| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. દુતિયવસસુત્તં
10. Dutiyavasasuttaṃ
૪૧. ‘‘સત્તહિ, ભિક્ખવે, ધમ્મેહિ સમન્નાગતો સારિપુત્તો ચિત્તં વસે વત્તેતિ, નો ચ સારિપુત્તો ચિત્તસ્સ વસેન વત્તતિ. કતમેહિ સત્તહિ? ઇધ, ભિક્ખવે, સારિપુત્તો સમાધિકુસલો હોતિ, સમાધિસ્સ સમાપત્તિકુસલો, સમાધિસ્સ ઠિતિકુસલો, સમાધિસ્સ વુટ્ઠાનકુસલો, સમાધિસ્સ કલ્યાણકુસલો, સમાધિસ્સ ગોચરકુસલો, સમાધિસ્સ અભિનીહારકુસલો હોતિ. ઇમેહિ ખો, ભિક્ખવે , સત્તહિ ધમ્મેહિ સમન્નાગતો સારિપુત્તો ચિત્તં વસે વત્તેતિ, નો ચ સારિપુત્તો ચિત્તસ્સ વસેન વત્તતી’’તિ. દસમં.
41. ‘‘Sattahi, bhikkhave, dhammehi samannāgato sāriputto cittaṃ vase vatteti, no ca sāriputto cittassa vasena vattati. Katamehi sattahi? Idha, bhikkhave, sāriputto samādhikusalo hoti, samādhissa samāpattikusalo, samādhissa ṭhitikusalo, samādhissa vuṭṭhānakusalo, samādhissa kalyāṇakusalo, samādhissa gocarakusalo, samādhissa abhinīhārakusalo hoti. Imehi kho, bhikkhave , sattahi dhammehi samannāgato sāriputto cittaṃ vase vatteti, no ca sāriputto cittassa vasena vattatī’’ti. Dasamaṃ.
Related texts:
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૬-૧૧. દુતિયમિત્તસુત્તાદિવણ્ણના • 6-11. Dutiyamittasuttādivaṇṇanā
