| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ • Mahāvibhaṅga |
੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦਂ
2. Dutiyapāṭidesanīyasikkhāpadaṃ
੫੫੭. ਤੇਨ ਸਮਯੇਨ ਬੁਦ੍ਧੋ ਭਗવਾ ਰਾਜਗਹੇ વਿਹਰਤਿ વੇਲ਼ੁવਨੇ ਕਲਨ੍ਦਕਨਿવਾਪੇ। ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਕੁਲੇਸੁ ਨਿਮਨ੍ਤਿਤਾ ਭੁਞ੍ਜਨ੍ਤਿ। ਛਬ੍ਬਗ੍ਗਿਯਾ ਭਿਕ੍ਖੁਨਿਯੋ ਛਬ੍ਬਗ੍ਗਿਯਾਨਂ ਭਿਕ੍ਖੂਨਂ વੋਸਾਸਨ੍ਤਿਯੋ ਠਿਤਾ ਹੋਨ੍ਤਿ – ‘‘ਇਧ ਸੂਪਂ ਦੇਥ, ਇਧ ਓਦਨਂ ਦੇਥਾ’’ਤਿ। ਛਬ੍ਬਗ੍ਗਿਯਾ ਭਿਕ੍ਖੂ ਯਾવਦਤ੍ਥਂ ਭੁਞ੍ਜਨ੍ਤਿ। ਅਞ੍ਞੇ ਭਿਕ੍ਖੂ ਨ ਚਿਤ੍ਤਰੂਪਂ ਭੁਞ੍ਜਨ੍ਤਿ। ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ॰… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ વਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਭਿਕ੍ਖੁਨਿਯੋ વੋਸਾਸਨ੍ਤਿਯੋ ਨ ਨਿવਾਰੇਸ੍ਸਨ੍ਤੀ’’ਤਿ…ਪੇ॰… ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖવੇ, ਭਿਕ੍ਖੁਨਿਯੋ વੋਸਾਸਨ੍ਤਿਯੋ ਨ ਨਿવਾਰੇਥਾਤਿ? ‘‘ਸਚ੍ਚਂ, ਭਗવਾ’’ਤਿ। વਿਗਰਹਿ ਬੁਦ੍ਧੋ ਭਗવਾ …ਪੇ॰… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਭਿਕ੍ਖੁਨਿਯੋ વੋਸਾਸਨ੍ਤਿਯੋ ਨ ਨਿવਾਰੇਸ੍ਸਥ ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ વਾ ਪਸਾਦਾਯ…ਪੇ॰… ਏવਞ੍ਚ ਪਨ, ਭਿਕ੍ਖવੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –
557. Tena samayena buddho bhagavā rājagahe viharati veḷuvane kalandakanivāpe. Tena kho pana samayena bhikkhū kulesu nimantitā bhuñjanti. Chabbaggiyā bhikkhuniyo chabbaggiyānaṃ bhikkhūnaṃ vosāsantiyo ṭhitā honti – ‘‘idha sūpaṃ detha, idha odanaṃ dethā’’ti. Chabbaggiyā bhikkhū yāvadatthaṃ bhuñjanti. Aññe bhikkhū na cittarūpaṃ bhuñjanti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma chabbaggiyā bhikkhū bhikkhuniyo vosāsantiyo na nivāressantī’’ti…pe… saccaṃ kira tumhe, bhikkhave, bhikkhuniyo vosāsantiyo na nivārethāti? ‘‘Saccaṃ, bhagavā’’ti. Vigarahi buddho bhagavā …pe… kathañhi nāma tumhe, moghapurisā, bhikkhuniyo vosāsantiyo na nivāressatha ! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
੫੫੮. ‘‘ਭਿਕ੍ਖੂ ਪਨੇવ ਕੁਲੇਸੁ ਨਿਮਨ੍ਤਿਤਾ ਭੁਞ੍ਜਨ੍ਤਿ, ਤਤ੍ਰ ਚੇ ਸਾ 1 ਭਿਕ੍ਖੁਨੀ વੋਸਾਸਮਾਨਰੂਪਾ ਠਿਤਾ ਹੋਤਿ – ‘ਇਧ ਸੂਪਂ ਦੇਥ, ਇਧ ਓਦਨਂ ਦੇਥਾ’ਤਿ, ਤੇਹਿ ਭਿਕ੍ਖੂਹਿ ਸਾ ਭਿਕ੍ਖੁਨੀ ਅਪਸਾਦੇਤਬ੍ਬਾ – ‘ਅਪਸਕ੍ਕ ਤਾવ, ਭਗਿਨਿ, ਯਾવ ਭਿਕ੍ਖੂ ਭੁਞ੍ਜਨ੍ਤੀ’ਤਿ। ਏਕਸ੍ਸ ਚੇਪਿ 2 ਭਿਕ੍ਖੁਨੋ ਨ ਪਟਿਭਾਸੇਯ੍ਯ ਤਂ ਭਿਕ੍ਖੁਨਿਂ ਅਪਸਾਦੇਤੁਂ – ‘ਅਪਸਕ੍ਕ ਤਾવ, ਭਗਿਨਿ, ਯਾવ ਭਿਕ੍ਖੂ ਭੁਞ੍ਜਨ੍ਤੀ’ਤਿ ਪਟਿਦੇਸੇਤਬ੍ਬਂ ਤੇਹਿ ਭਿਕ੍ਖੂਹਿ – ‘ਗਾਰਯ੍ਹਂ, ਆવੁਸੋ, ਧਮ੍ਮਂ ਆਪਜ੍ਜਿਮ੍ਹਾ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮਾ’’’ਤਿ।
558.‘‘Bhikkhūpaneva kulesu nimantitā bhuñjanti, tatra ce sā 3 bhikkhunī vosāsamānarūpā ṭhitā hoti – ‘idha sūpaṃ detha, idha odanaṃ dethā’ti, tehi bhikkhūhi sā bhikkhunī apasādetabbā – ‘apasakka tāva, bhagini, yāva bhikkhū bhuñjantī’ti. Ekassa cepi 4 bhikkhuno na paṭibhāseyya taṃ bhikkhuniṃ apasādetuṃ – ‘apasakka tāva, bhagini, yāva bhikkhū bhuñjantī’ti paṭidesetabbaṃ tehi bhikkhūhi – ‘gārayhaṃ, āvuso, dhammaṃ āpajjimhā asappāyaṃ pāṭidesanīyaṃ, taṃ paṭidesemā’’’ti.
੫੫੯. ਭਿਕ੍ਖੂ ਪਨੇવ ਕੁਲੇਸੁ ਨਿਮਨ੍ਤਿਤਾ ਭੁਞ੍ਜਨ੍ਤੀਤਿ ਕੁਲਂ ਨਾਮ ਚਤ੍ਤਾਰਿ ਕੁਲਾਨਿ – ਖਤ੍ਤਿਯਕੁਲਂ, ਬ੍ਰਾਹ੍ਮਣਕੁਲਂ, વੇਸ੍ਸਕੁਲਂ, ਸੁਦ੍ਦਕੁਲਂ।
559.Bhikkhū paneva kulesu nimantitā bhuñjantīti kulaṃ nāma cattāri kulāni – khattiyakulaṃ, brāhmaṇakulaṃ, vessakulaṃ, suddakulaṃ.
ਨਿਮਨ੍ਤਿਤਾ ਭੁਞ੍ਜਨ੍ਤੀਤਿ ਪਞ੍ਚਨ੍ਨਂ ਭੋਜਨਾਨਂ ਅਞ੍ਞਤਰੇਨ ਭੋਜਨੇਨ ਨਿਮਨ੍ਤਿਤਾ ਭੁਞ੍ਜਨ੍ਤਿ।
Nimantitā bhuñjantīti pañcannaṃ bhojanānaṃ aññatarena bhojanena nimantitā bhuñjanti.
ਭਿਕ੍ਖੁਨੀ ਨਾਮ ਉਭਤੋਸਙ੍ਘੇ ਉਪਸਮ੍ਪਨ੍ਨਾ।
Bhikkhunī nāma ubhatosaṅghe upasampannā.
વੋਸਾਸਨ੍ਤੀ ਨਾਮ ਯਥਾਮਿਤ੍ਤਤਾ ਯਥਾਸਨ੍ਦਿਟ੍ਠਤਾ ਯਥਾਸਮ੍ਭਤ੍ਤਤਾ ਯਥਾਸਮਾਨੁਪਜ੍ਝਾਯਕਤਾ ਯਥਾਸਮਾਨਾਚਰਿਯਕਤਾ – ‘‘ਇਧ ਸੂਪਂ ਦੇਥ, ਇਧ ਓਦਨਂ ਦੇਥਾ’’ਤਿ। ਏਸਾ વੋਸਾਸਨ੍ਤੀ ਨਾਮ।
Vosāsantī nāma yathāmittatā yathāsandiṭṭhatā yathāsambhattatā yathāsamānupajjhāyakatā yathāsamānācariyakatā – ‘‘idha sūpaṃ detha, idha odanaṃ dethā’’ti. Esā vosāsantī nāma.
ਤੇਹਿ ਭਿਕ੍ਖੂਹੀਤਿ ਭੁਞ੍ਜਮਾਨੇਹਿ ਭਿਕ੍ਖੂਹਿ।
Tehi bhikkhūhīti bhuñjamānehi bhikkhūhi.
ਸਾ ਭਿਕ੍ਖੁਨੀਤਿ ਯਾ ਸਾ વੋਸਾਸਨ੍ਤੀ ਭਿਕ੍ਖੁਨੀ।
Sā bhikkhunīti yā sā vosāsantī bhikkhunī.
੫੬੦. ਉਪਸਮ੍ਪਨ੍ਨਾਯ ਉਪਸਮ੍ਪਨ੍ਨਸਞ੍ਞੀ વੋਸਾਸਨ੍ਤਿਯਾ ਨ ਨਿવਾਰੇਤਿ, ਆਪਤ੍ਤਿ ਪਾਟਿਦੇਸਨੀਯਸ੍ਸ । ਉਪਸਮ੍ਪਨ੍ਨਾਯ વੇਮਤਿਕੋ વੋਸਾਸਨ੍ਤਿਯਾ ਨ ਨਿવਾਰੇਤਿ, ਆਪਤ੍ਤਿ ਪਾਟਿਦੇਸਨੀਯਸ੍ਸ। ਉਪਸਮ੍ਪਨ੍ਨਾਯ ਅਨੁਪਸਮ੍ਪਨ੍ਨਸਞ੍ਞੀ વੋਸਾਸਨ੍ਤਿਯਾ ਨ ਨਿવਾਰੇਤਿ, ਆਪਤ੍ਤਿ ਪਾਟਿਦੇਸਨੀਯਸ੍ਸ।
560. Upasampannāya upasampannasaññī vosāsantiyā na nivāreti, āpatti pāṭidesanīyassa . Upasampannāya vematiko vosāsantiyā na nivāreti, āpatti pāṭidesanīyassa. Upasampannāya anupasampannasaññī vosāsantiyā na nivāreti, āpatti pāṭidesanīyassa.
ਏਕਤੋਉਪਸਮ੍ਪਨ੍ਨਾਯ વੋਸਾਸਨ੍ਤਿਯਾ ਨ ਨਿવਾਰੇਤਿ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨਾਯ ਉਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨਾਯ વੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ। ਅਨੁਪਸਮ੍ਪਨ੍ਨਾਯ ਅਨੁਪਸਮ੍ਪਨ੍ਨਸਞ੍ਞੀ, ਅਨਾਪਤ੍ਤਿ।
Ekatoupasampannāya vosāsantiyā na nivāreti, āpatti dukkaṭassa. Anupasampannāya upasampannasaññī, āpatti dukkaṭassa. Anupasampannāya vematiko, āpatti dukkaṭassa. Anupasampannāya anupasampannasaññī, anāpatti.
੫੬੧. ਅਨਾਪਤ੍ਤਿ ਅਤ੍ਤਨੋ ਭਤ੍ਤਂ ਦਾਪੇਤਿ ਨ ਦੇਤਿ, ਅਞ੍ਞੇਸਂ ਭਤ੍ਤਂ ਦੇਤਿ ਨ ਦਾਪੇਤਿ, ਯਂ ਨ ਦਿਨ੍ਨਂ ਤਂ ਦਾਪੇਤਿ, ਯਤ੍ਥ ਨ ਦਿਨ੍ਨਂ ਤਤ੍ਥ ਦਾਪੇਤਿ, ਸਬ੍ਬੇਸਂ ਸਮਕਂ ਦਾਪੇਤਿ, ਸਿਕ੍ਖਮਾਨਾ વੋਸਾਸਤਿ, ਸਾਮਣੇਰੀ વੋਸਾਸਤਿ, ਪਞ੍ਚ ਭੋਜਨਾਨਿ ਠਪੇਤ੍વਾ ਸਬ੍ਬਤ੍ਥ, ਅਨਾਪਤ੍ਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ।
561. Anāpatti attano bhattaṃ dāpeti na deti, aññesaṃ bhattaṃ deti na dāpeti, yaṃ na dinnaṃ taṃ dāpeti, yattha na dinnaṃ tattha dāpeti, sabbesaṃ samakaṃ dāpeti, sikkhamānā vosāsati, sāmaṇerī vosāsati, pañca bhojanāni ṭhapetvā sabbattha, anāpatti, ummattakassa, ādikammikassāti.
ਦੁਤਿਯਪਾਟਿਦੇਸਨੀਯਸਿਕ੍ਖਾਪਦਂ ਨਿਟ੍ਠਿਤਂ।
Dutiyapāṭidesanīyasikkhāpadaṃ niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 2. Dutiyapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • Pāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 2. Dutiyapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੧. ਪਠਮਪਾਟਿਦੇਸਨੀਯਸਿਕ੍ਖਾਪਦવਣ੍ਣਨਾ • 1. Paṭhamapāṭidesanīyasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨. ਦੁਤਿਯਪਾਟਿਦੇਸਨੀਯਸਿਕ੍ਖਾਪਦਂ • 2. Dutiyapāṭidesanīyasikkhāpadaṃ
