| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̣̇уд̇ияасон̣асуд̇д̇ам̣
8. Dutiyasoṇasuttaṃ
50. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. ат̇а ко сон̣о г̇ахабад̇ибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко сон̣ам̣ г̇ахабад̇ибуд̇д̇ам̣ бхаг̇аваа зд̇ад̣̇авожа –
50. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Atha kho soṇo gahapatiputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho soṇaṃ gahapatiputtaṃ bhagavā etadavoca –
‘‘яз хи гзжи, сон̣а, саман̣аа ваа б̣раахман̣аа ваа руубам̣ наббаж̇аананд̇и, руубасамуд̣̇аяам̣ наббаж̇аананд̇и, руубанирод̇хам̣ наббаж̇аананд̇и, руубанирод̇хаг̇ааминим̣ бадибад̣̇ам̣ наббаж̇аананд̇и; взд̣̇анам̣ наббаж̇аананд̇и, взд̣̇анаасамуд̣̇аяам̣ наббаж̇аананд̇и, взд̣̇анаанирод̇хам̣ наббаж̇аананд̇и, взд̣̇анаанирод̇хаг̇ааминим̣ бадибад̣̇ам̣ наббаж̇аананд̇и; сан̃н̃ам̣ наббаж̇аананд̇и…бз… сан̇каарз наббаж̇аананд̇и, сан̇каарасамуд̣̇аяам̣ наббаж̇аананд̇и, сан̇кааранирод̇хам̣ наббаж̇аананд̇и, сан̇кааранирод̇хаг̇ааминим̣ бадибад̣̇ам̣ наббаж̇аананд̇и; вин̃н̃аан̣ам̣ наббаж̇аананд̇и, вин̃н̃аан̣асамуд̣̇аяам̣ наббаж̇аананд̇и, вин̃н̃аан̣анирод̇хам̣ наббаж̇аананд̇и, вин̃н̃аан̣анирод̇хаг̇ааминим̣ бадибад̣̇ам̣ наббаж̇аананд̇и. на мз д̇з, сон̣а, саман̣аа ваа б̣раахман̣аа ваа саман̣зсу ваа саман̣асаммад̇аа б̣раахман̣зсу ваа б̣раахман̣асаммад̇аа, на жа бана д̇з ааяасманд̇о сааман̃н̃ад̇т̇ам̣ ваа б̣рахман̃н̃ад̇т̇ам̣ ваа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и.
‘‘Ye hi keci, soṇa, samaṇā vā brāhmaṇā vā rūpaṃ nappajānanti, rūpasamudayaṃ nappajānanti, rūpanirodhaṃ nappajānanti, rūpanirodhagāminiṃ paṭipadaṃ nappajānanti; vedanaṃ nappajānanti, vedanāsamudayaṃ nappajānanti, vedanānirodhaṃ nappajānanti, vedanānirodhagāminiṃ paṭipadaṃ nappajānanti; saññaṃ nappajānanti…pe… saṅkhāre nappajānanti, saṅkhārasamudayaṃ nappajānanti, saṅkhāranirodhaṃ nappajānanti, saṅkhāranirodhagāminiṃ paṭipadaṃ nappajānanti; viññāṇaṃ nappajānanti, viññāṇasamudayaṃ nappajānanti, viññāṇanirodhaṃ nappajānanti, viññāṇanirodhagāminiṃ paṭipadaṃ nappajānanti. Na me te, soṇa, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā, na ca pana te āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti.
‘‘яз жа ко гзжи, сон̣а, саман̣аа ваа б̣раахман̣аа ваа руубам̣ баж̇аананд̇и , руубасамуд̣̇аяам̣ баж̇аананд̇и, руубанирод̇хам̣ баж̇аананд̇и, руубанирод̇хаг̇ааминим̣ бадибад̣̇ам̣ баж̇аананд̇и; взд̣̇анам̣ баж̇аананд̇и…бз… сан̃н̃ам̣ баж̇аананд̇и… сан̇каарз баж̇аананд̇и… вин̃н̃аан̣ам̣ баж̇аананд̇и, вин̃н̃аан̣асамуд̣̇аяам̣ баж̇аананд̇и, вин̃н̃аан̣анирод̇хам̣ баж̇аананд̇и, вин̃н̃аан̣анирод̇хаг̇ааминим̣ бадибад̣̇ам̣ баж̇аананд̇и. д̇з жа ко мз, сон̣а, саман̣аа ваа б̣раахман̣аа ваа саман̣зсу жзва саман̣асаммад̇аа б̣раахман̣зсу жа б̣раахман̣асаммад̇аа, д̇з жа банааяасманд̇о сааман̃н̃ад̇т̇ан̃жа б̣рахман̃н̃ад̇т̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. адтамам̣.
‘‘Ye ca kho keci, soṇa, samaṇā vā brāhmaṇā vā rūpaṃ pajānanti , rūpasamudayaṃ pajānanti, rūpanirodhaṃ pajānanti, rūpanirodhagāminiṃ paṭipadaṃ pajānanti; vedanaṃ pajānanti…pe… saññaṃ pajānanti… saṅkhāre pajānanti… viññāṇaṃ pajānanti, viññāṇasamudayaṃ pajānanti, viññāṇanirodhaṃ pajānanti, viññāṇanirodhagāminiṃ paṭipadaṃ pajānanti. Te ca kho me, soṇa, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā, te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Aṭṭhamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7-8. сон̣асуд̇д̇аад̣̇иван̣н̣анаа • 7-8. Soṇasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7-8. сон̣асуд̇д̇аад̣̇иван̣н̣анаа • 7-8. Soṇasuttādivaṇṇanā
