| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૩. દ્વેભાગસિક્ખાપદવણ્ણના
3. Dvebhāgasikkhāpadavaṇṇanā
૫૫૨. તેન સમયેનાતિ દ્વેભાગસિક્ખાપદં. તત્થ અન્તે આદિયિત્વાતિ સન્થતસ્સ અન્તે અનુવાતં વિય દસ્સેત્વા ઓદાતં અલ્લિયાપેત્વા.
552.Tena samayenāti dvebhāgasikkhāpadaṃ. Tattha ante ādiyitvāti santhatassa ante anuvātaṃ viya dassetvā odātaṃ alliyāpetvā.
દ્વે ભાગાતિ દ્વે કોટ્ઠાસા. આદાતબ્બાતિ ગહેતબ્બા. ગોચરિયાનન્તિ કપિલવણ્ણાનં. દ્વે તુલા આદાતબ્બાતિ ચતૂહિ તુલાહિ કારેતુકામં સન્ધાય વુત્તં. અત્થતો પન યત્તકેહિ એળકલોમેહિ કાતુકામો હોતિ, તેસુ દ્વે કોટ્ઠાસા કાળકાનં એકો ઓદાતાનં, એકો ગોચરિયાનન્તિ ઇદમેવ દસ્સિતં હોતીતિ વેદિતબ્બં. સેસં ઉત્તાનત્થમેવ.
Dve bhāgāti dve koṭṭhāsā. Ādātabbāti gahetabbā. Gocariyānanti kapilavaṇṇānaṃ. Dve tulā ādātabbāti catūhi tulāhi kāretukāmaṃ sandhāya vuttaṃ. Atthato pana yattakehi eḷakalomehi kātukāmo hoti, tesu dve koṭṭhāsā kāḷakānaṃ eko odātānaṃ, eko gocariyānanti idameva dassitaṃ hotīti veditabbaṃ. Sesaṃ uttānatthameva.
સમુટ્ઠાનાદીનિપિ કોસિયસિક્ખાપદસદિસાનેવ. કેવલં ઇદં આદાય અનાદાય ચ કરણતો કિરિયાકિરિયં વેદિતબ્બન્તિ.
Samuṭṭhānādīnipi kosiyasikkhāpadasadisāneva. Kevalaṃ idaṃ ādāya anādāya ca karaṇato kiriyākiriyaṃ veditabbanti.
દ્વેભાગસિક્ખાપદવણ્ણના નિટ્ઠિતા.
Dvebhāgasikkhāpadavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૩. દ્વેભાગસિક્ખાપદં • 3. Dvebhāgasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૩. દ્વેભાગસિક્ખાપદવણ્ણના • 3. Dvebhāgasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૩. દ્વેભાગસિક્ખાપદવણ્ણના • 3. Dvebhāgasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૧. કોસિયસિક્ખાપદવણ્ણના • 1. Kosiyasikkhāpadavaṇṇanā
