| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૮. દુતિયતથાગતઅચ્છરિયસુત્તવણ્ણના
8. Dutiyatathāgataacchariyasuttavaṇṇanā
૧૨૮. અટ્ઠમે આલીયન્તિ આરમિતબ્બટ્ઠેન સેવીયન્તીતિ આલયા, પઞ્ચ કામગુણા. આરમન્તીતિ રતિં વિન્દન્તિ કીળન્તિ લળન્તિ. આલીયન્તિ વા અલ્લીયન્તા અભિરમણવસેન સેવન્તીતિ આલયા, તણ્હાવિચરિતાનિ. તેહિ આલયેહિ રમન્તીતિ આલયારામા. યથેવ હિ સુસજ્જિતં પુપ્ફફલભરિતરુક્ખાદિસમ્પન્નઉય્યાનં પવિટ્ઠો રાજા તાય સમ્પત્તિયા રમતિ, સમ્મુદિતો આમોદિતપ્પમોદિતો હોતિ, ન ઉક્કણ્ઠેતિ, સાયમ્પિ નિક્ખમિતું ન ઇચ્છતિ, એવમિમેહિ કામાલયતણ્હાલયેહિ સત્તા રમન્તિ, સંસારવટ્ટે પમુદિતા અનુક્કણ્ઠિતા વસન્તિ. તેન તેસં ભગવા દુવિધમ્પિ આલયં ઉય્યાનભૂમિં વિય દસ્સેન્તો ‘‘આલયારામા’’તિઆદિમાહ. સેસમેત્થ ઉત્તાનમેવ.
128. Aṭṭhame ālīyanti āramitabbaṭṭhena sevīyantīti ālayā, pañca kāmaguṇā. Āramantīti ratiṃ vindanti kīḷanti laḷanti. Ālīyanti vā allīyantā abhiramaṇavasena sevantīti ālayā, taṇhāvicaritāni. Tehi ālayehi ramantīti ālayārāmā. Yatheva hi susajjitaṃ pupphaphalabharitarukkhādisampannauyyānaṃ paviṭṭho rājā tāya sampattiyā ramati, sammudito āmoditappamodito hoti, na ukkaṇṭheti, sāyampi nikkhamituṃ na icchati, evamimehi kāmālayataṇhālayehi sattā ramanti, saṃsāravaṭṭe pamuditā anukkaṇṭhitā vasanti. Tena tesaṃ bhagavā duvidhampi ālayaṃ uyyānabhūmiṃ viya dassento ‘‘ālayārāmā’’tiādimāha. Sesamettha uttānameva.
દુતિયતથાગતઅચ્છરિયસુત્તવણ્ણના નિટ્ઠિતા.
Dutiyatathāgataacchariyasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૮. દુતિયતથાગતઅચ્છરિયસુત્તં • 8. Dutiyatathāgataacchariyasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૮. દુતિયતથાગતઅચ્છરિયસુત્તવણ્ણના • 8. Dutiyatathāgataacchariyasuttavaṇṇanā
