| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
8. д̣̇удтад̣̇осасигкаабад̣̇ам̣
8. Duṭṭhadosasikkhāpadaṃ
380. 1 д̇зна самаязна б̣уд̣̇д̇хо бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна ааяасмад̇аа д̣̇аб̣б̣зна маллабуд̇д̇зна ж̇аад̇ияаа сад̇д̇авассзна арахад̇д̇ам̣ сажчигад̇ам̣ ход̇и. яам̣ гин̃жи 2 саавагзна бад̇д̇аб̣б̣ам̣ саб̣б̣ам̣ д̇зна ануббад̇д̇ам̣ ход̇и. над̇т̇и жасса гин̃жи уд̇д̇ари гаран̣ийяам̣, гад̇асса ваа бад̇ижаяо. ат̇а ко ааяасмад̇о д̣̇аб̣б̣асса маллабуд̇д̇асса рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и – ‘‘маяаа ко ж̇аад̇ияаа сад̇д̇авассзна арахад̇д̇ам̣ сажчигад̇ам̣. яам̣ гин̃жи саавагзна бад̇д̇аб̣б̣ам̣ саб̣б̣ам̣ маяаа ануббад̇д̇ам̣. над̇т̇и жа мз гин̃жи уд̇д̇ари гаран̣ийяам̣, гад̇асса ваа бад̇ижаяо. гинну ко ахам̣ сан̇гхасса взяяааважжам̣ гарзяяа’’нд̇и?
380.3 Tena samayena buddho bhagavā rājagahe viharati veḷuvane kalandakanivāpe. Tena kho pana samayena āyasmatā dabbena mallaputtena jātiyā sattavassena arahattaṃ sacchikataṃ hoti. Yaṃ kiñci 4 sāvakena pattabbaṃ sabbaṃ tena anuppattaṃ hoti. Natthi cassa kiñci uttari karaṇīyaṃ, katassa vā paticayo. Atha kho āyasmato dabbassa mallaputtassa rahogatassa paṭisallīnassa evaṃ cetaso parivitakko udapādi – ‘‘mayā kho jātiyā sattavassena arahattaṃ sacchikataṃ. Yaṃ kiñci sāvakena pattabbaṃ sabbaṃ mayā anuppattaṃ. Natthi ca me kiñci uttari karaṇīyaṃ, katassa vā paticayo. Kinnu kho ahaṃ saṅghassa veyyāvaccaṃ kareyya’’nti?
ат̇а ко ааяасмад̇о д̣̇аб̣б̣асса маллабуд̇д̇асса зд̇ад̣̇ахоси – ‘‘яам̣нуунаахам̣ сан̇гхасса сзнаасанан̃жа бан̃н̃абзяяам̣ бхад̇д̇аани жа уд̣̇д̣̇исзяяа’’нд̇и. ат̇а ко ааяасмаа д̣̇аб̣б̣о маллабуд̇д̇о сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа д̣̇аб̣б̣о маллабуд̇д̇о бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, рахог̇ад̇асса бадисаллийнасса звам̣ жзд̇асо баривид̇агго уд̣̇абаад̣̇и маяаа ко ж̇аад̇ияаа сад̇д̇авассзна арахад̇д̇ам̣ сажчигад̇ам̣, яам̣ гин̃жи саавагзна бад̇д̇аб̣б̣ам̣, саб̣б̣ам̣ маяаа анубад̇д̇ам̣, над̇т̇и жа мз гин̃жи уд̇д̇ари гаран̣ийяам̣, гад̇асса ваа бад̇ижаяо, гим̣ ну ко ахам̣ сан̇гхасса взяяааважжам̣ гарзяяа’’нд̇и. д̇асса маяхам̣ бханд̇з, зд̇ад̣̇ахоси яам̣нуунаахам̣ ‘‘сан̇гхасса сзнаасанан̃жа бан̃н̃абзяяам̣ бхад̇д̇аани жа уд̣̇д̣̇исзяяанд̇и. ижчаамахам̣, бханд̇з, сан̇гхасса сзнаасанан̃жа бан̃н̃абзд̇ум̣ бхад̇д̇аани жа уд̣̇д̣̇исид̇у’’нд̇и. ‘‘саад̇ху саад̇ху, д̣̇аб̣б̣а. д̇зна хи д̇вам̣, д̣̇аб̣б̣а, сан̇гхасса сзнаасанан̃жа бан̃н̃абзхи бхад̇д̇аани жа уд̣̇д̣̇исаа’’д̇и. ‘‘звам̣, бханд̇з’’д̇и ко ааяасмаа д̣̇аб̣б̣о маллабуд̇д̇о бхаг̇авад̇о бажжассоси. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘д̇зна хи, бхигкавз, сан̇гхо д̣̇аб̣б̣ам̣ маллабуд̇д̇ам̣ сзнаасанабан̃н̃аабаган̃жа бхад̇д̇уд̣̇д̣̇зсаган̃жа самманнад̇у. зван̃жа бана, бхигкавз, самманнид̇аб̣б̣о. батамам̣ д̣̇аб̣б̣о маллабуд̇д̇о яаажид̇аб̣б̣о. яаажид̇ваа б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
Atha kho āyasmato dabbassa mallaputtassa etadahosi – ‘‘yaṃnūnāhaṃ saṅghassa senāsanañca paññapeyyaṃ bhattāni ca uddiseyya’’nti. Atha kho āyasmā dabbo mallaputto sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā dabbo mallaputto bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi mayā kho jātiyā sattavassena arahattaṃ sacchikataṃ, yaṃ kiñci sāvakena pattabbaṃ, sabbaṃ mayā anupattaṃ, natthi ca me kiñci uttari karaṇīyaṃ, katassa vā paticayo, kiṃ nu kho ahaṃ saṅghassa veyyāvaccaṃ kareyya’’nti. Tassa mayhaṃ bhante, etadahosi yaṃnūnāhaṃ ‘‘saṅghassa senāsanañca paññapeyyaṃ bhattāni ca uddiseyyanti. Icchāmahaṃ, bhante, saṅghassa senāsanañca paññapetuṃ bhattāni ca uddisitu’’nti. ‘‘Sādhu sādhu, dabba. Tena hi tvaṃ, dabba, saṅghassa senāsanañca paññapehi bhattāni ca uddisā’’ti. ‘‘Evaṃ, bhante’’ti kho āyasmā dabbo mallaputto bhagavato paccassosi. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘tena hi, bhikkhave, saṅgho dabbaṃ mallaputtaṃ senāsanapaññāpakañca bhattuddesakañca sammannatu. Evañca pana, bhikkhave, sammannitabbo. Paṭhamaṃ dabbo mallaputto yācitabbo. Yācitvā byattena bhikkhunā paṭibalena saṅgho ñāpetabbo –
381. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣ сан̇гхо ааяасманд̇ам̣ д̣̇аб̣б̣ам̣ маллабуд̇д̇ам̣ сзнаасанабан̃н̃аабаган̃жа бхад̇д̇уд̣̇д̣̇зсаган̃жа самманнзяяа. зсаа н̃ад̇д̇и.
381. ‘‘Suṇātu me, bhante, saṅgho. Yadi saṅghassa pattakallaṃ saṅgho āyasmantaṃ dabbaṃ mallaputtaṃ senāsanapaññāpakañca bhattuddesakañca sammanneyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо ааяасманд̇ам̣ д̣̇аб̣б̣ам̣ маллабуд̇д̇ам̣ сзнаасанабан̃н̃аабаган̃жа бхад̇д̇уд̣̇д̣̇зсаган̃жа самманнад̇и. яассааяасмад̇о камад̇и ааяасмад̇о д̣̇аб̣б̣асса маллабуд̇д̇асса сзнаасанабан̃н̃аабагасса жа бхад̇д̇уд̣̇д̣̇зсагасса жа саммуд̇и, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho āyasmantaṃ dabbaṃ mallaputtaṃ senāsanapaññāpakañca bhattuddesakañca sammannati. Yassāyasmato khamati āyasmato dabbassa mallaputtassa senāsanapaññāpakassa ca bhattuddesakassa ca sammuti, so tuṇhassa; yassa nakkhamati, so bhāseyya.
‘‘саммад̇о сан̇гхзна ааяасмаа д̣̇аб̣б̣о маллабуд̇д̇о сзнаасанабан̃н̃аабаго жа бхад̇д̇уд̣̇д̣̇зсаго жа. камад̇и сан̇гхасса, д̇асмаа д̇ун̣хий , звамзд̇ам̣ д̇хаараяаамий’’д̇и.
‘‘Sammato saṅghena āyasmā dabbo mallaputto senāsanapaññāpako ca bhattuddesako ca. Khamati saṅghassa, tasmā tuṇhī , evametaṃ dhārayāmī’’ti.
382. саммад̇о жа банааяасмаа д̣̇аб̣б̣о маллабуд̇д̇о сабхааг̇аанам̣ бхигкуунам̣ згаж̇жхам̣ сзнаасанам̣ бан̃н̃абзд̇и. яз д̇з бхигкуу суд̇д̇анд̇игаа д̇зсам̣ згаж̇жхам̣ сзнаасанам̣ бан̃н̃абзд̇и – ‘‘д̇з ан̃н̃аман̃н̃ам̣ суд̇д̇анд̇ам̣ сан̇г̇ааяиссанд̇ий’’д̇и. яз д̇з бхигкуу винаяад̇хараа д̇зсам̣ згаж̇жхам̣ сзнаасанам̣ бан̃н̃абзд̇и – ‘‘д̇з ан̃н̃аман̃н̃ам̣ винаяам̣ винижчиниссанд̇ий’’д̇и 5. яз д̇з бхигкуу д̇хаммагат̇игаа д̇зсам̣ згаж̇жхам̣ сзнаасанам̣ бан̃н̃абзд̇и – ‘‘д̇з ан̃н̃аман̃н̃ам̣ д̇хаммам̣ саагажчиссанд̇ий’’д̇и. яз д̇з бхигкуу жхааяино д̇зсам̣ згаж̇жхам̣ сзнаасанам̣ бан̃н̃абзд̇и – ‘‘д̇з ан̃н̃аман̃н̃ам̣ на б̣яааб̣аад̇хиссанд̇ий’’д̇и 6. яз д̇з бхигкуу д̇иражчаанагат̇игаа гааяад̣̇ал̣хиб̣ахулаа 7 вихаранд̇и д̇зсамби згаж̇жхам̣ сзнаасанам̣ бан̃н̃абзд̇и – ‘‘имааяабимз ааяасманд̇о рад̇ияаа ажчиссанд̇ий’’д̇и. язби д̇з бхигкуу вигаалз ааг̇ажчанд̇и д̇зсамби д̇зж̇од̇хаад̇ум̣ самаабаж̇ж̇ид̇ваа д̇знзва аалогзна сзнаасанам̣ бан̃н̃абзд̇и. абису бхигкуу сан̃жижжа вигаалз ааг̇ажчанд̇и – ‘‘маяам̣ ааяасмад̇о д̣̇аб̣б̣асса маллабуд̇д̇асса ид̣̇д̇хибаадихаарияам̣ бассиссаамаа’’д̇и.
382. Sammato ca panāyasmā dabbo mallaputto sabhāgānaṃ bhikkhūnaṃ ekajjhaṃ senāsanaṃ paññapeti. Ye te bhikkhū suttantikā tesaṃ ekajjhaṃ senāsanaṃ paññapeti – ‘‘te aññamaññaṃ suttantaṃ saṅgāyissantī’’ti. Ye te bhikkhū vinayadharā tesaṃ ekajjhaṃ senāsanaṃ paññapeti – ‘‘te aññamaññaṃ vinayaṃ vinicchinissantī’’ti 8. Ye te bhikkhū dhammakathikā tesaṃ ekajjhaṃ senāsanaṃ paññapeti – ‘‘te aññamaññaṃ dhammaṃ sākacchissantī’’ti. Ye te bhikkhū jhāyino tesaṃ ekajjhaṃ senāsanaṃ paññapeti – ‘‘te aññamaññaṃ na byābādhissantī’’ti 9. Ye te bhikkhū tiracchānakathikā kāyadaḷhibahulā 10 viharanti tesampi ekajjhaṃ senāsanaṃ paññapeti – ‘‘imāyapime āyasmanto ratiyā acchissantī’’ti. Yepi te bhikkhū vikāle āgacchanti tesampi tejodhātuṃ samāpajjitvā teneva ālokena senāsanaṃ paññapeti. Apisu bhikkhū sañcicca vikāle āgacchanti – ‘‘mayaṃ āyasmato dabbassa mallaputtassa iddhipāṭihāriyaṃ passissāmā’’ti.
д̇з ааяасманд̇ам̣ д̣̇аб̣б̣ам̣ маллабуд̇д̇ам̣ убасан̇гамид̇ваа звам̣ вад̣̇анд̇и – ‘‘амхаагам̣, аавусо д̣̇аб̣б̣а, сзнаасанам̣ бан̃н̃абзхий’’д̇и. д̇з ааяасмаа д̣̇аб̣б̣о маллабуд̇д̇о звам̣ вад̣̇зд̇и – ‘‘гад̇т̇ааяасманд̇аа ижчанд̇и, гад̇т̇а бан̃н̃абзмий’’д̇и? д̇з сан̃жижжа д̣̇уурз абад̣̇исанд̇и – ‘‘амхаагам̣, аавусо д̣̇аб̣б̣а, г̇иж̇жхагуудз баб̣б̣ад̇з сзнаасанам̣ бан̃н̃абзхи. амхаагам̣, аавусо, жорабабаад̇з сзнаасанам̣ бан̃н̃абзхи. амхаагам̣, аавусо, исиг̇илибассз гаал̣асилааяам̣ сзнаасанам̣ бан̃н̃абзхи. амхаагам̣, аавусо, взбхаарабассз сад̇д̇абан̣н̣иг̇ухааяам̣ сзнаасанам̣ бан̃н̃абзхи. амхаагам̣, аавусо, сийд̇аванз саббасон̣д̣игабаб̣бхаарз сзнаасанам̣ бан̃н̃абзхи. амхаагам̣, аавусо, г̇од̇амагаганд̣̇арааяам̣ сзнаасанам̣ бан̃н̃абзхи. амхаагам̣, аавусо, д̇инд̣̇угаганд̣̇арааяам̣ сзнаасанам̣ бан̃н̃абзхи. амхаагам̣, аавусо, д̇абод̣̇аганд̣̇арааяам̣ сзнаасанам̣ бан̃н̃абзхи. амхаагам̣, аавусо, д̇абод̣̇аараамз сзнаасанам̣ бан̃н̃абзхи. амхаагам̣, аавусо, ж̇ийвагамб̣аванз сзнаасанам̣ бан̃н̃абзхи. амхаагам̣, аавусо, мад̣̇д̣̇агужчисмим̣ миг̇ад̣̇ааяз сзнаасанам̣ бан̃н̃абзхий’’д̇и.
Te āyasmantaṃ dabbaṃ mallaputtaṃ upasaṅkamitvā evaṃ vadanti – ‘‘amhākaṃ, āvuso dabba, senāsanaṃ paññapehī’’ti. Te āyasmā dabbo mallaputto evaṃ vadeti – ‘‘katthāyasmantā icchanti, kattha paññapemī’’ti? Te sañcicca dūre apadisanti – ‘‘amhākaṃ, āvuso dabba, gijjhakūṭe pabbate senāsanaṃ paññapehi. Amhākaṃ, āvuso, corapapāte senāsanaṃ paññapehi. Amhākaṃ, āvuso, isigilipasse kāḷasilāyaṃ senāsanaṃ paññapehi. Amhākaṃ, āvuso, vebhārapasse sattapaṇṇiguhāyaṃ senāsanaṃ paññapehi. Amhākaṃ, āvuso, sītavane sappasoṇḍikapabbhāre senāsanaṃ paññapehi. Amhākaṃ, āvuso, gotamakakandarāyaṃ senāsanaṃ paññapehi. Amhākaṃ, āvuso, tindukakandarāyaṃ senāsanaṃ paññapehi. Amhākaṃ, āvuso, tapodakandarāyaṃ senāsanaṃ paññapehi. Amhākaṃ, āvuso, tapodārāme senāsanaṃ paññapehi. Amhākaṃ, āvuso, jīvakambavane senāsanaṃ paññapehi. Amhākaṃ, āvuso, maddakucchismiṃ migadāye senāsanaṃ paññapehī’’ti.
д̇зсам̣ ааяасмаа д̣̇аб̣б̣о маллабуд̇д̇о д̇зж̇од̇хаад̇ум̣ самаабаж̇ж̇ид̇ваа ан̇г̇улияаа ж̇аламаанааяа бурад̇о бурад̇о г̇ажчад̇и. д̇зби д̇знзва аалогзна ааяасмад̇о д̣̇аб̣б̣асса маллабуд̇д̇асса бидтид̇о бидтид̇о г̇ажчанд̇и. д̇зсам̣ ааяасмаа д̣̇аб̣б̣о маллабуд̇д̇о звам̣ сзнаасанам̣ бан̃н̃абзд̇и – ‘‘аяам̣ ман̃жо, ид̣̇ам̣ бийтам̣, аяам̣ бхиси, ид̣̇ам̣ б̣имб̣оханам̣, ид̣̇ам̣ важжадтаанам̣, ид̣̇ам̣ бассаавадтаанам̣ , ид̣̇ам̣ баанийяам̣, ид̣̇ам̣ барибхож̇анийяам̣, аяам̣ гад̇д̇арад̣̇ан̣д̣о, ид̣̇ам̣ сан̇гхасса гад̇игасан̣таанам̣, имам̣ гаалам̣ бависид̇аб̣б̣ам̣, имам̣ гаалам̣ нигкамид̇аб̣б̣а’’нд̇и. д̇зсам̣ ааяасмаа д̣̇аб̣б̣о маллабуд̇д̇о звам̣ сзнаасанам̣ бан̃н̃абзд̇ваа бунад̣̇зва взл̣уванам̣ бажжааг̇ажчад̇и.
Tesaṃ āyasmā dabbo mallaputto tejodhātuṃ samāpajjitvā aṅguliyā jalamānāya purato purato gacchati. Tepi teneva ālokena āyasmato dabbassa mallaputtassa piṭṭhito piṭṭhito gacchanti. Tesaṃ āyasmā dabbo mallaputto evaṃ senāsanaṃ paññapeti – ‘‘ayaṃ mañco, idaṃ pīṭhaṃ, ayaṃ bhisi, idaṃ bimbohanaṃ, idaṃ vaccaṭṭhānaṃ, idaṃ passāvaṭṭhānaṃ , idaṃ pānīyaṃ, idaṃ paribhojanīyaṃ, ayaṃ kattaradaṇḍo, idaṃ saṅghassa katikasaṇṭhānaṃ, imaṃ kālaṃ pavisitabbaṃ, imaṃ kālaṃ nikkhamitabba’’nti. Tesaṃ āyasmā dabbo mallaputto evaṃ senāsanaṃ paññapetvā punadeva veḷuvanaṃ paccāgacchati.
383. д̇зна ко бана самаязна мзд̇д̇ияабхуумаж̇агаа 11 бхигкуу навагаа жзва хонд̇и аббабун̃н̃аа жа. яаани сан̇гхасса лаамагаани сзнаасанаани д̇аани д̇зсам̣ баабун̣анд̇и лаамагаани жа бхад̇д̇аани. д̇зна ко бана самаязна рааж̇аг̇ахз мануссаа ижчанд̇и т̇зраанам̣ бхигкуунам̣ абхисан̇кааригам̣ бин̣д̣абаад̇ам̣ д̣̇аад̇ум̣ саббимби д̇зламби уд̇д̇арибхан̇г̇амби. мзд̇д̇ияабхуумаж̇агаанам̣ бана бхигкуунам̣ баагад̇игам̣ д̣̇знд̇и яат̇ааранд̇хам̣ ган̣ааж̇агам̣ б̣илан̇г̇ад̣̇уд̇ияам̣. д̇з бажчаабхад̇д̇ам̣ бин̣д̣абаад̇аббадигганд̇аа т̇зрз бхигкуу бужчанд̇и – ‘‘д̇умхаагам̣, аавусо, бхад̇д̇аг̇г̇з гим̣ ахоси? д̇умхаагам̣, аавусо, бхад̇д̇аг̇г̇з гим̣ ахосий’’д̇и? згажжз т̇зраа звам̣ вад̣̇анд̇и – ‘‘амхаагам̣, аавусо, сабби ахоси д̇злам̣ ахоси уд̇д̇арибхан̇г̇ам̣ ахосий’’д̇и. мзд̇д̇ияабхуумаж̇агаа бана бхигкуу звам̣ вад̣̇анд̇и – ‘‘амхаагам̣, аавусо, на гин̃жи ахоси, баагад̇игам̣ яат̇ааранд̇хам̣ ган̣ааж̇агам̣ б̣илан̇г̇ад̣̇уд̇ияа’’нд̇и.
383. Tena kho pana samayena mettiyabhūmajakā 12 bhikkhū navakā ceva honti appapuññā ca. Yāni saṅghassa lāmakāni senāsanāni tāni tesaṃ pāpuṇanti lāmakāni ca bhattāni. Tena kho pana samayena rājagahe manussā icchanti therānaṃ bhikkhūnaṃ abhisaṅkhārikaṃ piṇḍapātaṃ dātuṃ sappimpi telampi uttaribhaṅgampi. Mettiyabhūmajakānaṃ pana bhikkhūnaṃ pākatikaṃ denti yathārandhaṃ kaṇājakaṃ bilaṅgadutiyaṃ. Te pacchābhattaṃ piṇḍapātappaṭikkantā there bhikkhū pucchanti – ‘‘tumhākaṃ, āvuso, bhattagge kiṃ ahosi? Tumhākaṃ, āvuso, bhattagge kiṃ ahosī’’ti? Ekacce therā evaṃ vadanti – ‘‘amhākaṃ, āvuso, sappi ahosi telaṃ ahosi uttaribhaṅgaṃ ahosī’’ti. Mettiyabhūmajakā pana bhikkhū evaṃ vadanti – ‘‘amhākaṃ, āvuso, na kiñci ahosi, pākatikaṃ yathārandhaṃ kaṇājakaṃ bilaṅgadutiya’’nti.
д̇зна ко бана самаязна галяаан̣абхад̇д̇иго г̇ахабад̇и сан̇гхасса жад̇уггабхад̇д̇ам̣ д̣̇зд̇и нижжабхад̇д̇ам̣. со бхад̇д̇аг̇г̇з сабуд̇д̇ад̣̇ааро убад̇идтид̇ваа баривисад̇и . ан̃н̃з од̣̇анзна бужчанд̇и, ан̃н̃з суубзна бужчанд̇и, ан̃н̃з д̇злзна бужчанд̇и, ан̃н̃з уд̇д̇арибхан̇г̇зна бужчанд̇и. д̇зна ко бана самаязна галяаан̣абхад̇д̇игасса г̇ахабад̇ино бхад̇д̇ам̣ сваад̇анааяа мзд̇д̇ияабхуумаж̇агаанам̣ бхигкуунам̣ уд̣̇д̣̇идтам̣ ход̇и. ат̇а ко галяаан̣абхад̇д̇иго г̇ахабад̇и аараамам̣ аг̇амааси гзнажид̣̇зва гаран̣ийязна. со язнааяасмаа д̣̇аб̣б̣о маллабуд̇д̇о д̇знубасан̇гами; убасан̇гамид̇ваа ааяасманд̇ам̣ д̣̇аб̣б̣ам̣ маллабуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко галяаан̣абхад̇д̇игам̣ г̇ахабад̇им̣ ааяасмаа д̣̇аб̣б̣о маллабуд̇д̇о д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко галяаан̣абхад̇д̇иго г̇ахабад̇и ааяасмад̇аа д̣̇аб̣б̣зна маллабуд̇д̇зна д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о ааяасманд̇ам̣ д̣̇аб̣б̣ам̣ маллабуд̇д̇ам̣ зд̇ад̣̇авожа – ‘‘гасса, бханд̇з, амхаагам̣ гхарз сваад̇анааяа бхад̇д̇ам̣ уд̣̇д̣̇идта’’нд̇и? ‘‘мзд̇д̇ияабхуумаж̇агаанам̣ ко, г̇ахабад̇и, бхигкуунам̣ д̇умхаагам̣ гхарз сваад̇анааяа бхад̇д̇ам̣ уд̣̇д̣̇идта’’нд̇и. ат̇а ко галяаан̣абхад̇д̇иго г̇ахабад̇и анад̇д̇амано ахоси – ‘‘гат̇ан̃хи наама баабабхигкуу амхаагам̣ гхарз бхун̃ж̇иссанд̇ий’’д̇и! гхарам̣ г̇анд̇ваа д̣̇аасим̣ аан̣аабзси – ‘‘яз, ж̇з, свз бхад̇д̇игаа ааг̇ажчанд̇и д̇з годтагз аасанам̣ бан̃н̃абзд̇ваа ган̣ааж̇агзна б̣илан̇г̇ад̣̇уд̇иязна баривисаа’’д̇и. ‘‘звам̣ аяяаа’’д̇и ко саа д̣̇аасий галяаан̣абхад̇д̇игасса г̇ахабад̇ино бажжассоси.
Tena kho pana samayena kalyāṇabhattiko gahapati saṅghassa catukkabhattaṃ deti niccabhattaṃ. So bhattagge saputtadāro upatiṭṭhitvā parivisati . Aññe odanena pucchanti, aññe sūpena pucchanti, aññe telena pucchanti, aññe uttaribhaṅgena pucchanti. Tena kho pana samayena kalyāṇabhattikassa gahapatino bhattaṃ svātanāya mettiyabhūmajakānaṃ bhikkhūnaṃ uddiṭṭhaṃ hoti. Atha kho kalyāṇabhattiko gahapati ārāmaṃ agamāsi kenacideva karaṇīyena. So yenāyasmā dabbo mallaputto tenupasaṅkami; upasaṅkamitvā āyasmantaṃ dabbaṃ mallaputtaṃ abhivādetvā ekamantaṃ nisīdi. Ekamantaṃ nisinnaṃ kho kalyāṇabhattikaṃ gahapatiṃ āyasmā dabbo mallaputto dhammiyā kathāya sandassesi samādapesi samuttejesi sampahaṃsesi. Atha kho kalyāṇabhattiko gahapati āyasmatā dabbena mallaputtena dhammiyā kathāya sandassito samādapito samuttejito sampahaṃsito āyasmantaṃ dabbaṃ mallaputtaṃ etadavoca – ‘‘kassa, bhante, amhākaṃ ghare svātanāya bhattaṃ uddiṭṭha’’nti? ‘‘Mettiyabhūmajakānaṃ kho, gahapati, bhikkhūnaṃ tumhākaṃ ghare svātanāya bhattaṃ uddiṭṭha’’nti. Atha kho kalyāṇabhattiko gahapati anattamano ahosi – ‘‘kathañhi nāma pāpabhikkhū amhākaṃ ghare bhuñjissantī’’ti! Gharaṃ gantvā dāsiṃ āṇāpesi – ‘‘ye, je, sve bhattikā āgacchanti te koṭṭhake āsanaṃ paññapetvā kaṇājakena bilaṅgadutiyena parivisā’’ti. ‘‘Evaṃ ayyā’’ti kho sā dāsī kalyāṇabhattikassa gahapatino paccassosi.
ат̇а ко мзд̇д̇ияабхуумаж̇агаа бхигкуу – ‘‘хияяо ко, аавусо, амхаагам̣ галяаан̣абхад̇д̇игасса г̇ахабад̇ино гхарз бхад̇д̇ам̣ уд̣̇д̣̇идтам̣, свз амхз галяаан̣абхад̇д̇иго г̇ахабад̇и сабуд̇д̇ад̣̇ааро убад̇идтид̇ваа баривисиссад̇и; ан̃н̃з од̣̇анзна бужчиссанд̇и, ан̃н̃з суубзна бужчиссанд̇и, ан̃н̃з д̇злзна бужчиссанд̇и, ан̃н̃з уд̇д̇арибхан̇г̇зна бужчиссанд̇ий’’д̇и. д̇з д̇знзва соманассзна на жид̇д̇аруубам̣ рад̇д̇ияаа субим̣су. ат̇а ко мзд̇д̇ияабхуумаж̇агаа бхигкуу буб̣б̣ан̣хасамаяам̣ ниваасзд̇ваа бад̇д̇ажийварам̣ аад̣̇ааяа язна галяаан̣абхад̇д̇игасса г̇ахабад̇ино нивзсанам̣ д̇знубасан̇гамим̣су. ад̣̇д̣̇асаа ко саа д̣̇аасий мзд̇д̇ияабхуумаж̇агз бхигкуу д̣̇уурад̇ова ааг̇ажчанд̇з. д̣̇исваана годтагз аасанам̣ бан̃н̃абзд̇ваа мзд̇д̇ияабхуумаж̇агз бхигкуу зд̇ад̣̇авожа – ‘‘нисийд̣̇ат̇а, бханд̇з’’д̇и. ат̇а ко мзд̇д̇ияабхуумаж̇агаанам̣ бхигкуунам̣ зд̇ад̣̇ахоси – ‘‘ниссам̣саяам̣ ко на д̇аава бхад̇д̇ам̣ сид̣̇д̇хам̣ бхависсад̇и! яат̇аа 13 маяам̣ годтагз нисийд̣̇зяяаамаа’’д̇и 14. ат̇а ко саа д̣̇аасий ган̣ааж̇агзна б̣илан̇г̇ад̣̇уд̇иязна убаг̇ажчи – ‘‘бхун̃ж̇ат̇а, бханд̇з’’д̇и. ‘‘маяам̣ ко, бхаг̇ини, нижжабхад̇д̇игаа’’д̇и. ‘‘ж̇аанаами аяяаа нижжабхад̇д̇игаад̇т̇а. абижаахам̣ хияяова г̇ахабад̇инаа аан̣ад̇д̇аа – ‘яз, ж̇з, свз бхад̇д̇игаа ааг̇ажчанд̇и д̇з годтагз аасанам̣ бан̃н̃абзд̇ваа ган̣ааж̇агзна б̣илан̇г̇ад̣̇уд̇иязна баривисаа’д̇и. бхун̃ж̇ат̇а, бханд̇з’’д̇и. ат̇а ко мзд̇д̇ияабхуумаж̇агаа бхигкуу – ‘‘хияяо ко, аавусо, галяаан̣абхад̇д̇иго г̇ахабад̇и аараамам̣ аг̇амааси д̣̇аб̣б̣асса маллабуд̇д̇асса санд̇игз. ниссам̣саяам̣ ко маяам̣ д̣̇аб̣б̣зна маллабуд̇д̇зна г̇ахабад̇ино анд̇арз 15 барибхиннаа’’д̇и. д̇з д̇знзва д̣̇оманассзна на жид̇д̇аруубам̣ бхун̃ж̇им̣су. ат̇а ко мзд̇д̇ияабхуумаж̇агаа бхигкуу бажчаабхад̇д̇ам̣ бин̣д̣абаад̇аббадигганд̇аа аараамам̣ г̇анд̇ваа бад̇д̇ажийварам̣ бадисаамзд̇ваа б̣ахаараамагодтагз сан̇гхаадибаллад̇т̇игааяа нисийд̣̇им̣су д̇ун̣хийбхууд̇аа ман̇губхууд̇аа бад̇д̇агканд̇хаа ад̇хомукаа баж̇жхааяанд̇аа аббадибхаанаа.
Atha kho mettiyabhūmajakā bhikkhū – ‘‘hiyyo kho, āvuso, amhākaṃ kalyāṇabhattikassa gahapatino ghare bhattaṃ uddiṭṭhaṃ, sve amhe kalyāṇabhattiko gahapati saputtadāro upatiṭṭhitvā parivisissati; aññe odanena pucchissanti, aññe sūpena pucchissanti, aññe telena pucchissanti, aññe uttaribhaṅgena pucchissantī’’ti. Te teneva somanassena na cittarūpaṃ rattiyā supiṃsu. Atha kho mettiyabhūmajakā bhikkhū pubbaṇhasamayaṃ nivāsetvā pattacīvaraṃ ādāya yena kalyāṇabhattikassa gahapatino nivesanaṃ tenupasaṅkamiṃsu. Addasā kho sā dāsī mettiyabhūmajake bhikkhū dūratova āgacchante. Disvāna koṭṭhake āsanaṃ paññapetvā mettiyabhūmajake bhikkhū etadavoca – ‘‘nisīdatha, bhante’’ti. Atha kho mettiyabhūmajakānaṃ bhikkhūnaṃ etadahosi – ‘‘nissaṃsayaṃ kho na tāva bhattaṃ siddhaṃ bhavissati! Yathā 16 mayaṃ koṭṭhake nisīdeyyāmā’’ti 17. Atha kho sā dāsī kaṇājakena bilaṅgadutiyena upagacchi – ‘‘bhuñjatha, bhante’’ti. ‘‘Mayaṃ kho, bhagini, niccabhattikā’’ti. ‘‘Jānāmi ayyā niccabhattikāttha. Apicāhaṃ hiyyova gahapatinā āṇattā – ‘ye, je, sve bhattikā āgacchanti te koṭṭhake āsanaṃ paññapetvā kaṇājakena bilaṅgadutiyena parivisā’ti. Bhuñjatha, bhante’’ti. Atha kho mettiyabhūmajakā bhikkhū – ‘‘hiyyo kho, āvuso, kalyāṇabhattiko gahapati ārāmaṃ agamāsi dabbassa mallaputtassa santike. Nissaṃsayaṃ kho mayaṃ dabbena mallaputtena gahapatino antare 18 paribhinnā’’ti. Te teneva domanassena na cittarūpaṃ bhuñjiṃsu. Atha kho mettiyabhūmajakā bhikkhū pacchābhattaṃ piṇḍapātappaṭikkantā ārāmaṃ gantvā pattacīvaraṃ paṭisāmetvā bahārāmakoṭṭhake saṅghāṭipallatthikāya nisīdiṃsu tuṇhībhūtā maṅkubhūtā pattakkhandhā adhomukhā pajjhāyantā appaṭibhānā.
ат̇а ко мзд̇д̇ияаа бхигкуний язна мзд̇д̇ияабхуумаж̇агаа бхигкуу д̇знубасан̇гами; убасан̇гамид̇ваа мзд̇д̇ияабхуумаж̇агз бхигкуу зд̇ад̣̇авожа – ‘‘ванд̣̇аами, аяяаа’’д̇и. звам̣ вуд̇д̇з мзд̇д̇ияабхуумаж̇агаа бхигкуу наалабим̣су. д̣̇уд̇ияамби ко…бз… д̇ад̇ияамби ко мзд̇д̇ияаа бхигкуний мзд̇д̇ияабхуумаж̇агз бхигкуу зд̇ад̣̇авожа – ‘‘ванд̣̇аами, аяяаа’’д̇и. д̇ад̇ияамби ко мзд̇д̇ияабхуумаж̇агаа бхигкуу наалабим̣су. ‘‘гяаахам̣ аяяаанам̣ абараж̇жхаами? гисса мам̣ аяяаа наалабанд̇ий’’д̇и? ‘‘д̇ат̇аа хи бана д̇вам̣, бхаг̇ини, амхз д̣̇аб̣б̣зна маллабуд̇д̇зна вихзтийяамаанз аж̇жхубзгкасий’’д̇и? ‘‘гяаахам̣, аяяаа, гаромий’’д̇и? ‘‘сажз ко д̇вам̣, бхаг̇ини, ижчзяяааси аж̇ж̇зва бхаг̇аваа д̣̇аб̣б̣ам̣ маллабуд̇д̇ам̣ наасаабзяяаа’’д̇и. ‘‘гяаахам̣, аяяаа, гароми, гим̣ маяаа саггаа гаад̇у’’нд̇и? ‘‘зхи д̇вам̣, бхаг̇ини, язна бхаг̇аваа д̇знубасан̇гама; убасан̇гамид̇ваа бхаг̇аванд̇ам̣ звам̣ вад̣̇зхи – ‘ид̣̇ам̣, бханд̇з, нажчаннам̣ наббад̇ируубам̣. яааяам̣, бханд̇з, д̣̇исаа абхаяаа анийд̇игаа анубад̣̇д̣̇аваа сааяам̣ д̣̇исаа сабхаяаа саийд̇игаа саубад̣̇д̣̇аваа. яад̇о ниваад̇ам̣ д̇ад̇о саваад̇ам̣ 19. уд̣̇агам̣ ман̃н̃з аад̣̇ид̇д̇ам̣. аяязнамхи д̣̇аб̣б̣зна маллабуд̇д̇зна д̣̇уусид̇аа’’’д̇и. ‘‘звам̣, аяяаа’’д̇и ко мзд̇д̇ияаа бхигкуний мзд̇д̇ияабхуумаж̇агаанам̣ бхигкуунам̣ бадиссуд̇ваа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко мзд̇д̇ияаа бхигкуний бхаг̇аванд̇ам̣ зд̇ад̣̇авожа – ‘‘ид̣̇ам̣, бханд̇з, нажчаннам̣ наббад̇ируубам̣. яааяам̣, бханд̇з, д̣̇исаа абхаяаа анийд̇игаа анубад̣̇д̣̇аваа сааяам̣ д̣̇исаа сабхаяаа саийд̇игаа саубад̣̇д̣̇аваа. яад̇о ниваад̇ам̣ д̇ад̇о саваад̇ам̣. уд̣̇агам̣ ман̃н̃з аад̣̇ид̇д̇ам̣! аяязнамхи д̣̇аб̣б̣зна маллабуд̇д̇зна д̣̇уусид̇аа’’д̇и.
Atha kho mettiyā bhikkhunī yena mettiyabhūmajakā bhikkhū tenupasaṅkami; upasaṅkamitvā mettiyabhūmajake bhikkhū etadavoca – ‘‘vandāmi, ayyā’’ti. Evaṃ vutte mettiyabhūmajakā bhikkhū nālapiṃsu. Dutiyampi kho…pe… tatiyampi kho mettiyā bhikkhunī mettiyabhūmajake bhikkhū etadavoca – ‘‘vandāmi, ayyā’’ti. Tatiyampi kho mettiyabhūmajakā bhikkhū nālapiṃsu. ‘‘Kyāhaṃ ayyānaṃ aparajjhāmi? Kissa maṃ ayyā nālapantī’’ti? ‘‘Tathā hi pana tvaṃ, bhagini, amhe dabbena mallaputtena viheṭhīyamāne ajjhupekkhasī’’ti? ‘‘Kyāhaṃ, ayyā, karomī’’ti? ‘‘Sace kho tvaṃ, bhagini, iccheyyāsi ajjeva bhagavā dabbaṃ mallaputtaṃ nāsāpeyyā’’ti. ‘‘Kyāhaṃ, ayyā, karomi, kiṃ mayā sakkā kātu’’nti? ‘‘Ehi tvaṃ, bhagini, yena bhagavā tenupasaṅkama; upasaṅkamitvā bhagavantaṃ evaṃ vadehi – ‘idaṃ, bhante, nacchannaṃ nappatirūpaṃ. Yāyaṃ, bhante, disā abhayā anītikā anupaddavā sāyaṃ disā sabhayā saītikā saupaddavā. Yato nivātaṃ tato savātaṃ 20. Udakaṃ maññe ādittaṃ. Ayyenamhi dabbena mallaputtena dūsitā’’’ti. ‘‘Evaṃ, ayyā’’ti kho mettiyā bhikkhunī mettiyabhūmajakānaṃ bhikkhūnaṃ paṭissutvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho mettiyā bhikkhunī bhagavantaṃ etadavoca – ‘‘idaṃ, bhante, nacchannaṃ nappatirūpaṃ. Yāyaṃ, bhante, disā abhayā anītikā anupaddavā sāyaṃ disā sabhayā saītikā saupaddavā. Yato nivātaṃ tato savātaṃ. Udakaṃ maññe ādittaṃ! Ayyenamhi dabbena mallaputtena dūsitā’’ti.
384. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з бхигкусан̇гхам̣ саннибаад̇аабзд̇ваа ааяасманд̇ам̣ д̣̇аб̣б̣ам̣ маллабуд̇д̇ам̣ бадибужчи – ‘‘сараси д̇вам̣, д̣̇аб̣б̣а, зваруубам̣ гад̇д̇аа яат̇ааяам̣ бхигкуний аахаа’’д̇и? ‘‘яат̇аа мам̣, бханд̇з, бхаг̇аваа ж̇аанаад̇ий’’д̇и. д̣̇уд̇ияамби ко бхаг̇аваа…бз… д̇ад̇ияамби ко бхаг̇аваа ааяасманд̇ам̣ д̣̇аб̣б̣ам̣ маллабуд̇д̇ам̣ зд̇ад̣̇авожа – ‘‘сараси д̇вам̣, д̣̇аб̣б̣а, зваруубам̣ гад̇д̇аа яат̇ааяам̣ бхигкуний аахаа’’д̇и? ‘‘яат̇аа мам̣, бханд̇з, бхаг̇аваа ж̇аанаад̇ий’’д̇и. ‘‘на ко, д̣̇аб̣б̣а, д̣̇аб̣б̣аа звам̣ ниб̣б̣зтзнд̇и. сажз д̇аяаа гад̇ам̣ гад̇анд̇и вад̣̇зхи, сажз д̇аяаа агад̇ам̣ агад̇анд̇и вад̣̇зхий’’д̇и. ‘‘яад̇о ахам̣, бханд̇з, ж̇аад̇о наабхиж̇аанаами субинанд̇знаби мзт̇унам̣ д̇хаммам̣ бадисзвид̇аа, баг̇зва ж̇ааг̇аро’’д̇и! ат̇а ко бхаг̇аваа бхигкуу ааманд̇зси – ‘‘д̇зна хи, бхигкавз, мзд̇д̇ияам̣ бхигкуним̣ наасзт̇а . имз жа бхигкуу ануяун̃ж̇ат̇аа’’д̇и. ид̣̇ам̣ вад̇ваа бхаг̇аваа удтааяаасанаа вихаарам̣ баависи.
384. Atha kho bhagavā etasmiṃ nidāne etasmiṃ pakaraṇe bhikkhusaṅghaṃ sannipātāpetvā āyasmantaṃ dabbaṃ mallaputtaṃ paṭipucchi – ‘‘sarasi tvaṃ, dabba, evarūpaṃ kattā yathāyaṃ bhikkhunī āhā’’ti? ‘‘Yathā maṃ, bhante, bhagavā jānātī’’ti. Dutiyampi kho bhagavā…pe… tatiyampi kho bhagavā āyasmantaṃ dabbaṃ mallaputtaṃ etadavoca – ‘‘sarasi tvaṃ, dabba, evarūpaṃ kattā yathāyaṃ bhikkhunī āhā’’ti? ‘‘Yathā maṃ, bhante, bhagavā jānātī’’ti. ‘‘Na kho, dabba, dabbā evaṃ nibbeṭhenti. Sace tayā kataṃ katanti vadehi, sace tayā akataṃ akatanti vadehī’’ti. ‘‘Yato ahaṃ, bhante, jāto nābhijānāmi supinantenapi methunaṃ dhammaṃ paṭisevitā, pageva jāgaro’’ti! Atha kho bhagavā bhikkhū āmantesi – ‘‘tena hi, bhikkhave, mettiyaṃ bhikkhuniṃ nāsetha . Ime ca bhikkhū anuyuñjathā’’ti. Idaṃ vatvā bhagavā uṭṭhāyāsanā vihāraṃ pāvisi.
ат̇а ко д̇з бхигкуу мзд̇д̇ияам̣ бхигкуним̣ наасзсум̣. ат̇а ко мзд̇д̇ияабхуумаж̇агаа бхигкуу д̇з бхигкуу зд̇ад̣̇авожум̣ – ‘‘маавусо, мзд̇д̇ияам̣ бхигкуним̣ наасзт̇а. на саа гин̃жи абараж̇жхад̇и. амхзхи саа уссаахид̇аа губид̇зхи анад̇д̇аманзхи жааванаад̇хиббааязхий’’д̇и. ‘‘гим̣ бана д̇умхз, аавусо, ааяасманд̇ам̣ д̣̇аб̣б̣ам̣ маллабуд̇д̇ам̣ амуулагзна баарааж̇игзна д̇хаммзна ануд̣̇д̇хам̣сзт̇аа’’д̇и? ‘‘звамаавусо’’д̇и. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама мзд̇д̇ияабхуумаж̇агаа бхигкуу ааяасманд̇ам̣ д̣̇аб̣б̣ам̣ маллабуд̇д̇ам̣ амуулагзна баарааж̇игзна д̇хаммзна ануд̣̇д̇хам̣сзссанд̇ий’’д̇и! ат̇а ко д̇з бхигкуу мзд̇д̇ияабхуумаж̇агз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, д̣̇аб̣б̣ам̣ маллабуд̇д̇ам̣ амуулагзна баарааж̇игзна д̇хаммзна ануд̣̇д̇хам̣сзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… ‘‘гат̇ан̃хи наама д̇умхз, могхабурисаа, д̣̇аб̣б̣ам̣ маллабуд̇д̇ам̣ амуулагзна баарааж̇игзна д̇хаммзна ануд̣̇д̇хам̣сзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Atha kho te bhikkhū mettiyaṃ bhikkhuniṃ nāsesuṃ. Atha kho mettiyabhūmajakā bhikkhū te bhikkhū etadavocuṃ – ‘‘māvuso, mettiyaṃ bhikkhuniṃ nāsetha. Na sā kiñci aparajjhati. Amhehi sā ussāhitā kupitehi anattamanehi cāvanādhippāyehī’’ti. ‘‘Kiṃ pana tumhe, āvuso, āyasmantaṃ dabbaṃ mallaputtaṃ amūlakena pārājikena dhammena anuddhaṃsethā’’ti? ‘‘Evamāvuso’’ti. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma mettiyabhūmajakā bhikkhū āyasmantaṃ dabbaṃ mallaputtaṃ amūlakena pārājikena dhammena anuddhaṃsessantī’’ti! Atha kho te bhikkhū mettiyabhūmajake bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, dabbaṃ mallaputtaṃ amūlakena pārājikena dhammena anuddhaṃsethā’’ti? ‘‘Saccaṃ, bhagavā’’ti. Vigarahi buddho bhagavā…pe… ‘‘kathañhi nāma tumhe, moghapurisā, dabbaṃ mallaputtaṃ amūlakena pārājikena dhammena anuddhaṃsessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
385. яо бана бхигку бхигкум̣ д̣̇удто д̣̇осо аббад̇ийд̇о амуулагзна баарааж̇игзна д̇хаммзна ануд̣̇д̇хам̣сзяяа – ‘аббзва наама нам̣ имамхаа б̣рахмажарияаа жаавзяяа’нд̇и, д̇ад̇о абарзна самаязна самануг̇г̇аахийяамаано ваа асамануг̇г̇аахийяамаано ваа амуулаган̃жзва д̇ам̣ ад̇хигаран̣ам̣ ход̇и бхигку жа д̣̇осам̣ бад̇идтаад̇и, сан̇гхаад̣̇исзсо’’д̇и.
385.Yo pana bhikkhu bhikkhuṃ duṭṭho doso appatīto amūlakena pārājikena dhammena anuddhaṃseyya – ‘appeva nāma naṃ imamhā brahmacariyā cāveyya’nti, tato aparena samayena samanuggāhīyamāno vā asamanuggāhīyamāno vā amūlakañceva taṃ adhikaraṇaṃ hoti bhikkhu ca dosaṃ patiṭṭhāti, saṅghādiseso’’ti.
386. яо банаад̇и яо яаад̣̇исо…бз… бхигкууд̇и…бз… аяам̣ имасмим̣ ад̇т̇з ад̇хиббзд̇о бхигкууд̇и.
386.Yo panāti yo yādiso…pe… bhikkhūti…pe… ayaṃ imasmiṃ atthe adhippeto bhikkhūti.
бхигкунд̇и ан̃н̃ам̣ бхигкум̣.
Bhikkhunti aññaṃ bhikkhuṃ.
д̣̇удто д̣̇осод̇и губид̇о анад̇д̇амано анабхирад̣̇д̇хо аахад̇ажид̇д̇о килаж̇аад̇о.
Duṭṭho dosoti kupito anattamano anabhiraddho āhatacitto khilajāto.
аббад̇ийд̇од̇и д̇зна жа гобзна д̇зна жа д̣̇осзна д̇ааяа жа анад̇д̇аманад̇ааяа д̇ааяа жа анабхирад̣̇д̇хияаа аббад̇ийд̇о ход̇и.
Appatītoti tena ca kopena tena ca dosena tāya ca anattamanatāya tāya ca anabhiraddhiyā appatīto hoti.
амуулагам̣ наама ад̣̇идтам̣ асуд̇ам̣ абарисан̇гид̇ам̣.
Amūlakaṃ nāma adiṭṭhaṃ asutaṃ aparisaṅkitaṃ.
баарааж̇игзна д̇хаммзнаад̇и жад̇уннам̣ ан̃н̃ад̇арзна.
Pārājikena dhammenāti catunnaṃ aññatarena.
ануд̣̇д̇хам̣сзяяаад̇и жод̣̇зд̇и ваа жод̣̇аабзд̇и ваа.
Anuddhaṃseyyāti codeti vā codāpeti vā.
аббзва наама нам̣ имамхаа б̣рахмажарияаа жаавзяяанд̇и бхигкубхааваа жаавзяяам̣, саман̣ад̇хаммаа жаавзяяам̣, сийлагканд̇хаа жаавзяяам̣, д̇абог̇ун̣аа жаавзяяам̣.
Appeva nāma naṃ imamhā brahmacariyā cāveyyanti bhikkhubhāvā cāveyyaṃ, samaṇadhammā cāveyyaṃ, sīlakkhandhā cāveyyaṃ, tapoguṇā cāveyyaṃ.
д̇ад̇о абарзна самаязнаад̇и яасмим̣ кан̣з ануд̣̇д̇хам̣сид̇о ход̇и д̇ам̣ кан̣ам̣ д̇ам̣ лаяам̣ д̇ам̣ мухуд̇д̇ам̣ вийд̇ивад̇д̇з.
Tatoaparena samayenāti yasmiṃ khaṇe anuddhaṃsito hoti taṃ khaṇaṃ taṃ layaṃ taṃ muhuttaṃ vītivatte.
самануг̇г̇аахийяамаанод̇и язна вад̇т̇унаа ануд̣̇д̇хам̣сид̇о ход̇и д̇асмим̣ вад̇т̇усмим̣ самануг̇г̇аахийяамаано.
Samanuggāhīyamānoti yena vatthunā anuddhaṃsito hoti tasmiṃ vatthusmiṃ samanuggāhīyamāno.
асамануг̇г̇аахийяамаанод̇и на гзнажи вужжамаано.
Asamanuggāhīyamānoti na kenaci vuccamāno.
ад̇хигаран̣ам̣ наама жад̇д̇аари ад̇хигаран̣аани – виваад̣̇аад̇хигаран̣ам̣, ануваад̣̇аад̇хигаран̣ам̣, аабад̇д̇аад̇хигаран̣ам̣, гижжаад̇хигаран̣ам̣.
Adhikaraṇaṃ nāma cattāri adhikaraṇāni – vivādādhikaraṇaṃ, anuvādādhikaraṇaṃ, āpattādhikaraṇaṃ, kiccādhikaraṇaṃ.
бхигку жа д̣̇осам̣ бад̇идтаад̇ийд̇и д̇ужчагам̣ маяаа бхан̣ид̇ам̣, мусаа маяаа бхан̣ид̇ам̣, абхууд̇ам̣ маяаа бхан̣ид̇ам̣, аж̇аананд̇зна маяаа бхан̣ид̇ам̣.
Bhikkhu ca dosaṃ patiṭṭhātīti tucchakaṃ mayā bhaṇitaṃ, musā mayā bhaṇitaṃ, abhūtaṃ mayā bhaṇitaṃ, ajānantena mayā bhaṇitaṃ.
сан̇гхаад̣̇исзсод̇и…бз… д̇знаби вужжад̇и сан̇гхаад̣̇исзсод̇и.
Saṅghādisesoti…pe… tenapi vuccati saṅghādisesoti.
387. ад̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇зд̇и – ‘‘д̣̇идто маяаа, баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
387. Adiṭṭhassa hoti pārājikaṃ dhammaṃ ajjhāpajjanto. Tañce codeti – ‘‘diṭṭho mayā, pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
асуд̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇зд̇и – ‘‘суд̇о маяаа, баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
Asutassa hoti – ‘‘pārājikaṃ dhammaṃ ajjhāpanno’’ti. Tañce codeti – ‘‘suto mayā, pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
абарисан̇гид̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇зд̇и – ‘‘барисан̇гид̇о маяаа, баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
Aparisaṅkitassa hoti – ‘‘pārājikaṃ dhammaṃ ajjhāpanno’’ti. Tañce codeti – ‘‘parisaṅkito mayā, pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
ад̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇зд̇и – ‘‘д̣̇идто маяаа суд̇о жа, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Adiṭṭhassa hoti pārājikaṃ dhammaṃ ajjhāpajjanto. Tañce codeti – ‘‘diṭṭho mayā suto ca, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
ад̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇зд̇и – ‘‘д̣̇идто маяаа барисан̇гид̇о жа, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Adiṭṭhassa hoti pārājikaṃ dhammaṃ ajjhāpajjanto. Tañce codeti – ‘‘diṭṭho mayā parisaṅkito ca, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
ад̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇зд̇и – ‘‘д̣̇идто маяаа суд̇о жа барисан̇гид̇о жа, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Adiṭṭhassa hoti pārājikaṃ dhammaṃ ajjhāpajjanto. Tañce codeti – ‘‘diṭṭho mayā suto ca parisaṅkito ca, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
асуд̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇зд̇и – ‘‘суд̇о маяаа барисан̇гид̇о жа…бз… суд̇о маяаа д̣̇идто жа…бз… суд̇о маяаа барисан̇гид̇о жа д̣̇идто жа, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Asutassa hoti – ‘‘pārājikaṃ dhammaṃ ajjhāpanno’’ti. Tañce codeti – ‘‘suto mayā parisaṅkito ca…pe… suto mayā diṭṭho ca…pe… suto mayā parisaṅkito ca diṭṭho ca, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
абарисан̇гид̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇зд̇и – ‘‘барисан̇гид̇о маяаа д̣̇идто жа…бз… барисан̇гид̇о маяаа суд̇о жа…бз… барисан̇гид̇о маяаа д̣̇идто жа суд̇о жа, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Aparisaṅkitassa hoti – ‘‘pārājikaṃ dhammaṃ ajjhāpanno’’ti. Tañce codeti – ‘‘parisaṅkito mayā diṭṭho ca…pe… parisaṅkito mayā suto ca…pe… parisaṅkito mayā diṭṭho ca suto ca, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇зд̇и – ‘‘суд̇о маяаа баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Diṭṭhassa hoti pārājikaṃ dhammaṃ ajjhāpajjanto. Tañce codeti – ‘‘suto mayā pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇зд̇и – ‘‘барисан̇гид̇о маяаа, баарааж̇игам̣ д̇хаммам̣ аж̇жхаабанноси’’…бз… ‘‘суд̇о маяаа барисан̇гид̇о жа, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Diṭṭhassa hoti pārājikaṃ dhammaṃ ajjhāpajjanto. Tañce codeti – ‘‘parisaṅkito mayā, pārājikaṃ dhammaṃ ajjhāpannosi’’…pe… ‘‘suto mayā parisaṅkito ca, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
суд̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇зд̇и – ‘‘барисан̇гид̇о маяаа, баарааж̇игам̣ д̇хаммам̣ аж̇жхаабанноси…бз… д̣̇идто маяаа, баарааж̇игам̣ д̇хаммам̣ аж̇жхаабанноси…бз… барисан̇гид̇о маяаа д̣̇идто жа, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Sutassa hoti – ‘‘pārājikaṃ dhammaṃ ajjhāpanno’’ti. Tañce codeti – ‘‘parisaṅkito mayā, pārājikaṃ dhammaṃ ajjhāpannosi…pe… diṭṭho mayā, pārājikaṃ dhammaṃ ajjhāpannosi…pe… parisaṅkito mayā diṭṭho ca, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
барисан̇гид̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇зд̇и – ‘‘д̣̇идто маяаа, баарааж̇игам̣ д̇хаммам̣ аж̇жхаабанноси…бз… суд̇о маяаа, баарааж̇игам̣ д̇хаммам̣ аж̇жхаабанноси…бз… д̣̇идто маяаа суд̇о жа, баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси’’…бз… аабад̇д̇и ваажааяа, ваажааяа сан̇гхаад̣̇исзсасса.
Parisaṅkitassa hoti – ‘‘pārājikaṃ dhammaṃ ajjhāpanno’’ti. Tañce codeti – ‘‘diṭṭho mayā, pārājikaṃ dhammaṃ ajjhāpannosi…pe… suto mayā, pārājikaṃ dhammaṃ ajjhāpannosi…pe… diṭṭho mayā suto ca, pārājikaṃ dhammaṃ ajjhāpannosi, assamaṇosi, asakyaputtiyosi’’…pe… āpatti vācāya, vācāya saṅghādisesassa.
д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̣̇идтз взмад̇иго д̣̇идтам̣ но габбзд̇и д̣̇идтам̣ нассарад̇и д̣̇идтам̣ бамудто ход̇и…бз… суд̇з взмад̇иго суд̇ам̣ но габбзд̇и суд̇ам̣ нассарад̇и суд̇ам̣ бамудто ход̇и…бз… барисан̇гид̇з взмад̇иго барисан̇гид̇ам̣ но габбзд̇и барисан̇гид̇ам̣ нассарад̇и барисан̇гид̇ам̣ бамудто ход̇и. д̇ан̃жз жод̣̇зд̇и – ‘‘барисан̇гид̇о маяаа д̣̇идто жа…бз… барисан̇гид̇о маяаа суд̇о жа…бз… барисан̇гид̇о маяаа д̣̇идто жа суд̇о жа, баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
Diṭṭhassa hoti pārājikaṃ dhammaṃ ajjhāpajjanto. Diṭṭhe vematiko diṭṭhaṃ no kappeti diṭṭhaṃ nassarati diṭṭhaṃ pamuṭṭho hoti…pe… sute vematiko sutaṃ no kappeti sutaṃ nassarati sutaṃ pamuṭṭho hoti…pe… parisaṅkite vematiko parisaṅkitaṃ no kappeti parisaṅkitaṃ nassarati parisaṅkitaṃ pamuṭṭho hoti. Tañce codeti – ‘‘parisaṅkito mayā diṭṭho ca…pe… parisaṅkito mayā suto ca…pe… parisaṅkito mayā diṭṭho ca suto ca, pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
388. ад̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇аабзд̇и – ‘‘д̣̇идтоси, баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
388. Adiṭṭhassa hoti pārājikaṃ dhammaṃ ajjhāpajjanto. Tañce codāpeti – ‘‘diṭṭhosi, pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
асуд̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и…бз… абарисан̇гид̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇аабзд̇и – ‘‘барисан̇гид̇оси, баарааж̇игам̣ д̇хаммам̣ аж̇жхаабанноси’’…бз… аабад̇д̇и ваажааяа, ваажааяа сан̇гхаад̣̇исзсасса.
Asutassa hoti – ‘‘pārājikaṃ dhammaṃ ajjhāpanno’’ti…pe… aparisaṅkitassa hoti – ‘‘pārājikaṃ dhammaṃ ajjhāpanno’’ti. Tañce codāpeti – ‘‘parisaṅkitosi, pārājikaṃ dhammaṃ ajjhāpannosi’’…pe… āpatti vācāya, vācāya saṅghādisesassa.
ад̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇аабзд̇и – ‘‘д̣̇идтоси суд̇оси…бз… д̣̇идтоси барисан̇гид̇оси…бз… д̣̇идтоси суд̇оси барисан̇гид̇оси, баарааж̇игам̣ д̇хаммам̣ аж̇жхаабанноси’’…бз… асуд̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и…бз… абарисан̇гид̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз жод̣̇аабзд̇и – ‘‘барисан̇гид̇оси, д̣̇идтоси…бз… барисан̇гид̇оси, суд̇оси…бз… барисан̇гид̇оси, д̣̇идтоси, суд̇оси, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Adiṭṭhassa hoti pārājikaṃ dhammaṃ ajjhāpajjanto. Tañce codāpeti – ‘‘diṭṭhosi sutosi…pe… diṭṭhosi parisaṅkitosi…pe… diṭṭhosi sutosi parisaṅkitosi, pārājikaṃ dhammaṃ ajjhāpannosi’’…pe… asutassa hoti – ‘‘pārājikaṃ dhammaṃ ajjhāpanno’’ti…pe… aparisaṅkitassa hoti – ‘‘pārājikaṃ dhammaṃ ajjhāpanno’’ti. Tañce codāpeti – ‘‘parisaṅkitosi, diṭṭhosi…pe… parisaṅkitosi, sutosi…pe… parisaṅkitosi, diṭṭhosi, sutosi, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̇ан̃жз жод̣̇аабзд̇и – ‘‘суд̇оси’’…бз… д̇ан̃жз жод̣̇аабзд̇и – ‘‘барисан̇гид̇оси’’…бз… д̇ан̃жз жод̣̇аабзд̇и – ‘‘суд̇оси, барисан̇гид̇оси, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Diṭṭhassa hoti pārājikaṃ dhammaṃ ajjhāpajjanto. Tañce codāpeti – ‘‘sutosi’’…pe… tañce codāpeti – ‘‘parisaṅkitosi’’…pe… tañce codāpeti – ‘‘sutosi, parisaṅkitosi, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
суд̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и…бз… барисан̇гид̇асса ход̇и – ‘‘баарааж̇игам̣ д̇хаммам̣ аж̇жхаабанно’’д̇и. д̇ан̃жз ‘‘д̣̇идтоси’’…бз… д̇ан̃жз жод̣̇аабзд̇и – ‘‘суд̇оси’’…бз… д̇ан̃жз жод̣̇аабзд̇и – ‘‘д̣̇идтоси, суд̇оси, баарааж̇игам̣ д̇хаммам̣ аж̇жхаабанноси, ассаман̣оси’’…бз… аабад̇д̇и ваажааяа, ваажааяа сан̇гхаад̣̇исзсасса.
Sutassa hoti – ‘‘pārājikaṃ dhammaṃ ajjhāpanno’’ti…pe… parisaṅkitassa hoti – ‘‘pārājikaṃ dhammaṃ ajjhāpanno’’ti. Tañce ‘‘diṭṭhosi’’…pe… tañce codāpeti – ‘‘sutosi’’…pe… tañce codāpeti – ‘‘diṭṭhosi, sutosi, pārājikaṃ dhammaṃ ajjhāpannosi, assamaṇosi’’…pe… āpatti vācāya, vācāya saṅghādisesassa.
д̣̇идтасса ход̇и баарааж̇игам̣ д̇хаммам̣ аж̇жхаабаж̇ж̇анд̇о. д̣̇идтз взмад̇иго д̣̇идтам̣ но габбзд̇и д̣̇идтам̣ нассарад̇и д̣̇идтам̣ бамудто ход̇и…бз… суд̇з взмад̇иго суд̇ам̣ но габбзд̇и суд̇ам̣ нассарад̇и суд̇ам̣ бамудто ход̇и…бз… барисан̇гид̇з взмад̇иго барисан̇гид̇ам̣ но габбзд̇и барисан̇гид̇ам̣ нассарад̇и барисан̇гид̇ам̣ бамудто ход̇и. д̇ан̃жз жод̣̇аабзд̇и – ‘‘барисан̇гид̇оси, д̣̇идтоси’’…бз… барисан̇гид̇ам̣ бамудто ход̇и, д̇ан̃жз жод̣̇аабзд̇и – ‘‘барисан̇гид̇оси суд̇оси’’…бз… барисан̇гид̇ам̣ бамудто ход̇и, д̇ан̃жз жод̣̇аабзд̇и – ‘‘барисан̇гид̇оси, д̣̇идтоси, суд̇оси, баарааж̇игам̣ д̇хаммам̣ аж̇жхаабанноси, ассаман̣оси, асагяабуд̇д̇ияоси, над̇т̇и д̇аяаа сад̣̇д̇хим̣ убосат̇о ваа бавааран̣аа ваа сан̇гхагаммам̣ ваа’’д̇и, аабад̇д̇и ваажааяа, ваажааяа сан̇гхаад̣̇исзсасса.
Diṭṭhassa hoti pārājikaṃ dhammaṃ ajjhāpajjanto. Diṭṭhe vematiko diṭṭhaṃ no kappeti diṭṭhaṃ nassarati diṭṭhaṃ pamuṭṭho hoti…pe… sute vematiko sutaṃ no kappeti sutaṃ nassarati sutaṃ pamuṭṭho hoti…pe… parisaṅkite vematiko parisaṅkitaṃ no kappeti parisaṅkitaṃ nassarati parisaṅkitaṃ pamuṭṭho hoti. Tañce codāpeti – ‘‘parisaṅkitosi, diṭṭhosi’’…pe… parisaṅkitaṃ pamuṭṭho hoti, tañce codāpeti – ‘‘parisaṅkitosi sutosi’’…pe… parisaṅkitaṃ pamuṭṭho hoti, tañce codāpeti – ‘‘parisaṅkitosi, diṭṭhosi, sutosi, pārājikaṃ dhammaṃ ajjhāpannosi, assamaṇosi, asakyaputtiyosi, natthi tayā saddhiṃ uposatho vā pavāraṇā vā saṅghakammaṃ vā’’ti, āpatti vācāya, vācāya saṅghādisesassa.
389. асуд̣̇д̇хз суд̣̇д̇хад̣̇идти, суд̣̇д̇хз асуд̣̇д̇хад̣̇идти, асуд̣̇д̇хз асуд̣̇д̇хад̣̇идти, суд̣̇д̇хз суд̣̇д̇хад̣̇идти.
389. Asuddhe suddhadiṭṭhi, suddhe asuddhadiṭṭhi, asuddhe asuddhadiṭṭhi, suddhe suddhadiṭṭhi.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз суд̣̇д̇хад̣̇идти самаано аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсзна д̣̇уггадасса.
Asuddho hoti puggalo aññataraṃ pārājikaṃ dhammaṃ ajjhāpanno. Tañce suddhadiṭṭhi samāno anokāsaṃ kārāpetvā cāvanādhippāyo vadeti, āpatti saṅghādisesena dukkaṭassa.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз суд̣̇д̇хад̣̇идти самаано огаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсасса.
Asuddho hoti puggalo aññataraṃ pārājikaṃ dhammaṃ ajjhāpanno. Tañce suddhadiṭṭhi samāno okāsaṃ kārāpetvā cāvanādhippāyo vadeti, āpatti saṅghādisesassa.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз суд̣̇д̇хад̣̇идти самаано аногаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇зна д̣̇уггадасса.
Asuddho hoti puggalo aññataraṃ pārājikaṃ dhammaṃ ajjhāpanno. Tañce suddhadiṭṭhi samāno anokāsaṃ kārāpetvā akkosādhippāyo vadeti, āpatti omasavādena dukkaṭassa.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз суд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇асса.
Asuddho hoti puggalo aññataraṃ pārājikaṃ dhammaṃ ajjhāpanno. Tañce suddhadiṭṭhi samāno okāsaṃ kārāpetvā akkosādhippāyo vadeti, āpatti omasavādassa.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно. д̇ан̃жз асуд̣̇д̇хад̣̇идти самаано аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и д̣̇уггадасса.
Suddho hoti puggalo aññataraṃ pārājikaṃ dhammaṃ anajjhāpanno. Tañce asuddhadiṭṭhi samāno anokāsaṃ kārāpetvā cāvanādhippāyo vadeti, āpatti dukkaṭassa.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно. д̇ан̃жз асуд̣̇д̇хад̣̇идти самаано огаасам̣ гаараабзд̇ваа жааванаад̇хиббааяо вад̣̇зд̇и, анаабад̇д̇и.
Suddho hoti puggalo aññataraṃ pārājikaṃ dhammaṃ anajjhāpanno. Tañce asuddhadiṭṭhi samāno okāsaṃ kārāpetvā cāvanādhippāyo vadeti, anāpatti.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно. д̇ан̃жз асуд̣̇д̇хад̣̇идти самаано аногаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇зна д̣̇уггадасса.
Suddho hoti puggalo aññataraṃ pārājikaṃ dhammaṃ anajjhāpanno. Tañce asuddhadiṭṭhi samāno anokāsaṃ kārāpetvā akkosādhippāyo vadeti, āpatti omasavādena dukkaṭassa.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно. д̇ан̃жз асуд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇асса.
Suddho hoti puggalo aññataraṃ pārājikaṃ dhammaṃ anajjhāpanno. Tañce asuddhadiṭṭhi samāno okāsaṃ kārāpetvā akkosādhippāyo vadeti, āpatti omasavādassa.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз асуд̣̇д̇хад̣̇идти самаано аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и д̣̇уггадасса.
Asuddho hoti puggalo aññataraṃ pārājikaṃ dhammaṃ ajjhāpanno. Tañce asuddhadiṭṭhi samāno anokāsaṃ kārāpetvā cāvanādhippāyo vadeti, āpatti dukkaṭassa.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз асуд̣̇д̇хад̣̇идти самаано огаасам̣ гаараабзд̇ваа жааванаад̇хиббааяо вад̣̇зд̇и, анаабад̇д̇и.
Asuddho hoti puggalo aññataraṃ pārājikaṃ dhammaṃ ajjhāpanno. Tañce asuddhadiṭṭhi samāno okāsaṃ kārāpetvā cāvanādhippāyo vadeti, anāpatti.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз асуд̣̇д̇хад̣̇идти самаано аногаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇зна д̣̇уггадасса.
Asuddho hoti puggalo aññataraṃ pārājikaṃ dhammaṃ ajjhāpanno. Tañce asuddhadiṭṭhi samāno anokāsaṃ kārāpetvā akkosādhippāyo vadeti, āpatti omasavādena dukkaṭassa.
асуд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ аж̇жхаабанно. д̇ан̃жз асуд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇асса.
Asuddho hoti puggalo aññataraṃ pārājikaṃ dhammaṃ ajjhāpanno. Tañce asuddhadiṭṭhi samāno okāsaṃ kārāpetvā akkosādhippāyo vadeti, āpatti omasavādassa.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно. д̇ан̃жз суд̣̇д̇хад̣̇идти самаано аногаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсзна д̣̇уггадасса.
Suddho hoti puggalo aññataraṃ pārājikaṃ dhammaṃ anajjhāpanno. Tañce suddhadiṭṭhi samāno anokāsaṃ kārāpetvā cāvanādhippāyo vadeti, āpatti saṅghādisesena dukkaṭassa.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно. д̇ан̃жз суд̣̇д̇хад̣̇идти самаано огаасам̣ гаараабзд̇ваа жааванаад̇хиббааяо вад̣̇зд̇и, аабад̇д̇и сан̇гхаад̣̇исзсасса.
Suddho hoti puggalo aññataraṃ pārājikaṃ dhammaṃ anajjhāpanno. Tañce suddhadiṭṭhi samāno okāsaṃ kārāpetvā cāvanādhippāyo vadeti, āpatti saṅghādisesassa.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно. д̇ан̃жз суд̣̇д̇хад̣̇идти самаано аногаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇зна д̣̇уггадасса.
Suddho hoti puggalo aññataraṃ pārājikaṃ dhammaṃ anajjhāpanno. Tañce suddhadiṭṭhi samāno anokāsaṃ kārāpetvā akkosādhippāyo vadeti, āpatti omasavādena dukkaṭassa.
суд̣̇д̇хо ход̇и буг̇г̇ало ан̃н̃ад̇арам̣ баарааж̇игам̣ д̇хаммам̣ анаж̇жхаабанно д̇ан̃жз суд̣̇д̇хад̣̇идти самаано огаасам̣ гаараабзд̇ваа аггосаад̇хиббааяо вад̣̇зд̇и, аабад̇д̇и омасаваад̣̇асса.
Suddho hoti puggalo aññataraṃ pārājikaṃ dhammaṃ anajjhāpanno tañce suddhadiṭṭhi samāno okāsaṃ kārāpetvā akkosādhippāyo vadeti, āpatti omasavādassa.
390. анаабад̇д̇и суд̣̇д̇хз асуд̣̇д̇хад̣̇идтисса, асуд̣̇д̇хз асуд̣̇д̇хад̣̇идтисса, уммад̇д̇агасса, аад̣̇игаммигассаад̇и.
390. Anāpatti suddhe asuddhadiṭṭhissa, asuddhe asuddhadiṭṭhissa, ummattakassa, ādikammikassāti.
д̣̇удтад̣̇осасигкаабад̣̇ам̣ нидтид̇ам̣ адтамам̣.
Duṭṭhadosasikkhāpadaṃ niṭṭhitaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 8. батамад̣̇удтад̣̇осасигкаабад̣̇аван̣н̣анаа • 8. Paṭhamaduṭṭhadosasikkhāpadavaṇṇanā
