| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
4. д̣̇удтулласигкаабад̣̇аван̣н̣анаа
4. Duṭṭhullasikkhāpadavaṇṇanā
399. жад̇уд̇т̇з – д̣̇удтуллаа наама аабад̇д̇ийд̇и зд̇т̇а жад̇д̇аари баарааж̇игаани ад̇т̇уд̣̇д̇хааравасзна д̣̇ассид̇аани, сан̇гхаад̣̇исзсаабад̇д̇и бана ад̇хиббзд̇аа, д̇ам̣ чаад̣̇знд̇асса баажид̇д̇ияам̣. д̇хурам̣ нигкид̇д̇амад̇д̇зд̇и д̇хурз нигкид̇д̇амад̇д̇з. сажзби д̇хурам̣ нигкибид̇ваа бажчаа аарожзд̇и, на рагкад̇и; д̇хурам̣ нигкид̇д̇амад̇д̇зязва баажид̇д̇ияанд̇и вуд̇д̇ам̣ ход̇и. сажз бана звам̣ д̇хурам̣ нигкибид̇ваа бадижчаад̣̇анад̇т̇амзва ан̃н̃асса аарожзд̇и, соби ан̃н̃ассаад̇и зд̇знубааязна саман̣асад̇амби саман̣асахассамби аабад̇д̇им̣ аабаж̇ж̇ад̇иязва д̇аава, яаава годи на чиж̇ж̇ад̇и. гад̣̇аа бана годи чиж̇ж̇ад̇ийд̇и? махаасумад̇т̇зро д̇аава вад̣̇ад̇и – ‘‘аабад̇д̇им̣ аабанно згасса аарожзд̇и, со бадинивад̇д̇ид̇ваа д̇ассзва аарожзд̇и; звам̣ годи чиж̇ж̇ад̇ий’’д̇и. махаабад̣̇умад̇т̇зро банааха – ‘‘аяан̃хи вад̇т̇убуг̇г̇алоязва. аабад̇д̇им̣ аабанно бана згасса бхигкуно аарожзд̇и, аяам̣ ан̃н̃асса аарожзд̇и, со бадинивад̇д̇ид̇ваа язнасса аарожид̇ам̣, д̇ассзва аарожзд̇и; звам̣ д̇ад̇иязна буг̇г̇алзна д̣̇уд̇ияасса аарожид̇з годи чиннаа ход̇ий’’д̇и.
399. Catutthe – duṭṭhullā nāma āpattīti ettha cattāri pārājikāni atthuddhāravasena dassitāni, saṅghādisesāpatti pana adhippetā, taṃ chādentassa pācittiyaṃ. Dhuraṃ nikkhittamatteti dhure nikkhittamatte. Sacepi dhuraṃ nikkhipitvā pacchā āroceti, na rakkhati; dhuraṃ nikkhittamatteyeva pācittiyanti vuttaṃ hoti. Sace pana evaṃ dhuraṃ nikkhipitvā paṭicchādanatthameva aññassa āroceti, sopi aññassāti etenupāyena samaṇasatampi samaṇasahassampi āpattiṃ āpajjatiyeva tāva, yāva koṭi na chijjati. Kadā pana koṭi chijjatīti? Mahāsumatthero tāva vadati – ‘‘āpattiṃ āpanno ekassa āroceti, so paṭinivattitvā tasseva āroceti; evaṃ koṭi chijjatī’’ti. Mahāpadumatthero panāha – ‘‘ayañhi vatthupuggaloyeva. Āpattiṃ āpanno pana ekassa bhikkhuno āroceti, ayaṃ aññassa āroceti, so paṭinivattitvā yenassa ārocitaṃ, tasseva āroceti; evaṃ tatiyena puggalena dutiyassa ārocite koṭi chinnā hotī’’ti.
400. ад̣̇удтуллам̣ аабад̇д̇инд̇и авасзсз бан̃жаабад̇д̇игканд̇хз. анубасамбаннасса д̣̇удтуллам̣ ваа ад̣̇удтуллам̣ ваа аж̇жхаажааранд̇и зд̇т̇а анубасамбаннасса суггависсадти жа гааяасам̣саг̇г̇о жаад̇и аяам̣ д̣̇удтуллааж̇жхаажааро наама. сзсамзд̇т̇а уд̇д̇аанамзваад̇и. д̇хуранигкзбасамудтаанам̣ – гааяаваажаажид̇д̇ад̇о самудтаад̇и, агирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣ , д̣̇угкавзд̣̇ананд̇и.
400.Aduṭṭhullaṃ āpattinti avasese pañcāpattikkhandhe. Anupasampannassa duṭṭhullaṃ vā aduṭṭhullaṃ vā ajjhācāranti ettha anupasampannassa sukkavissaṭṭhi ca kāyasaṃsaggo cāti ayaṃ duṭṭhullaajjhācāro nāma. Sesamettha uttānamevāti. Dhuranikkhepasamuṭṭhānaṃ – kāyavācācittato samuṭṭhāti, akiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ , dukkhavedananti.
д̣̇удтулласигкаабад̣̇ам̣ жад̇уд̇т̇ам̣.
Duṭṭhullasikkhāpadaṃ catutthaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. саббаан̣агаваг̇г̇о • 7. Sappāṇakavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 4. д̣̇удтулласигкаабад̣̇аван̣н̣анаа • 4. Duṭṭhullasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 4. д̣̇удтулласигкаабад̣̇ам̣ • 4. Duṭṭhullasikkhāpadaṃ
