| Library / Tipiṭaka / તિપિટક • Tipiṭaka / ઇતિવુત્તક-અટ્ઠકથા • Itivuttaka-aṭṭhakathā |
૬. દુતિયસીલસુત્તવણ્ણના
6. Dutiyasīlasuttavaṇṇanā
૩૩. છટ્ઠે ભદ્દકેન ચ સીલેનાતિ કાયસુચરિતાદિચતુપારિસુદ્ધિસીલેન. તઞ્હિ અખણ્ડાદિસીલભાવેન સયઞ્ચ કલ્યાણં, સમથવિપસ્સનાદિકલ્યાણગુણાવહં ચાતિ ‘‘ભદ્દક’’ન્તિ વુચ્ચતિ. ભદ્દિકાય ચ દિટ્ઠિયાતિ કમ્મસ્સકતાઞાણેન ચેવ કમ્મપથસમ્માદિટ્ઠિયા ચ. તત્થ ભદ્દકેન સીલેન પયોગસમ્પન્નો હોતિ, ભદ્દિકાય દિટ્ઠિયા આસયસમ્પન્નો. ઇતિ પયોગાસયસમ્પન્નો પુગ્ગલો સગ્ગૂપગો હોતિ. તેન વુત્તં – ‘‘ઇમેહિ, ખો, ભિક્ખવે, દ્વીહિ ધમ્મેહિ સમન્નાગતો પુગ્ગલો યથાભતં નિક્ખિત્તો, એવં સગ્ગે’’તિ. સપ્પઞ્ઞોતિ પઞ્ઞવા. સેસં સુવિઞ્ઞેય્યમેવ.
33. Chaṭṭhe bhaddakena ca sīlenāti kāyasucaritādicatupārisuddhisīlena. Tañhi akhaṇḍādisīlabhāvena sayañca kalyāṇaṃ, samathavipassanādikalyāṇaguṇāvahaṃ cāti ‘‘bhaddaka’’nti vuccati. Bhaddikāya ca diṭṭhiyāti kammassakatāñāṇena ceva kammapathasammādiṭṭhiyā ca. Tattha bhaddakena sīlena payogasampanno hoti, bhaddikāya diṭṭhiyā āsayasampanno. Iti payogāsayasampanno puggalo saggūpago hoti. Tena vuttaṃ – ‘‘imehi, kho, bhikkhave, dvīhi dhammehi samannāgato puggalo yathābhataṃ nikkhitto, evaṃ sagge’’ti. Sappaññoti paññavā. Sesaṃ suviññeyyameva.
છટ્ઠસુત્તવણ્ણના નિટ્ઠિતા.
Chaṭṭhasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / ખુદ્દકનિકાય • Khuddakanikāya / ઇતિવુત્તકપાળિ • Itivuttakapāḷi / ૬. દુતિયસીલસુત્તં • 6. Dutiyasīlasuttaṃ
