| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
3. д̣̇удтуллаваажаасигкаабад̣̇аван̣н̣анаа
3. Duṭṭhullavācāsikkhāpadavaṇṇanā
283. д̇зна самаязна б̣уд̣̇д̇хо бхаг̇аваад̇и д̣̇удтуллаваажаасигкаабад̣̇ам̣. д̇ад̇т̇а аад̣̇иссаад̇и абад̣̇исид̇ваа. ван̣н̣амби бхан̣ад̇ийд̇иаад̣̇ийни барад̇о аави бхависсанд̇и. чиннигаад̇и чиннаод̇д̇аббаа. д̇худ̇д̇игаад̇и сатаа. ахиригааяод̇и ниллаж̇ж̇аа . ухасанд̇ийд̇и сид̇ам̣ гад̇ваа манд̣̇ахасид̇ам̣ хасанд̇и. уллабанд̇ийд̇и ‘‘ахо аяяо’’д̇иаад̣̇инаа наязна ужжагаран̣им̣ наанаавид̇хам̣ балобханагат̇ам̣ гат̇знд̇и. уж̇ж̇аг̇гханд̇ийд̇и махаахасид̇ам̣ хасанд̇и. уббан̣д̣знд̇ийд̇и ‘‘бан̣д̣аго аяам̣, нааяам̣ бурисо’’д̇иаад̣̇инаа наязна барихаасам̣ гаронд̇и.
283.Tena samayena buddho bhagavāti duṭṭhullavācāsikkhāpadaṃ. Tattha ādissāti apadisitvā. Vaṇṇampi bhaṇatītiādīni parato āvi bhavissanti. Chinnikāti chinnaottappā. Dhuttikāti saṭhā. Ahirikāyoti nillajjā . Uhasantīti sitaṃ katvā mandahasitaṃ hasanti. Ullapantīti ‘‘aho ayyo’’tiādinā nayena uccakaraṇiṃ nānāvidhaṃ palobhanakathaṃ kathenti. Ujjagghantīti mahāhasitaṃ hasanti. Uppaṇḍentīti ‘‘paṇḍako ayaṃ, nāyaṃ puriso’’tiādinā nayena parihāsaṃ karonti.
285. саарад̇д̇од̇и д̣̇удтуллаваажассаад̣̇арааг̇зна саарад̇д̇о. абзгкаваа бадиб̣ад̣̇д̇хажид̇д̇од̇и вуд̇д̇анаяамзва, гзвалам̣ ид̇ха ваажассаад̣̇арааг̇о яож̇зд̇аб̣б̣о. маад̇уг̇аамам̣ д̣̇удтуллаахи ваажаахийд̇и зд̇т̇а ад̇хиббзд̇ам̣ маад̇уг̇аамам̣ д̣̇ассзнд̇о ‘‘маад̇уг̇аамо’’д̇иаад̣̇имааха. д̇ад̇т̇а вин̃н̃уу бадиб̣алаа субхаасид̇ад̣̇уб̣бхаасид̇ам̣ д̣̇удтуллаад̣̇удтуллам̣ ааж̇аанид̇унд̇и яаа бан̣д̣ид̇аа саад̇т̇аганирад̇т̇агагат̇ам̣ асад̣̇д̇хаммасад̣̇д̇хаммабадисам̣яуд̇д̇агат̇ан̃жа ж̇аанид̇ум̣ бадиб̣алаа, аяам̣ ид̇ха ад̇хиббзд̇аа. яаа бана махаллигааби б̣аалаа зламууг̇аа аяам̣ ид̇ха анад̇хиббзд̇аад̇и д̣̇ассзд̇и.
285.Sārattoti duṭṭhullavācassādarāgena sāratto. Apekkhavā paṭibaddhacittoti vuttanayameva, kevalaṃ idha vācassādarāgo yojetabbo. Mātugāmaṃ duṭṭhullāhi vācāhīti ettha adhippetaṃ mātugāmaṃ dassento ‘‘mātugāmo’’tiādimāha. Tattha viññū paṭibalā subhāsitadubbhāsitaṃ duṭṭhullāduṭṭhullaṃ ājānitunti yā paṇḍitā sātthakaniratthakakathaṃ asaddhammasaddhammapaṭisaṃyuttakathañca jānituṃ paṭibalā, ayaṃ idha adhippetā. Yā pana mahallikāpi bālā elamūgā ayaṃ idha anadhippetāti dasseti.
обхаасзяяаад̇и авабхаасзяяа наанааббагаарагам̣ асад̣̇д̇хаммаважанам̣ вад̣̇зяяа. яасмаа банзвам̣ обхаасанд̇асса яо со обхаасо наама, со ад̇т̇ад̇о аж̇жхаажааро ход̇и рааг̇авасзна абхибхавид̇ваа сан̃н̃амавзлам̣ аажааро, д̇асмаа д̇амад̇т̇ам̣ д̣̇ассзнд̇о ‘‘обхаасзяяаад̇и аж̇жхаажааро вужжад̇ий’’д̇и ааха. яат̇аа д̇анд̇и зд̇т̇а д̇анд̇и нибаад̇амад̇д̇ам̣, яат̇аа яуваа яувад̇инд̇и ад̇т̇о.
Obhāseyyāti avabhāseyya nānāppakārakaṃ asaddhammavacanaṃ vadeyya. Yasmā panevaṃ obhāsantassa yo so obhāso nāma, so atthato ajjhācāro hoti rāgavasena abhibhavitvā saññamavelaṃ ācāro, tasmā tamatthaṃ dassento ‘‘obhāseyyāti ajjhācāro vuccatī’’ti āha. Yathā tanti ettha tanti nipātamattaṃ, yathā yuvā yuvatinti attho.
д̣̇вз маг̇г̇з аад̣̇иссаад̇иаад̣̇и язнаагаарзна обхаасад̇о сан̇гхаад̣̇исзсо ход̇и, д̇ам̣ д̣̇ассзд̇ум̣ вуд̇д̇ам̣. д̇ад̇т̇а д̣̇вз маг̇г̇зд̇и важжамаг̇г̇ан̃жа бассаавамаг̇г̇ан̃жа. сзсам̣ уд̣̇д̣̇зсз д̇аава баагадамзва. нид̣̇д̣̇зсз бана т̇омзд̇ийд̇и ‘‘ид̇т̇илагкан̣зна субхалагкан̣зна саманнааг̇ад̇аасий’’д̇и вад̣̇ад̇и, на д̇аава сийсам̣ зд̇и. ‘‘д̇ава важжамаг̇г̇о жа бассаавамаг̇г̇о жа ийд̣̇исо д̇зна наама ийд̣̇исзна ид̇т̇илагкан̣зна субхалагкан̣зна саманнааг̇ад̇аасий’’д̇и вад̣̇ад̇и, сийсам̣ зд̇и, сан̇гхаад̣̇исзсо. ван̣н̣зд̇и басам̣сад̇ийд̇и имаани бана т̇оманабад̣̇ассзва взважанаани.
Dve magge ādissātiādi yenākārena obhāsato saṅghādiseso hoti, taṃ dassetuṃ vuttaṃ. Tattha dve maggeti vaccamaggañca passāvamaggañca. Sesaṃ uddese tāva pākaṭameva. Niddese pana thometīti ‘‘itthilakkhaṇena subhalakkhaṇena samannāgatāsī’’ti vadati, na tāva sīsaṃ eti. ‘‘Tava vaccamaggo ca passāvamaggo ca īdiso tena nāma īdisena itthilakkhaṇena subhalakkhaṇena samannāgatāsī’’ti vadati, sīsaṃ eti, saṅghādiseso. Vaṇṇeti pasaṃsatīti imāni pana thomanapadasseva vevacanāni.
кум̣сзд̇ийд̇и ваажаабад̇од̣̇зна гхаддзд̇и. вамбхзд̇ийд̇и абасаад̣̇зд̇и. г̇арахад̇ийд̇и д̣̇осам̣ д̣̇зд̇и. барад̇о бана баал̣ияаа ааг̇ад̇зхи ‘‘анимид̇д̇аасий’’д̇иаад̣̇ийхи згаад̣̇асахи бад̣̇зхи агхадид̇з сийсам̣ на зд̇и, гхадид̇зби д̇зсу сикаран̣ийси самбхиннааси убхад̇об̣яан̃ж̇анаасийд̇и имзхи д̇ийхи гхадид̇зязва сан̇гхаад̣̇исзсо.
Khuṃsetīti vācāpatodena ghaṭṭeti. Vambhetīti apasādeti. Garahatīti dosaṃ deti. Parato pana pāḷiyā āgatehi ‘‘animittāsī’’tiādīhi ekādasahi padehi aghaṭite sīsaṃ na eti, ghaṭitepi tesu sikharaṇīsi sambhinnāsi ubhatobyañjanāsīti imehi tīhi ghaṭiteyeva saṅghādiseso.
д̣̇зхи мзд̇и яаажанааяаби зд̇д̇агзнзва сийсам̣ на зд̇и, ‘‘мзт̇унам̣ д̇хаммам̣ д̣̇зхий’’д̇и звам̣ мзт̇унад̇хаммзна гхадид̇з зва сан̇гхаад̣̇исзсо.
Dehi meti yācanāyapi ettakeneva sīsaṃ na eti, ‘‘methunaṃ dhammaṃ dehī’’ti evaṃ methunadhammena ghaṭite eva saṅghādiseso.
гад̣̇аа д̇з маад̇аа басийд̣̇иссад̇ийд̇иаад̣̇ийсу ааяаажанаважанзсуби зд̇д̇агзнзва сийсам̣ на зд̇и, ‘‘гад̣̇аа д̇з маад̇аа басийд̣̇иссад̇и, гад̣̇аа д̇з мзт̇унам̣ д̇хаммам̣ лабхиссаамий’’д̇и ваа ‘‘д̇ава маад̇ари басаннааяа мзт̇унам̣ д̇хаммам̣ лабхиссаамий’’д̇и ваа аад̣̇инаа бана наязна мзт̇унад̇хаммзна гхадид̇зязва сан̇гхаад̣̇исзсо.
Kadā te mātā pasīdissatītiādīsu āyācanavacanesupi ettakeneva sīsaṃ na eti, ‘‘kadā te mātā pasīdissati, kadā te methunaṃ dhammaṃ labhissāmī’’ti vā ‘‘tava mātari pasannāya methunaṃ dhammaṃ labhissāmī’’ti vā ādinā pana nayena methunadhammena ghaṭiteyeva saṅghādiseso.
гат̇ам̣ д̇вам̣ саамигасса д̣̇зсийд̇иаад̣̇ийсу бужчааважанзсуби мзт̇унад̇хамманд̇и вуд̇д̇зязва сан̇гхаад̣̇исзсо, на ид̇арат̇аа. звам̣ гира д̇вам̣ саамигасса д̣̇зсийд̇и бадибужчааважанзсуби зсзва наяо.
Kathaṃ tvaṃ sāmikassa desītiādīsu pucchāvacanesupi methunadhammanti vutteyeva saṅghādiseso, na itarathā. Evaṃ kira tvaṃ sāmikassa desīti paṭipucchāvacanesupi eseva nayo.
аажигканааяа будто бхан̣ад̇ийд̇и ‘‘гат̇ам̣ д̣̇ад̣̇амаанаа саамигасса бияаа ход̇ий’’д̇и звам̣ будто аажигкад̇и. зд̇т̇а жа ‘‘звам̣ д̣̇зхи звам̣ д̣̇ад̣̇амаанаа’’д̇и вуд̇д̇зби сийсам̣ на зд̇и. ‘‘мзт̇унад̇хаммам̣ звам̣ д̣̇зхи звам̣ убанзхи звам̣ мзт̇унад̇хаммам̣ д̣̇ад̣̇амаанаа убанаяамаанаа бияаа ход̇ий’’д̇иаад̣̇инаа бана наязна мзт̇унад̇хаммзна гхадид̇зязва сан̇гхаад̣̇исзсо. анусаасанийважанзсуби зсзва наяо.
Ācikkhanāya puṭṭho bhaṇatīti ‘‘kathaṃ dadamānā sāmikassa piyā hotī’’ti evaṃ puṭṭho ācikkhati. Ettha ca ‘‘evaṃ dehi evaṃ dadamānā’’ti vuttepi sīsaṃ na eti. ‘‘Methunadhammaṃ evaṃ dehi evaṃ upanehi evaṃ methunadhammaṃ dadamānā upanayamānā piyā hotī’’tiādinā pana nayena methunadhammena ghaṭiteyeva saṅghādiseso. Anusāsanīvacanesupi eseva nayo.
аггосанид̣̇д̣̇зсз – анимид̇д̇аасийд̇и нимид̇д̇арахид̇ааси, гун̃жигабан̣аалимад̇д̇амзва д̇ава д̣̇агасод̇анд̇и вуд̇д̇ам̣ ход̇и.
Akkosaniddese – animittāsīti nimittarahitāsi, kuñcikapaṇālimattameva tava dakasotanti vuttaṃ hoti.
нимид̇д̇амад̇д̇аасийд̇и д̇ава ид̇т̇инимид̇д̇ам̣ абарибун̣н̣ам̣ сан̃н̃аамад̇д̇амзваад̇и вуд̇д̇ам̣ ход̇и. алохид̇аад̇и сугкасод̇аа. д̇хувалохид̇аад̇и нижжалохид̇аа гилиннад̣̇агасод̇аа. д̇хуважол̣аад̇и нижжабагкид̇д̇аан̣ижол̣аа, сад̣̇аа аан̣ижол̣агам̣ сзвасийд̇и вуд̇д̇ам̣ ход̇и. баг̇гхаранд̇ийд̇и саванд̇ий; сад̣̇аа д̇з муд̇д̇ам̣ савад̇ийд̇и вуд̇д̇ам̣ ход̇и. сикаран̣ийд̇и б̣ахинигканд̇ааан̣имам̣саа. ид̇т̇ибан̣д̣агаад̇и анимид̇д̇аава вужжад̇и. взбурисигаад̇и самассуд̣̇аатигаа бурисаруубаа ид̇т̇ий. самбхиннаад̇и самбхиннаважжамаг̇г̇абассаавамаг̇г̇аа. убхад̇об̣яан̃ж̇анаад̇и ид̇т̇инимид̇д̇зна жа бурисанимид̇д̇зна жаад̇и убхохи б̣яан̃ж̇анзхи саманнааг̇ад̇аа.
Nimittamattāsīti tava itthinimittaṃ aparipuṇṇaṃ saññāmattamevāti vuttaṃ hoti. Alohitāti sukkhasotā. Dhuvalohitāti niccalohitā kilinnadakasotā. Dhuvacoḷāti niccapakkhittāṇicoḷā, sadā āṇicoḷakaṃ sevasīti vuttaṃ hoti. Paggharantīti savantī; sadā te muttaṃ savatīti vuttaṃ hoti. Sikharaṇīti bahinikkhantaāṇimaṃsā. Itthipaṇḍakāti animittāva vuccati. Vepurisikāti samassudāṭhikā purisarūpā itthī. Sambhinnāti sambhinnavaccamaggapassāvamaggā. Ubhatobyañjanāti itthinimittena ca purisanimittena cāti ubhohi byañjanehi samannāgatā.
имзсу жа бана згаад̣̇асасу бад̣̇зсу сикаран̣ийси самбхиннааси убхад̇об̣яан̃ж̇анаасийд̇и имааниязва д̇ийн̣и бад̣̇аани суд̣̇д̇хаани сийсам̣ знд̇и. ид̇и имаани жа д̇ийн̣и буримаани жа важжамаг̇г̇абассаавамаг̇г̇амзт̇унад̇хаммабад̣̇аани д̇ийн̣ийд̇и ча бад̣̇аани суд̣̇д̇хаани аабад̇д̇игараани. сзсаани анимид̇д̇аад̇иаад̣̇ийни ‘‘анимид̇д̇з мзт̇унад̇хаммам̣ мз д̣̇зхий’’д̇и ваа ‘‘анимид̇д̇ааси мзт̇унад̇хаммам̣ мз д̣̇зхий’’д̇и ваа аад̣̇инаа наязна мзт̇унад̇хаммзна гхадид̇аанзва аабад̇д̇игараани хонд̇ийд̇и взд̣̇ид̇аб̣б̣аани.
Imesu ca pana ekādasasu padesu sikharaṇīsi sambhinnāsi ubhatobyañjanāsīti imāniyeva tīṇi padāni suddhāni sīsaṃ enti. Iti imāni ca tīṇi purimāni ca vaccamaggapassāvamaggamethunadhammapadāni tīṇīti cha padāni suddhāni āpattikarāni. Sesāni animittātiādīni ‘‘animitte methunadhammaṃ me dehī’’ti vā ‘‘animittāsi methunadhammaṃ me dehī’’ti vā ādinā nayena methunadhammena ghaṭitāneva āpattikarāni hontīti veditabbāni.
286. ид̣̇аани явааяам̣ од̇ин̣н̣о вибарин̣ад̇зна жид̇д̇зна обхаасад̇и, д̇асса важжамаг̇г̇абассаавамаг̇г̇з аад̣̇исса зд̇зсам̣ ван̣н̣абхан̣анаад̣̇ийнам̣ васзна вид̇т̇аарад̇о аабад̇д̇ибхзд̣̇ам̣ д̣̇ассзнд̇о ‘‘ид̇т̇ий жа ход̇и ид̇т̇исан̃н̃ий’’д̇иаад̣̇имааха. д̇зсам̣ ад̇т̇о гааяасам̣саг̇г̇з вуд̇д̇анаязнзва взд̣̇ид̇аб̣б̣о.
286. Idāni yvāyaṃ otiṇṇo vipariṇatena cittena obhāsati, tassa vaccamaggapassāvamagge ādissa etesaṃ vaṇṇabhaṇanādīnaṃ vasena vitthārato āpattibhedaṃ dassento ‘‘itthī ca hoti itthisaññī’’tiādimāha. Tesaṃ attho kāyasaṃsagge vuttanayeneva veditabbo.
аяам̣ бана висзсо – ад̇хагкаганд̇и агкагад̇о бадтааяа ад̇хо. уб̣бхаж̇аан̣уман̣д̣ала ж̇аан̣уман̣д̣алад̇о бадтааяа уд̣̇д̇хам̣. уб̣бхагкаганд̇и агкагад̇о бадтааяа уд̣̇д̇хам̣. ад̇хо ж̇аан̣уман̣д̣аланд̇и ж̇аан̣уман̣д̣алад̇о бадтааяа ад̇хо. агкагам̣ бана ж̇аан̣уман̣д̣алан̃жа зд̇т̇зва д̣̇уггадагкзд̇д̇з сан̇г̇ахам̣ г̇ажчанд̇и бхигкунияаа гааяасам̣саг̇г̇з вияа. на хи б̣уд̣̇д̇хаа г̇аругаабад̇д̇им̣ саавасзсам̣ бан̃н̃абзнд̇ийд̇и. гааяаббадиб̣ад̣̇д̇ханд̇и вад̇т̇ам̣ ваа бубпам̣ ваа аабхаран̣ам̣ ваа.
Ayaṃ pana viseso – adhakkhakanti akkhakato paṭṭhāya adho. Ubbhajāṇumaṇḍala jāṇumaṇḍalato paṭṭhāya uddhaṃ. Ubbhakkhakanti akkhakato paṭṭhāya uddhaṃ. Adho jāṇumaṇḍalanti jāṇumaṇḍalato paṭṭhāya adho. Akkhakaṃ pana jāṇumaṇḍalañca ettheva dukkaṭakkhette saṅgahaṃ gacchanti bhikkhuniyā kāyasaṃsagge viya. Na hi buddhā garukāpattiṃ sāvasesaṃ paññapentīti. Kāyappaṭibaddhanti vatthaṃ vā pupphaṃ vā ābharaṇaṃ vā.
287. ад̇т̇абурзгкаарассаад̇и анимид̇д̇аад̇иаад̣̇ийнам̣ бад̣̇аанам̣ ад̇т̇ам̣ гат̇знд̇асса, адтагат̇ам̣ ваа саж̇жхааяам̣ гаронд̇асса.
287.Atthapurekkhārassāti animittātiādīnaṃ padānaṃ atthaṃ kathentassa, aṭṭhakathaṃ vā sajjhāyaṃ karontassa.
д̇хаммабурзгкаарассаад̇и баал̣им̣ ваажзнд̇асса ваа саж̇жхааяанд̇асса ваа. звам̣ ад̇т̇ан̃жа д̇хамман̃жа бурагкад̇ваа бхан̣анд̇асса ад̇т̇абурзгкаарасса жа д̇хаммабурзгкаарасса жа анаабад̇д̇и.
Dhammapurekkhārassāti pāḷiṃ vācentassa vā sajjhāyantassa vā. Evaṃ atthañca dhammañca purakkhatvā bhaṇantassa atthapurekkhārassa ca dhammapurekkhārassa ca anāpatti.
анусаасанибурзгкаарассаад̇и ‘‘ид̣̇ааниби анимид̇д̇ааси убхад̇д̇об̣яан̃ж̇анааси аббамаад̣̇ам̣ ид̣̇аани гарзяяааси, яат̇аа ааяад̇имби зваруубаа на хохисий’’д̇и звам̣ анусидтим̣ бурагкад̇ваа бхан̣анд̇асса анусаасанибурзгкаарасса анаабад̇д̇и. яо бана бхигкунийнам̣ баал̣им̣ ваажзнд̇о багад̇иваажанаамаг̇г̇ам̣ бахааяа хасанд̇о хасанд̇о ‘‘сикаран̣ийси самбхиннааси убхад̇об̣яан̃ж̇анаасий’’д̇и бунаббунам̣ бхан̣ад̇и, д̇асса аабад̇д̇иязва. уммад̇д̇агасса анаабад̇д̇и. ид̇ха аад̣̇игаммиго уд̣̇ааяид̇т̇зро, д̇асса анаабад̇д̇и аад̣̇игаммигассаад̇и.
Anusāsanipurekkhārassāti ‘‘idānipi animittāsi ubhattobyañjanāsi appamādaṃ idāni kareyyāsi, yathā āyatimpi evarūpā na hohisī’’ti evaṃ anusiṭṭhiṃ purakkhatvā bhaṇantassa anusāsanipurekkhārassa anāpatti. Yo pana bhikkhunīnaṃ pāḷiṃ vācento pakativācanāmaggaṃ pahāya hasanto hasanto ‘‘sikharaṇīsi sambhinnāsi ubhatobyañjanāsī’’ti punappunaṃ bhaṇati, tassa āpattiyeva. Ummattakassa anāpatti. Idha ādikammiko udāyitthero, tassa anāpatti ādikammikassāti.
бад̣̇абхааж̇анийяаван̣н̣анаа нидтид̇аа.
Padabhājanīyavaṇṇanā niṭṭhitā.
самудтаанаад̣̇ийсу ид̣̇ам̣ сигкаабад̣̇ам̣ д̇исамудтаанам̣ гааяажид̇д̇ад̇о ваажаажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣ , сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇вивзд̣̇ананд̇и.
Samuṭṭhānādīsu idaṃ sikkhāpadaṃ tisamuṭṭhānaṃ kāyacittato vācācittato kāyavācācittato ca samuṭṭhāti, kiriyaṃ, saññāvimokkhaṃ , sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dvivedananti.
288. винийд̇авад̇т̇уусу лохид̇авад̇т̇усмим̣ со бхигку ид̇т̇ияаа лохид̇агам̣ нимид̇д̇ам̣ санд̇хааяааха – ид̇араа на ан̃н̃ааси, д̇асмаа д̣̇уггадам̣.
288. Vinītavatthūsu lohitavatthusmiṃ so bhikkhu itthiyā lohitakaṃ nimittaṃ sandhāyāha – itarā na aññāsi, tasmā dukkaṭaṃ.
гаггасаломанд̇и рассаломзхи б̣ахуломам̣. аагин̣н̣аломанд̇и ж̇адид̇аломам̣. караломанд̇и т̇ад̣̇д̇халомам̣. д̣̇ийгхаломанд̇и арассаломам̣. саб̣б̣ам̣ ид̇т̇инимид̇д̇амзва санд̇хааяа вуд̇д̇ам̣.
Kakkasalomanti rassalomehi bahulomaṃ. Ākiṇṇalomanti jaṭitalomaṃ. Kharalomanti thaddhalomaṃ. Dīghalomanti arassalomaṃ. Sabbaṃ itthinimittameva sandhāya vuttaṃ.
289. ваабид̇ам̣ ко д̇зд̇и асад̣̇д̇хаммам̣ санд̇хааяааха, саа асаллагкзд̇ваа но жа ко бадивуд̇д̇анд̇и ааха. бадивуд̇д̇ам̣ наама уд̣̇агаваббз б̣ийж̇зхи аббад̇идтид̇огаасз баан̣агзхи винаасид̇аб̣ийж̇з ваа огаасз буна б̣ийж̇ам̣ бад̇идтаабзд̇ваа уд̣̇агзна аасид̇д̇ам̣, т̇алаваббз висамабад̇ид̇аанам̣ ваа б̣ийж̇аанам̣ самагаран̣ад̇т̇ааяа буна адтад̣̇анд̇агзна самийгад̇ам̣, д̇зсу ан̃н̃ад̇арам̣ санд̇хааяа зсаа ааха.
289.Vāpitaṃ kho teti asaddhammaṃ sandhāyāha, sā asallakkhetvā no ca kho paṭivuttanti āha. Paṭivuttaṃ nāma udakavappe bījehi appatiṭṭhitokāse pāṇakehi vināsitabīje vā okāse puna bījaṃ patiṭṭhāpetvā udakena āsittaṃ, thalavappe visamapatitānaṃ vā bījānaṃ samakaraṇatthāya puna aṭṭhadantakena samīkataṃ, tesu aññataraṃ sandhāya esā āha.
маг̇г̇авад̇т̇усмим̣ маг̇г̇о сам̣сийд̣̇ад̇ийд̇и ан̇г̇аж̇аад̇амаг̇г̇ам̣ санд̇хааяааха. сзсам̣ уд̇д̇аанамзваад̇и.
Maggavatthusmiṃ maggo saṃsīdatīti aṅgajātamaggaṃ sandhāyāha. Sesaṃ uttānamevāti.
д̣̇удтуллаваажаасигкаабад̣̇аван̣н̣анаа нидтид̇аа.
Duṭṭhullavācāsikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 3. д̣̇удтуллаваажаасигкаабад̣̇ам̣ • 3. Duṭṭhullavācāsikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā
3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
бад̣̇абхааж̇анийяаван̣н̣анаа • Padabhājanīyavaṇṇanā
винийд̇авад̇т̇уван̣н̣анаа • Vinītavatthuvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 3. д̣̇удтуллаваажаасигкаабад̣̇аван̣н̣анаа • 3. Duṭṭhullavācāsikkhāpadavaṇṇanā
