| Library / Tipiṭaka / તિપિટક • Tipiṭaka / પાચિત્યાદિયોજનાપાળિ • Pācityādiyojanāpāḷi |
૪. દુટ્ઠુલ્લસિક્ખાપદં
4. Duṭṭhullasikkhāpadaṃ
૩૯૯. ચતુત્થે અત્થુદ્ધારવસેન દસ્સિતાનિ દુટ્ઠુલ્લસદ્દત્થભાવેન સદિસત્તાતિ અધિપ્પાયો. ‘‘ધુર’’ન્તિ એત્થ લક્ખણવન્તત્તા ભુમ્મત્થે ઉપયોગવચનન્તિ આહ ‘‘ધુરે’’તિ. ધુરે નિક્ખિત્તમત્તે સતીતિ યોજના.
399. Catutthe atthuddhāravasena dassitāni duṭṭhullasaddatthabhāvena sadisattāti adhippāyo. ‘‘Dhura’’nti ettha lakkhaṇavantattā bhummatthe upayogavacananti āha ‘‘dhure’’ti. Dhure nikkhittamatte satīti yojanā.
એવં ધુરં નિક્ખિપિત્વાતિ ‘‘અઞ્ઞસ્સ નારોચેસ્સામી’’તિ એવં ધુરં નિક્ખિપિત્વા. અઞ્ઞસ્સાતિ વત્થુ, પુગ્ગલતો અઞ્ઞસ્સ દુતિયસ્સ. સોપીતિ દુતિયોપિ. અઞ્ઞસ્સાતિ તતિયસ્સ. યાવ કોટિ ન છિજ્જતિ, તાવ આપજ્જતિયેવાતિ યોજના. તસ્સેવાતિ આપત્તિં આપન્નપુગ્ગલસ્સ. વત્થુપુગ્ગલોયેવાતિ આપત્તિં આપન્નપુગ્ગલોયેવ. અયન્તિ પઠમભિક્ખુ. અઞ્ઞસ્સાતિ દુતિયસ્સ. સોતિ દુતિયો આરોચેતીતિ સમ્બન્ધો. યેનાતિ પઠમભિક્ખુના. અસ્સાતિ દુતિયસ્સ. તસ્સેવાતિ પઠમભિક્ખુસ્સેવ. વત્થુપુગ્ગલં ઉપનિધાય ‘‘તતિયેન પુગ્ગલેન દુતિયસ્સા’’તિ વુત્તં.
Evaṃdhuraṃ nikkhipitvāti ‘‘aññassa nārocessāmī’’ti evaṃ dhuraṃ nikkhipitvā. Aññassāti vatthu, puggalato aññassa dutiyassa. Sopīti dutiyopi. Aññassāti tatiyassa. Yāva koṭi na chijjati, tāva āpajjatiyevāti yojanā. Tassevāti āpattiṃ āpannapuggalassa. Vatthupuggaloyevāti āpattiṃ āpannapuggaloyeva. Ayanti paṭhamabhikkhu. Aññassāti dutiyassa. Soti dutiyo ārocetīti sambandho. Yenāti paṭhamabhikkhunā. Assāti dutiyassa. Tassevāti paṭhamabhikkhusseva. Vatthupuggalaṃ upanidhāya ‘‘tatiyena puggalena dutiyassā’’ti vuttaṃ.
૪૦૦. પઞ્ચાપત્તિક્ખન્ધેતિ થુલ્લચ્ચયાદિકે પઞ્ચ આપત્તિક્ખન્ધે. અજ્ઝાચારો નામાતિ અધિભવિત્વા વીતિક્કમિત્વા આચરિતબ્બત્તા અજ્ઝાચારો નામાતિ. ચતુત્થં.
400.Pañcāpattikkhandheti thullaccayādike pañca āpattikkhandhe. Ajjhācāro nāmāti adhibhavitvā vītikkamitvā ācaritabbattā ajjhācāro nāmāti. Catutthaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૭. સપ્પાણકવગ્ગો • 7. Sappāṇakavaggo
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવિભઙ્ગ-અટ્ઠકથા • Mahāvibhaṅga-aṭṭhakathā / ૪. દુટ્ઠુલ્લસિક્ખાપદવણ્ણના • 4. Duṭṭhullasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૪. દુટ્ઠુલ્લસિક્ખાપદવણ્ણના • 4. Duṭṭhullasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૪. દુટ્ઠુલ્લસિક્ખાપદવણ્ણના • 4. Duṭṭhullasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૪. દુટ્ઠુલ્લસિક્ખાપદવણ્ણના • 4. Duṭṭhullasikkhāpadavaṇṇanā
