| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
દ્વાદસમનિસ્સગ્ગિયપાચિત્તિયસિક્ખાપદવણ્ણના
Dvādasamanissaggiyapācittiyasikkhāpadavaṇṇanā
૭૮૯. દ્વાદસમે – લહુપાવુરણન્તિ ઉણ્હકાલે પાવુરણં. સેસં સિક્ખાપદદ્વયેપિ ઉત્તાનમેવ.
789. Dvādasame – lahupāvuraṇanti uṇhakāle pāvuraṇaṃ. Sesaṃ sikkhāpadadvayepi uttānameva.
છસમુટ્ઠાનં – કિરિયં, નોસઞ્ઞાવિમોક્ખં, અચિત્તકં, પણ્ણત્તિવજ્જં, કાયકમ્મં, વચીકમ્મં, તિચિત્તં, તિવેદનન્તિ.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
દ્વાદસમસિક્ખાપદં.
Dvādasamasikkhāpadaṃ.
ઉદ્દિટ્ઠા ખો અય્યાયો તિંસ નિસ્સગ્ગિયા પાચિત્તિયા ધમ્માતિ એત્થ મહાવિભઙ્ગે ચીવરવગ્ગતો ધોવનઞ્ચ પટિગ્ગહણઞ્ચાતિ દ્વે સિક્ખાપદાનિ અપનેત્વા અકાલચીવરં કાલચીવરન્તિ અધિટ્ઠહિત્વા ભાજિતસિક્ખાપદેન ચ પરિવત્તેત્વા અચ્છિન્નચીવરેન ચ પઠમવગ્ગો પૂરેતબ્બો. પુન એળકલોમવગ્ગસ્સ આદિતો સત્ત સિક્ખાપદાનિ અપનેત્વા સત્ત અઞ્ઞદત્થિકાનિ પક્ખિપિત્વા દુતિયવગ્ગો પૂરેતબ્બો. તતિયવગ્ગતો પઠમપત્તં વસ્સિકસાટિકં આરઞ્ઞકસિક્ખાપદન્તિ ઇમાનિ તીણિ અપનેત્વા પત્તસન્નિચયગરુપાવુરણલહુપાવુરણસિક્ખાપદેહિ તતિયવગ્ગો પૂરેતબ્બો. ઇતિ ભિક્ખુનીનં દ્વાદસ સિક્ખાપદાનિ એકતોપઞ્ઞત્તાનિ, અટ્ઠારસ ઉભતોપઞ્ઞત્તાનીતિ એવં સબ્બેપિ પાતિમોક્ખુદ્દેસમગ્ગેન ‘‘ઉદ્દિટ્ઠા ખો અય્યાયો તિંસ નિસ્સગ્ગિયા પાચિત્તિયા ધમ્મા’’તિ એવમેત્થ અત્થો દટ્ઠબ્બો. સેસં વુત્તનયમેવાતિ.
Uddiṭṭhā kho ayyāyo tiṃsa nissaggiyā pācittiyā dhammāti ettha mahāvibhaṅge cīvaravaggato dhovanañca paṭiggahaṇañcāti dve sikkhāpadāni apanetvā akālacīvaraṃ kālacīvaranti adhiṭṭhahitvā bhājitasikkhāpadena ca parivattetvā acchinnacīvarena ca paṭhamavaggo pūretabbo. Puna eḷakalomavaggassa ādito satta sikkhāpadāni apanetvā satta aññadatthikāni pakkhipitvā dutiyavaggo pūretabbo. Tatiyavaggato paṭhamapattaṃ vassikasāṭikaṃ āraññakasikkhāpadanti imāni tīṇi apanetvā pattasannicayagarupāvuraṇalahupāvuraṇasikkhāpadehi tatiyavaggo pūretabbo. Iti bhikkhunīnaṃ dvādasa sikkhāpadāni ekatopaññattāni, aṭṭhārasa ubhatopaññattānīti evaṃ sabbepi pātimokkhuddesamaggena ‘‘uddiṭṭhā kho ayyāyo tiṃsa nissaggiyā pācittiyā dhammā’’ti evamettha attho daṭṭhabbo. Sesaṃ vuttanayamevāti.
સમન્તપાસાદિકાય વિનયસંવણ્ણનાય ભિક્ખુનીવિભઙ્ગે
Samantapāsādikāya vinayasaṃvaṇṇanāya bhikkhunīvibhaṅge
તિંસકવણ્ણના નિટ્ઠિતા.
Tiṃsakavaṇṇanā niṭṭhitā.
નિસ્સગ્ગિયકણ્ડં નિટ્ઠિતં.
Nissaggiyakaṇḍaṃ niṭṭhitaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૧૨. દ્વાદસમસિક્ખાપદં • 12. Dvādasamasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૨. દુતિયનિસ્સગ્ગિયાદિપાચિત્તિયસિક્ખાપદવણ્ણના • 2. Dutiyanissaggiyādipācittiyasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૨. દ્વાદસમનિસ્સગ્ગિયપાચિત્તિયસિક્ખાપદં • 12. Dvādasamanissaggiyapācittiyasikkhāpadaṃ
