| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૨. દુતિયઉગ્ગસુત્તવણ્ણના
2. Dutiyauggasuttavaṇṇanā
૨૨. દુતિયે નાગવનેતિ તસ્સ કિર સેટ્ઠિનો નાગવનં નામ ઉય્યાનં, સો તત્થ પુરેભત્તં ગન્ધમાલાદીનિ ગાહાપેત્વા ઉય્યાનકીળિકં કીળિતુકામો ગન્ત્વા પરિચારિયમાનો ભગવન્તં અદ્દસ. સહ દસ્સનેનેવસ્સ પુરિમનયેનેવ ચિત્તં પસીદિ, સુરાપાનેન ચ ઉપ્પન્નમન્દો તઙ્ખણંયેવ પહીયિ. તં સન્ધાયેવમાહ. ઓણોજેસિન્તિ ઉદકં હત્થે પાતેત્વા અદાસિં. અસુકોતિ અમુકો. સમચિત્તોવ દેમીતિ ‘‘ઇમસ્સ થોકં, ઇમસ્સ બહુક’’ન્તિ એવં ચિત્તનાનત્તં ન કરોમિ, દેય્યધમ્મં પન એકસદિસં કરોમીતિ દસ્સેતિ. આરોચેન્તીતિ આકાસે ઠત્વા આરોચેન્તિ. નત્થિ તં સંયોજનન્તિ ઇમિના ઉપાસકો અત્તનો અનાગામિફલં બ્યાકરોતિ.
22. Dutiye nāgavaneti tassa kira seṭṭhino nāgavanaṃ nāma uyyānaṃ, so tattha purebhattaṃ gandhamālādīni gāhāpetvā uyyānakīḷikaṃ kīḷitukāmo gantvā paricāriyamāno bhagavantaṃ addasa. Saha dassanenevassa purimanayeneva cittaṃ pasīdi, surāpānena ca uppannamando taṅkhaṇaṃyeva pahīyi. Taṃ sandhāyevamāha. Oṇojesinti udakaṃ hatthe pātetvā adāsiṃ. Asukoti amuko. Samacittova demīti ‘‘imassa thokaṃ, imassa bahuka’’nti evaṃ cittanānattaṃ na karomi, deyyadhammaṃ pana ekasadisaṃ karomīti dasseti. Ārocentīti ākāse ṭhatvā ārocenti. Natthi taṃ saṃyojananti iminā upāsako attano anāgāmiphalaṃ byākaroti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૨. દુતિયઉગ્ગસુત્તં • 2. Dutiyauggasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૭. પઠમઉગ્ગસુત્તાદિવણ્ણના • 1-7. Paṭhamauggasuttādivaṇṇanā
