| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
д̣̇уд̇ияасан̇г̇ийд̇игат̇аа
Dutiyasaṅgītikathā
д̣̇уд̇ияасан̇г̇ийд̇ивиж̇аананад̇т̇ам̣ бана аяамануггамо взд̣̇ид̇аб̣б̣о. яад̣̇аа хи –
Dutiyasaṅgītivijānanatthaṃ pana ayamanukkamo veditabbo. Yadā hi –
сан̇г̇ааяид̇ваана сад̣̇д̇хаммам̣, ж̇од̇аяид̇ваа жа саб̣б̣ад̇хи;
Saṅgāyitvāna saddhammaṃ, jotayitvā ca sabbadhi;
яаава ж̇ийвид̇абарияанд̇ам̣, тад̇ваа бан̃жасад̇ааби д̇з.
Yāva jīvitapariyantaṃ, ṭhatvā pañcasatāpi te.
кийн̣аасаваа ж̇уд̇ийманд̇о, т̇зраа гассабааад̣̇аяо;
Khīṇāsavā jutīmanto, therā kassapaādayo;
кийн̣аснзхабад̣̇ийбаава, ниб̣б̣ааяим̣су анаалаяаа.
Khīṇasnehapadīpāva, nibbāyiṃsu anālayā.
ат̇аануггамзна г̇ажчанд̇зсу рад̇д̇инд̣̇ивзсу вассасад̇абариниб̣б̣уд̇з бхаг̇авад̇и взсаалигаа важ̇ж̇ибуд̇д̇агаа бхигкуу взсаалияам̣ ‘‘габбад̇и син̇г̇ийлон̣агаббо, габбад̇и д̣̇ван̇г̇улагаббо, габбад̇и г̇ааманд̇арагаббо, габбад̇и ааваасагаббо, габбад̇и анумад̇игаббо, габбад̇и аажин̣н̣агаббо, габбад̇и амат̇ид̇агаббо, габбад̇и ж̇ал̣ог̇им̣ баад̇ум̣, габбад̇и ад̣̇асагам̣ нисийд̣̇анам̣, габбад̇и ж̇аад̇аруубараж̇ад̇а’’нд̇и имаани д̣̇аса вад̇т̇ууни д̣̇ийбзсум̣. д̇зсам̣ сусунааг̇абуд̇д̇о гаал̣аасого наама рааж̇аа багко ахоси.
Athānukkamena gacchantesu rattindivesu vassasataparinibbute bhagavati vesālikā vajjiputtakā bhikkhū vesāliyaṃ ‘‘kappati siṅgīloṇakappo, kappati dvaṅgulakappo, kappati gāmantarakappo, kappati āvāsakappo, kappati anumatikappo, kappati āciṇṇakappo, kappati amathitakappo, kappati jaḷogiṃ pātuṃ, kappati adasakaṃ nisīdanaṃ, kappati jātarūparajata’’nti imāni dasa vatthūni dīpesuṃ. Tesaṃ susunāgaputto kāḷāsoko nāma rājā pakkho ahosi.
д̇зна ко бана самаязна ааяасмаа яасо гааган̣д̣агабуд̇д̇о важ̇ж̇ийсу жааригам̣ жарамаано ‘‘взсаалигаа гира важ̇ж̇ибуд̇д̇агаа бхигкуу взсаалияам̣ д̣̇аса вад̇т̇ууни д̣̇ийбзнд̇ий’’д̇и суд̇ваа ‘‘на ко банзд̇ам̣ бад̇ируубам̣ яваахам̣ д̣̇асаб̣аласса саасанавибад̇д̇им̣ суд̇ваа аббоссугго бхавзяяам̣. ханд̣̇аахам̣ ад̇хаммаваад̣̇ино ниг̇г̇ахзд̇ваа д̇хаммам̣ д̣̇ийбзмий’’д̇и жинд̇знд̇о язна взсаалий д̇ад̣̇авасари. д̇ад̇ра суд̣̇ам̣ ааяасмаа яасо гааган̣д̣агабуд̇д̇о взсаалияам̣ вихарад̇и махааванз гуудааг̇аарасаалааяам̣.
Tena kho pana samayena āyasmā yaso kākaṇḍakaputto vajjīsu cārikaṃ caramāno ‘‘vesālikā kira vajjiputtakā bhikkhū vesāliyaṃ dasa vatthūni dīpentī’’ti sutvā ‘‘na kho panetaṃ patirūpaṃ yvāhaṃ dasabalassa sāsanavipattiṃ sutvā appossukko bhaveyyaṃ. Handāhaṃ adhammavādino niggahetvā dhammaṃ dīpemī’’ti cintento yena vesālī tadavasari. Tatra sudaṃ āyasmā yaso kākaṇḍakaputto vesāliyaṃ viharati mahāvane kūṭāgārasālāyaṃ.
д̇зна ко бана самаязна взсаалигаа важ̇ж̇ибуд̇д̇агаа бхигкуу д̇ад̣̇ахубосат̇з гам̣сабаад̇им̣ уд̣̇агзна буурзд̇ваа маж̇жхз бхигкусан̇гхасса табзд̇ваа ааг̇ад̇ааг̇ад̇з взсаалигз убаасагз звам̣ вад̣̇анд̇и – ‘‘д̣̇зт̇аавусо, сан̇гхасса гахаабан̣амби ад̣дхамби баад̣̇амби маасагаруубамби, бхависсад̇и сан̇гхасса баригкаарзна гаран̣ийяа’’нд̇и саб̣б̣ам̣ д̇аава вад̇д̇аб̣б̣ам̣, яаава ‘‘имааяа бана винаяасан̇г̇ийд̇ияаа сад̇д̇а бхигкусад̇аани ануунаани анад̇хигаани ахзсум̣, д̇асмаа аяам̣ д̣̇уд̇ияасан̇г̇ийд̇и сад̇д̇асад̇игаад̇и вужжад̇ий’’д̇и.
Tena kho pana samayena vesālikā vajjiputtakā bhikkhū tadahuposathe kaṃsapātiṃ udakena pūretvā majjhe bhikkhusaṅghassa ṭhapetvā āgatāgate vesālike upāsake evaṃ vadanti – ‘‘dethāvuso, saṅghassa kahāpaṇampi aḍḍhampi pādampi māsakarūpampi, bhavissati saṅghassa parikkhārena karaṇīya’’nti sabbaṃ tāva vattabbaṃ, yāva ‘‘imāya pana vinayasaṅgītiyā satta bhikkhusatāni anūnāni anadhikāni ahesuṃ, tasmā ayaṃ dutiyasaṅgīti sattasatikāti vuccatī’’ti.
звам̣ д̇асмин̃жа саннибаад̇з д̣̇ваад̣̇аса бхигкусад̇асахассаани саннибад̇им̣су ааяасмад̇аа яасзна самуссаахид̇аа. д̇зсам̣ маж̇жхз ааяасмад̇аа рзвад̇зна будтзна саб̣б̣агаамид̇т̇зрзна винаяам̣ виссаж̇ж̇знд̇зна д̇аани д̣̇аса вад̇т̇ууни винижчид̇аани, ад̇хигаран̣ам̣ вуубасамид̇ам̣. ат̇а т̇зраа ‘‘буна д̇хамман̃жа винаяан̃жа сан̇г̇ааяиссаамаа’’д̇и д̇ибидагад̇харз бад̇д̇абадисамбхид̣̇з сад̇д̇асад̇з бхигкуу ужжинид̇ваа взсаалияам̣ ваалигаараамз саннибад̇ид̇ваа махаагассабад̇т̇зрзна сан̇г̇ааяид̇асад̣̇исамзва саб̣б̣ам̣ саасанамалам̣ сод̇хзд̇ваа буна бидагавасзна нигааяавасзна ан̇г̇авасзна д̇хаммагканд̇хавасзна жа саб̣б̣ам̣ д̇хамман̃жа винаяан̃жа сан̇г̇ааяим̣су. аяам̣ сан̇г̇ийд̇и адтахи маасзхи нидтид̇аа. яаа логз –
Evaṃ tasmiñca sannipāte dvādasa bhikkhusatasahassāni sannipatiṃsu āyasmatā yasena samussāhitā. Tesaṃ majjhe āyasmatā revatena puṭṭhena sabbakāmittherena vinayaṃ vissajjentena tāni dasa vatthūni vinicchitāni, adhikaraṇaṃ vūpasamitaṃ. Atha therā ‘‘puna dhammañca vinayañca saṅgāyissāmā’’ti tipiṭakadhare pattapaṭisambhide sattasate bhikkhū uccinitvā vesāliyaṃ vālikārāme sannipatitvā mahākassapattherena saṅgāyitasadisameva sabbaṃ sāsanamalaṃ sodhetvā puna piṭakavasena nikāyavasena aṅgavasena dhammakkhandhavasena ca sabbaṃ dhammañca vinayañca saṅgāyiṃsu. Ayaṃ saṅgīti aṭṭhahi māsehi niṭṭhitā. Yā loke –
сад̇зхи сад̇д̇ахи гад̇аа, д̇зна сад̇д̇асад̇аад̇и жа;
Satehi sattahi katā, tena sattasatāti ca;
буб̣б̣з гад̇ам̣ убаад̣̇ааяа, д̣̇уд̇ияаад̇и жа вужжад̇ийд̇и.
Pubbe kataṃ upādāya, dutiyāti ca vuccatīti.
саа банааяам̣ –
Sā panāyaṃ –
язхи т̇зрзхи сан̇г̇ийд̇аа, сан̇г̇ийд̇и д̇зсу виссуд̇аа;
Yehi therehi saṅgītā, saṅgīti tesu vissutā;
саб̣б̣агаамий жа саал̣хо жа, рзвад̇о куж̇ж̇асобхид̇о.
Sabbakāmī ca sāḷho ca, revato khujjasobhito.
яасо жа саан̣асамбхууд̇о, зд̇з сад̣̇д̇хивихааригаа;
Yaso ca sāṇasambhūto, ete saddhivihārikā;
т̇зраа аананд̣̇ат̇зрасса, д̣̇идтабуб̣б̣аа д̇ат̇ааг̇ад̇ам̣.
Therā ānandatherassa, diṭṭhapubbā tathāgataṃ.
сумано ваасабхаг̇аамий жа, н̃зяяаа сад̣̇д̇хивихааригаа;
Sumano vāsabhagāmī ca, ñeyyā saddhivihārikā;
д̣̇вз имз ануруд̣̇д̇хасса, д̣̇идтабуб̣б̣аа д̇ат̇ааг̇ад̇ам̣.
Dve ime anuruddhassa, diṭṭhapubbā tathāgataṃ.
д̣̇уд̇ияо бана сан̇г̇ийд̇о, язхи т̇зрзхи сан̇г̇ахо;
Dutiyo pana saṅgīto, yehi therehi saṅgaho;
саб̣б̣зби баннабхаараа д̇з, гад̇агижжаа анаасаваад̇и.
Sabbepi pannabhārā te, katakiccā anāsavāti.
аяам̣ д̣̇уд̇ияасан̇г̇ийд̇и.
Ayaṃ dutiyasaṅgīti.
звамимам̣ д̣̇уд̇ияасан̇г̇ийд̇им̣ сан̇г̇ааяид̇ваа т̇зраа ‘‘уббаж̇ж̇иссад̇и ну ко анааг̇ад̇зби саасанасса зваруубам̣ аб̣б̣уд̣̇а’’нд̇и ологаяамаанаа имам̣ ад̣̇д̣̇асам̣су – ‘‘ид̇о вассасад̇асса убари адтаарасамз вассз баадалибуд̇д̇з д̇хаммаасого наама рааж̇аа уббаж̇ж̇ид̇ваа сагалаж̇амб̣уд̣̇ийбз раж̇ж̇ам̣ гаарзссад̇и. со б̣уд̣̇д̇хасаасанз басийд̣̇ид̇ваа маханд̇ам̣ лаабхасаггаарам̣ бавад̇д̇аяиссад̇и. д̇ад̇о д̇ид̇т̇ияаа лаабхасаггаарам̣ бад̇т̇аяамаанаа саасанз баб̣б̣аж̇ид̇ваа сагам̣ сагам̣ д̣̇идтим̣ барид̣̇ийбзссанд̇и. звам̣ саасанз маханд̇ам̣ аб̣б̣уд̣̇ам̣ уббаж̇ж̇иссад̇ий’’д̇и. ат̇а нзсам̣ зд̇ад̣̇ахоси – ‘‘гинну ко маяам̣ зд̇асмим̣ аб̣б̣уд̣̇з уббаннз саммукаа бхависсаама, на бхависсаамаа’’д̇и. ат̇а д̇з саб̣б̣зва д̇ад̣̇аа ад̇д̇ано асаммукабхаавам̣ н̃ад̇ваа ‘‘го ну ко д̇ам̣ ад̇хигаран̣ам̣ вуубасамзд̇ум̣ самад̇т̇о бхависсад̇ий’’д̇и сагалам̣ мануссалогам̣ чагаамааважарад̣̇звалоган̃жа ологзнд̇аа на ган̃жи д̣̇исваа б̣рахмалогз д̇иссам̣ наама махааб̣рахмаанам̣ ад̣̇д̣̇асам̣су барид̇д̇ааяугам̣ убариб̣рахмалогуубабад̇д̇ияаа бхаавид̇амаг̇г̇ам̣. д̣̇исваана нзсам̣ зд̇ад̣̇ахоси – ‘‘сажз маяам̣ зд̇асса б̣рахмуно мануссалогз ниб̣б̣ад̇д̇анад̇т̇ааяа уссаахам̣ гарзяяаама, ад̣̇д̇хаа зса мог̇г̇алиб̣раахман̣асса г̇зхз бадисанд̇хим̣ г̇ахзссад̇и. д̇ад̇о жа манд̇зхи балобхид̇о нигкамид̇ваа баб̣б̣аж̇иссад̇и. со звам̣ баб̣б̣аж̇ид̇ваа сагалам̣ б̣уд̣̇д̇хаважанам̣ уг̇г̇ахзд̇ваа ад̇хиг̇ад̇абадисамбхид̣̇о худ̇ваа д̇ид̇т̇ияз мад̣̇д̣̇ид̇ваа д̇ам̣ ад̇хигаран̣ам̣ винижчид̇ваа саасанам̣ баг̇г̇ан̣хиссад̇ий’’д̇и.
Evamimaṃ dutiyasaṅgītiṃ saṅgāyitvā therā ‘‘uppajjissati nu kho anāgatepi sāsanassa evarūpaṃ abbuda’’nti olokayamānā imaṃ addasaṃsu – ‘‘ito vassasatassa upari aṭṭhārasame vasse pāṭaliputte dhammāsoko nāma rājā uppajjitvā sakalajambudīpe rajjaṃ kāressati. So buddhasāsane pasīditvā mahantaṃ lābhasakkāraṃ pavattayissati. Tato titthiyā lābhasakkāraṃ patthayamānā sāsane pabbajitvā sakaṃ sakaṃ diṭṭhiṃ paridīpessanti. Evaṃ sāsane mahantaṃ abbudaṃ uppajjissatī’’ti. Atha nesaṃ etadahosi – ‘‘kinnu kho mayaṃ etasmiṃ abbude uppanne sammukhā bhavissāma, na bhavissāmā’’ti. Atha te sabbeva tadā attano asammukhabhāvaṃ ñatvā ‘‘ko nu kho taṃ adhikaraṇaṃ vūpasametuṃ samattho bhavissatī’’ti sakalaṃ manussalokaṃ chakāmāvacaradevalokañca olokentā na kañci disvā brahmaloke tissaṃ nāma mahābrahmānaṃ addasaṃsu parittāyukaṃ uparibrahmalokūpapattiyā bhāvitamaggaṃ. Disvāna nesaṃ etadahosi – ‘‘sace mayaṃ etassa brahmuno manussaloke nibbattanatthāya ussāhaṃ kareyyāma, addhā esa moggalibrāhmaṇassa gehe paṭisandhiṃ gahessati. Tato ca mantehi palobhito nikkhamitvā pabbajissati. So evaṃ pabbajitvā sakalaṃ buddhavacanaṃ uggahetvā adhigatapaṭisambhido hutvā titthiye madditvā taṃ adhikaraṇaṃ vinicchitvā sāsanaṃ paggaṇhissatī’’ti.
д̇з б̣рахмалогам̣ г̇анд̇ваа д̇иссам̣ махааб̣рахмаанам̣ зд̇ад̣̇авожум̣ – ‘‘ид̇о вассасад̇асса убари адтаарасамз вассз саасанз маханд̇ам̣ аб̣б̣уд̣̇ам̣ уббаж̇ж̇иссад̇и. маяан̃жа сагалам̣ мануссалогам̣ чагаамааважарад̣̇звалоган̃жа ологаяамаанаа ган̃жи саасанам̣ баг̇г̇ахзд̇ум̣ самад̇т̇ам̣ ад̣̇исваа б̣рахмалогам̣ вижинанд̇аа бхаванд̇амзва ад̣̇д̣̇асаама. саад̇ху, саббуриса, мануссалогз ниб̣б̣ад̇д̇ид̇ваа д̣̇асаб̣аласса саасанам̣ баг̇г̇ан̣хид̇ум̣ бадин̃н̃ам̣ д̣̇зхий’’д̇и.
Te brahmalokaṃ gantvā tissaṃ mahābrahmānaṃ etadavocuṃ – ‘‘ito vassasatassa upari aṭṭhārasame vasse sāsane mahantaṃ abbudaṃ uppajjissati. Mayañca sakalaṃ manussalokaṃ chakāmāvacaradevalokañca olokayamānā kañci sāsanaṃ paggahetuṃ samatthaṃ adisvā brahmalokaṃ vicinantā bhavantameva addasāma. Sādhu, sappurisa, manussaloke nibbattitvā dasabalassa sāsanaṃ paggaṇhituṃ paṭiññaṃ dehī’’ti.
звам̣ вуд̇д̇з махааб̣рахмаа, ‘‘ахам̣ гира саасанз уббаннам̣ аб̣б̣уд̣̇ам̣ сод̇хзд̇ваа саасанам̣ баг̇г̇ахзд̇ум̣ самад̇т̇о бхависсаамий’’д̇и хадтабахадто уд̣̇аг̇г̇уд̣̇аг̇г̇о худ̇ваа, ‘‘саад̇хуу’’д̇и бадиссун̣ид̇ваа бадин̃н̃ам̣ ад̣̇ааси. т̇зраа б̣рахмалогз д̇ам̣ гаран̣ийяам̣ д̇ийрзд̇ваа буна бажжааг̇амим̣су.
Evaṃ vutte mahābrahmā, ‘‘ahaṃ kira sāsane uppannaṃ abbudaṃ sodhetvā sāsanaṃ paggahetuṃ samattho bhavissāmī’’ti haṭṭhapahaṭṭho udaggudaggo hutvā, ‘‘sādhū’’ti paṭissuṇitvā paṭiññaṃ adāsi. Therā brahmaloke taṃ karaṇīyaṃ tīretvā puna paccāgamiṃsu.
д̇зна ко бана самаязна сиг̇г̇авад̇т̇зро жа жан̣д̣аваж̇ж̇ид̇т̇зро жа д̣̇взби навагаа хонд̇и д̣̇ахарабхигкуу д̇ибидагад̇хараа бад̇д̇абадисамбхид̣̇аа кийн̣аасаваа, д̇з д̇ам̣ ад̇хигаран̣ам̣ на самбаабун̣им̣су. т̇зраа ‘‘д̇умхз, аавусо, амхаагам̣ имасмим̣ ад̇хигаран̣з но сахааяагаа ахувад̇т̇а, д̇зна во ид̣̇ам̣ д̣̇ан̣д̣агаммам̣ ход̇у – ‘д̇иссо наама б̣рахмаа мог̇г̇алиб̣раахман̣асса г̇зхз бадисанд̇хим̣ г̇ан̣хиссад̇и, д̇ам̣ д̇умхаагам̣ зго нийхарид̇ваа баб̣б̣ааж̇зд̇у, зго б̣уд̣̇д̇хаважанам̣ уг̇г̇ан̣хаабзд̇уу’’’д̇и вад̇ваа саб̣б̣зби яаавад̇ааяугам̣ тад̇ваа –
Tena kho pana samayena siggavatthero ca caṇḍavajjitthero ca dvepi navakā honti daharabhikkhū tipiṭakadharā pattapaṭisambhidā khīṇāsavā, te taṃ adhikaraṇaṃ na sampāpuṇiṃsu. Therā ‘‘tumhe, āvuso, amhākaṃ imasmiṃ adhikaraṇe no sahāyakā ahuvattha, tena vo idaṃ daṇḍakammaṃ hotu – ‘tisso nāma brahmā moggalibrāhmaṇassa gehe paṭisandhiṃ gaṇhissati, taṃ tumhākaṃ eko nīharitvā pabbājetu, eko buddhavacanaṃ uggaṇhāpetū’’’ti vatvā sabbepi yāvatāyukaṃ ṭhatvā –
саб̣б̣агаамиббабхуд̇аяо, д̇зби т̇зраа махид̣̇д̇хигаа;
Sabbakāmippabhutayo, tepi therā mahiddhikā;
аг̇г̇игканд̇хаава логамхи, ж̇алид̇ваа бариниб̣б̣уд̇аа.
Aggikkhandhāva lokamhi, jalitvā parinibbutā.
д̣̇уд̇ияам̣ сан̇г̇ахам̣ гад̇ваа, висод̇хзд̇ваана саасанам̣;
Dutiyaṃ saṅgahaṃ katvā, visodhetvāna sāsanaṃ;
анааг̇ад̇зби гад̇ваана, хзд̇ум̣ сад̣̇д̇хаммасуд̣̇д̇хияаа.
Anāgatepi katvāna, hetuṃ saddhammasuddhiyā.
кийн̣аасаваа васиббад̇т̇аа, бабхиннабадисамбхид̣̇аа;
Khīṇāsavā vasippatthā, pabhinnapaṭisambhidā;
анижжад̇аавасам̣ т̇зраа, д̇зби наама убааг̇ад̇аа.
Aniccatāvasaṃ therā, tepi nāma upāgatā.
звам̣ анижжад̇ам̣ ж̇аммим̣, н̃ад̇ваа д̣̇урабхисамбхавам̣;
Evaṃ aniccataṃ jammiṃ, ñatvā durabhisambhavaṃ;
д̇ам̣ бад̇д̇ум̣ вааяамз д̇хийро, яам̣ нижжам̣ амад̇ам̣ бад̣̇анд̇и.
Taṃ pattuṃ vāyame dhīro, yaṃ niccaṃ amataṃ padanti.
зд̇д̇аавад̇аа саб̣б̣аагаарзна д̣̇уд̇ияасан̇г̇ийд̇иван̣н̣анаа нидтид̇аа ход̇и.
Ettāvatā sabbākārena dutiyasaṅgītivaṇṇanā niṭṭhitā hoti.
д̣̇уд̇ияасан̇г̇ийд̇игат̇аа нидтид̇аа
Dutiyasaṅgītikathā niṭṭhitā
