| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੪. ਦੁਤਿਯવੇਦਨਾਸੁਤ੍ਤવਣ੍ਣਨਾ
4. Dutiyavedanāsuttavaṇṇanā
੫੩. ਚਤੁਤ੍ਥੇ ਦੁਕ੍ਖਤੋ ਦਟ੍ਠਬ੍ਬਾਤਿ ਸੁਖવੇਦਨਾ વਿਪਰਿਣਾਮਦੁਕ੍ਖવਸੇਨ ਦੁਕ੍ਖਾਤਿ ਞਾਣਚਕ੍ਖੁਨਾ ਪਸ੍ਸਿਤਬ੍ਬਾ। ਸਲ੍ਲਤੋ ਦਟ੍ਠਬ੍ਬਾਤਿ ਦੁਨ੍ਨੀਹਰਣਟ੍ਠੇਨ ਅਨ੍ਤੋਤੁਦਨਟ੍ਠੇਨ ਪੀਲ਼ਨਟ੍ਠੇਨ ਦੁਕ੍ਖਦੁਕ੍ਖਭਾવੇਨ ਦੁਕ੍ਖવੇਦਨਾ ਸਲ੍ਲਨ੍ਤਿ ਪਸ੍ਸਿਤਬ੍ਬਾ। ਅਨਿਚ੍ਚਤੋਤਿ ਹੁਤ੍વਾ ਅਭਾવਤੋ ਉਦਯਬ੍ਬਯવਨ੍ਤਤੋ ਤਾવਕਾਲਿਕਤੋ ਨਿਚ੍ਚਪਟਿਪਕ੍ਖਤੋ ਚ ਅਦੁਕ੍ਖਮਸੁਖਾ વੇਦਨਾ ਅਨਿਚ੍ਚਾਤਿ ਪਸ੍ਸਿਤਬ੍ਬਾ। ਕਾਮਞ੍ਚੇਤ੍ਥ ਸਬ੍ਬਾਪਿ વੇਦਨਾ ਅਨਿਚ੍ਚਤੋ ਪਸ੍ਸਿਤਬ੍ਬਾ, ਅਨਿਚ੍ਚਦਸ੍ਸਨਤੋ ਪਨ ਸਾਤਿਸਯਂ વਿਰਾਗਨਿਮਿਤ੍ਤਂ ਦੁਕ੍ਖਦਸ੍ਸਨਨ੍ਤਿ ਇਮਮਤ੍ਥਂ ਦਸ੍ਸੇਨ੍ਤੋ ਸਤ੍ਥਾ ‘‘ਸੁਖਾ, ਭਿਕ੍ਖવੇ, વੇਦਨਾ ਦੁਕ੍ਖਤੋ ਦਟ੍ਠਬ੍ਬਾ, ਦੁਕ੍ਖਾ વੇਦਨਾ ਸਲ੍ਲਤੋ ਦਟ੍ਠਬ੍ਬਾ’’ਤਿ ਆਹ। ਅਥ વਾ ਯਤ੍ਥ ਪੁਥੁਜ੍ਜਨਾ ਸੁਖਾਭਿਨਿવੇਸਿਨੋ, ਤਤ੍ਥ ਨਿਬ੍ਬੇਦਜਨਨਤ੍ਥਂ ਤਥਾ વੁਤ੍ਤਂ। ਤੇਨਸ੍ਸਾ ਸਙ੍ਖਾਰਦੁਕ੍ਖਤਾਯ ਦੁਕ੍ਖਭਾવੋ ਦਸ੍ਸਿਤੋ। ਯਦਨਿਚ੍ਚਂ, ਤਂ ਦੁਕ੍ਖਨ੍ਤਿ વਿਪਰਿਣਾਮਦੁਕ੍ਖਤਾਯ ‘‘ਸੁਖਾ, ਭਿਕ੍ਖવੇ, વੇਦਨਾ ਦੁਕ੍ਖਤੋ ਦਟ੍ਠਬ੍ਬਾ’’ਤਿ વਤ੍વਾ ‘‘ਸੁਖਾਪਿ ਤਾવ ਏਦਿਸੀ, ਦੁਕ੍ਖਾ ਨੁ ਖੋ ਕੀਦਿਸੀ’’ਤਿ ਚਿਨ੍ਤੇਨ੍ਤਾਨਂ ਦੁਕ੍ਖਦੁਕ੍ਖਤਾਯ ‘‘ਦੁਕ੍ਖਾ વੇਦਨਾ ਸਲ੍ਲਤੋ ਦਟ੍ਠਬ੍ਬਾ’’ਤਿ ਆਹ, ਇਤਰਾ ਪਨ ਸਙ੍ਖਾਰਦੁਕ੍ਖਤਾਯ ਏવ ਦੁਕ੍ਖਾਤਿ ਦਸ੍ਸੇਨ੍ਤੋ ‘‘ਅਦੁਕ੍ਖਮਸੁਖਾ વੇਦਨਾ ਅਨਿਚ੍ਚਤੋ ਦਟ੍ਠਬ੍ਬਾ’’ਤਿ ਅવੋਚ।
53. Catutthe dukkhato daṭṭhabbāti sukhavedanā vipariṇāmadukkhavasena dukkhāti ñāṇacakkhunā passitabbā. Sallato daṭṭhabbāti dunnīharaṇaṭṭhena antotudanaṭṭhena pīḷanaṭṭhena dukkhadukkhabhāvena dukkhavedanā sallanti passitabbā. Aniccatoti hutvā abhāvato udayabbayavantato tāvakālikato niccapaṭipakkhato ca adukkhamasukhā vedanā aniccāti passitabbā. Kāmañcettha sabbāpi vedanā aniccato passitabbā, aniccadassanato pana sātisayaṃ virāganimittaṃ dukkhadassananti imamatthaṃ dassento satthā ‘‘sukhā, bhikkhave, vedanā dukkhato daṭṭhabbā, dukkhā vedanā sallato daṭṭhabbā’’ti āha. Atha vā yattha puthujjanā sukhābhinivesino, tattha nibbedajananatthaṃ tathā vuttaṃ. Tenassā saṅkhāradukkhatāya dukkhabhāvo dassito. Yadaniccaṃ, taṃ dukkhanti vipariṇāmadukkhatāya ‘‘sukhā, bhikkhave, vedanā dukkhato daṭṭhabbā’’ti vatvā ‘‘sukhāpi tāva edisī, dukkhā nu kho kīdisī’’ti cintentānaṃ dukkhadukkhatāya ‘‘dukkhā vedanā sallato daṭṭhabbā’’ti āha, itarā pana saṅkhāradukkhatāya eva dukkhāti dassento ‘‘adukkhamasukhā vedanā aniccato daṭṭhabbā’’ti avoca.
ਏਤ੍ਥ ਚ ‘‘ਸੁਖਾ વੇਦਨਾ ਦੁਕ੍ਖਤੋ ਦਟ੍ਠਬ੍ਬਾ’’ਤਿ ਏਤੇਨ ਰਾਗਸ੍ਸ ਸਮੁਗ੍ਘਾਤਨੂਪਾਯੋ ਦਸ੍ਸਿਤੋ। ਸੁਖવੇਦਨਾਯ ਹਿ ਰਾਗਾਨੁਸਯੋ ਅਨੁਸੇਤਿ। ‘‘ਦੁਕ੍ਖਾ વੇਦਨਾ ਸਲ੍ਲਤੋ ਦਟ੍ਠਬ੍ਬਾ’’ਤਿ ਏਤੇਨ ਦੋਸਸ੍ਸ ਸਮੁਗ੍ਘਾਤਨੂਪਾਯੋ ਦਸ੍ਸਿਤੋ। ਦੁਕ੍ਖવੇਦਨਾਯ ਹਿ ਪਟਿਘਾਨੁਸਯੋ ਅਨੁਸੇਤਿ। ‘‘ਅਦੁਕ੍ਖਮਸੁਖਾ વੇਦਨਾ ਅਨਿਚ੍ਚਤੋ ਦਟ੍ਠਬ੍ਬਾ’’ਤਿ ਏਤੇਨ ਮੋਹਸ੍ਸ ਸਮੁਗ੍ਘਾਤਨੂਪਾਯੋ ਦਸ੍ਸਿਤੋ। ਅਦੁਕ੍ਖਮਸੁਖવੇਦਨਾਯ ਹਿ ਅવਿਜ੍ਜਾਨੁਸਯੋ ਅਨੁਸੇਤਿ।
Ettha ca ‘‘sukhā vedanā dukkhato daṭṭhabbā’’ti etena rāgassa samugghātanūpāyo dassito. Sukhavedanāya hi rāgānusayo anuseti. ‘‘Dukkhā vedanā sallato daṭṭhabbā’’ti etena dosassa samugghātanūpāyo dassito. Dukkhavedanāya hi paṭighānusayo anuseti. ‘‘Adukkhamasukhā vedanā aniccato daṭṭhabbā’’ti etena mohassa samugghātanūpāyo dassito. Adukkhamasukhavedanāya hi avijjānusayo anuseti.
ਤਥਾ ਪਠਮੇਨ ਤਣ੍ਹਾਸਂਕਿਲੇਸਸ੍ਸ ਪਹਾਨਂ ਦਸ੍ਸਿਤਂ ਤਸ੍ਸ ਸੁਖਸ੍ਸਾਦਹੇਤੁਕਤ੍ਤਾ, ਦੁਤਿਯੇਨ ਦੁਚ੍ਚਰਿਤਸਂਕਿਲੇਸਸ੍ਸ ਪਹਾਨਂ। ਯਥਾਭੂਤਞ੍ਹਿ ਦੁਕ੍ਖਂ ਅਪਰਿਜਾਨਨ੍ਤਾ ਤਸ੍ਸ ਪਰਿਹਰਣਤ੍ਥਂ ਦੁਚ੍ਚਰਿਤਂ ਚਰਨ੍ਤਿ। ਤਤਿਯੇਨ ਦਿਟ੍ਠਿਸਂਕਿਲੇਸਸ੍ਸ ਪਹਾਨਂ ਅਨਿਚ੍ਚਤੋ ਪਸ੍ਸਨ੍ਤਸ੍ਸ ਦਿਟ੍ਠਿਸਂਕਿਲੇਸਾਭਾવਤੋ ਅવਿਜ੍ਜਾਨਿਮਿਤ੍ਤਤ੍ਤਾ ਦਿਟ੍ਠਿਸਂਕਿਲੇਸਸ੍ਸ, ਅવਿਜ੍ਜਾਨਿਮਿਤ੍ਤਞ੍ਚ ਅਦੁਕ੍ਖਮਸੁਖਾ વੇਦਨਾ। ਪਠਮੇਨ વਾ વਿਪਰਿਣਾਮਦੁਕ੍ਖਪਰਿਞ੍ਞਾ, ਦੁਤਿਯੇਨ ਦੁਕ੍ਖਦੁਕ੍ਖਪਰਿਞ੍ਞਾ, ਤਤਿਯੇਨ ਸਙ੍ਖਾਰਦੁਕ੍ਖਪਰਿਞ੍ਞਾ। ਪਠਮੇਨ વਾ ਇਟ੍ਠਾਰਮ੍ਮਣਪਰਿਞ੍ਞਾ, ਦੁਤਿਯੇਨ ਅਨਿਟ੍ਠਾਰਮ੍ਮਣਪਰਿਞ੍ਞਾ, ਤਤਿਯੇਨ ਮਜ੍ਝਤ੍ਤਾਰਮ੍ਮਣਪਰਿਞ੍ਞਾ। વਿਰਤ੍ਤੇਸੁ ਹਿ ਤਦਾਰਮ੍ਮਣਧਮ੍ਮੇਸੁ ਆਰਮ੍ਮਣਾਨਿਪਿ વਿਰਤ੍ਤਾਨੇવ ਹੋਨ੍ਤੀਤਿ। ਪਠਮੇਨ વਾ ਰਾਗਪ੍ਪਹਾਨਪਰਿਕਿਤ੍ਤਨੇਨ ਦੁਕ੍ਖਾਨੁਪਸ੍ਸਨਾਯ ਅਪ੍ਪਣਿਹਿਤવਿਮੋਕ੍ਖੋ ਦੀਪਿਤੋ ਹੋਤਿ, ਦੁਤਿਯੇਨ ਦੋਸਪ੍ਪਹਾਨਪਰਿਕਿਤ੍ਤਨੇਨ ਅਨਿਚ੍ਚਾਨੁਪਸ੍ਸਨਾਯ ਅਨਿਮਿਤ੍ਤવਿਮੋਕ੍ਖੋ, ਤਤਿਯੇਨ ਮੋਹਪ੍ਪਹਾਨਪਰਿਕਿਤ੍ਤਨੇਨ ਅਨਤ੍ਤਾਨੁਪਸ੍ਸਨਾਯ ਸੁਞ੍ਞਤવਿਮੋਕ੍ਖੋ ਦੀਪਿਤੋ ਹੋਤੀਤਿ વੇਦਿਤਬ੍ਬਂ।
Tathā paṭhamena taṇhāsaṃkilesassa pahānaṃ dassitaṃ tassa sukhassādahetukattā, dutiyena duccaritasaṃkilesassa pahānaṃ. Yathābhūtañhi dukkhaṃ aparijānantā tassa pariharaṇatthaṃ duccaritaṃ caranti. Tatiyena diṭṭhisaṃkilesassa pahānaṃ aniccato passantassa diṭṭhisaṃkilesābhāvato avijjānimittattā diṭṭhisaṃkilesassa, avijjānimittañca adukkhamasukhā vedanā. Paṭhamena vā vipariṇāmadukkhapariññā, dutiyena dukkhadukkhapariññā, tatiyena saṅkhāradukkhapariññā. Paṭhamena vā iṭṭhārammaṇapariññā, dutiyena aniṭṭhārammaṇapariññā, tatiyena majjhattārammaṇapariññā. Virattesu hi tadārammaṇadhammesu ārammaṇānipi virattāneva hontīti. Paṭhamena vā rāgappahānaparikittanena dukkhānupassanāya appaṇihitavimokkho dīpito hoti, dutiyena dosappahānaparikittanena aniccānupassanāya animittavimokkho, tatiyena mohappahānaparikittanena anattānupassanāya suññatavimokkho dīpito hotīti veditabbaṃ.
ਯਤੋਤਿ ਯਦਾ, ਯਸ੍ਮਾ વਾ। ਅਰਿਯੋਤਿ ਕਿਲੇਸੇਹਿ ਆਰਕਾ ਠਿਤੋ ਪਰਿਸੁਦ੍ਧੋ। ਸਮ੍ਮਦ੍ਦਸੋਤਿ ਸਬ੍ਬਾਸਂ વੇਦਨਾਨਂ ਚਤੁਨ੍ਨਮ੍ਪਿ વਾ ਸਚ੍ਚਾਨਂ ਅવਿਪਰੀਤਦਸ੍ਸਾવੀ। ਅਚ੍ਛੇਚ੍ਛਿ ਤਣ੍ਹਨ੍ਤਿ વੇਦਨਾਮੂਲਕਂ ਤਣ੍ਹਂ ਅਗ੍ਗਮਗ੍ਗੇਨ ਛਿਨ੍ਦਿ, ਅਨવਸੇਸਤੋ ਸਮੁਚ੍ਛਿਨ੍ਦਿ। વਿવਤ੍ਤਯਿ ਸਂਯੋਜਨਨ੍ਤਿ ਦਸવਿਧਂ ਸਂਯੋਜਨਂ ਪਰਿવਤ੍ਤਯਿ, ਨਿਮ੍ਮੂਲਮਕਾਸਿ। ਸਮ੍ਮਾਤਿ ਹੇਤੁਨਾ ਕਾਰਣੇਨ। ਮਾਨਾਭਿਸਮਯਾਤਿ ਮਾਨਸ੍ਸ ਦਸ੍ਸਨਾਭਿਸਮਯਾ, ਪਹਾਨਾਭਿਸਮਯਾ વਾ। ਅਰਹਤ੍ਤਮਗ੍ਗੋ ਹਿ ਕਿਚ੍ਚવਸੇਨ ਮਾਨਂ ਪਸ੍ਸਤਿ, ਅਯਮਸ੍ਸ ਦਸ੍ਸਨਾਭਿਸਮਯੋ। ਤੇਨ ਦਿਟ੍ਠੋ ਪਨ ਸੋ ਤਾવਦੇવ ਪਹੀਯਤਿ ਦਿਟ੍ਠવਿਸੇਨ ਦਿਟ੍ਠਸਤ੍ਤਾਨਂ ਜੀવਿਤਂ વਿਯ, ਅਯਮਸ੍ਸ ਪਹਾਨਾਭਿਸਮਯੋ। ਅਨ੍ਤਮਕਾਸਿ ਦੁਕ੍ਖਸ੍ਸਾਤਿ ਏવਂ ਅਰਹਤ੍ਤਮਗ੍ਗੇਨ ਮਾਨਸ੍ਸ ਦਿਟ੍ਠਤ੍ਤਾ ਪਹੀਨਤ੍ਤਾ ਚ ਸਬ੍ਬਸ੍ਸੇવ વਟ੍ਟਦੁਕ੍ਖਸ੍ਸ ਕੋਟਿਸਙ੍ਖਾਤਂ ਅਨ੍ਤਂ ਪਰਿਚ੍ਛੇਦਂ ਪਰਿવਟੁਮਂ ਅਕਾਸਿ, ਅਨ੍ਤਿਮਸਮੁਸ੍ਸਯਮਤ੍ਤਾવਸੇਸਂ ਦੁਕ੍ਖਮਕਾਸੀਤਿ વੁਤ੍ਤਂ ਹੋਤਿ।
Yatoti yadā, yasmā vā. Ariyoti kilesehi ārakā ṭhito parisuddho. Sammaddasoti sabbāsaṃ vedanānaṃ catunnampi vā saccānaṃ aviparītadassāvī. Acchecchi taṇhanti vedanāmūlakaṃ taṇhaṃ aggamaggena chindi, anavasesato samucchindi. Vivattayi saṃyojananti dasavidhaṃ saṃyojanaṃ parivattayi, nimmūlamakāsi. Sammāti hetunā kāraṇena. Mānābhisamayāti mānassa dassanābhisamayā, pahānābhisamayā vā. Arahattamaggo hi kiccavasena mānaṃ passati, ayamassa dassanābhisamayo. Tena diṭṭho pana so tāvadeva pahīyati diṭṭhavisena diṭṭhasattānaṃ jīvitaṃ viya, ayamassa pahānābhisamayo. Antamakāsi dukkhassāti evaṃ arahattamaggena mānassa diṭṭhattā pahīnattā ca sabbasseva vaṭṭadukkhassa koṭisaṅkhātaṃ antaṃ paricchedaṃ parivaṭumaṃ akāsi, antimasamussayamattāvasesaṃ dukkhamakāsīti vuttaṃ hoti.
ਗਾਥਾਸੁ ਯੋਤਿ ਯੋ ਅਰਿਯਸਾવਕੋ। ਅਦ੍ਦਾਤਿ ਅਦ੍ਦਸ, ਸੁਖવੇਦਨਂ ਦੁਕ੍ਖਤੋ ਪਸ੍ਸੀਤਿ ਅਤ੍ਥੋ। ਸੁਖવੇਦਨਾ ਹਿ વਿਸਮਿਸ੍ਸਂ વਿਯ ਭੋਜਨਂ ਪਰਿਭੋਗਕਾਲੇ ਅਸ੍ਸਾਦਂ ਦਦਮਾਨਾ વਿਪਰਿਣਾਮਕਾਲੇ ਦੁਕ੍ਖਾਯੇવਾਤਿ। ਦੁਕ੍ਖਮਦ੍ਦਕ੍ਖਿ ਸਲ੍ਲਤੋਤਿ ਯਥਾ ਸਲ੍ਲਂ ਸਰੀਰਂ ਅਨੁਪવਿਸਨ੍ਤਮ੍ਪਿ ਪવਿਟ੍ਠਮ੍ਪਿ ਉਦ੍ਧਰਿਯਮਾਨਮ੍ਪਿ ਪੀਲ਼ਮੇવ ਜਨੇਤਿ, ਏવਂ ਦੁਕ੍ਖવੇਦਨਾ ਉਪ੍ਪਜ੍ਜਮਾਨਾਪਿ ਠਿਤਿਪ੍ਪਤ੍ਤਾਪਿ ਭਿਜ੍ਜਮਾਨਾਪਿ વਿਬਾਧਤਿਯੇવਾਤਿ ਤਂ ਸਲ੍ਲਤੋ વਿਪਸ੍ਸੀਤਿ વੁਤ੍ਤਂ। ਅਦ੍ਦਕ੍ਖਿ ਨਂ ਅਨਿਚ੍ਚਤੋਤਿ ਸੁਖਦੁਕ੍ਖਤੋ ਸਨ੍ਤਸਭਾવਤਾਯ ਸਨ੍ਤਤਰਜਾਤਿਕਮ੍ਪਿ ਨਂ ਅਦੁਕ੍ਖਮਸੁਖਂ ਅਨਿਚ੍ਚਨ੍ਤਿਕਤਾਯ ਅਨਿਚ੍ਚਤੋ ਪਸ੍ਸਿ।
Gāthāsu yoti yo ariyasāvako. Addāti addasa, sukhavedanaṃ dukkhato passīti attho. Sukhavedanā hi visamissaṃ viya bhojanaṃ paribhogakāle assādaṃ dadamānā vipariṇāmakāle dukkhāyevāti. Dukkhamaddakkhi sallatoti yathā sallaṃ sarīraṃ anupavisantampi paviṭṭhampi uddhariyamānampi pīḷameva janeti, evaṃ dukkhavedanā uppajjamānāpi ṭhitippattāpi bhijjamānāpi vibādhatiyevāti taṃ sallato vipassīti vuttaṃ. Addakkhinaṃ aniccatoti sukhadukkhato santasabhāvatāya santatarajātikampi naṃ adukkhamasukhaṃ aniccantikatāya aniccato passi.
ਸ વੇ ਸਮ੍ਮਦ੍ਦਸੋਤਿ ਸੋ ਏવਂ ਤਿਸ੍ਸਨ੍ਨਂ વੇਦਨਾਨਂ ਸਮ੍ਮਦੇવ ਦੁਕ੍ਖਾਦਿਤੋ ਦਸ੍ਸਾવੀ। ਯਤੋਤਿ ਯਸ੍ਮਾ। ਤਤ੍ਥਾਤਿ વੇਦਨਾਯਂ। વਿਮੁਚ੍ਚਤੀਤਿ ਸਮੁਚ੍ਛੇਦવਿਮੁਤ੍ਤਿવਸੇਨ વਿਮੁਚ੍ਚਤਿ। ਇਦਂ વੁਤ੍ਤਂ ਹੋਤਿ – ਯਸ੍ਮਾ ਸੁਖਾਦੀਨਿ ਦੁਕ੍ਖਾਦਿਤੋ ਅਦ੍ਦਸ, ਤਸ੍ਮਾ ਤਤ੍ਥ વੇਦਨਾਯ ਤਪ੍ਪਟਿਬਦ੍ਧਛਨ੍ਦਰਾਗਪ੍ਪਹਾਨੇਨ ਸਮੁਚ੍ਛੇਦવਸੇਨ વਿਮੁਚ੍ਚਤਿ। ਯਂਸਦ੍ਦੇ ਹਿ વੁਤ੍ਤੇ ਤਂਸਦ੍ਦੋ ਆਹਰਿਤ੍વਾ વਤ੍ਤਬ੍ਬੋ। ਅਥ વਾ ਯਤੋਤਿ ਕਾਯવਾਚਾਚਿਤ੍ਤੇਹਿ ਸਂਯਤੋ ਯਤਤ੍ਤੋ, ਯਤਤਿ ਪਦਹਤੀਤਿ વਾ ਯਤੋ, ਆਯਤਤੀਤਿ ਅਤ੍ਥੋ। ਅਭਿਞ੍ਞਾવੋਸਿਤੋਤਿ વੇਦਨਾਮੁਖੇਨ ਚਤੁਸਚ੍ਚਕਮ੍ਮਟ੍ਠਾਨਂ ਭਾવੇਤ੍વਾ ਛਟ੍ਠਾਭਿਞ੍ਞਾਯ ਪਰਿਯੋਸਿਤੋ ਕਤਕਿਚ੍ਚੋ। ਸਨ੍ਤੋਤਿ ਰਾਗਾਦਿਕਿਲੇਸવੂਪਸਮੇਨ ਸਨ੍ਤੋ। ਯੋਗਾਤਿਗੋਤਿ ਕਾਮਯੋਗਾਦਿਂ ਚਤੁਬ੍ਬਿਧਮ੍ਪਿ ਯੋਗਂ ਅਤਿਕ੍ਕਨ੍ਤੋ। ਉਭਯਹਿਤਮੁਨਨਤੋ ਮੁਨੀਤਿ।
Sa ve sammaddasoti so evaṃ tissannaṃ vedanānaṃ sammadeva dukkhādito dassāvī. Yatoti yasmā. Tatthāti vedanāyaṃ. Vimuccatīti samucchedavimuttivasena vimuccati. Idaṃ vuttaṃ hoti – yasmā sukhādīni dukkhādito addasa, tasmā tattha vedanāya tappaṭibaddhachandarāgappahānena samucchedavasena vimuccati. Yaṃsadde hi vutte taṃsaddo āharitvā vattabbo. Atha vā yatoti kāyavācācittehi saṃyato yatatto, yatati padahatīti vā yato, āyatatīti attho. Abhiññāvositoti vedanāmukhena catusaccakammaṭṭhānaṃ bhāvetvā chaṭṭhābhiññāya pariyosito katakicco. Santoti rāgādikilesavūpasamena santo. Yogātigoti kāmayogādiṃ catubbidhampi yogaṃ atikkanto. Ubhayahitamunanato munīti.
ਚਤੁਤ੍ਥਸੁਤ੍ਤવਣ੍ਣਨਾ ਨਿਟ੍ਠਿਤਾ।
Catutthasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi / ੪. ਦੁਤਿਯવੇਦਨਾਸੁਤ੍ਤਂ • 4. Dutiyavedanāsuttaṃ
