| Library / Tipiṭaka / તિપિટક • Tipiṭaka / ઇતિવુત્તકપાળિ • Itivuttakapāḷi |
૬. દુતિયસીલસુત્તં
6. Dutiyasīlasuttaṃ
૩૩. વુત્તઞ્હેતં ભગવતા, વુત્તમરહતાતિ મે સુતં –
33. Vuttañhetaṃ bhagavatā, vuttamarahatāti me sutaṃ –
‘‘દ્વીહિ, ભિક્ખવે, ધમ્મેહિ સમન્નાગતો પુગ્ગલો યથાભતં નિક્ખિત્તો એવં સગ્ગે. કતમેહિ દ્વીહિ ? ભદ્દકેન ચ સીલેન, ભદ્દિકાય ચ દિટ્ઠિયા. ઇમેહિ ખો, ભિક્ખવે, દ્વીહિ ધમ્મેહિ સમન્નાગતો પુગ્ગલો યથાભતં નિક્ખિત્તો એવં સગ્ગે’’તિ. એતમત્થં ભગવા અવોચ. તત્થેતં ઇતિ વુચ્ચતિ –
‘‘Dvīhi, bhikkhave, dhammehi samannāgato puggalo yathābhataṃ nikkhitto evaṃ sagge. Katamehi dvīhi ? Bhaddakena ca sīlena, bhaddikāya ca diṭṭhiyā. Imehi kho, bhikkhave, dvīhi dhammehi samannāgato puggalo yathābhataṃ nikkhitto evaṃ sagge’’ti. Etamatthaṃ bhagavā avoca. Tatthetaṃ iti vuccati –
‘‘ભદ્દકેન ચ સીલેન, ભદ્દિકાય ચ દિટ્ઠિયા;
‘‘Bhaddakena ca sīlena, bhaddikāya ca diṭṭhiyā;
એતેહિ દ્વીહિ ધમ્મેહિ, યો સમન્નાગતો નરો;
Etehi dvīhi dhammehi, yo samannāgato naro;
કાયસ્સ ભેદા સપ્પઞ્ઞો, સગ્ગં સો ઉપપજ્જતી’’તિ.
Kāyassa bhedā sappañño, saggaṃ so upapajjatī’’ti.
અયમ્પિ અત્થો વુત્તો ભગવતા, ઇતિ મે સુતન્તિ. છટ્ઠં.
Ayampi attho vutto bhagavatā, iti me sutanti. Chaṭṭhaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / ઇતિવુત્તક-અટ્ઠકથા • Itivuttaka-aṭṭhakathā / ૬. દુતિયસીલસુત્તવણ્ણના • 6. Dutiyasīlasuttavaṇṇanā
