| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
3. д̣̇взбхааг̇асигкаабад̣̇ам̣
3. Dvebhāgasikkhāpadaṃ
552. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкуу – ‘‘бхаг̇авад̇аа бадигкид̇д̇ам̣ суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзд̇у’’нд̇и, д̇з т̇огам̣язва од̣̇аад̇ам̣ анд̇з аад̣̇ияид̇ваа д̇ат̇зва суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзнд̇и. яз д̇з бхигкуу аббижчаа… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкуу т̇огам̣язва од̣̇аад̇ам̣ анд̇з аад̣̇ияид̇ваа д̇ат̇зва суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзссанд̇ий’’д̇и! ат̇а ко д̇з бхигкуу чаб̣б̣аг̇г̇ияз бхигкуу анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇умхз, бхигкавз, т̇огам̣язва од̣̇аад̇ам̣ анд̇з аад̣̇ияид̇ваа д̇ат̇зва суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзт̇аа’’д̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама д̇умхз, могхабурисаа, т̇огам̣язва од̣̇аад̇ам̣ анд̇з аад̣̇ияид̇ваа д̇ат̇зва суд̣̇д̇хагаал̣агаанам̣ зл̣агаломаанам̣ сант̇ад̇ам̣ гаараабзссат̇а! нзд̇ам̣, могхабурисаа, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
552. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhū – ‘‘bhagavatā paṭikkhittaṃ suddhakāḷakānaṃ eḷakalomānaṃ santhataṃ kārāpetu’’nti, te thokaṃyeva odātaṃ ante ādiyitvā tatheva suddhakāḷakānaṃ eḷakalomānaṃ santhataṃ kārāpenti. Ye te bhikkhū appicchā… te ujjhāyanti khiyyanti vipācenti – ‘‘kathañhi nāma chabbaggiyā bhikkhū thokaṃyeva odātaṃ ante ādiyitvā tatheva suddhakāḷakānaṃ eḷakalomānaṃ santhataṃ kārāpessantī’’ti! Atha kho te bhikkhū chabbaggiye bhikkhū anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tumhe, bhikkhave, thokaṃyeva odātaṃ ante ādiyitvā tatheva suddhakāḷakānaṃ eḷakalomānaṃ santhataṃ kārāpethā’’ti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma tumhe, moghapurisā, thokaṃyeva odātaṃ ante ādiyitvā tatheva suddhakāḷakānaṃ eḷakalomānaṃ santhataṃ kārāpessatha! Netaṃ, moghapurisā, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
553. ‘‘навам̣ бана бхигкунаа сант̇ад̇ам̣ гаараяамаанзна д̣̇вз бхааг̇аа суд̣̇д̇хагаал̣агаанам̣ зл̣агаломаанам̣ аад̣̇аад̇аб̣б̣аа д̇ад̇ияам̣ од̣̇аад̇аанам̣ жад̇уд̇т̇ам̣ г̇ожарияаанам̣ . анаад̣̇аа жз бхигку д̣̇вз бхааг̇з суд̣̇д̇хагаал̣агаанам̣ зл̣агаломаанам̣ д̇ад̇ияам̣ од̣̇аад̇аанам̣ жад̇уд̇т̇ам̣ г̇ожарияаанам̣ навам̣ сант̇ад̇ам̣ гаараабзяяа, ниссаг̇г̇ияам̣ баажид̇д̇ияа’’нд̇и.
553.‘‘Navaṃ pana bhikkhunā santhataṃ kārayamānena dve bhāgā suddhakāḷakānaṃ eḷakalomānaṃ ādātabbā tatiyaṃ odātānaṃ catutthaṃ gocariyānaṃ . Anādā ce bhikkhu dve bhāge suddhakāḷakānaṃ eḷakalomānaṃ tatiyaṃ odātānaṃ catutthaṃ gocariyānaṃ navaṃ santhataṃ kārāpeyya, nissaggiyaṃ pācittiya’’nti.
554. навам̣ наама гаран̣ам̣ убаад̣̇ааяа вужжад̇и.
554.Navaṃ nāma karaṇaṃ upādāya vuccati.
сант̇ад̇ам̣ наама сант̇арид̇ваа гад̇ам̣ ход̇и авааяимам̣.
Santhataṃ nāma santharitvā kataṃ hoti avāyimaṃ.
гаараяамаанзнаад̇и гаронд̇о ваа гаараабзнд̇о ваа.
Kārayamānenāti karonto vā kārāpento vā.
д̣̇вз бхааг̇аа суд̣̇д̇хагаал̣агаанам̣ зл̣агаломаанам̣ аад̣̇аад̇аб̣б̣аад̇и д̇хаараяид̇ваа д̣̇вз д̇улаа аад̣̇аад̇аб̣б̣аа.
Dve bhāgā suddhakāḷakānaṃ eḷakalomānaṃ ādātabbāti dhārayitvā dve tulā ādātabbā.
д̇ад̇ияам̣ од̣̇аад̇аананд̇и д̇улам̣ од̣̇аад̇аанам̣.
Tatiyaṃ odātānanti tulaṃ odātānaṃ.
жад̇уд̇т̇ам̣ г̇ожарияаананд̇и д̇улам̣ г̇ожарияаанам̣.
Catutthaṃ gocariyānanti tulaṃ gocariyānaṃ.
анаад̣̇аа жз бхигку д̣̇вз бхааг̇з суд̣̇д̇хагаал̣агаанам̣ зл̣агаломаанам̣ д̇ад̇ияам̣ од̣̇аад̇аанам̣ жад̇уд̇т̇ам̣ г̇ожарияаананд̇и. анаад̣̇ияид̇ваа д̣̇вз д̇улз суд̣̇д̇хагаал̣агаанам̣ зл̣агаломаанам̣ д̇улам̣ од̣̇аад̇аанам̣ д̇улам̣ г̇ожарияаанам̣ навам̣ сант̇ад̇ам̣ гарод̇и ваа гаараабзд̇и ваа баяог̇з д̣̇уггадам̣, бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, сант̇ад̇ам̣ анаад̣̇ияид̇ваа д̣̇вз д̇улз суд̣̇д̇хагаал̣агаанам̣ зл̣агаломаанам̣ д̇улам̣ од̣̇аад̇аанам̣ д̇улам̣ г̇ожарияаанам̣ гаараабид̇ам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Anādāce bhikkhu dve bhāge suddhakāḷakānaṃ eḷakalomānaṃ tatiyaṃ odātānaṃ catutthaṃ gocariyānanti. Anādiyitvā dve tule suddhakāḷakānaṃ eḷakalomānaṃ tulaṃ odātānaṃ tulaṃ gocariyānaṃ navaṃ santhataṃ karoti vā kārāpeti vā payoge dukkaṭaṃ, paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, santhataṃ anādiyitvā dve tule suddhakāḷakānaṃ eḷakalomānaṃ tulaṃ odātānaṃ tulaṃ gocariyānaṃ kārāpitaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
555. ад̇д̇анаа виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣. ад̇д̇анаа виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣. барзхи виббагад̇ам̣ ад̇д̇анаа барияосаабзд̇и, ниссаг̇г̇ияам̣ баажид̇д̇ияам̣ . барзхи виббагад̇ам̣ барзхи барияосаабзд̇и, ниссаг̇г̇ияам̣ баажид̇д̇ияам̣.
555. Attanā vippakataṃ attanā pariyosāpeti, nissaggiyaṃ pācittiyaṃ. Attanā vippakataṃ parehi pariyosāpeti, nissaggiyaṃ pācittiyaṃ. Parehi vippakataṃ attanā pariyosāpeti, nissaggiyaṃ pācittiyaṃ . Parehi vippakataṃ parehi pariyosāpeti, nissaggiyaṃ pācittiyaṃ.
ан̃н̃ассад̇т̇ааяа гарод̇и ваа гаараабзд̇и ваа, аабад̇д̇и д̣̇уггадасса. ан̃н̃зна гад̇ам̣ бадилабхид̇ваа барибхун̃ж̇ад̇и, аабад̇д̇и д̣̇уггадасса.
Aññassatthāya karoti vā kārāpeti vā, āpatti dukkaṭassa. Aññena kataṃ paṭilabhitvā paribhuñjati, āpatti dukkaṭassa.
556. анаабад̇д̇и д̇улам̣ од̣̇аад̇аанам̣ д̇улам̣ г̇ожарияаанам̣ аад̣̇ияид̇ваа гарод̇и, б̣ахуд̇арам̣ од̣̇аад̇аанам̣ б̣ахуд̇арам̣ г̇ожарияаанам̣ аад̣̇ияид̇ваа гарод̇и, суд̣̇д̇хам̣ од̣̇аад̇аанам̣ суд̣̇д̇хам̣ г̇ожарияаанам̣ аад̣̇ияид̇ваа гарод̇и, вид̇аанам̣ ваа бхуумад̇т̇аран̣ам̣ ваа саан̣ибаагаарам̣ ваа бхисим̣ ваа б̣иб̣б̣оханам̣ ваа гарод̇и, уммад̇д̇агасса, аад̣̇игаммигассаад̇и.
556. Anāpatti tulaṃ odātānaṃ tulaṃ gocariyānaṃ ādiyitvā karoti, bahutaraṃ odātānaṃ bahutaraṃ gocariyānaṃ ādiyitvā karoti, suddhaṃ odātānaṃ suddhaṃ gocariyānaṃ ādiyitvā karoti, vitānaṃ vā bhūmattharaṇaṃ vā sāṇipākāraṃ vā bhisiṃ vā bibbohanaṃ vā karoti, ummattakassa, ādikammikassāti.
д̣̇взбхааг̇асигкаабад̣̇ам̣ нидтид̇ам̣ д̇ад̇ияам̣.
Dvebhāgasikkhāpadaṃ niṭṭhitaṃ tatiyaṃ.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 3. д̣̇взбхааг̇асигкаабад̣̇аван̣н̣анаа • 3. Dvebhāgasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. д̣̇взбхааг̇асигкаабад̣̇аван̣н̣анаа • 3. Dvebhāgasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 3. д̣̇взбхааг̇асигкаабад̣̇аван̣н̣анаа • 3. Dvebhāgasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. госияасигкаабад̣̇аван̣н̣анаа • 1. Kosiyasikkhāpadavaṇṇanā
