| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
8. து³தியஸமயஸுத்தவண்ணனா
8. Dutiyasamayasuttavaṇṇanā
28. அட்ட²மே மண்ட³லமாளேதி போ⁴ஜனஸாலாய. சாரித்தகிலமதோ²தி பிண்ட³பாதசரியாய உப்பன்னகிலமதோ². ப⁴த்தகிலமதோ²தி ப⁴த்தத³ரதோ². விஹாரபச்சா²யாயந்தி விஹாரபச்சந்தே சா²யாய. யதே³வஸ்ஸ தி³வா ஸமாதி⁴னிமித்தங் மனஸிகதங் ஹோதீதி யங் ஏவ தஸ்ஸ ததோ புரிமதி³வஸபா⁴கே³ ஸமத²னிமித்தங் சித்தே கதங் ஹோதி. ததே³வஸ்ஸ தஸ்மிங் ஸமயே ஸமுதா³சரதீதி தங்யேவ ஏதஸ்ஸ தஸ்மிங் ஸமயே தி³வாவிஹாரே நிஸின்னஸ்ஸ மனொத்³வாரே ஸஞ்சரதி. ஓஜட்டா²யீதி ஓஜாய டி²தோ பதிட்டி²தோ. பா²ஸுகஸ்ஸ ஹோதீதி பா²ஸுகங் அஸ்ஸ ஹோதி. ஸம்முகா²தி கதெ²ந்தஸ்ஸ ஸம்முக²ட்டா²னே. ஸுதந்தி ஸோதேன ஸுதங். படிக்³க³ஹிதந்தி சித்தேன படிக்³க³ஹிதங்.
28. Aṭṭhame maṇḍalamāḷeti bhojanasālāya. Cārittakilamathoti piṇḍapātacariyāya uppannakilamatho. Bhattakilamathoti bhattadaratho. Vihārapacchāyāyanti vihārapaccante chāyāya. Yadevassadivā samādhinimittaṃ manasikataṃ hotīti yaṃ eva tassa tato purimadivasabhāge samathanimittaṃ citte kataṃ hoti. Tadevassa tasmiṃ samaye samudācaratīti taṃyeva etassa tasmiṃ samaye divāvihāre nisinnassa manodvāre sañcarati. Ojaṭṭhāyīti ojāya ṭhito patiṭṭhito. Phāsukassahotīti phāsukaṃ assa hoti. Sammukhāti kathentassa sammukhaṭṭhāne. Sutanti sotena sutaṃ. Paṭiggahitanti cittena paṭiggahitaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 8. து³தியஸமயஸுத்தங் • 8. Dutiyasamayasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 8. து³தியஸமயஸுத்தவண்ணனா • 8. Dutiyasamayasuttavaṇṇanā
