| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
12. д̣̇ваад̣̇асамасигкаабад̣̇ам̣
12. Dvādasamasikkhāpadaṃ
1219. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна бхигкунияо аногаасагад̇ам̣ бхигкум̣ бан̃хам̣ бужчанд̇и. бхигкуу уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо аногаасагад̇ам̣ бхигкум̣ бан̃хам̣ бужчиссанд̇ий’’д̇и…бз… сажжам̣ гира, бхигкавз, бхигкунияо аногаасагад̇ам̣ бхигкум̣ бан̃хам̣ бужчанд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, бхигкунияо аногаасагад̇ам̣ бхигкум̣ бан̃хам̣ бужчиссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1219. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena bhikkhuniyo anokāsakataṃ bhikkhuṃ pañhaṃ pucchanti. Bhikkhū ujjhāyanti khiyyanti vipācenti – ‘‘kathañhi nāma bhikkhuniyo anokāsakataṃ bhikkhuṃ pañhaṃ pucchissantī’’ti…pe… saccaṃ kira, bhikkhave, bhikkhuniyo anokāsakataṃ bhikkhuṃ pañhaṃ pucchantīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, bhikkhuniyo anokāsakataṃ bhikkhuṃ pañhaṃ pucchissanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1220. ‘‘яаа бана бхигкуний аногаасагад̇ам̣ бхигкум̣ бан̃хам̣ бужчзяяа, баажид̇д̇ияа’’нд̇и.
1220.‘‘Yā pana bhikkhunī anokāsakataṃ bhikkhuṃ pañhaṃ puccheyya, pācittiya’’nti.
1221. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1221.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
аногаасагад̇анд̇и анаабужчаа. бхигкунд̇и убасамбаннам̣. бан̃хам̣ бужчзяяаад̇и суд̇д̇анд̇з огаасам̣ гаараабзд̇ваа винаяам̣ ваа абхид̇хаммам̣ ваа бужчад̇и, аабад̇д̇и баажид̇д̇ияасса. винаяз огаасам̣ гаараабзд̇ваа суд̇д̇анд̇ам̣ ваа абхид̇хаммам̣ ваа бужчад̇и, аабад̇д̇и баажид̇д̇ияасса. абхид̇хаммз огаасам̣ гаараабзд̇ваа суд̇д̇анд̇ам̣ ваа винаяам̣ ваа бужчад̇и, аабад̇д̇и баажид̇д̇ияасса.
Anokāsakatanti anāpucchā. Bhikkhunti upasampannaṃ. Pañhaṃ puccheyyāti suttante okāsaṃ kārāpetvā vinayaṃ vā abhidhammaṃ vā pucchati, āpatti pācittiyassa. Vinaye okāsaṃ kārāpetvā suttantaṃ vā abhidhammaṃ vā pucchati, āpatti pācittiyassa. Abhidhamme okāsaṃ kārāpetvā suttantaṃ vā vinayaṃ vā pucchati, āpatti pācittiyassa.
1222. анаабужчид̇з анаабужчид̇асан̃н̃аа бан̃хам̣ бужчад̇и, аабад̇д̇и баажид̇д̇ияасса. анаабужчид̇з взмад̇игаа бан̃хам̣ бужчад̇и, аабад̇д̇и баажид̇д̇ияасса. анаабужчид̇з аабужчид̇асан̃н̃аа бан̃хам̣ бужчад̇и, аабад̇д̇и баажид̇д̇ияасса.
1222. Anāpucchite anāpucchitasaññā pañhaṃ pucchati, āpatti pācittiyassa. Anāpucchite vematikā pañhaṃ pucchati, āpatti pācittiyassa. Anāpucchite āpucchitasaññā pañhaṃ pucchati, āpatti pācittiyassa.
аабужчид̇з анаабужчид̇асан̃н̃аа, аабад̇д̇и д̣̇уггадасса. аабужчид̇з взмад̇игаа, аабад̇д̇и д̣̇уггадасса. аабужчид̇з аабужчид̇асан̃н̃аа, анаабад̇д̇и.
Āpucchite anāpucchitasaññā, āpatti dukkaṭassa. Āpucchite vematikā, āpatti dukkaṭassa. Āpucchite āpucchitasaññā, anāpatti.
1223. анаабад̇д̇и огаасам̣ гаараабзд̇ваа бужчад̇и, анод̣̇исса огаасам̣ гаараабзд̇ваа яад̇т̇а гад̇т̇ажи бужчад̇и, уммад̇д̇игааяа, аад̣̇игаммигааяаад̇и.
1223. Anāpatti okāsaṃ kārāpetvā pucchati, anodissa okāsaṃ kārāpetvā yattha katthaci pucchati, ummattikāya, ādikammikāyāti.
д̣̇ваад̣̇асамасигкаабад̣̇ам̣ нидтид̇ам̣.
Dvādasamasikkhāpadaṃ niṭṭhitaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 12. д̣̇ваад̣̇асамасигкаабад̣̇аван̣н̣анаа • 12. Dvādasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 11. згаад̣̇асамаад̣̇исигкаабад̣̇аван̣н̣анаа • 11. Ekādasamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 12. д̣̇ваад̣̇асамасигкаабад̣̇ам̣ • 12. Dvādasamasikkhāpadaṃ
