| Library / Tipiṭaka / திபிடக • Tipiṭaka / பி⁴க்கு²னீவிப⁴ங்க³-அட்ட²கதா² • Bhikkhunīvibhaṅga-aṭṭhakathā |
த்³வாத³ஸமனிஸ்ஸக்³கி³யபாசித்தியஸிக்கா²பத³வண்ணனா
Dvādasamanissaggiyapācittiyasikkhāpadavaṇṇanā
789. த்³வாத³ஸமே – லஹுபாவுரணந்தி உண்ஹகாலே பாவுரணங். ஸேஸங் ஸிக்கா²பத³த்³வயேபி உத்தானமேவ.
789. Dvādasame – lahupāvuraṇanti uṇhakāle pāvuraṇaṃ. Sesaṃ sikkhāpadadvayepi uttānameva.
ச²ஸமுட்டா²னங் – கிரியங், நோஸஞ்ஞாவிமொக்க²ங், அசித்தகங், பண்ணத்திவஜ்ஜங், காயகம்மங், வசீகம்மங், திசித்தங், திவேத³னந்தி.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
த்³வாத³ஸமஸிக்கா²பத³ங்.
Dvādasamasikkhāpadaṃ.
உத்³தி³ட்டா² கோ² அய்யாயோ திங்ஸ நிஸ்ஸக்³கி³யா பாசித்தியா த⁴ம்மாதி எத்த² மஹாவிப⁴ங்கே³ சீவரவக்³க³தோ தோ⁴வனஞ்ச படிக்³க³ஹணஞ்சாதி த்³வே ஸிக்கா²பதா³னி அபனெத்வா அகாலசீவரங் காலசீவரந்தி அதி⁴ட்ட²ஹித்வா பா⁴ஜிதஸிக்கா²பதே³ன ச பரிவத்தெத்வா அச்சி²ன்னசீவரேன ச பட²மவக்³கோ³ பூரேதப்³போ³. புன ஏளகலோமவக்³க³ஸ்ஸ ஆதி³தோ ஸத்த ஸிக்கா²பதா³னி அபனெத்வா ஸத்த அஞ்ஞத³த்தி²கானி பக்கி²பித்வா து³தியவக்³கோ³ பூரேதப்³போ³. ததியவக்³க³தோ பட²மபத்தங் வஸ்ஸிகஸாடிகங் ஆரஞ்ஞகஸிக்கா²பத³ந்தி இமானி தீணி அபனெத்வா பத்தஸன்னிசயக³ருபாவுரணலஹுபாவுரணஸிக்கா²பதே³ஹி ததியவக்³கோ³ பூரேதப்³போ³. இதி பி⁴க்கு²னீனங் த்³வாத³ஸ ஸிக்கா²பதா³னி ஏகதோபஞ்ஞத்தானி, அட்டா²ரஸ உப⁴தோபஞ்ஞத்தானீதி ஏவங் ஸப்³பே³பி பாதிமொக்கு²த்³தே³ஸமக்³கே³ன ‘‘உத்³தி³ட்டா² கோ² அய்யாயோ திங்ஸ நிஸ்ஸக்³கி³யா பாசித்தியா த⁴ம்மா’’தி ஏவமெத்த² அத்தோ² த³ட்ட²ப்³போ³. ஸேஸங் வுத்தனயமேவாதி.
Uddiṭṭhā kho ayyāyo tiṃsa nissaggiyā pācittiyā dhammāti ettha mahāvibhaṅge cīvaravaggato dhovanañca paṭiggahaṇañcāti dve sikkhāpadāni apanetvā akālacīvaraṃ kālacīvaranti adhiṭṭhahitvā bhājitasikkhāpadena ca parivattetvā acchinnacīvarena ca paṭhamavaggo pūretabbo. Puna eḷakalomavaggassa ādito satta sikkhāpadāni apanetvā satta aññadatthikāni pakkhipitvā dutiyavaggo pūretabbo. Tatiyavaggato paṭhamapattaṃ vassikasāṭikaṃ āraññakasikkhāpadanti imāni tīṇi apanetvā pattasannicayagarupāvuraṇalahupāvuraṇasikkhāpadehi tatiyavaggo pūretabbo. Iti bhikkhunīnaṃ dvādasa sikkhāpadāni ekatopaññattāni, aṭṭhārasa ubhatopaññattānīti evaṃ sabbepi pātimokkhuddesamaggena ‘‘uddiṭṭhā kho ayyāyo tiṃsa nissaggiyā pācittiyā dhammā’’ti evamettha attho daṭṭhabbo. Sesaṃ vuttanayamevāti.
ஸமந்தபாஸாதி³காய வினயஸங்வண்ணனாய பி⁴க்கு²னீவிப⁴ங்கே³
Samantapāsādikāya vinayasaṃvaṇṇanāya bhikkhunīvibhaṅge
திங்ஸகவண்ணனா நிட்டி²தா.
Tiṃsakavaṇṇanā niṭṭhitā.
நிஸ்ஸக்³கி³யகண்ட³ங் நிட்டி²தங்.
Nissaggiyakaṇḍaṃ niṭṭhitaṃ.
Next: 4. பாசித்தியகண்ட³ங் (பி⁴க்கு²னீவிப⁴ங்க³வண்ணனா) • 4. Pācittiyakaṇḍaṃ (bhikkhunīvibhaṅgavaṇṇanā)
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / பி⁴க்கு²னீவிப⁴ங்க³ • Bhikkhunīvibhaṅga / 12. த்³வாத³ஸமஸிக்கா²பத³ங் • 12. Dvādasamasikkhāpadaṃ
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 2. து³தியனிஸ்ஸக்³கி³யாதி³பாசித்தியஸிக்கா²பத³வண்ணனா • 2. Dutiyanissaggiyādipācittiyasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 12. த்³வாத³ஸமனிஸ்ஸக்³கி³யபாசித்தியஸிக்கா²பத³ங் • 12. Dvādasamanissaggiyapācittiyasikkhāpadaṃ
