| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
12. д̣̇ваад̣̇асамасигкаабад̣̇ам̣
12. Dvādasamasikkhāpadaṃ
788. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкуний б̣ахуссуд̇аа ход̇и бхаан̣игаа висаарад̣̇аа баддаа д̇хаммим̣ гат̇ам̣ гаад̇ум̣. ат̇а ко рааж̇аа басзнад̣̇и госало ун̣хагаалз махаг̇гхам̣ комам̣ баарубид̇ваа язна т̇уллананд̣̇аа бхигкуний д̇знубасан̇гами; убасан̇гамид̇ваа т̇уллананд̣̇ам̣ бхигкуним̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко рааж̇аанам̣ басзнад̣̇им̣ госалам̣ т̇уллананд̣̇аа бхигкуний д̇хаммияаа гат̇ааяа санд̣̇ассзси самаад̣̇абзси самуд̇д̇зж̇зси самбахам̣сзси. ат̇а ко рааж̇аа басзнад̣̇и госало т̇уллананд̣̇ааяа бхигкунияаа д̇хаммияаа гат̇ааяа санд̣̇ассид̇о самаад̣̇абид̇о самуд̇д̇зж̇ид̇о самбахам̣сид̇о т̇уллананд̣̇ам̣ бхигкуним̣ зд̇ад̣̇авожа – ‘‘вад̣̇зяяааси, аяяз, язна ад̇т̇о’’д̇и . ‘‘сажз мз д̇вам̣, махаарааж̇а, д̣̇аад̇угаамоси, имам̣ комам̣ д̣̇зхий’’д̇и. ат̇а ко рааж̇аа басзнад̣̇и госало т̇уллананд̣̇ааяа бхигкунияаа комам̣ д̣̇ад̇ваа удтааяаасанаа т̇уллананд̣̇ам̣ бхигкуним̣ абхиваад̣̇зд̇ваа бад̣̇агкин̣ам̣ гад̇ваа баггаами. мануссаа уж̇жхааяанд̇и кияяанд̇и вибаажзнд̇и – ‘‘махижчаа имаа бхигкунияо асанд̇удтаа. гат̇ан̃хи наама рааж̇аанам̣ комам̣ вин̃н̃аабзссанд̇ий’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа рааж̇аанам̣ комам̣ вин̃н̃аабзссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний рааж̇аанам̣ комам̣ вин̃н̃аабзд̇ийд̇и 1? ‘‘сажжам̣, бхаг̇аваад̇и’’. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний рааж̇аанам̣ комам̣ вин̃н̃аабзссад̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
788. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunī bahussutā hoti bhāṇikā visāradā paṭṭā dhammiṃ kathaṃ kātuṃ. Atha kho rājā pasenadi kosalo uṇhakāle mahagghaṃ khomaṃ pārupitvā yena thullanandā bhikkhunī tenupasaṅkami; upasaṅkamitvā thullanandaṃ bhikkhuniṃ abhivādetvā ekamantaṃ nisīdi. Ekamantaṃ nisinnaṃ kho rājānaṃ pasenadiṃ kosalaṃ thullanandā bhikkhunī dhammiyā kathāya sandassesi samādapesi samuttejesi sampahaṃsesi. Atha kho rājā pasenadi kosalo thullanandāya bhikkhuniyā dhammiyā kathāya sandassito samādapito samuttejito sampahaṃsito thullanandaṃ bhikkhuniṃ etadavoca – ‘‘vadeyyāsi, ayye, yena attho’’ti . ‘‘Sace me tvaṃ, mahārāja, dātukāmosi, imaṃ khomaṃ dehī’’ti. Atha kho rājā pasenadi kosalo thullanandāya bhikkhuniyā khomaṃ datvā uṭṭhāyāsanā thullanandaṃ bhikkhuniṃ abhivādetvā padakkhiṇaṃ katvā pakkāmi. Manussā ujjhāyanti khiyyanti vipācenti – ‘‘mahicchā imā bhikkhuniyo asantuṭṭhā. Kathañhi nāma rājānaṃ khomaṃ viññāpessantī’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā rājānaṃ khomaṃ viññāpessatī’’ti…pe… saccaṃ kira, bhikkhave, thullanandā bhikkhunī rājānaṃ khomaṃ viññāpetīti 2? ‘‘Saccaṃ, bhagavāti’’. Vigarahi buddho bhagavā…pe… kathañhi nāma, bhikkhave, thullanandā bhikkhunī rājānaṃ khomaṃ viññāpessati! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
789. ‘‘лахубаавуран̣ам̣ бана бхигкунияаа жзд̇аабзнд̇ияаа ад̣дхад̇зяяагам̣сабарамам̣ жзд̇аабзд̇аб̣б̣ам̣. д̇ад̇о жз уд̇д̇ари жзд̇аабзяяа, ниссаг̇г̇ияам̣ баажид̇д̇ияа’’нд̇и.
789.‘‘Lahupāvuraṇaṃpana bhikkhuniyā cetāpentiyā aḍḍhateyyakaṃsaparamaṃ cetāpetabbaṃ. Tato ce uttari cetāpeyya, nissaggiyaṃ pācittiya’’nti.
790. лахубаавуран̣ам̣ наама яам̣ гин̃жи ун̣хагаалз баавуран̣ам̣.
790.Lahupāvuraṇaṃ nāma yaṃ kiñci uṇhakāle pāvuraṇaṃ.
жзд̇аабзнд̇ияаад̇и вин̃н̃аабзнд̇ияаа.
Cetāpentiyāti viññāpentiyā.
ад̣дхад̇зяяагам̣сабарамам̣ жзд̇аабзд̇аб̣б̣анд̇и д̣̇асагахаабан̣аг̇гханагам̣ жзд̇аабзд̇аб̣б̣ам̣.
Aḍḍhateyyakaṃsaparamaṃ cetāpetabbanti dasakahāpaṇagghanakaṃ cetāpetabbaṃ.
д̇ад̇о жз уд̇д̇ари жзд̇аабзяяаад̇и д̇ад̇уд̇д̇ари вин̃н̃аабзд̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа згабхигкунияаа ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, аяяз, лахубаавуран̣ам̣ ад̇ирзгаад̣дхад̇зяяагам̣сабарамам̣ жзд̇аабид̇ам̣ ниссаг̇г̇ияам̣, имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… аяяааяа д̣̇аммийд̇и.
Tato ce uttari cetāpeyyāti tatuttari viññāpeti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā ekabhikkhuniyā vā. Evañca pana, bhikkhave, nissajjitabbaṃ…pe… idaṃ me, ayye, lahupāvuraṇaṃ atirekaaḍḍhateyyakaṃsaparamaṃ cetāpitaṃ nissaggiyaṃ, imāhaṃ saṅghassa nissajjāmīti…pe… dadeyyāti…pe… dadeyyunti…pe… ayyāya dammīti.
791. ад̇ирзгаад̣дхад̇зяяагам̣сз ад̇ирзгасан̃н̃аа жзд̇аабзд̇и, ниссаг̇г̇ияам̣ баажид̇д̇ияам̣. ад̇ирзгаад̣дхад̇зяяагам̣сз взмад̇игаа жзд̇аабзд̇и, ниссаг̇г̇ияам̣ баажид̇д̇ияам̣. ад̇ирзгаад̣дхад̇зяяагам̣сз уунагасан̃н̃аа жзд̇аабзд̇и, ниссаг̇г̇ияам̣ баажид̇д̇ияам̣.
791. Atirekaaḍḍhateyyakaṃse atirekasaññā cetāpeti, nissaggiyaṃ pācittiyaṃ. Atirekaaḍḍhateyyakaṃse vematikā cetāpeti, nissaggiyaṃ pācittiyaṃ. Atirekaaḍḍhateyyakaṃse ūnakasaññā cetāpeti, nissaggiyaṃ pācittiyaṃ.
уунагаад̣дхад̇зяяагам̣сз ад̇ирзгасан̃н̃аа, аабад̇д̇и д̣̇уггадасса. уунагаад̣дхад̇зяяагам̣сз взмад̇игаа, аабад̇д̇и д̣̇уггадасса. уунагаад̣дхад̇зяяагам̣сз уунагасан̃н̃аа , анаабад̇д̇и.
Ūnakaaḍḍhateyyakaṃse atirekasaññā, āpatti dukkaṭassa. Ūnakaaḍḍhateyyakaṃse vematikā, āpatti dukkaṭassa. Ūnakaaḍḍhateyyakaṃse ūnakasaññā , anāpatti.
792. анаабад̇д̇и ад̣дхад̇зяяагам̣сабарамам̣ жзд̇аабзд̇и, уунагаад̣дхад̇зяяагам̣сабарамам̣ жзд̇аабзд̇и, н̃аад̇агаанам̣, баваарид̇аанам̣, ан̃н̃ассад̇т̇ааяа, ад̇д̇ано д̇ханзна, махаг̇гхам̣ жзд̇аабзд̇угаамасса аббаг̇гхам̣ жзд̇аабзд̇и, уммад̇д̇игааяа, аад̣̇игаммигааяаад̇и.
792. Anāpatti aḍḍhateyyakaṃsaparamaṃ cetāpeti, ūnakaaḍḍhateyyakaṃsaparamaṃ cetāpeti, ñātakānaṃ, pavāritānaṃ, aññassatthāya, attano dhanena, mahagghaṃ cetāpetukāmassa appagghaṃ cetāpeti, ummattikāya, ādikammikāyāti.
д̣̇ваад̣̇асамасигкаабад̣̇ам̣ нидтид̇ам̣.
Dvādasamasikkhāpadaṃ niṭṭhitaṃ.
уд̣̇д̣̇идтаа ко, аяяааяо, д̇им̣са ниссаг̇г̇ияаа баажид̇д̇ияаа д̇хаммаа. д̇ад̇т̇ааяяааяо бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.
Uddiṭṭhā kho, ayyāyo, tiṃsa nissaggiyā pācittiyā dhammā. Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
бхигкунивибхан̇г̇з ниссаг̇г̇ияаган̣д̣ам̣ нидтид̇ам̣.
Bhikkhunivibhaṅge nissaggiyakaṇḍaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / д̣̇ваад̣̇асаманиссаг̇г̇ияабаажид̇д̇ияасигкаабад̣̇аван̣н̣анаа • Dvādasamanissaggiyapācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. ниссаг̇г̇ияаган̣д̣ам̣ (бхигкунийвибхан̇г̇аван̣н̣анаа) • 3. Nissaggiyakaṇḍaṃ (bhikkhunīvibhaṅgavaṇṇanā)
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 2. д̣̇уд̇ияаниссаг̇г̇ияаад̣̇ибаажид̇д̇ияасигкаабад̣̇аван̣н̣анаа • 2. Dutiyanissaggiyādipācittiyasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 12. д̣̇ваад̣̇асаманиссаг̇г̇ияабаажид̇д̇ияасигкаабад̣̇ам̣ • 12. Dvādasamanissaggiyapācittiyasikkhāpadaṃ
