| Library / Tipiṭaka / ತಿಪಿಟಕ • Tipiṭaka / ಕಙ್ಖಾವಿತರಣೀ-ಅಭಿನವ-ಟೀಕಾ • Kaṅkhāvitaraṇī-abhinava-ṭīkā |
೨. ದುತಿಯಪರಿಮಣ್ಡಲಸಿಕ್ಖಾಪದವಣ್ಣನಾ
2. Dutiyaparimaṇḍalasikkhāpadavaṇṇanā
ಪಟಿಕ್ಖಿತ್ತಂ ಗಿಹಿಪಾರುತನ್ತಿ ಖುದ್ದಕವತ್ಥುಖನ್ಧಕೇ ಪಟಿಕ್ಖಿತ್ತಂ ಗಿಹಿಪಾರುತಂ। ಇದಾನಿ ‘‘ನ, ಭಿಕ್ಖವೇ’’ತಿಆದಿನಾ (ಚೂಳವ॰ ೨೮೦-೨೮೧) ಸಙ್ಖೇಪೇನ ವುತ್ತಮತ್ಥಮೇವ ವಿತ್ಥಾರೇತ್ವಾ ದಸ್ಸೇತುಂ ‘‘ತತ್ಥಾ’’ತಿಆದಿಮಾಹ। ಯಂ ಕಿಞ್ಚಿ ಅಞ್ಞಥಾ ಪಾರುತನ್ತಿ ಸಮ್ಬನ್ಧೋ। ತಸ್ಮಾತಿ ಯಸ್ಮಾ ಸೇತಪಟಪಾರುತಾದಿ ಗಿಹಿಪಾರುತಂ ನಾಮ, ತಸ್ಮಾ। ಸೇತಪಟಾತಿ ಏತಸ್ಸೇವ ವಿವರಣಂ। ಅಡ್ಢಪಾಲಕನಿಗಣ್ಠಾತಿ ಅಡ್ಢಂ ಪಾಲೇನ್ತೀತಿ ಅಡ್ಢಪಾಲಕಾ, ಅಡ್ಢಪಾಲಕಾ ಚ ತೇ ನಿಗಣ್ಠಾ ಚಾತಿ ಅಡ್ಢಪಾಲಕನಿಗಣ್ಠಾ। ತೇ ಹಿ ಉಪರಿ ಏಕಮೇವ ಸೇತವತ್ಥಂ ಉಪಕಚ್ಛಕೇ ಪವೇಸೇತ್ವಾ ಪರಿದಹನ್ತಿ, ಹೇಟ್ಠಾ ನಗ್ಗಾಪಿ ಅಡ್ಢಮೇವ ಪಾಲೇನ್ತಿ। ಪರಿಬ್ಬಾಜಕಾತಿ ಗಿಹಿಬನ್ಧನಂ ಪಹಾಯ ಪಬ್ಬಜ್ಜೂಪಗತಾ। ಉರಂ ವಿವರಿತ್ವಾತಿ ಹದಯಮಜ್ಝಂ ವಿವರಿತ್ವಾ। ಅಕ್ಖಿತಾರಕಾಮತ್ತನ್ತಿ ಅಕ್ಖಿಮತ್ತಂ। ಆರಾಮೇ ವಾತಿ ಬುದ್ಧೂಪಟ್ಠಾನಾದಿಕಾಲಂ ಸನ್ಧಾಯ ವುತ್ತಂ। ಅನ್ತರಘರೇ ವಾತಿ ಅನ್ತರೇ ಘರಾನಿ ಏತ್ಥ, ಏತಸ್ಸಾತಿ ವಾ ‘‘ಅನ್ತರಘರ’’ನ್ತಿ ಲದ್ಧನಾಮೇ ಗಾಮೇ।
Paṭikkhittaṃgihipārutanti khuddakavatthukhandhake paṭikkhittaṃ gihipārutaṃ. Idāni ‘‘na, bhikkhave’’tiādinā (cūḷava. 280-281) saṅkhepena vuttamatthameva vitthāretvā dassetuṃ ‘‘tatthā’’tiādimāha. Yaṃ kiñci aññathā pārutanti sambandho. Tasmāti yasmā setapaṭapārutādi gihipārutaṃ nāma, tasmā. Setapaṭāti etasseva vivaraṇaṃ. Aḍḍhapālakanigaṇṭhāti aḍḍhaṃ pālentīti aḍḍhapālakā, aḍḍhapālakā ca te nigaṇṭhā cāti aḍḍhapālakanigaṇṭhā. Te hi upari ekameva setavatthaṃ upakacchake pavesetvā paridahanti, heṭṭhā naggāpi aḍḍhameva pālenti. Paribbājakāti gihibandhanaṃ pahāya pabbajjūpagatā. Uraṃ vivaritvāti hadayamajjhaṃ vivaritvā. Akkhitārakāmattanti akkhimattaṃ. Ārāme vāti buddhūpaṭṭhānādikālaṃ sandhāya vuttaṃ. Antaraghare vāti antare gharāni ettha, etassāti vā ‘‘antaraghara’’nti laddhanāme gāme.
ದುತಿಯಪರಿಮಣ್ಡಲಸಿಕ್ಖಾಪದವಣ್ಣನಾ ನಿಟ್ಠಿತಾ।
Dutiyaparimaṇḍalasikkhāpadavaṇṇanā niṭṭhitā.
