| Library / Tipiṭaka / တိပိဋက • Tipiṭaka / သံယုတ္တနိကာယ • Saṃyuttanikāya |
၁၀. ဒုတိယဥပ္ပာဒသုတ္တံ
10. Dutiyauppādasuttaṃ
၅၃၀. ‘‘ပဉ္စိမာနိ , ဘိက္ခဝေ, ဣန္ဒ္ရိယာနိ ဘာဝိတာနိ ဗဟုလီကတာနိ အနုပ္ပန္နာနိ ဥပ္ပဇ္ဇန္တိ, နာညတ္ရ သုဂတဝိနယာ။ ကတမာနိ ပဉ္စ? သဒ္ဓိန္ဒ္ရိယံ, ဝီရိယိန္ဒ္ရိယံ, သတိန္ဒ္ရိယံ, သမာဓိန္ဒ္ရိယံ, ပညိန္ဒ္ရိယံ – ဣမာနိ ခော, ဘိက္ခဝေ, ပဉ္စိန္ဒ္ရိယာနိ ဘာဝိတာနိ ဗဟုလီကတာနိ အနုပ္ပန္နာနိ ဥပ္ပဇ္ဇန္တိ, နာညတ္ရ သုဂတဝိနယာ’’တိ။ ဒသမံ။
530. ‘‘Pañcimāni , bhikkhave, indriyāni bhāvitāni bahulīkatāni anuppannāni uppajjanti, nāññatra sugatavinayā. Katamāni pañca? Saddhindriyaṃ, vīriyindriyaṃ, satindriyaṃ, samādhindriyaṃ, paññindriyaṃ – imāni kho, bhikkhave, pañcindriyāni bhāvitāni bahulīkatāni anuppannāni uppajjanti, nāññatra sugatavinayā’’ti. Dasamaṃ.
သူကရခတဝဂ္ဂော ဆဋ္ဌော။
Sūkarakhatavaggo chaṭṭho.
တသ္သုဒ္ဒာနံ –
Tassuddānaṃ –
သာလံ မလ္လိကံ သေခော စ၊ ပဒံ သာရံ ပတိဋ္ဌိတံ။
Sālaṃ mallikaṃ sekho ca, padaṃ sāraṃ patiṭṭhitaṃ;
ဗ္ရဟ္မသူကရခတာယော၊ ဥပ္ပာဒာ အပရေ ဒုဝေတိ။
Brahmasūkarakhatāyo, uppādā apare duveti.
