atha kho tassa bhikkhuno gāmakā kosambiṃ gacchantassa antarāmagge nadiṃ tarantassa sūkarikānaṃ hatthato muttā medavaṭṭi pāde laggā hoti. So bhikkhu – ‘‘sāmikānaṃ dassāmī’’ti aggahesi. Sāmikā taṃ bhikkhuṃ codesuṃ – ‘‘assamaṇosi tva’’nti. Taṃ uttiṇṇaṃ gopālikā 56 passitvā etadavoca – ‘‘ehi, bhante, methunaṃ dhammaṃ paṭisevā’’ti. So – ‘‘pakatiyāpāhaṃ assamaṇo’’ti tassā methunaṃ dhammaṃ paṭisevitvā kosambiṃ gantvā bhikkhūnaṃ etamatthaṃ ārocesi. Bhikkhū bhagavato etamatthaṃ orocesuṃ. ‘‘Anāpatti, bhikkhave, adinnādāne pārājikassa; āpatti methunadhammasamāyoge pārājikassā’’ti.
161. д̇зна ко бана самаязна сааг̇алааяам̣ ааяасмад̇о д̣̇ал̣хигасса сад̣̇д̇хивихаариго бхигку анабхирад̇ияаа бийл̣ид̇о аабан̣игасса взтанам̣ авахарид̇ваа ааяасманд̇ам̣ д̣̇ал̣хигам̣ зд̇ад̣̇авожа – ‘‘ассаман̣о ахам̣, бханд̇з, виб̣бхамиссаамий’’д̇и. ‘‘гим̣ д̇аяаа, аавусо, гад̇а’’нд̇и? со д̇амад̇т̇ам̣ аарожзси. аахараабзд̇ваа аг̇гхаабзси. д̇ам̣ аг̇гхаабзнд̇ам̣ на бан̃жамаасагз аг̇гхад̇и . ‘‘анаабад̇д̇и, аавусо, баарааж̇игассаа’’д̇и. д̇хаммагат̇ам̣ агааси. со бхигку абхирамад̇ийд̇и 57.
161. Tena kho pana samayena sāgalāyaṃ āyasmato daḷhikassa saddhivihāriko bhikkhu anabhiratiyā pīḷito āpaṇikassa veṭhanaṃ avaharitvā āyasmantaṃ daḷhikaṃ etadavoca – ‘‘assamaṇo ahaṃ, bhante, vibbhamissāmī’’ti. ‘‘Kiṃ tayā, āvuso, kata’’nti? So tamatthaṃ ārocesi. Āharāpetvā agghāpesi. Taṃ agghāpentaṃ na pañcamāsake agghati . ‘‘Anāpatti, āvuso, pārājikassā’’ti. Dhammakathaṃ akāsi. So bhikkhu abhiramatīti 58.
д̣̇уд̇ияабаарааж̇игам̣ самад̇д̇ам̣.
Dutiyapārājikaṃ samattaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 2. д̣̇уд̇ияабаарааж̇игам̣ • 2. Dutiyapārājikaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā
д̇ханияавад̇т̇уван̣н̣анаа • Dhaniyavatthuvaṇṇanā
баал̣имуд̇д̇агавинижчаяаван̣н̣анаа • Pāḷimuttakavinicchayavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
бан̃жавийсад̇иавахаарагат̇ааван̣н̣анаа • Pañcavīsatiavahārakathāvaṇṇanā
бхуумадтагат̇ааван̣н̣анаа • Bhūmaṭṭhakathāvaṇṇanā
аагаасадтагат̇ааван̣н̣анаа • Ākāsaṭṭhakathāvaṇṇanā
взхаасадтагат̇ааван̣н̣анаа • Vehāsaṭṭhakathāvaṇṇanā
уд̣̇агадтагат̇ааван̣н̣анаа • Udakaṭṭhakathāvaṇṇanā
наавадтагат̇ааван̣н̣анаа • Nāvaṭṭhakathāvaṇṇanā
яаанадтагат̇ааван̣н̣анаа • Yānaṭṭhakathāvaṇṇanā
бхаарадтагат̇ааван̣н̣анаа • Bhāraṭṭhakathāvaṇṇanā
аараамадтагат̇ааван̣н̣анаа • Ārāmaṭṭhakathāvaṇṇanā
вихаарадтагат̇ааван̣н̣анаа • Vihāraṭṭhakathāvaṇṇanā
кзд̇д̇адтагат̇ааван̣н̣анаа • Khettaṭṭhakathāvaṇṇanā
вад̇т̇удтагат̇ааван̣н̣анаа • Vatthuṭṭhakathāvaṇṇanā
г̇аамадтагат̇ааван̣н̣анаа • Gāmaṭṭhakathāvaṇṇanā
аран̃н̃адтагат̇ааван̣н̣анаа • Araññaṭṭhakathāvaṇṇanā
уд̣̇агагат̇ааван̣н̣анаа • Udakakathāvaṇṇanā
д̣̇анд̇абонагат̇ааван̣н̣анаа • Dantaponakathāvaṇṇanā
ванаббад̇игат̇ааван̣н̣анаа • Vanappatikathāvaṇṇanā
харан̣агагат̇ааван̣н̣анаа • Haraṇakakathāvaṇṇanā
убанид̇хигат̇ааван̣н̣анаа • Upanidhikathāvaṇṇanā
сун̇гагхаад̇агат̇ааван̣н̣анаа • Suṅkaghātakathāvaṇṇanā
баан̣агат̇ааван̣н̣анаа • Pāṇakathāvaṇṇanā
жад̇уббад̣̇агат̇ааван̣н̣анаа • Catuppadakathāvaṇṇanā
сан̇гзд̇агаммагат̇ааван̣н̣анаа • Saṅketakammakathāvaṇṇanā
нимид̇д̇агаммагат̇ааван̣н̣анаа • Nimittakammakathāvaṇṇanā
аан̣ад̇д̇игат̇ааван̣н̣анаа • Āṇattikathāvaṇṇanā
аабад̇д̇ибхзд̣̇аван̣н̣анаа • Āpattibhedavaṇṇanā
анаабад̇д̇ибхзд̣̇аван̣н̣анаа • Anāpattibhedavaṇṇanā
винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
д̇ханияавад̇т̇уван̣н̣анаа • Dhaniyavatthuvaṇṇanā
баал̣имуд̇д̇агавинижчаяаван̣н̣анаа • Pāḷimuttakavinicchayavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
бхуумадтагат̇аад̣̇иван̣н̣анаа • Bhūmaṭṭhakathādivaṇṇanā
аабад̇д̇ибхзд̣̇аван̣н̣анаа • Āpattibhedavaṇṇanā
анаабад̇д̇ибхзд̣̇аван̣н̣анаа • Anāpattibhedavaṇṇanā
винийд̇авад̇т̇уван̣н̣анаа • Vinītavatthuvaṇṇanā
гусасан̇гааманавад̇т̇угат̇ааван̣н̣анаа • Kusasaṅkāmanavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā
д̇ханияавад̇т̇уван̣н̣анаа • Dhaniyavatthuvaṇṇanā
баал̣имуд̇д̇агавинижчаяаван̣н̣анаа • Pāḷimuttakavinicchayavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
бан̃жавийсад̇иавахаарагат̇ааван̣н̣анаа • Pañcavīsatiavahārakathāvaṇṇanā
бхуумадтагат̇ааван̣н̣анаа • Bhūmaṭṭhakathāvaṇṇanā
аагаасадтагат̇ааван̣н̣анаа • Ākāsaṭṭhakathāvaṇṇanā
взхаасадтагат̇ааван̣н̣анаа • Vehāsaṭṭhakathāvaṇṇanā
уд̣̇агадтагат̇ааван̣н̣анаа • Udakaṭṭhakathāvaṇṇanā
наавадтагат̇ааван̣н̣анаа • Nāvaṭṭhakathāvaṇṇanā
яаанадтагат̇ааван̣н̣анаа • Yānaṭṭhakathāvaṇṇanā
бхаарадтагат̇ааван̣н̣анаа • Bhāraṭṭhakathāvaṇṇanā
аараамадтагат̇ааван̣н̣анаа • Ārāmaṭṭhakathāvaṇṇanā
вихаарадтагат̇ааван̣н̣анаа • Vihāraṭṭhakathāvaṇṇanā
кзд̇д̇адтагат̇ааван̣н̣анаа • Khettaṭṭhakathāvaṇṇanā
вад̇т̇удтагат̇ааван̣н̣анаа • Vatthuṭṭhakathāvaṇṇanā
аран̃н̃адтагат̇ааван̣н̣анаа • Araññaṭṭhakathāvaṇṇanā
уд̣̇агагат̇ааван̣н̣анаа • Udakakathāvaṇṇanā
д̣̇анд̇абонагат̇ааван̣н̣анаа • Dantaponakathāvaṇṇanā
ванаббад̇игат̇ааван̣н̣анаа • Vanappatikathāvaṇṇanā
харан̣агагат̇ааван̣н̣анаа • Haraṇakakathāvaṇṇanā
убанид̇хигат̇ааван̣н̣анаа • Upanidhikathāvaṇṇanā
сун̇гагхаад̇агат̇ааван̣н̣анаа • Suṅkaghātakathāvaṇṇanā
баан̣агат̇ааван̣н̣анаа • Pāṇakathāvaṇṇanā
жад̇уббад̣̇агат̇ааван̣н̣анаа • Catuppadakathāvaṇṇanā
ожарагагат̇ааван̣н̣анаа • Ocarakakathāvaṇṇanā
сан̇гзд̇агаммагат̇ааван̣н̣анаа • Saṅketakammakathāvaṇṇanā
нимид̇д̇агаммагат̇ааван̣н̣анаа • Nimittakammakathāvaṇṇanā
аан̣ад̇д̇игат̇ааван̣н̣анаа • Āṇattikathāvaṇṇanā
аабад̇д̇ибхзд̣̇аван̣н̣анаа • Āpattibhedavaṇṇanā
анаабад̇д̇ибхзд̣̇аван̣н̣анаа • Anāpattibhedavaṇṇanā
винийд̇авад̇т̇уван̣н̣анаа • Vinītavatthuvaṇṇanā
гусасан̇гааманавад̇т̇угат̇ааван̣н̣анаа • Kusasaṅkāmanavatthukathāvaṇṇanā
