| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
5. д̣̇уд̇ияасигкаабад̣̇асуд̇д̇ам̣
5. Dutiyasikkhāpadasuttaṃ
236. ‘‘жад̇д̇ааримаани, бхигкавз, гаммаани маяаа саяам̣ абхин̃н̃аа сажчигад̇ваа бавзд̣̇ид̇аани. гад̇амаани жад̇д̇аари? ад̇т̇и, бхигкавз, гаммам̣ ган̣хам̣ ган̣хавибаагам̣; ад̇т̇и, бхигкавз, гаммам̣ суггам̣ суггавибаагам̣; ад̇т̇и, бхигкавз, гаммам̣ ган̣хасуггам̣ ган̣хасуггавибаагам̣; ад̇т̇и, бхигкавз, гаммам̣ аган̣хаасуггам̣ аган̣хаасуггавибаагам̣ гаммагкаяааяа сам̣вад̇д̇ад̇и.
236. ‘‘Cattārimāni, bhikkhave, kammāni mayā sayaṃ abhiññā sacchikatvā paveditāni. Katamāni cattāri? Atthi, bhikkhave, kammaṃ kaṇhaṃ kaṇhavipākaṃ; atthi, bhikkhave, kammaṃ sukkaṃ sukkavipākaṃ; atthi, bhikkhave, kammaṃ kaṇhasukkaṃ kaṇhasukkavipākaṃ; atthi, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati.
‘‘гад̇аман̃жа, бхигкавз, гаммам̣ ган̣хам̣ ган̣хавибаагам̣? ид̇ха, бхигкавз, згажжзна маад̇аа 1 ж̇ийвид̇аа воробид̇аа ход̇и, бид̇аа 2 ж̇ийвид̇аа воробид̇о 3 ход̇и, арахам̣ 4 ж̇ийвид̇аа воробид̇о 5 ход̇и , д̇ат̇ааг̇ад̇асса д̣̇удтзна жид̇д̇зна лохид̇ам̣ уббаад̣̇ид̇ам̣ 6 ход̇и, сан̇гхо бхинно ход̇и. ид̣̇ам̣ вужжад̇и, бхигкавз, гаммам̣ ган̣хам̣ ган̣хавибаагам̣.
‘‘Katamañca, bhikkhave, kammaṃ kaṇhaṃ kaṇhavipākaṃ? Idha, bhikkhave, ekaccena mātā 7 jīvitā voropitā hoti, pitā 8 jīvitā voropito 9 hoti, arahaṃ 10 jīvitā voropito 11 hoti , tathāgatassa duṭṭhena cittena lohitaṃ uppāditaṃ 12 hoti, saṅgho bhinno hoti. Idaṃ vuccati, bhikkhave, kammaṃ kaṇhaṃ kaṇhavipākaṃ.
‘‘гад̇аман̃жа, бхигкавз, гаммам̣ суггам̣ суггавибаагам̣? ид̇ха, бхигкавз, згажжо баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и, мусааваад̣̇аа бадивирад̇о ход̇и, бисун̣ааяа ваажааяа бадивирад̇о ход̇и, парусааяа ваажааяа бадивирад̇о ход̇и, сампаббалаабаа бадивирад̇о ход̇и, анабхиж̇жхаалу ход̇и, аб̣яаабаннажид̇д̇о ход̇и, саммаад̣̇идти 13 ход̇и. ид̣̇ам̣ вужжад̇и, бхигкавз, гаммам̣ суггам̣ суггавибаагам̣.
‘‘Katamañca, bhikkhave, kammaṃ sukkaṃ sukkavipākaṃ? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti, anabhijjhālu hoti, abyāpannacitto hoti, sammādiṭṭhi 14 hoti. Idaṃ vuccati, bhikkhave, kammaṃ sukkaṃ sukkavipākaṃ.
‘‘гад̇аман̃жа, бхигкавз, гаммам̣ ган̣хасуггам̣ ган̣хасуггавибаагам̣? ид̇ха, бхигкавз, згажжо саб̣яааб̣аж̇жхамби аб̣яааб̣аж̇жхамби гааяасан̇каарам̣ абхисан̇карод̇и…бз… ид̣̇ам̣ вужжад̇и, бхигкавз, гаммам̣ ган̣хасуггам̣ ган̣хасуггавибаагам̣.
‘‘Katamañca, bhikkhave, kammaṃ kaṇhasukkaṃ kaṇhasukkavipākaṃ? Idha, bhikkhave, ekacco sabyābajjhampi abyābajjhampi kāyasaṅkhāraṃ abhisaṅkharoti…pe… idaṃ vuccati, bhikkhave, kammaṃ kaṇhasukkaṃ kaṇhasukkavipākaṃ.
‘‘гад̇аман̃жа, бхигкавз, гаммам̣ аган̣хаасуггам̣ аган̣хаасуггавибаагам̣ гаммагкаяааяа сам̣вад̇д̇ад̇и? д̇ад̇ра, бхигкавз, яамид̣̇ам̣ гаммам̣ ган̣хам̣ ган̣хавибаагам̣…бз… ид̣̇ам̣ вужжад̇и, бхигкавз, гаммам̣ аган̣хаасуггам̣ аган̣хаасуггавибаагам̣ гаммагкаяааяа сам̣вад̇д̇ад̇и. имаани ко, бхигкавз, жад̇д̇аари гаммаани маяаа саяам̣ абхин̃н̃аа сажчигад̇ваа бавзд̣̇ид̇ааний’’д̇и. бан̃жамам̣.
‘‘Katamañca, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati? Tatra, bhikkhave, yamidaṃ kammaṃ kaṇhaṃ kaṇhavipākaṃ…pe… idaṃ vuccati, bhikkhave, kammaṃ akaṇhaasukkaṃ akaṇhaasukkavipākaṃ kammakkhayāya saṃvattati. Imāni kho, bhikkhave, cattāri kammāni mayā sayaṃ abhiññā sacchikatvā paveditānī’’ti. Pañcamaṃ.
Footnotes:
Related texts:
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-9. сон̣агааяанасуд̇д̇аад̣̇иван̣н̣анаа • 3-9. Soṇakāyanasuttādivaṇṇanā
