| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
5. д̣̇уд̇ияасзнаасанасигкаабад̣̇аван̣н̣анаа
5. Dutiyasenāsanasikkhāpadavaṇṇanā
116. д̣̇уд̇ияасзнаасанасигкаабад̣̇з – бхисийд̇и ман̃жагабхиси ваа бийтагабхиси ваа. жимилигаад̣̇ийниби буримасигкаабад̣̇з вуд̇д̇аббагаарааниязва. нисийд̣̇ананд̇и сад̣̇асам̣ взд̣̇ид̇аб̣б̣ам̣. бажжад̇т̇аран̣анд̇и баавааро гож̇авод̇и зд̇д̇агамзва вуд̇д̇ам̣. д̇ин̣асант̇аарод̇и язсам̣ гзсан̃жи д̇ин̣аанам̣ сант̇ааро . зса наяо бан̣н̣асант̇аарз. баригкзбам̣ ад̇иггаманд̇ассаад̇и зд̇т̇а батамабаад̣̇ам̣ ад̇иггаамзнд̇асса д̣̇уггадам̣, д̣̇уд̇ияаад̇иггамз баажид̇д̇ияам̣. абаригкид̇д̇асса убажааро наама сзнаасанад̇о д̣̇вз лзд̣д̣убаад̇аа.
116. Dutiyasenāsanasikkhāpade – bhisīti mañcakabhisi vā pīṭhakabhisi vā. Cimilikādīnipi purimasikkhāpade vuttappakārāniyeva. Nisīdananti sadasaṃ veditabbaṃ. Paccattharaṇanti pāvāro kojavoti ettakameva vuttaṃ. Tiṇasanthāroti yesaṃ kesañci tiṇānaṃ santhāro . Esa nayo paṇṇasanthāre. Parikkhepaṃ atikkamantassāti ettha paṭhamapādaṃ atikkāmentassa dukkaṭaṃ, dutiyātikkame pācittiyaṃ. Aparikkhittassa upacāro nāma senāsanato dve leḍḍupātā.
анаабужчам̣ ваа г̇ажчзяяаад̇и зд̇т̇а бхигкумхи сад̇и бхигку аабужчид̇аб̣б̣о. д̇асмим̣ асад̇и сааман̣зро, д̇асмим̣ асад̇и аараамиго, д̇асмимби асад̇и язна вихааро гаарид̇о со вихаарасаамиго, д̇асса ваа гулз яо гожи аабужчид̇аб̣б̣о. д̇асмимби асад̇и жад̇уусу баасаан̣зсу ман̃жам̣ табзд̇ваа ман̃жз авасзсаман̃жабийтаани ааробзд̇ваа убари бхисиаад̣̇игам̣ д̣̇асавид̇хамби сзяяам̣ раасим̣ гарид̇ваа д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̣̇ваараваад̇абаанаани бид̣̇ахид̇ваа г̇амияавад̇д̇ам̣ буурзд̇ваа г̇анд̇аб̣б̣ам̣. сажз бана сзнаасанам̣ овассад̇и, чад̣̇анад̇т̇ан̃жа д̇ин̣ам̣ ваа идтагаа ваа аанийд̇аа хонд̇и, сажз уссахад̇и, чаад̣̇зд̇аб̣б̣ам̣. но жз саггод̇и, яо огаасо ановассаго, д̇ад̇т̇а ман̃жабийтаад̣̇ийни нигкибид̇ваа г̇анд̇аб̣б̣ам̣. сажз саб̣б̣амби овассад̇и, уссаханд̇зна анд̇ог̇аамз убаасагаанам̣ гхарз табзд̇аб̣б̣ам̣. сажз д̇зби ‘‘сан̇гхигам̣ наама бханд̇з бхаарияам̣, аг̇г̇ид̣̇аахаад̣̇ийнам̣ бхааяаамаа’’д̇и на самбадижчанд̇и, аж̇жхогаасзби баасаан̣аанам̣ убари ман̃жам̣ табзд̇ваа сзсам̣ буб̣б̣з вуд̇д̇анаязнзва нигкибид̇ваа д̇ин̣зхи жа бан̣н̣зхи жа бадижчаад̣̇зд̇ваа г̇анд̇ум̣ ваддад̇и. яан̃хи д̇ад̇т̇а ан̇г̇амад̇д̇амби авасиссад̇и, д̇ам̣ ан̃н̃зсам̣ д̇ад̇т̇а ааг̇ад̇аанам̣ бхигкуунам̣ убагаарам̣ бхависсад̇ийд̇и .
Anāpucchaṃvā gaccheyyāti ettha bhikkhumhi sati bhikkhu āpucchitabbo. Tasmiṃ asati sāmaṇero, tasmiṃ asati ārāmiko, tasmimpi asati yena vihāro kārito so vihārasāmiko, tassa vā kule yo koci āpucchitabbo. Tasmimpi asati catūsu pāsāṇesu mañcaṃ ṭhapetvā mañce avasesamañcapīṭhāni āropetvā upari bhisiādikaṃ dasavidhampi seyyaṃ rāsiṃ karitvā dārubhaṇḍaṃ mattikābhaṇḍaṃ paṭisāmetvā dvāravātapānāni pidahitvā gamiyavattaṃ pūretvā gantabbaṃ. Sace pana senāsanaṃ ovassati, chadanatthañca tiṇaṃ vā iṭṭhakā vā ānītā honti, sace ussahati, chādetabbaṃ. No ce sakkoti, yo okāso anovassako, tattha mañcapīṭhādīni nikkhipitvā gantabbaṃ. Sace sabbampi ovassati, ussahantena antogāme upāsakānaṃ ghare ṭhapetabbaṃ. Sace tepi ‘‘saṅghikaṃ nāma bhante bhāriyaṃ, aggidāhādīnaṃ bhāyāmā’’ti na sampaṭicchanti, ajjhokāsepi pāsāṇānaṃ upari mañcaṃ ṭhapetvā sesaṃ pubbe vuttanayeneva nikkhipitvā tiṇehi ca paṇṇehi ca paṭicchādetvā gantuṃ vaṭṭati. Yañhi tattha aṅgamattampi avasissati, taṃ aññesaṃ tattha āgatānaṃ bhikkhūnaṃ upakāraṃ bhavissatīti .
117. вихаарасса убажаарзд̇иаад̣̇ийсу вихаарассуубажааро наама баривзн̣ам̣. убадтаанасаалаад̇и баривзн̣абхож̇анасаалаа. ман̣д̣абод̇и баривзн̣аман̣д̣або. ругкамууланд̇и баривзн̣аругкамуулам̣. аяам̣ д̇аава наяо гурунд̣̇адтагат̇ааяам̣ вуд̇д̇о. гин̃жааби вуд̇д̇о, ат̇а ко вихаарод̇и анд̇ог̇аб̣бхо ваа ан̃н̃ам̣ ваа саб̣б̣абарижчаннам̣ г̇уд̇д̇асзнаасанам̣ взд̣̇ид̇аб̣б̣ам̣. вихаарасса убажаарзд̇и д̇асса б̣ахи аасаннз огаасз. убадтаанасаалааяам̣ ваад̇и бхож̇анасаалааяам̣ ваа. ман̣д̣абз ваад̇и абарижчаннз барижчаннз вааби б̣ахуунам̣ саннибаад̇аман̣д̣абз. ругкамуулз вад̇д̇аб̣б̣ам̣ над̇т̇и. аабад̇д̇и д̣̇уггадассаад̇и вуд̇д̇аббагааран̃хи д̣̇асавид̇хам̣ сзяяам̣ анд̇ог̇аб̣бхаад̣̇имхи г̇уд̇д̇адтаанз бан̃н̃абзд̇ваа г̇ажчанд̇асса яасмаа сзяяааби сзнаасанамби убажигаахи балуж̇ж̇ад̇и, ваммигараасиязва ход̇и, д̇асмаа баажид̇д̇ияам̣ вуд̇д̇ам̣. б̣ахи бана убадтаанасаалаад̣̇ийсу бан̃н̃абзд̇ваа г̇ажчанд̇асса сзяяаамад̇д̇амзва нассзяяа, таанасса аг̇уд̇д̇ад̇ааяа на сзнаасанам̣, д̇асмаа зд̇т̇а д̣̇уггадам̣ вуд̇д̇ам̣. ман̃жам̣ ваа бийтам̣ ваад̇и зд̇т̇а яасмаа на саггаа ман̃жабийтам̣ сахасаа убажигаахи кааяид̇ум̣, д̇асмаа д̇ам̣ вихаарзби сант̇арид̇ваа г̇ажчанд̇асса д̣̇уггадам̣ вуд̇д̇ам̣. вихааруубажаарз бана д̇ам̣ вихааражааригам̣ аахин̣д̣анд̇ааби д̣̇исваа бадисаамзссанд̇и.
117.Vihārassa upacāretiādīsu vihārassūpacāro nāma pariveṇaṃ. Upaṭṭhānasālāti pariveṇabhojanasālā. Maṇḍapoti pariveṇamaṇḍapo. Rukkhamūlanti pariveṇarukkhamūlaṃ. Ayaṃ tāva nayo kurundaṭṭhakathāyaṃ vutto. Kiñcāpi vutto, atha kho vihāroti antogabbho vā aññaṃ vā sabbaparicchannaṃ guttasenāsanaṃ veditabbaṃ. Vihārassa upacāreti tassa bahi āsanne okāse. Upaṭṭhānasālāyaṃ vāti bhojanasālāyaṃ vā. Maṇḍape vāti aparicchanne paricchanne vāpi bahūnaṃ sannipātamaṇḍape. Rukkhamūle vattabbaṃ natthi. Āpatti dukkaṭassāti vuttappakārañhi dasavidhaṃ seyyaṃ antogabbhādimhi guttaṭṭhāne paññapetvā gacchantassa yasmā seyyāpi senāsanampi upacikāhi palujjati, vammikarāsiyeva hoti, tasmā pācittiyaṃ vuttaṃ. Bahi pana upaṭṭhānasālādīsu paññapetvā gacchantassa seyyāmattameva nasseyya, ṭhānassa aguttatāya na senāsanaṃ, tasmā ettha dukkaṭaṃ vuttaṃ. Mañcaṃ vā pīṭhaṃ vāti ettha yasmā na sakkā mañcapīṭhaṃ sahasā upacikāhi khāyituṃ, tasmā taṃ vihārepi santharitvā gacchantassa dukkaṭaṃ vuttaṃ. Vihārūpacāre pana taṃ vihāracārikaṃ āhiṇḍantāpi disvā paṭisāmessanti.
118. уд̣̇д̇харид̇ваа г̇ажчад̇ийд̇и зд̇т̇а уд̣̇д̇харид̇ваа г̇ажчанд̇зна ман̃жабийтагаваадам̣ саб̣б̣ам̣ абанзд̇ваа сам̣харид̇ваа жийваравам̣сз лаг̇г̇зд̇ваа г̇анд̇аб̣б̣ам̣. бажчаа ааг̇анд̇ваа васанагабхигкунааби буна ман̃жабийтам̣ ваа бан̃н̃абзд̇ваа саяид̇ваа г̇ажчанд̇зна д̇ат̇зва гаад̇аб̣б̣ам̣. анд̇огуддад̇о сзяяам̣ б̣ахигуддз бан̃н̃абзд̇ваа васанд̇зна г̇аманагаалз г̇ахид̇адтаанзязва бадисаамзд̇аб̣б̣ам̣. убарибаасаад̣̇ад̇о оробзд̇ваа хздтаабаасаад̣̇з васанд̇ассаби зсзва наяо. рад̇д̇идтаанад̣̇иваадтаанзсу ман̃жабийтам̣ бан̃н̃абзд̇вааби г̇аманагаалз буна г̇ахид̇адтаанзязва табзд̇аб̣б̣ам̣.
118.Uddharitvāgacchatīti ettha uddharitvā gacchantena mañcapīṭhakavāṭaṃ sabbaṃ apanetvā saṃharitvā cīvaravaṃse laggetvā gantabbaṃ. Pacchā āgantvā vasanakabhikkhunāpi puna mañcapīṭhaṃ vā paññapetvā sayitvā gacchantena tatheva kātabbaṃ. Antokuṭṭato seyyaṃ bahikuṭṭe paññapetvā vasantena gamanakāle gahitaṭṭhāneyeva paṭisāmetabbaṃ. Uparipāsādato oropetvā heṭṭhāpāsāde vasantassapi eseva nayo. Rattiṭṭhānadivāṭṭhānesu mañcapīṭhaṃ paññapetvāpi gamanakāle puna gahitaṭṭhāneyeva ṭhapetabbaṃ.
аабужчам̣ г̇ажчад̇ийд̇и зд̇т̇ааяам̣ аабужчид̇аб̣б̣аанаабужчид̇аб̣б̣авинижчаяо – яаа д̇аава бхуумияам̣ д̣̇ийгхасаалаа ваа бан̣н̣асаалаа ваа ход̇и, яам̣ ваа ругкад̇т̇амбхзсу, гад̇аг̇зхам̣ убажигаанам̣ удтаанадтаанам̣ ход̇и, д̇ад̇о баггаманд̇зна д̇аава аабужчид̇ваава баггамид̇аб̣б̣ам̣. д̇асмин̃хи гад̇ибаяаани д̣̇ивасаани аж̇аг̇г̇ияамаанз ваммигаава санд̇идтанд̇и. яам̣ бана баасаан̣абидтияам̣ ваа баасаан̣ад̇т̇амбхзсу ваа гад̇асзнаасанам̣ силужжаяалзн̣ам̣ ваа суд̇хаалид̇д̇асзнаасанам̣ ваа яад̇т̇а убажигаасан̇гаа над̇т̇и, д̇ад̇о баггаманд̇асса аабужчид̇вааби анаабужчид̇вааби г̇анд̇ум̣ ваддад̇и, аабужчанам̣ бана вад̇д̇ам̣. сажз д̇аад̣̇исзби сзнаасанз згзна бассзна убажигаа аароханд̇и, аабужчид̇ваава г̇анд̇аб̣б̣ам̣. яо бана ааг̇анд̇уго бхигку сан̇гхигам̣ сзнаасанам̣ г̇ахзд̇ваа васанд̇ам̣ бхигкум̣ анувад̇д̇анд̇о ад̇д̇ано сзнаасанам̣ аг̇г̇ахзд̇ваа васад̇и, яаава со на г̇ан̣хаад̇и, д̇аава д̇ам̣ сзнаасанам̣ буримабхигкуссзва балиб̣од̇хо. яад̣̇аа бана со сзнаасанам̣ г̇ахзд̇ваа ад̇д̇ано иссариязна васад̇и, д̇ад̇о бадтааяа ааг̇анд̇угассзва балиб̣од̇хо. сажз убхоби вибхаж̇ид̇ваа г̇ан̣ханд̇и, убхиннамби балиб̣од̇хо. махаабажжарияам̣ бана вуд̇д̇ам̣ – ‘‘сажз д̣̇вз д̇аяо згад̇о худ̇ваа бан̃н̃абзнд̇и, г̇аманагаалз саб̣б̣зхиби аабужчид̇аб̣б̣ам̣. д̇зсу жз батамам̣ г̇ажчанд̇о ‘бажчимо ж̇аг̇г̇иссад̇ий’д̇и аабхог̇ам̣ гад̇ваа г̇ажчад̇и ваддад̇и. бажчимасса аабхог̇зна муд̇д̇и над̇т̇и. б̣ахуу згам̣ бзсзд̇ваа сант̇араабзнд̇и, г̇аманагаалз саб̣б̣зхи ваа аабужчид̇аб̣б̣ам̣ , згам̣ ваа бзсзд̇ваа аабужчид̇аб̣б̣ам̣. ан̃н̃ад̇о ман̃жабийтаад̣̇ийни аанзд̇ваа ан̃н̃ад̇ра васид̇вааби г̇аманагаалз д̇ад̇т̇зва нзд̇аб̣б̣аани. сажз ан̃н̃ааваасад̇о аанзд̇ваа васамаанасса ан̃н̃о вуд̣дхад̇аро ааг̇ажчад̇и, на бадиб̣аахид̇аб̣б̣о, ‘маяаа бханд̇з ан̃н̃ааваасад̇о аанийд̇ам̣, баагад̇игам̣ гарзяяаат̇аа’д̇и вад̇д̇аб̣б̣ам̣. д̇зна ‘звам̣ гариссаамий’д̇и самбадижчид̇з ид̇арасса г̇анд̇ум̣ ваддад̇и. зваман̃н̃ад̇т̇а харид̇вааби сан̇гхигабарибхог̇зна барибхун̃ж̇анд̇асса надтам̣ ваа ж̇ин̣н̣ам̣ ваа жорзхи ваа хадам̣ г̇ийваа на ход̇и, буг̇г̇алигабарибхог̇зна барибхун̃ж̇анд̇асса бана г̇ийваа ход̇и. ан̃н̃асса ман̃жабийтам̣ бана сан̇гхигабарибхог̇зна ваа буг̇г̇алигабарибхог̇зна ваа барибхун̃ж̇анд̇асса надтам̣ г̇ийвааязва’’.
Āpucchaṃ gacchatīti etthāyaṃ āpucchitabbānāpucchitabbavinicchayo – yā tāva bhūmiyaṃ dīghasālā vā paṇṇasālā vā hoti, yaṃ vā rukkhatthambhesu, katagehaṃ upacikānaṃ uṭṭhānaṭṭhānaṃ hoti, tato pakkamantena tāva āpucchitvāva pakkamitabbaṃ. Tasmiñhi katipayāni divasāni ajaggiyamāne vammikāva santiṭṭhanti. Yaṃ pana pāsāṇapiṭṭhiyaṃ vā pāsāṇatthambhesu vā katasenāsanaṃ siluccayaleṇaṃ vā sudhālittasenāsanaṃ vā yattha upacikāsaṅkā natthi, tato pakkamantassa āpucchitvāpi anāpucchitvāpi gantuṃ vaṭṭati, āpucchanaṃ pana vattaṃ. Sace tādisepi senāsane ekena passena upacikā ārohanti, āpucchitvāva gantabbaṃ. Yo pana āgantuko bhikkhu saṅghikaṃ senāsanaṃ gahetvā vasantaṃ bhikkhuṃ anuvattanto attano senāsanaṃ aggahetvā vasati, yāva so na gaṇhāti, tāva taṃ senāsanaṃ purimabhikkhusseva palibodho. Yadā pana so senāsanaṃ gahetvā attano issariyena vasati, tato paṭṭhāya āgantukasseva palibodho. Sace ubhopi vibhajitvā gaṇhanti, ubhinnampi palibodho. Mahāpaccariyaṃ pana vuttaṃ – ‘‘sace dve tayo ekato hutvā paññapenti, gamanakāle sabbehipi āpucchitabbaṃ. Tesu ce paṭhamaṃ gacchanto ‘pacchimo jaggissatī’ti ābhogaṃ katvā gacchati vaṭṭati. Pacchimassa ābhogena mutti natthi. Bahū ekaṃ pesetvā santharāpenti, gamanakāle sabbehi vā āpucchitabbaṃ , ekaṃ vā pesetvā āpucchitabbaṃ. Aññato mañcapīṭhādīni ānetvā aññatra vasitvāpi gamanakāle tattheva netabbāni. Sace aññāvāsato ānetvā vasamānassa añño vuḍḍhataro āgacchati, na paṭibāhitabbo, ‘mayā bhante aññāvāsato ānītaṃ, pākatikaṃ kareyyāthā’ti vattabbaṃ. Tena ‘evaṃ karissāmī’ti sampaṭicchite itarassa gantuṃ vaṭṭati. Evamaññattha haritvāpi saṅghikaparibhogena paribhuñjantassa naṭṭhaṃ vā jiṇṇaṃ vā corehi vā haṭaṃ gīvā na hoti, puggalikaparibhogena paribhuñjantassa pana gīvā hoti. Aññassa mañcapīṭhaṃ pana saṅghikaparibhogena vā puggalikaparibhogena vā paribhuñjantassa naṭṭhaṃ gīvāyeva’’.
гзнажи балиб̣уд̣̇д̇хам̣ ход̇ийд̇и вуд̣дхад̇арабхигкууиссарияаяагкасийхаваал̣амиг̇аган̣хасаббаад̣̇ийсу язна гзнажи сзнаасанам̣ балиб̣уд̣̇д̇хам̣ ход̇и. саабзгко г̇анд̇ваа д̇ад̇т̇а тид̇о аабужчад̇и, гзнажи балиб̣уд̣̇д̇хо ход̇ийд̇и аж̇ж̇зва ааг̇анд̇ваа бадиж̇аг̇г̇иссаамийд̇и звам̣ саабзгко над̣̇ийбаарам̣ ваа г̇ааманд̇арам̣ ваа г̇анд̇ваа яад̇т̇асса г̇аманажид̇д̇ам̣ уббаннам̣, д̇ад̇т̇зва тид̇о ган̃жи бзсзд̇ваа аабужчад̇и, над̣̇ийбуурарааж̇ажораад̣̇ийсу ваа гзнажи балиб̣уд̣̇д̇хо ход̇и убад̣̇д̣̇уд̇о, на саггод̇и бажжааг̇анд̇ум̣, звам̣бхууд̇ассаби анаабад̇д̇и. сзсам̣ батамасигкаабад̣̇з вуд̇д̇анаяамзва сад̣̇д̇хим̣ самудтаанаад̣̇ийхийд̇и.
Kenaci palibuddhaṃ hotīti vuḍḍhatarabhikkhūissariyayakkhasīhavāḷamigakaṇhasappādīsu yena kenaci senāsanaṃ palibuddhaṃ hoti. Sāpekkho gantvā tattha ṭhito āpucchati, kenaci palibuddho hotīti ajjeva āgantvā paṭijaggissāmīti evaṃ sāpekkho nadīpāraṃ vā gāmantaraṃ vā gantvā yatthassa gamanacittaṃ uppannaṃ, tattheva ṭhito kañci pesetvā āpucchati, nadīpūrarājacorādīsu vā kenaci palibuddho hoti upadduto, na sakkoti paccāgantuṃ, evaṃbhūtassapi anāpatti. Sesaṃ paṭhamasikkhāpade vuttanayameva saddhiṃ samuṭṭhānādīhīti.
д̣̇уд̇ияасзнаасанасигкаабад̣̇ам̣ бан̃жамам̣.
Dutiyasenāsanasikkhāpadaṃ pañcamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. д̣̇уд̇ияасзнаасанасигкаабад̣̇аван̣н̣анаа • 5. Dutiyasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 5. д̣̇уд̇ияасзнаасанасигкаабад̣̇аван̣н̣анаа • 5. Dutiyasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 5. д̣̇уд̇ияасзнаасанасигкаабад̣̇аван̣н̣анаа • 5. Dutiyasenāsanasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 5. д̣̇уд̇ияасзнаасанасигкаабад̣̇ам̣ • 5. Dutiyasenāsanasikkhāpadaṃ
