| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̣̇уд̇ияасуурияасуд̇д̇ам̣
8. Dutiyasūriyasuttaṃ
1108. ‘‘яаавагийван̃жа , бхигкавз, жанд̣̇имасуурияаа логз нуббаж̇ж̇анд̇и, нзва д̇аава махад̇о аалогасса баад̇убхааво ход̇и махад̇о обхаасасса. анд̇хад̇амам̣ д̇ад̣̇аа ход̇и анд̇хагаарад̇имисаа . нзва д̇аава рад̇д̇инд̣̇иваа 1 бан̃н̃ааяанд̇и, на маасад̣̇д̇хамаасаа бан̃н̃ааяанд̇и, на уд̇усам̣важчараа бан̃н̃ааяанд̇и.
1108. ‘‘Yāvakīvañca , bhikkhave, candimasūriyā loke nuppajjanti, neva tāva mahato ālokassa pātubhāvo hoti mahato obhāsassa. Andhatamaṃ tadā hoti andhakāratimisā . Neva tāva rattindivā 2 paññāyanti, na māsaddhamāsā paññāyanti, na utusaṃvaccharā paññāyanti.
‘‘яад̇о жа ко, бхигкавз, жанд̣̇имасуурияаа логз уббаж̇ж̇анд̇и, ат̇а махад̇о аалогасса баад̇убхааво ход̇и махад̇о обхаасасса. нзва анд̇хагаарад̇амам̣ д̇ад̣̇аа ход̇и на анд̇хагаарад̇имисаа. ат̇а рад̇д̇инд̣̇иваа бан̃н̃ааяанд̇и, маасад̣̇д̇хамаасаа бан̃н̃ааяанд̇и, уд̇усам̣важчараа бан̃н̃ааяанд̇и. звамзва ко, бхигкавз, яаавагийван̃жа д̇ат̇ааг̇ад̇о логз нуббаж̇ж̇ад̇и арахам̣ саммаасамб̣уд̣̇д̇хо, нзва д̇аава махад̇о аалогасса баад̇убхааво ход̇и махад̇о обхаасасса. анд̇хад̇амам̣ д̇ад̣̇аа ход̇и анд̇хагаарад̇имисаа. нзва д̇аава жад̇уннам̣ арияасажжаанам̣ аажигкан̣аа ход̇и д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣.
‘‘Yato ca kho, bhikkhave, candimasūriyā loke uppajjanti, atha mahato ālokassa pātubhāvo hoti mahato obhāsassa. Neva andhakāratamaṃ tadā hoti na andhakāratimisā. Atha rattindivā paññāyanti, māsaddhamāsā paññāyanti, utusaṃvaccharā paññāyanti. Evameva kho, bhikkhave, yāvakīvañca tathāgato loke nuppajjati arahaṃ sammāsambuddho, neva tāva mahato ālokassa pātubhāvo hoti mahato obhāsassa. Andhatamaṃ tadā hoti andhakāratimisā. Neva tāva catunnaṃ ariyasaccānaṃ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṃ.
‘‘яад̇о жа ко, бхигкавз, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо, ат̇а махад̇о аалогасса баад̇убхааво ход̇и махад̇о обхаасасса. нзва анд̇хад̇амам̣ д̇ад̣̇аа ход̇и на анд̇хагаарад̇имисаа. ат̇а ко жад̇уннам̣ арияасажжаанам̣ аажигкан̣аа ход̇и д̣̇зсанаа бан̃н̃аабанаа бадтабанаа виваран̣аа вибхаж̇анаа уд̇д̇аанийгаммам̣. гад̇амзсам̣ жад̇уннам̣? д̣̇угкасса арияасажжасса…бз… д̣̇угканирод̇хаг̇ааминияаа бадибад̣̇ааяа арияасажжасса .
‘‘Yato ca kho, bhikkhave, tathāgato loke uppajjati arahaṃ sammāsambuddho, atha mahato ālokassa pātubhāvo hoti mahato obhāsassa. Neva andhatamaṃ tadā hoti na andhakāratimisā. Atha kho catunnaṃ ariyasaccānaṃ ācikkhaṇā hoti desanā paññāpanā paṭṭhapanā vivaraṇā vibhajanā uttānīkammaṃ. Katamesaṃ catunnaṃ? Dukkhassa ariyasaccassa…pe… dukkhanirodhagāminiyā paṭipadāya ariyasaccassa .
‘‘д̇асмаад̇иха, бхигкавз, ‘ид̣̇ам̣ д̣̇угка’нд̇и яог̇о гаран̣ийяо…бз… ‘аяам̣ д̣̇угканирод̇хаг̇ааминий бадибад̣̇аа’д̇и яог̇о гаран̣ийяо’’д̇и. адтамам̣.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Aṭṭhamaṃ.
Footnotes:
