| Library / Tipiṭaka / တိပိဋက • Tipiṭaka / ဝိမာနဝတ္ထု-အဋ္ဌကထာ • Vimānavatthu-aṭṭhakathā |
၉. ဒုတိယသူစိဝိမာနဝဏ္ဏနာ
9. Dutiyasūcivimānavaṇṇanā
ဥစ္စမိဒံ မဏိထူဏန္တိ ဒုတိယသူစိဝိမာနံ။ တသ္သ ကာ ဥပ္ပတ္တိ? ဘဂဝာ ရာဇဂဟေ ဝိဟရတိ ဝေဠုဝနေ။ တေန သမယေန ရာဇဂဟဝာသီ ဧကော တုန္နကာရကော ဝိဟာရပေက္ခကော ဟုတ္ဝာ ဝေဠုဝနံ ဂတော။ တတ္ထ အညတရံ ဘိက္ခုံ ဝေဠုဝနေ ကတသူစိယာ စီဝရံ သိဗ္ဗန္တံ ဒိသ္ဝာ သူစိဃရေန သဒ္ဓိံ သူစိယော အဒာသိ။ သေသံ သဗ္ဗံ ဝုတ္တနယမေဝ။
Uccamidaṃmaṇithūṇanti dutiyasūcivimānaṃ. Tassa kā uppatti? Bhagavā rājagahe viharati veḷuvane. Tena samayena rājagahavāsī eko tunnakārako vihārapekkhako hutvā veḷuvanaṃ gato. Tattha aññataraṃ bhikkhuṃ veḷuvane katasūciyā cīvaraṃ sibbantaṃ disvā sūcigharena saddhiṃ sūciyo adāsi. Sesaṃ sabbaṃ vuttanayameva.
၉၅၂.
952.
‘‘ဥစ္စမိဒံ မဏိထူဏံ ဝိမာနံ။ပေ.။
‘‘Uccamidaṃ maṇithūṇaṃ vimānaṃ…pe…
ဝဏ္ဏော စ တေ သဗ္ဗဒိသာ ပဘာသတီ’’တိ။ – ပုစ္ဆိ။
Vaṇṇo ca te sabbadisā pabhāsatī’’ti. – pucchi;
၉၅၆.
956.
‘‘သော ဒေဝပုတ္တော အတ္တမနော။ပေ.။ ယသ္သ ကမ္မသ္သိဒံ ဖလံ’’။
‘‘So devaputto attamano…pe… yassa kammassidaṃ phalaṃ’’.
၉၅၇.
957.
‘‘အဟံ မနုသ္သေသု မနုသ္သဘူတော၊ ပုရိမဇာတိယာ မနုသ္သလောကေ။
‘‘Ahaṃ manussesu manussabhūto, purimajātiyā manussaloke.
၉၅၈.
958.
‘‘အဒ္ဒသံ ဝိရဇံ ဘိက္ခုံ၊ ဝိပ္ပသန္နမနာဝိလံ။
‘‘Addasaṃ virajaṃ bhikkhuṃ, vippasannamanāvilaṃ;
တသ္သ အဒာသဟံ သူစိံ၊ ပသန္နော သေဟိ ပာဏိဘိ။
Tassa adāsahaṃ sūciṃ, pasanno sehi pāṇibhi.
၉၅၉.
959.
‘‘တေန မေတာဒိသော ဝဏ္ဏော။ပေ.။ ဝဏ္ဏော စ မေ သဗ္ဗဒိသာ ပဘာသတီ’’တိ။
‘‘Tena metādiso vaṇṇo…pe… vaṇṇo ca me sabbadisā pabhāsatī’’ti.
တံ သဗ္ဗံ ဟေဋ္ဌာ ဝုတ္တနယမေဝ။
Taṃ sabbaṃ heṭṭhā vuttanayameva.
ဒုတိယသူစိဝိမာနဝဏ္ဏနာ နိဋ္ဌိတာ။
Dutiyasūcivimānavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / ဝိမာနဝတ္ထုပာဠိ • Vimānavatthupāḷi / ၉. ဒုတိယသူစိဝိမာနဝတ္ထု • 9. Dutiyasūcivimānavatthu
