| Library / Tipiṭaka / တိပိဋက • Tipiṭaka / သာရတ္ထဒီပနီ-ဋီကာ • Sāratthadīpanī-ṭīkā |
၁၁. ဒုတိယသင္ဃဘေဒသိက္ခာပဒဝဏ္ဏနာ
11. Dutiyasaṅghabhedasikkhāpadavaṇṇanā
၄၁၇-၄၁၈. ဧကာဒသမေ ယံ ဝစနံ သမဂ္ဂေပိ ဝဂ္ဂေ အဝယဝဘူတေ ကရောတိ ဘိန္ဒတိ, တံ ကလဟကာရကဝစနံ ဣဓ ဝဂ္ဂန္တိ ဝုစ္စတီတိ အာဟ ‘‘ဝဂ္ဂံ အသာမဂ္ဂိပက္ခိယဝစနံ ဝဒန္တီ’’တိ။ အသာမဂ္ဂိပက္ခေ ဘဝာ အသာမဂ္ဂိပက္ခိယာ, ကလဟကာ။ တေသံ ဝစနံ အသာမဂ္ဂိပက္ခိယဝစနံ, အသာမဂ္ဂိပက္ခေ ဝာ ဘဝံ ဝစနံ အသာမဂ္ဂိပက္ခိယဝစနံ။ ယသ္မာ ဥဗ္ဗာဟိကာဒိကမ္မံ ဗဟူနမ္ပိ ကာတုံ ဝဋ္ဋတိ, တသ္မာ ‘‘န ဟိ သင္ဃော သင္ဃသ္သ ကမ္မံ ကရောတီ’’တိ ဣဒံ နိဂ္ဂဟဝသေန ကတ္တဗ္ဗကမ္မံ သန္ဓာယ ဝုတ္တန္တိ ဝေဒိတဗ္ဗံ။ အင္ဂာနိ ပနေတ္ထ ဘေဒာယ ပရက္ကမနံ ပဟာယ အနုဝတ္တနံ ပက္ခိပိတ္ဝာ ဟေဋ္ဌာ ဝုတ္တသဒိသာနေဝ။
417-418. Ekādasame yaṃ vacanaṃ samaggepi vagge avayavabhūte karoti bhindati, taṃ kalahakārakavacanaṃ idha vagganti vuccatīti āha ‘‘vaggaṃ asāmaggipakkhiyavacanaṃ vadantī’’ti. Asāmaggipakkhe bhavā asāmaggipakkhiyā, kalahakā. Tesaṃ vacanaṃ asāmaggipakkhiyavacanaṃ, asāmaggipakkhe vā bhavaṃ vacanaṃ asāmaggipakkhiyavacanaṃ. Yasmā ubbāhikādikammaṃ bahūnampi kātuṃ vaṭṭati, tasmā ‘‘na hi saṅgho saṅghassa kammaṃ karotī’’ti idaṃ niggahavasena kattabbakammaṃ sandhāya vuttanti veditabbaṃ. Aṅgāni panettha bhedāya parakkamanaṃ pahāya anuvattanaṃ pakkhipitvā heṭṭhā vuttasadisāneva.
ဒုတိယသင္ဃဘေဒသိက္ခာပဒဝဏ္ဏနာ နိဋ္ဌိတာ။
Dutiyasaṅghabhedasikkhāpadavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / ဝိနယပိဋက • Vinayapiṭaka / မဟာဝိဘင္ဂ • Mahāvibhaṅga / ၁၁. ဘေဒာနုဝတ္တကသိက္ခာပဒံ • 11. Bhedānuvattakasikkhāpadaṃ
အဋ္ဌကထာ • Aṭṭhakathā / ဝိနယပိဋက (အဋ္ဌကထာ) • Vinayapiṭaka (aṭṭhakathā) / မဟာဝိဘင္ဂ-အဋ္ဌကထာ • Mahāvibhaṅga-aṭṭhakathā / ၁၁. ဒုတိယသင္ဃဘေဒသိက္ခာပဒဝဏ္ဏနာ • 11. Dutiyasaṅghabhedasikkhāpadavaṇṇanā
ဋီကာ • Tīkā / ဝိနယပိဋက (ဋီကာ) • Vinayapiṭaka (ṭīkā) / ဝိမတိဝိနောဒနီ-ဋီကာ • Vimativinodanī-ṭīkā / ၁၁. ဒုတိယသင္ဃဘေဒသိက္ခာပဒဝဏ္ဏနာ • 11. Dutiyasaṅghabhedasikkhāpadavaṇṇanā
